нов – Вистина.мк

Филм од девет милиони евра: Принцот Хари најави интригантен трејлер за нов документарец на Нетфликс (видео)

Слаѓана Атанасова — Thu, 17 Aug 2023 08:07:06 +0000

Принцот Хари неодамна го најави својот нов документарен филм наречен „Heart of Invictus“, а сега беше објавен и првиот официјален трејлер. Филмот, кој ќе се прикажува на Нетфликс од 30 август, е производ на наводниот договор од 80 милиони фунти меѓу семејството на принцот Хари и стриминг гигантот, каде споменатиот гигант наводно платил три милиони фунти за филмските права на романот, кој во продукцијата ќе му помогне војводата од Сасекс, пишува DailyMail. Оваа продукција покажува како ветераните учат повторно да бидат дел од заедницата. Во трејлерот кој беше објавен, во првите кадри е принцот Хари кој зборува за игрите и борбата за враќање во заедницата.

The Prince Harry and Meghan Markle documentary HEART OF INVICTUS will arrive on Netflix globally on August 30th. pic.twitter.com/HwEnuEr7Ag
— What's on Netflix (@whatonnetflix) August 16, 2023

„Што и да носите е отскочна даска што ве издига на следното ниво“, вели војводата од Сасекс, додавајќи: „Игрите не се фокусираат на она што ја предизвикува повредата, туку на закрепнувањето во однос на тоа како да бидете дел повторно на заедницата“. Фото: Принтскрин/Профимедиа

„Го оперирав носот кога имав 21 година“: Емина Јаховиќ признава што коригирала на себе (фото)

Слободанка Илиева — Thu, 02 Feb 2023 10:57:07 +0000

Пејачката Емина Јаховиќ денес важи за една од најубавите дами од естрадата, а за нејзиниот изглед на почетокот на кариерата многу се шпекулира. Емина се појави на градски настан, а сите забележаа дека целосно се променила. Имено, пејачката доста се подмладила, а како што пренесуваат медиумите, таа пред да дојде во Србија посетила клиника каде наводно правела јаболчници, ги затегнала очните капаци, и вбризгала ботокс во лицето и го освежила со најновата метода - хијалуронска киселина. .

View this post on Instagram

A post shared by Emina Jahovic (@yaemina)

Покрај тоа, Јаховиќ си ја осветли косата, па изгледа барем 10 години помладо. Она што е сигурно е дека Емина на почетокот на кариерата изгледала сосема поинаку. Пејачката го промени личниот опис со пластична операција, а првото барање го имаше на 21 година и тоа беше единствената интервенција за која јавно проговори. - Кога сме кај операциите, дојде време да ви кажам и да ги потврдам од прва рака сите работи поврзани со истите, а кои вие не ги знаете. Во животот не сум направила пластична операција, освен носот, кој првпат го оперирав на 14 години. На 14 години не можев да направам операција, бидејќи коските на лицето сè уште се развиваа, па морав да чекам. Тоа го направив на 21 година – напишала Емина пред неколку години на Твитер и негираше дека имала операција на усните. – Моите усни се сосема природни и полни – додаде тогаш таа. фото: Ало.рс/Илистрација/принтскрин јутјуб

Кристина Димитриевска за новиот брак на нејзиниот бивш сопруг Даниел Кајмаковски: „Нашла крпа закрпа…“ (ВИДЕО)

Антонио Димитриевски — Thu, 02 Feb 2023 09:05:47 +0000

Поп-пејачот Даниел Кајмакоски, победник на првата сезона на шоуто на таленти „Х – Фактор Адриа“ и евровизиски претставник во 2015 година во Виена, неодамна обзнани дека по разводот со првата сопруга, македонската мисица, модел и сега пејачка Кристина Димитриевска, по втор пат се венчал, сега со неговата сакана, чие име не го открива, а засега не е познато дали двојката направила и свадбаили некаков друг вид помала семејна веселба. Со објава на Инстаграм стори, Даниел Кајмакоски сподели дека стапил во брак со неговата сакана. Тој ги сподели првите заеднички фотографии со неа во септември минатата година. Околу еден месец подоцна, тој сподели уште една објава, а во описот истакна: „Ти си сè она што некогаш сум го барал“. За потсетување поп пејачот во 2019 по три години брак се разведе од манекенката Кристина Димитриевска со кого го имаат синот Давид кој остана да живее со мајка му, која како што самата вели, целосно самата се грижи за свето дете. Кајмакоски, во 2016, победи и во третата сезона на познатото балканско шоу „Твое лице звучи познато“. Инаку пејачот кој е родум од струшко Мислешево, поголемиот дел од детството и младоста со родителите живеел во автсриската престолнина, Виена. Најгледаниот естраден ТВ магазин “Бекстејџ„ реши да ја праша Кристина со цел ги дознае одговорите за кои таа долго молчеше, а се врзани со Кајмаковски. Што изјави на оваа тема мисицата, модел и пејачка, проследете во продолжение од видеото (КЛИКНИ ТУКА):

Префинето и со вкус: Ѕирнете во новиот дом на Миа Костова (фото)

Христина Ѓоргиевска — Sat, 14 May 2022 08:35:55 +0000

Домот е местото на кое секогаш се навраќаме, местото каде го поминуваме најголемиот дел од животот, место каде поминуваме низ убави и помалку убави моменти, правејќи колаж од спомени поминати во нашиот дом, куќа, стан. Постои една поговорка која вели: „Кај и да си, дома да си“, а токму неа ја практикуваат оние кои се далеку од дома, кои едвај чекаат каде и да се да си дојдат дома, особено период кога доаѓаат празниците, па семејството се собира. Поранешната македонска водителка на „Бекстејџ“, а сега инфлуенсерка, Миа Костова е активна на социјалните мрежи, па речиси секогаш споделува со нејзините следбеници што има ново, како го поминува времето, кога прави промени, разговара на разни теми, како здравествени, така и нешто поврзано за нега на кожата, споделува приватни моменти. Водителката е „отворена“ за своите следбеници кои ја следат. Костова неодамна откри дека се преселува во нов стан, а сега одговараше на прашања на нејзините следбеници, па покажа како изгледа нејзиниот нов дом. Имено, некој од следбениците ја праша каде се преселиле, а таа откри дека нејзино ново место на живеење е Капишетец. Таа објави и колаж од фотографии од новиот стан, а според приложеното може да се забележи дека преовладува крем и бела боја и изгледа префинето и со вкус, без многу натрупани детаљи, модерно и уредено. Миа откри дека се преселила од Аеродром во Капиштец бидејќи е центарско дете, поради работните обврски и поради училиштето на Андрија. Водителката одговори и на прашањето дали и пречи што нема влез во кафулиња и трговски без вакцина, па откри како го поминува времето. „Дома, многу сакам дома, не ми недостига ништо, моловите ич. Имам проблем со состаноци кои најчесто се по кафичи, ама во овој случај се по фирми, што исто така не менува многу“. фото: принтскрин/инстаграм/миа костова

Откако го продаде „Гранд“, Саша Поповиќ влезе во уште попрофитабилен бизнис, кој нема врска со естрада

Антонио Димитриевски — Tue, 05 Oct 2021 12:44:30 +0000

Откако пред неколку месеци ги продадоа своите акции во „Гранд“, Сузана Јовановиќ и Саша Поповиќ започнуваат нов бизнис. „Купија неколку парцели во белградската населба Бежанијска коса, а ние многу добро знаеме колку е баран тој регион во делот каде што е нивната семејна вила. Тие градат луксузни апартмани од 100 квадратни метри со големи балкони, но нудат и помали апартмани, дури и студија“ - вели добро информиран извор за српските медиуми. Според неговите извори, една зграда од фирмата на Поповиќ е веќе распродадена, иако се уште е во изградба. Изворот додава и дека Сузана му се придружила на својот сопруг во нов семеен бизнис. „Сузана се префрли во продажба, тоа е дел од нејзината работа, а и Сале ужива во тоа“ - заклучува изворот, додавајќи дека Саша Поповиќ не може да биде класичен пензионер, поради што се свртел кон нова работа.

Eлена Ристеска по пет години се враќа на својата стара, доживотна љубов?

Христина Ѓоргиевска — Fri, 23 Jul 2021 07:39:42 +0000

Пејачката Елена Ристеска со сигурност може да се стави на листата на една на најпознати личности барем кога станува збор за естрадата и за музичката сцена. Зад себе, Ристеска може да се пофали со успешна кариера и многубројни хитови. Меѓутоа, пејачката пред некое време започна нов бизнис кој нема врска со пеењето, па музиката ја стави во втор план. Имено, таа го започна бизнисот „ЕRA cosmetics“, козметичка линија за парфеми, гелови за туширање.... Пејачката, а сега и бизнис дамата последниот период е посветена токму на својата нова работа, професија, занимање, бизнис, но како што истакна во една прилика нема да го запостави пеењето. Изгледа сега Елена која е препознатлива по бројни хитови и се враќа на старата и доживотна љубов – пеењето. Имено, кон крајот 2015 година Елена Ристеска го издаде својот трет албум насловен „Без шминка“. Отогаш пејачката сними неколку песни, но не објави целосен музички проект. Сепак, сега изгледа пејачката се враќа на својата, стара, доживотна љубов. Таа на својот Инстаграм објави фотографија од промоција на албумот „Без шминка“, па ги праша нејзините следбеници што мислат дали е време за нов музички проект. „Пред 5 години беше промоцијата на мојот албум “Без шминка” , дали мислите дека е време за нов албум? “, праша Ристеска. Нејзините следбеници дадоа потврден одговор односно дека мислат дека е време да сними нов албум и да се врати на музичката сцена. Инаку, Елена неодамна имаше и настап пред публиката во Битола. Што подготвува македонското девојче останува да видиме, а секако како и досега да објавиме и промовираме кога ќе има ново музичко парче. фото: инстаграм/елена ристеска

Пет години по неговата смрт, излегува нов албум на Принс

Антонио Димитриевски — Tue, 13 Apr 2021 13:59:29 +0000

Издавачката куќа „Сони“ објави дека следниот албум на Принс – „Welcome 2 America“ ќе излезе на 30 јули, пет години од смртта на познатиот американски музичар. Албумот од 2010 година е пронајден во студиото на поп-пејачот во Минеаполис, Минесота, САД. Во таа просторија се наоѓаат голем број демо-снимки, недовршени песни и снимки во живо. Принс почина на 21 април 2016, на 57 години. Вешто ја одржуваше легендата за неговото скриено музичко богатство додека беше жив. Во 2014 година, музичарот рече дека никогаш не им ги давал своите најдобри песни на издавачите. Американската телевизиска мрежа Си Би Ес имаше пристап до збирка од 12 песни и в недела ќе му посвети емисија за тоа. Во својата најава за новиот албум, „Сони“ ја цитираше изјавата на Принс од 2010 година: „Светот се напнува поради дезинформации. Визијата за иднината на Џорџ Орвел е тука. Ние си должиме на самите себе да останеме цврсти во нашата верба да ги надминеме тешките времиња кои претстојат“. Покрај албумот, ќе биде објавен и неговиот концерт во Лос Анџелес од 2011 година.

Нема да верувате што е новиот женски предизвик на социјалните мрежи: Хартијата, навистина трпи се’… (ФОТО)

Антонио Димитриевски — Wed, 29 Apr 2020 09:11:44 +0000

Во карантинот, очигледно најзодевно им е сепак на жените. Тоа го потврдува и најновиот предизвик, што е уште пошокантен од оној со перниците. Имено, после перници и ќебиња, жените излегоа со идеја да се сликаат во „фустани“ изработени од хартиени кеси. Идејата е иста како и минатиот пат, дамите „да се облечат“ или барем делумно да го покријат телото со она што го имаат по дома. А, хартиени или пластични кеси, има најмногу. Кесите се од многу благодарен материјал бидејќи од нив е лесно да се направи каков и да било кус или долг фустан, со спојување на две или повеќе кеси. Постојат различни идеи, па некои припаднички на понежниот пол ги користат рачките како ленти, додека некои само ги завиткале хартиените кеси околу себе. Зашто, хартијата навистина трпи се' ! Реакциите се многу различни, од оние инспиративнини, до целосно разочарувачки, но како што се очекуваше, мажите го „поплочуваат патот“ со комплименти... какви тие и да се!

Цеца купи нов автомобил кој чини колку три стана во Белград: Во цела Србија ги има само три (ФОТО+ВИДЕО)

Антонио Димитриевски — Thu, 12 Mar 2020 11:54:28 +0000

Фолк sвездата Цеца Ражнатовиќ неодамна се почести со нов автомобил, а сега беше снимена за прв пат како се вози во него низ Белград. Сега Цеца е сопственик на најновиот модел на БМВ кој го додаде во својата автомобилска флота, чија цена изнесува над 140.000 евра. Она што е интересно е дека досега има само три вакви автомобили во Србија, од кои едниот однеодамна е нејзин. Пејачката избрала модел во бела боја, а екипата на шоуто „Папарацо лов“ ја „улови“ додека се возеше со своето ново „милениче“. Цеца беше во друштво на својот фризер, облечена во кежуал комбинација од бела облека. Откако посетиле еден познат фризерски салон, фолк sвездата се вратила во нејзиниот дом на Дедиње.

Милица Тодоровиќ купи стан вреден 200 000 евра, а еве кои и се први соседи

Христина Ѓоргиевска — Tue, 21 Jan 2020 10:40:11 +0000

Како што пишуваат српските медиуми, пејачката Милица Тодоровиќ купила стан од 200 000 евра, односно станот го платила 180 000 евра, а 20 000 евра платила за мебелот. Први соседи и се колегите од „Гранд“, Милица Павловиќ и Стеван Анѓелковиќ, а во близина живеат и Новак Ѓоковиќ и Саша Ковачевиќ. „Станот има 60 квадрати, две соби, кујна, бања и балкон. Еден квадрат чинеше 3 000 евра, но Милица беше воодушевена од населбата. Драго и е што Стефан и Милица и се соседи бидејќи со нив се дружи. И Новак има пентхаус во овој крај“ вели извор и додава: „Несудениот девер Саша Ковачевиќ ја убеди да купи стан во таа населба. Тој во „Вест 65“ има стан и ресторан“ вели соговорникот. Младата фолк пејачката станот го купила на рати, така да на инвеститорот му должи 70 000 евра. „Немаше доволно пари за да плати во готово, па се договорија секој месец да плаќа на рати. Тодоровиќ чека сопругот од нејзината сестра Јована да и врати 60 000 евра. Во секој случај не мора да брза бидејќи станот треба да го исплати до крајот на годината“ вели изворот за „Информер“. Наводно, на Милица во новиот стан друштво и прави нејзиното ново момче, Петар Стругар. „Тој е редовно тука. Доаѓа кога нема снимања, спие кај неа, тука е по два – три дена, а потоа оди кај своите во Црна Гора. Тие се многу заљубени, а имаат сериозини планови за иднина. Милица после долго време повторно е среќна во љубовта“ вели изворот. Таткото на Милица, Миле бил во новиот дом на ќерката и вели дека е многу задоволен со нејзиниот избор. „Многу е убав станот. Ми се допаѓа тој крај. Во близина се наоѓа банката, продавницата и ресторанот“ вели таткото на пејачката и истакна дека благодарение на Милица тој успеал да најде работа: „Многу ми помогна. Работев како градежен работник, а сега Милица ме вработи на бензиска пумпа“ истакна таткото на пејачката.