нова куќа – Вистина.мк

Татјана Лазаревска и Новица имаа голем повод за честење: Под свој покрив!

Антонио Димитриевски — Thu, 30 Jan 2020 08:44:01 +0000

Брачната двојка македонски фолкери Татјана Лазаревска и Новица Василевски речиси шест години живеат во Мелбурн, Австралија. Однеодамна, тие веќе не се кираџии, зашто си купија нова куќа и веќе се вселија во неа. Татјана и Новица не кажуваат колку чини новиот дом, затоа се пресреќни и што ќе може да уживаат во него заедно со нивните синови, Петар и Стефан, а честитките пристигнаа од сите страни. Деновиве на гости кај нив беше дел од екипата на сателитската ИН ТВ од Македонија и Австралија, кои се пофалија дека навистина прекрасно си поминале таму и дека Татјана и Новица се одлични домаќини и гостопримливи луѓе. Заедно со нив, беа и дел од членовите на групата „Маестрал“ од Битола, кои во моментов се на Австралиска турнеја, па според фотографиите со сигурност може да се каже дека имало одлична македонска дружба. Татјана и Новица и овој пат се покажале како одлични домаќини, секогаш подготвени со преполна софра, и пријателско добредојде да ги дочекаат гостите од родната Македонија. Така, пред извесно време тие ги угостија и Мартин Вучиќ и Бубе - „Фортуна“, кои беа на турнеја во Австралија со националниот ансамбл „Танец“, а Татјана и Новица средба и дружење имаа и со легендата на македонскта фолк музика, пејачката Благица Павловска која пред неколку месеци ги посети во нивниот дом во Мелбурн. Татјана во едно неодамнешно интервју за ИН ТВ, зборуваше за животот во Австралија и колку им било тешко или лесно да се прилагодат на тамошниот живот. „За мене и за Новица апсолутно не беше ништо ново. Со Новица, заедно со Биоритам или јас со други колеги претходно веќе бев седум пати на турнеја во Австралија. Имавме голем круг на пријатели, поддржувачи на нашата музика и љубители на нашите песни. Одлуката падна кога почувствувавме дека во поглед на музиката направивме се што може да се направи во Македонија и без некоја конкретна причина решивме да заминеме“ - истакна Татјана во таа прилика. Таа меѓудругото раскажа дека животот во Австралија е прекрасен, одлично се прифатени од луѓето таму и дека стекнале уште поголем број пријатели. Инаку, Татјана од понеделник до петок се дружи со најмладите, бидејќи работи како учителка во градинка, но викендите и се резервирани за свирки и песни со Новица и нејзините колеги - музичари од Мелбурн. Во меѓувреме, иако не беше ниту 1-ви април ниту „Ноќ на вештерките“, учителката реши „да се маскира“... Или поточно да ја смени бојата на косата, па Татјана од блондинка стана црвенокоса... Или поточно „розова“. Коментарите различни... Едни велат промената е добредојдена, други, под итно да ја врати блонд нијансата, зашто русокосите биле позабавни ( како што пееше и големиот заводник Род Стјуарт), а и посекси! Блонд или пинк, едно е сигурно: Татјана штом застане на сцена и се фати за микрофонот предизвикува... „пожар“! Или што би рекле народски - „пали“!

Прија не излегува од дома, а Филип постојано оди во маалското дуќанче: Само што се доселија во новата куќа, соседите веднаш ги „скенираа“!

Антонио Димитриевски — Thu, 21 Mar 2019 13:35:16 +0000

Александра Пријовиќ и Филип Живоиновиќ, кои неодамна станаа родителите на малиот Александар, својата семејна оаза ја најдоа во крајот, каде што живеат голем број познати личности: Саша Поповиќ, кеба, Ацо Пејовиќ, но и Лепа Брена - белградската населба Бежаниска Коса. „Јас не ги знам лично, и тука сум само околу работата на вратата. Имаа поевтина, па одлучија да стават нова, посигурна и на тој начин дополнително да ја обезбедат куќата. Јас не сум ги сретнал, работам за компанијата која ме ангажира" - рекол работникот кој излегол од нивната куќа. Соседите велат дека често ја гледаат мајката на Филип, Зорица и мајката на Пријовиќ, Борка, кои се преселија да се грижат за внукот. Сепак, брачната двојка - не ја виделе.

„Често излегуваа на прошетка во паркот, додека Александра беше бремена. Или ако Филип не беше дома, таа излегуваше сама. Откако се породи, не сум ја видел. Најверојатно бебето е се' уште мало, така што не може да го остави, но јас сум сигурен дека ќе излезе штом времето ќе се потстопли“ - вели еден сосед. Неколку десетици метри од домот на популарниот пар има продавница, во која синот на Боба Живоиновиќ и Лепа Брена посинок редовно привлекува. „Често го гледам Филип, Александар не доаѓа. Кога Филип ќе влезе во продавница, сè мириса на парфем. Тој купува различни нешта и храна, како и домашни потребштини. Многу е културен и воспитан, секогаш зборува со насмевка. Секогаш остава и добар бакшиш, а еве само неколку дена разговаравме и за Александра. Тука кај нас доаѓаат бројни познати личности: Чола, Кеба, Лукас, Пејовиќ ...“ - се сеќава низ насмевка продавачката Мира. Соседите ја фалат младата двојка, а некои од нив дури и ги виделе Лепа Брена и Боба како доаѓаат повеќепати со полни раце подароци.

Тошиќ на Карлеуша и купи куќа од 2,5 милиони евра: Секој ќе се капе во своја бања и ќе оди во свој тоалет! (ФОТО)

Антонио Димитриевски — Thu, 18 Oct 2018 11:27:34 +0000

Јелена Карлеуша и Душко Тошиќ купија куќа во Белград, за која фудбалерот, како штосе слуша, дебело го одврзал ќесето и платил околу два и пол милиони евра, пишуваат српските портали!

Јелена ги потврдила овие информации со духовит коментар. „Купивме многу убава нова куќа. Наскоро се селиме таму, ја средуваме, ни треба нов мебел од странство. Многу сум му благодарна на мојот сопруг, бидејќи сите што ги заработив, го потрошив на облека“ - духовито прокоментирала Јелена.

Додека тие го средуваат, медиумите веќе дознаваат дека новиот дом на Карлеуша и Тошиќ има дури пет бањи и огромен двор, а што е најинтересно Јелена и Душко имаат секој своја бања и тоалет, бидејќи тоа е, како што вели Карлеуша „тајната на среќниот брак“. Во новиот дом на Дедиње, Јелена и Душко влегуваат кон крајот на ноември.