нов сингл – Вистина.мк

Битолчанката Kiki Plish има нов сингл – „Something’s Wrong“ (ВИДЕО)

Антонио Димитриевски — Wed, 28 Sep 2022 12:46:21 +0000

Новиот сингл на битолчанката Кики Плиш иако звучи како љубовна песна, всушност се ги отсликува позитивните и негативните страни во карактерот на една личност. Вокалите се снимени во нејзиното домашно студио во декември 2021, а видеото е Јуни 2022 год. , дел во регионот на предградието на Битола дел во Кафе Барот Камарите во центарот на Битола. „По низа случувања и пресврти во животот во тој период, откако добив дел од битот, во рок од 10 минути текстот и мелодијата излегоа од мене како да чекаа момент за да се ослободат со што се оформи креативната целина. Исто како и процесот на продирање во самите себе со цел осветлување или перцепција насочена кон темните страни или shadow self карактеристиките преку кои се осознаваме и се подобруваме во секој аспект“ - вели таа. Прв посериозен проект на Кики Плиш имаше во 2016 год. кога беше дел од О2 продукција во проектот Brooklyn Project под името Christina Felis со кој настапувале по дискотеки низ цела Македонија. „Тогаш бевме предгрупа на познатата Гери Никол на Plus Festival во Пазарџик Бугарија и ја делев сцената со едни од нај познатите рапери и артисти од Балканот како Едо Мајка, Ајс Нигрутин, Sky Wikluh, Слаткар, Криско итн. на манифестацијата Хип Хоп 2016 награди во Битола“ - раскажува таа. Во периодот од 2017 до 2019 Кики Плиш настапувала на помали настани и фестивали меѓу кои е и Underfest фестивалот во Скопје. „Од 2021 год. Настапувам во битолското кабаре 'Голд Фелиција' каде што се откривам самата себе и ја имам можноста да експериментирам со различни стилови кои некако ги користам и во креативниот процес на мојата музика“ - додава таа. Пишува уште од средно на македонски, англиски и шпански јазик. „Во периодот кога престојував во Шпанија имав случајна можност да се спојам со Chris Jo Matt или продуцентот на оваа песна кој е со потекло од Индија а живее и студира музичка продукција во познатото Point Blank музичко училиште во Лондон“ - вели Кики Плиш и ве кани да го пеоследите нјзиното најново остварување насловено Something’s Wrong.

Васил Гарванлиев музички заплива во – „Dangerous waterѕ“ (Лирик ВИДЕО)

Антонио Димитриевски — Tue, 14 Jun 2022 06:07:46 +0000

Васил Гарванлиев викендов го промовираше вториот сингл од албумот „Porcelain Soldier“, со наслов „Dangerous waterѕ“. Песната официјално беше промовирана на негов концерт со Детскиот хор на Чикаго. Васил е автор на музиката и текстот, додека аранжманот е на Owens Mitchell.“ Проследете како звучи и изгледа „Dangerous waterѕ“ на Васил Гарванлиев:

Култниот македонски бенд „Мизар“ издаде нов сингл – „Messengers of Downfall“ (АУДИО)

Антонио Димитриевски — Thu, 07 Oct 2021 12:43:53 +0000

Култниот македонски бенд „Мизар“ издаде нов сингл под наслов „Messengers of Downfall“. Бендот е со сигурност еден од пионерите на темниот звук на овие простори, дури и по 40 години, создава и изведува подеднакво моќно, предводен од длабоките вокали на Зоран Тортевски, со кого исклучително толкува специфичен израз базиран на словенско црковно пеење. Иако „Мизар“ во основа е рок бенд, звуците на македонските етно и византиски традиции течат низ нивниот звук. Некогаш поизразено, некогаш послабо, секогаш придружено со карактеристичниот вокал на Тортевски, идеално потопен во целокупната темна атмосфера. „Messengers of Downfall“ (во превод „Гласници на падот“) е песна за енергијата на човечката душа, чиј контекст е поразбирлив со преводот, и за која нејзиниот автор вели: „Човекот не разликува добра мисла од лоша, без да знае како енергијата е иста за сите луѓе. “гласници на падот“ се демони, лоши мисли или пораки (дезинформации), додека музиката е порака за добра енергија.“ Музиката е напишана од Горазд Чаповски, гитарист и единствениот постојан член на „Мизар“ од основањето на групата (1981). Сегашниот состав го сочинуваат: Зоран Тортевски (вокал), Пеце Китановски (бас) и Златко Симионски (тапани). Вокали во придружба се Петар Георгиевски, Бранко Илиевски и Иван Петковски, аранжманот го потпишуваат „Мизар“ а продукција Златко Симионски и Горазд Чаповски.

Кирил Џајковски се враќа со – „Reminder“ (ВИДЕО)

Антонио Димитриевски — Fri, 21 Dec 2018 12:07:22 +0000

Македонскиот DJ, композитор и продуцент Кирил Џајковски по подолга дискографска пауза, се враќа на сцената со нов сингл насловен „Reminder“,кој проследен и со одличен видео спот, кој премиерно беше претставен денес,петок, 21 декември, точно на пладне.

Новата песна ја претставува и првата соработка на Џајковски со вокалистот Дејвид Лајон (David Lion), кој е нов член во неговиот концертен бенд и е прво издание во низата синглови со нова музика на најпопуларниот македонски електронски артист што ќе бидат објавени во текот на следните месеци.

Синглот „Reminder“ ќе го објави „Филтер лејбл“, а од денес е достапен за слушање и симнување преку сите водечки дигитални сервиси во светот.

Премиерно слушнете ја песната и погледнете го видеото: https://www.youtube.com/watch?v=58Xgxk2G5Mw

Четкар со музичка покана од родниот Охрид – „Come With Me“ (ВИДЕО)

Антонио Димитриевски — Tue, 04 Sep 2018 10:51:35 +0000

Македонскиот музичар Владимир Василевски - Четкар го претстави новиот сингл и видео со наслов „Come With Me“. Како и секогаш, охридскиот музичар се потпишува како комплетен автор на новата песна, односно освен што ја изведува, тој е и продуцент, композитор, текстописец, аранжер, диригент и вокалист.

Темата стилски претставува синтеза на соул, џез, фанк, диско и поп елементи, кои се испреплетуваат во еден интересен аранжман и е снимена со целосно жива оркестрација.

Интересно е тоа што иако е објавена пред само неколку дена, „Come With Me“ веќе интензивно се врти на повеќе радија во Унгарија, меѓу кои и на популарното унгарско радио за џез и соул-музика „Џези 90.0 ФМ“ (Jazzy 90.0 FM), кое песната ја најавува како голем хит, а наскоро се очекува и радиска промоција во Аргентина, Бразил, Англија, САД, Јапонија, Тајланд, Италија, Мексико и други земји кои досега активно ја поддржувале авторската музика на Четкар.

„Come With Me“ е комплетирана и со видеозапис кој го потпишуваБорче Димоски, а кое и ги прикажува некои од најволшебните места на Охридското езеро. Како изгледа и звучи сето тоа имате можност да проследите во продолжение. https://www.youtube.com/watch?v=guoyP3K-gfY