нова врска – Вистина.мк

Селена Гомез ја потврди врската со Бени Бланко но, фановите ја „нападнаа“ поради тоа (фото)

Слаѓана Атанасова — Tue, 12 Dec 2023 13:17:26 +0000

По бројните неуспешни романтични врски, пејачката и актерка Селена Гомез ја најде среќата покрај продуцентот Бени Бланко, пријател и соработник на нејзиното поранешно момче Џастин Бибер. Според медиумите, парот е во романтична врска шест месеци, а Селена врската ја потврди јавно. - Селена Гомез навидум потврдува дека е во врска - гласеше натписот на фан страницата Popfaction , а пејачката одговори со: „Факт“. Таа, исто така, и се допадна фотографија од фан-страница на која пишува: „Се шпекулира дека Селена Гомез излегува со продуцентот Бени Бланко“. Во еден коментар таа истакна дека Бени и е „апсолутно се“. - Сè уште е подобар од сите со кои сум била. Факт – додала таа. - Со мене се однесуваше подобро од кое било човечко суштество на планетата - напишала младата ѕвезда во друга објава. Сепак, Селена немала поим дека фановите ќе ја нападнат поради нејзината сегашна врска, а колку е изненадена покажува и фактот што во коментарите се „скарала“ со фановите.

View this post on Instagram

A post shared by jhope 💜 (@popfactions)

Некои обожаватели тврдат дека Бени не е најдобриот избор за неа и дека воопшто не одат заедно, што ја повреди пејачката, а таа на своите фанови им порача: - Тие што ме сакаат никогаш не би напишале вакво нешто. Тој е мојот избор и јас сум посреќна од било кога. Фото: Принтскрин/Instagram/selenagomez

Дилема: Можете да почнете нова врска или треба да почекате?

Слаѓана Атанасова — Thu, 19 Oct 2023 10:37:49 +0000

Колку време е потребно за целосно закрепнување по раскинувањето? Точен одговор, за жал, не постои. Сепак, знаеме одличен начин да ви помогнеме да се сфатите себе си и да одлучите дали ќе го поминете периодот пред нас во потрага по љубов или во разговор со себе. Време е да застанете, ставете го на пауза вашиот профил на Tinder и посветете време на интроспекција. Паузата ќе биде најдобриот противотров за нови порази на љубовниот фронт. Дали се трудите да им удоволите другите? Не си дозволувате да ја напуштите куќата без шминка, дури и кога ве мрзи да се нашминкате? Дали се обидувате да изберете секси облека за излегување, иако со задоволство би сакале да одите во удобна маичка и стари фармерки? Постојано заобиколување на сопствените желби за да ги задоволите другите луѓе или она што вие сметате дека го очекуваат од вас, е очигледен знак дека не се прифаќате себе си. Додека не ја засакате својата индивидуалност и не научите да ги цените вашите јаки страни, ќе биде тешко да изградите здрави односи. Можете ли да си го замислите животот без да бидете во врска? Имаме тенденција да ја гледаме самотијата негативно и тоа е наша вина. Обидувајќи се да ја пополниме внатрешната празнина што се појавува по паузата, се обидуваме одново да изградиме сè, без соодветно разбирање за тоа што се случило. Неуспешните романтични врски формираат маѓепсан круг. Паузата меѓу врски е одлична можност да се запознаете себеси и да посветите време на наоѓање хармонија со надворешниот свет. Ваквите моменти се важни за формирање на личноста. Игнорирањето може да доведе до емоционална криза. Дали сè уште мислите на поранешната љубов? Малку е веројатно дека обидот да се „префрлите“ на следниот партнер ќе биде крунисан со успех. Порано или подоцна, „новата љубов“ ќе сфати дека сте се согласиле на состанокот само за да ја „заборавите“ старата на некое време. Ќе недостига безгрижната леснотија и искреност што е присутна помеѓу двајца „тазе“ заљубени, а голема е веројатноста дека во новата врска уште правите потези кои се „мускулна меморија“ од старата врска. Дали чувствувате дека не сте се опоравиле целосно од токсичната врска? Дали по раскинувањето на претходната врска имавте чувство на гадење кон идејата за нова врска? Не можете да го решите ова без помош на психолог. Пред да влезете во нова врска, мора да се справите со тоа што го предизвикало вашето незадоволство и како може вакво сценарио да се избегне во иднина. Извор: Кајгана.мк

Анѓела Ѓуричиќ засекогаш стави точка на врската со Ѕвездан Славниќ: Задругарката си најде ново момче (фото)

Слаѓана Атанасова — Wed, 05 Jul 2023 09:54:20 +0000

Анѓела Ѓуричиќ по раскинувањето со Ѕвездан Славниќ, засекогаш стави точка на нивната врската, а атрактивната Црногорка наводно веќе има ново момче. Според нив, Анѓела е во врска со седум години постарото момче од Будва, кое важи за опасен тип, а за да биде уште полошо за Славниќ, се понудила да сведочи на суд во корист на Ана Ќурчиќ. -Анџела го познава тоа момче одамна, тој е седум години постар од неа и се дружеше со нејзиниот брат. Типот е од Будва, има станови што ги издава, од богато семејство, но го сметаат за опасен во смисла дека така изгледа - вели изворот. - Со Анѓела кога се вратила во Црна Гора, отишле на пијачка, почнале да разговараат за се, тој ја поддржал и и рекол дека нема од што да се срами, бидејќи се заљубила и сите грешат во љубовта. На Анѓела и се допаднало да биде покрај него, па по неколку дена започнале врска. Веднаш заминале во Хрватска на два дена, да побегне од се. Но, тој и рекол дека уште не треба да оди во Белград и дека не гледа смисла да дојде во Србија пред есен. Дури и зборуваа дека ќе одат во Грција да бидат сами. Нејзиното семејство го познава и се многу среќни, важно им е што се оддели од Звездан - открива изворот од Ѓеновиќ. Фото: Принтскрин/Инстаграм/Анѓела Ѓуришиќ

Ако почнавте нова врска применете ги овие 6 работи и момчето ќе ви „јаде од рака“

Слободанка Илиева — Mon, 23 Jan 2023 13:50:26 +0000

Кога ќе почнете да излегувате со некого, постојат неколку работи кои нема да ви бидат проблем, а со кои би можеле да ја „купите“ својата „друга половина“. Понекогаш вие први јавете се или пишете порака Мажите знаат дека треба да ве бркаат, но во свет полн со толку многу опции, убаво е кога ќе покажете вистински интерес за нив. Испраќањето на едноставна порака прашувајќи како им поминал денот ќе ве доведе до врвот на нивната листа. Поставувајте прашања Ова изгледа едноставно. Тоа се вика разговор! Не би поверувале колку момци се жалат на тоа колку малку се интересираат жените за нив за време на состаноците. Уметноста на разговорот е огромна и ќе ве држи во играта многу подолго. Заинтересирајте се за работите што ги сака Без разлика дали тоа е спортски тим, активност или нивниот нов омилен бенд, треба да се интересирате за нивните интереси. Нека зборува за својот омилен фудбалер, дури и ако не ви се допаѓа тој тим (или спортот воопшто). Тој само сака некогаш да го ислушате, како што тој мора да слуша приказна за ќерката на братучедот на вашиот пријател. Испланирајте состанок Постои голем притисок врз мажите да планираат состаноци кои се интересни, забавни и креативни. Убаво е тоа што понекогаш да ја преземете иницијативата и да го запознаете со вашите омилени работи или заедно да пробате нешто сосема ново. Испратете фотографија (или две) Дали се подготвивте да излезете во град со вашите другарки или видовте бонбони во продавницата што му се допаѓаат? Испратете му фотографија некогаш, ќе му биде интересно. Не користете го телефонот на маса, за време на вечерата Кога првпат ќе започнете да излегувате со некого, го сакате неговото неподелено внимание. Вашиот Инстаграм може да почека, дами. Оставете го телефонот во чантата и вадете го само кога одите во тоалет. Исполнете ги овие очекувања и ќе бидете некој што тој сака да го задржи, пренесува „YourTango“. извор:попара.мк

Ова е мистериозното момче на Дениз Дејм: Поранешната задругарка ужива во љубовта (фото)

Слаѓана Атанасова — Mon, 27 Jun 2022 12:24:03 +0000

Изминативе денови јавноста се прашуваше кое е мистериозното момче на Дениз Дејм, контроверзната учесничка на „Задруга“. Имено, Дениз секојдневно објавува жешки видеа и фотографии со своето ново, мистериозно момче, но досега не го претставувала во јавноста. Во врска сум и навистина сум исполнета, но секако има многу проблеми... Посебно за моите „Onlifans“ и провокативниот изглед, па не знам колку ќе трае, но јас сум вљубена - истакнала Дениз, откривајќи како се запознале: „Ми пиша на Инстаграм, тој е интелектуалец, па не ми пристапи банално како повеќето. Тоа ме импресионираше“ - признава поранешната атрактивна задругарка за Пинк.рс.

View this post on Instagram

A post shared by Denise Dame (@denisedameofficiel)

Фото:Принтскрин/Инстаграм/denisedameofficiel/приватна архива

Како да знаете дали премногу рано сте влегле во нова врска по раскинувањето?

Христина Ѓоргиевска — Fri, 19 Nov 2021 14:30:42 +0000

Непишаното правило дека времето на чекање до почнувањето на нова врска е „времето во кое сте биле во претходната врска поделено со 2“, очигледно не важи за сите. Насекаде околу нас, во секојдневниот живот и во светот на славните, гледаме како луѓе „скокаат“ од една врска во друга, а и самите сигурно сте биле во таква ситуација, или сте во моментов. Нема математичко решение за ова, но има неколку знци што укажуваат дека сепак не сте биле подготвени да почнете нова врска, без разлика дали уште не сте ја преболеле старата љубов или едноставно се немате најдено себе си.

Постојано ја спомнувате старата врска

Секако дека вашите претходни врски ќе бидат тема на разговор прашање е само колку често се случува тоа. Ако се фатите како 20 минути зборувате за тоа како бившиот не знаел да мие садови, на вториот состанок со новиот дечко, тоа е аларм што не треба да го игнорирате. Ако се прашувате дали премногу често зборувате за бившиот/бившата или раскинувањето, најверојатно веќе го правите тоа. Ако поминувате многу време прашувајќи се како завршила претходната врска или колку лошо тоа ви се одразило, почнувате да градите ѕид околу себе, а тоа не е начин да почнете нова врска. Новата личност во вашиот живот не е должна да поминува низ овие препреки.

Ја поминувате (речиси) секоја ноќ со новиот партнер

Во која било нова врска не се препорачува да ја поминувате секоја вечер заедно на почеток, бидејќи губите осет за реалниот свет, но е уште поопасно ако тоа го правите откако само што сте излегле од друга врска, особено долга. Кога го правите ова, почнувате да ги игнорирате и запоставувате другите аспекти на вашиот живот – семејството, пријателите, личните интереси, рекреацијата. Исто така, ако сакате да успее новата врска, треба да си дадете личен простор и прилика да си недостигате.

Врската главно се врти околу секс

По (лошо) раскинување, понекогаш само сакате да бакнувате друг човек и да го избришете вкусот на бившиот. Меѓутоа, ако веднаш почнете врска со новиот човек со кој се забавувате, направете чекор наназад. Причината зошто сме толку длабоко повредени по завршувањето на долгогодишна сексуална врска е бидејќи телото поминува низ процес на „одвикнување“, исто како кај зависниците. Дури и ако бившиот/бившата бил/а вистинско ѓубре, сосема е природно да ви недостига физичкиот аспект на врската, од секс до гушкање. Се чувствувате посреќни отколку што навистина сте со новата личност, бидејќи ви ја дава таа толку потребна „доза“ физички контакт.

Постојано се допишувате

Кога сте тазе сингл, ако анјдете некој со кој имате одлична хемија во комуникација преку пораки, тоа веднаш создава зависност. Одеднаш имате некој со кој ќе ја пополните тишината, и иако сте се виделе само два пати имате чувство дека ги знаете цел живот. Честата комуникација преку пораки може да резултира со лажно чувство на интимност, што всушност е само блискост.

Го преплавувате вашиот тајмлајн со фотки во двојка

Откако ќе поминете низ неизбежното чистење на вашите профили на социјалните мрежи од сите траги на претходната врска, си ветувате дека следниот пат ќе објавувате фотки од партнерот само ако е врска за сериозно. А сепак, многумина немаат проблем да објават фотка со личноста со која се забавуваат само три недели. Постојаното објавување фотографии на Facebook, стори на Instagram и чекирања, можеби е одраз на тоа дека повеќе сакате да си докажете себе си, на светот и на бившиот/бившата дека сте продолжиле понатаму и имате нова, сериозна, стабилна врска. Дури и да не сте потресени од раскинувањето, ваквото однесување потсвесно е желба да се покаже дека ви е супер.

Ништо не сте научиле од претходната врска

Дури и ако сте биле во врска со ѓаволот лично, од секоја врска (и раскинување) може да извлечете некаква поука и да научите нешто, вклучувајќи некој ваш неостаток или предупредувачки знаци кои сте ги игнорирале. Ако вашиот единствен заклучок е „Не, едноставно беше ужасно!“, најдобро е да почекате пред да почнете нова врска. Ако веќе имате низа од раскинувања и одбиваме да направиме пауза во која навистина ќе погледнеме наназад и ќе согледаме што е она што може да го понудиме во врската, како очекувања, обврски и вредности, или да размислиме каков тип на личност бираме, тогаш секогаш ќе завршуваме каде што сме почнале, како во магепсан круг.

Супер ви е што новата врска е потполно различна од претходната

Можеби совршено сте оправдани што го презирате бившиот заради неговите лоши навики (невнимателен, неодговорен, постојано играл видеоигри или бил со другарите...), но тоа не значи дека новиот дечко (кој да речеме е организиран, трча маратони и волонтира) е одговор на сите ваши проблеми или дека нема свои маани и несовршености. Истражувањата покажале дека кога сме во фаза на „реанимација“ обично новото го гледаме како попривлечно и подобро отколку што вистина е или барем поразлично отколку кога би го гледале во друга ситуација. Не се залажувајте дека овие површни разлики значат дека сте совршен спој само бидејќи новиот дечко не е како бившиот.

Страв дека пропуштате нешто добро

Можеби ќе се најдете во ситуација да запознаете некој навистина супер, но поминало многу кратко време од раскинувањето на претходната врска и самите знаете дека не сте подготвени за нова. Исто така чувствувате притисок да ги правите нештата побрзо и поинтензивно од страв дека можеби оваа супер личност нема да биде достапна кога вам ќе ви биде погоден периодот да бидете во врска. Експертите советуваат дека најдоброто нешто што може да го направите за себе (а и за другиот) е да бидете искрени со себе. Ако го скокнете овој чекор, се ставате во ризик да влезете во новата врска пред да ја „надраснете“ претходната и да пораснете вие како личност, без да ги испроцесирате нештата. Сосема е ок (дури и одлично!) ако се заљубите повторно малку побрзо отколку што сте очекувале, по раскинувањето. Но, тоа мора да се случи со темпо што вам ви одговара. Кога навистина сте подготвени за врска нема да се грижите дали избрзувате со чувствата и обврските. извор: кајгана

Што по раскинувањето: Знаци дека сте спремни за нова врска

Христина Ѓоргиевска — Tue, 09 Nov 2021 13:15:08 +0000

Никогаш не е лесно да се премине преку раскинување, особено во случај кога вие сте оставен од партнерот. Ако се уште го лекувате повреденото срце, идејата за запознавање некој нов и нова љубовна авантура може да биде привлечна. Но, пред да го направите тоа мора да се уверите дека сте сосема спремни за нова љубов. Кои знаци покажуваат дека сте подготвени за нова љубовна врска.

1. Сте ги залечиле раните

По секое раскинување важно е да си дадете време и простор да ги залечите раните. Иако некои луѓе повторно не би минувале низ сето она што им се случило во минатата врска, сепак е потребен мал дел од внатрешната рефлексија. Само така може да си дадете шанса да го преболите бившиот. Во спротивно ќе завршите со некој кој сигурно ќе ви го скрши срцето.

2. Свесни сте што било погрешно во претходната врска

Без разлика колку долго сте биле заедно со бившиот, важно е по крајот да одвоите време за да го процесуирате тоа што се случило. Од секоја врска може многу да се научи, како за вас самите така и за луѓето со кои бирате да бидете во врска. Кога ќе изведете заклучок за тоа што тргнало наопаку во вашата претходна врска ќе знаете како да не ја повторувате истата грешки, но и на кој начин да ги препознаете сигналите дека нешто не е во ред.

3. Сосем ви е океј кога сте сами

Важен знак кој може да открие дека сте подготвени за нова врска е тоа да се чувствувате добро во сопствената кожа кога сте сами. Ако самотијата ви смета, се покренуваат тешки прашања. Ќе се чувствувате отфрлено, несакано, несреќно, безволно, што е знак дека мора да работите на себе пред да влезете во нова врска. Најздрави се оние врски во кои секој партнер е независна личност, свесна за себе и своите квалитети. извор: кајгана

11 знаци дека влегувате во нова врска премногу рано и што треба да знаете за таквата врска

Христина Ѓоргиевска — Mon, 29 Mar 2021 13:15:15 +0000

Раскинувањето е една од најтешките работи за многу луѓе, особено кога станува збор за врски во кои се вложени многу години, труд, љубов, разбирање, енергија и работа. По раскинувањето следува период на закрепнување, што бара време и дополнителен напор за личноста да закрепне и да се врати на вообичаениот начин на живот. Бидејќи сите луѓе се различни, раскинувањата изгледаат различно кај сите луѓе. Ниту едно закрепнување од раскинувањето не е исто и нема временски период во кој закрепнувањето е загарантирано. За некои луѓе, ова трае неколку месеци, додека некои луѓе не можат да влезат во нова врска со години. Од друга страна, има луѓе кои премногу брзо влегуваат во нови љубовни врски. Таквиот упад се нарекува преодна врска и се карактеризира со недостаток на емоционална приврзаност кон новиот партнер и нецелосно закрепнување од прекинувањето на претходната врска. Луѓето влегуваат во преодна врска од различни причини. Некој ќе го стори тоа намерно, а некој нема да биде целосно свесен за своите постапки. Некогаш може да се наоѓате во преодна врска од другата страна и подоцна да станете свесни за постапките на вашиот нов партнер.

Знаци дека сте во преодна врска

Без оглед на тоа дали влеговте во нова врска свесно или несвесно, постојат одредени знаци кои ќе ви го потврдат тоа:

неодамнешно раскинување
постојано гледање наназад во минатата врска или целосно избегнување на таа тема
брз напредок, принудување и брзање
избегнување емотивно отворање и поврзување
фокусирање исклучиво на секс
давање измешани сигнали
барање внимание и прекумерно уживање во вниманието на партнерот
покажување и фалење со партнерот за колку што е можно повеќе луѓе (вклучувајќи го и поранешниот партнер) да дознаат за вашата нова врска
избегнувате средба со најблиските, односно со семејството и со пријателите
избегнувате планирање на иднината со новиот партнер
краткотрајна врска

Дали преодната врска е здрав и паметен потег?

Во некои случаи, може да се случи личноста да не закрепне целосно од раскинувањето и да влезе во врска со нова личност, па да најде среќа во таа врска. Но, додека многу луѓе уживаат во нечие внимание и секс, повеќето експерти велат дека преодната врска е погрешен потег. Во повеќето случаи, личноста која сè уште жали за поранешниот партнер и за врската не може да воспостави здрава и стабилна врска. Секоја загуба во животот треба да биде прифатена и лекувана така што новиот почеток ќе биде навистина нов почеток, а не бесцелно губење и заплеткување во емоциите. Наместо да брзате во нова врска по раскинувањето, посветете се и работете на себе и одвојте време да закрепнете од сè што ви се случило. Но, ако ви се случи да завршите во преодна врска, не срамете се од тоа или не осудувајте се сами. Понекогаш, преодната врска е исто така начин да сфатите дека сè уште не сте закрепнале и дека тоа е сосема нормално. извор: кафепауза

Емина Јаховиќ проговори по приказната дека е во врска со нов турски милионер

Слободанка Илиева — Thu, 18 Jun 2020 09:31:45 +0000

Турските медиуми објавија дека Емина Јаховиќ започнала нова врска со милионерот по име Салих Чечен, кого го запознала во теретана. Таа вест се прошири и со региналните медиуми, а сега пејачката се огласи по ваквите пишувања. Таа за „Ексклузивно“ посочи дека целата приказна е измислена и дека шпекулациите за новата врска не се вистинити. "Шпекулациите за новата врска не се вистинити, сè е комплетно фабрикувано. Значи, тоа е тоа", рече пејачката и испрати поздрав од летување.

View this post on Instagram

A post shared by Emina Jahovic (@yaemina) on Jun 13, 2020 at 6:48am PDT

5 работи за коишто треба да му се заблагодарите на вашиот поранешен партнер пред да започнете нова врска

Христина Ѓоргиевска — Tue, 24 Mar 2020 14:30:54 +0000

Заблагодарувањето значи да бидете слободни и ви дава моќ да се ослободите од постојаното размислување за врската и да продолжите напред. Исто така, тоа може да ви помогне да погледнете назад на претходните врски и да извлечете нешто позитивно од тие искуства. Можеби мислите дека не вреди повторно да размислувате за вашите претходни врски, но тие ви помогнаа да станете личноста којашто сте сега. Дури и да го мразите секој дел од врската, сигурно можете да најдете причини што ве направиле да бидете тоа што сте денес. Поради тоа, треба да му бидете благодарни на поранешниот партнер за тие искуства. 1. Заблагодарете му се што се грижел за вас За врска се потребни двајца. Можеби треба да направите еден чекор назад и да сфатите дека вашиот поранешен партнер е исто така личност. Има чувства, емоции и прави грешки исто како што ќе прави и следниот. Без разлика дали врската била лоша или добра, треба да бидете свесни за фактот дека тој се грижел за вас. 2. Бидете благодарни што ве натерал да бидете свесни за целата поддршка што ве опкружува По раскинувањето, ништо нема да ви ги отвори очите колку личностите што се покрај вас за да ве утешат. Тие ќе ви даваат совети, ќе ви ги бришат солзите и ќе направат да се чувствувате како да не сте сами во светот. Вие навистина ќе ги цените повеќе тие личности кога ќе сфатите дека се тука за да ви подадат рака кога ќе паднете. 3. Заблагодарете се за целото искуство во врската Сега сте повеќе подготвени за вашата следна врска. Направивте грешки и научивте нешто од нив. Сега уште повеќе знаете што треба да барате во следниот партнер. 4. Бидете благодарни за сè што ве научил Бидете благодарни за вештините што сте ги научиле, на пример како подобро да комуницирате и внимателно да слушате или како не треба да реагирате за време на расправија. Сега сте подобра личност затоа што научивте основни вештини не само за да се справите во романтична врска, туку и со многу други луѓе во животот. 5. Бидете благодарни за спомените Спомените се дел од вашиот живот. Вие ги создадовте заедно со таа личност и тие треба да бидат негувани затоа што кога ќе погледнете назад, на нив ќе гледате поинаку отколку што сте гледале во минатото. извор: kafepauza.mk