Амбер Херд не се откажува, повторно поднесе жалба против Џони Деп со нови докази и со нов тим адвокати

Слаѓана Атанасова — Wed, 17 Aug 2022 10:01:11 +0000

Се чини дека судењето меѓу Амбер Херд и Џони Деп сè уште не е завршено, а странските медиуми повторно пишуваат околу тоа. Откако судењето на деценијата, како што многумина го нарекоа, меѓу поранешните сопружници Амбер Херд и Џони Деп, на крајот на мај заврши во корист на актерот, актерката не се откажува. Таа поднела жалба на пресудата и ангажирала нов тим адвокати, фирмата Балард Спахр. Нејзе ќе ѝ се придружи Дејвид Л. Акселрод, а потоа и Џеј Вард Браун, кој претходно го бранеше „Њујорк Тајмс“ оваа година исто за тужба за клевета, поднесена од политичарката Сара Пејлин. Елејн Чарлсон Бредехофт, која ја застапуваше Амбер во шестнеделното судење во областа Вирџинија претходно оваа година, се повлекува. „Кога станува збор за заштита на фундаменталното право на слобода на говор, за одлуката на поротата, за парафразирање - ние не го гледаме тоа како почеток на крајот, туку само крај на почетокот. Второто судење бара поинакво претставување , особено затоа што сега излегуваат на виделина толку многу нови докази“, рече правниот тим на Амбер Херд. Апелацискиот суд ќе си ја заврши работата како што треба, убедени сме во тоа. Овде нема да се зборува за ничија популарност, ниту пак таквите работи ќе имаат некаква улога во приказната“, додаваат тие, апосочиле и дека овој случај би им дошол многу добро, затоа што се работи за она за што се борат. Фото:Принтскрин/Профимедија/Гети Имаџес

Нова тужба против Амбер Херд: „Таа сама ја предизвика штетата“ (фото)

Слаѓана Атанасова — Mon, 11 Jul 2022 09:23:01 +0000

Американската актерка Амбер Херд се соочува со нова правна битка откако нејзината осигурителна компанија одби да и плати до 1 милион долари осигурување за да ги покрие трошоците за судењето против нејзиниот поранешен сопруг, актерот Џони Деп. Осигурителната компанија „New York Marine and General Insurance Co“ во петокот поднела тужба против актерката пред федералниот суд затоа што таа смета дека не мора да и се оддолжи бидејќи нејзините постапки го допринеле поразот на суд од нејзиниот поранешен сопруг. Додека на Деп му беше доделена отштета за клевета минатиот месец. Во 2019 година, Деп побара отштета од 50 милиони долари од неговата поранешна сопруга поради нејзината статија во „Вашингтон пост“ од 2018 година во која таа тврдеше дека била жртва на семејно насилство. Иако во текстот не го именуваше Деп, ѕвездата од „Пиратите од Карибите“ на суд тврдеше дека е јасно дека тој е предмет на коментари. Минатиот месец, на Деп му беше доделена отштета за клевета од повеќе од 10 милиони долари по шестнеделно судење. Осигурителната компанија тврди дека е должна да го плати осигурениот случај само ако осигуреникот сам не ја предизвикал штетата, повикувајќи се на законот во Калифорнија дека осигурителната компанија „не е одговорна за загубите што произлегуваат од свесен чин на осигуреникот“. Фото:Принтскрин/Профимедиа

нова битка – Вистина.мк

Амбер Херд не се откажува, повторно поднесе жалба против Џони Деп со нови докази и со нов тим адвокати

Нова тужба против Амбер Херд: „Таа сама ја предизвика штетата“ (фото)