“Запеало славеј пиле” нов студиски албум на Елена Андоновска

Антонио Димитриевски — Wed, 30 Dec 2020 11:00:03 +0000

Познатата и веќе докажана пејачка на македонски народни песни, младата Елена Андоновска со задоволство сподели интересна и убава информација на која веруваме многумина на македонската музичка сцена ќе се израдуваат. Во година кога ретко кој снимаше, продуцираше и коронавирусот беше нашето скојдневние, за жал,… Елена не застана и заедно со своите соработници упорно го снимаше и конечно го заврши нејзиниот втор студиски албум насловен “Запеало славеј пиле”. Ова ново музичко парче исполнето со 10 македонски народни песни отпеани во нов аранжман, на кое што сите ние треба да бидеме горди, е подржано и од Министерството за култура, како дел од програмата за проекти од национален интерес на Република Македонија за 2020-та година. Во реализацијата на овој музички проект учество земаа голем број на познати македонски музички имиња, некои веќе докажани, а за некој допрва и ќе се дознава и слуша. Меѓу сите нив ќе ги споменеме: Дарко Илиевски, Александар Јовевски, Марјан Андоновски, Илија Филиповски, Андреј Трајковски, Филип Николовски… и уште многу, многу други кои да не беа овој проект можеби и немаше да биде она што е денес. Андоновска за Музика24 вели дека во текот на наредната година јавноста, публиката и сите оние кои ја сакаат, негуваат и слушаат македонската народна песна и музика ќе имаат можност и привилегија да бидат дел од многуте концертни проекти кои се веќе во план за следната 2021 година.

нови аранжмани – Вистина.мк

“Запеало славеј пиле” нов студиски албум на Елена Андоновска