нов бизнис – Вистина.мк

„Ќе наплаќам за моите контакти“: Гога Секулиќ влегува во нов бизнис (фото)

Слаѓана Атанасова — Wed, 24 Jan 2024 12:57:53 +0000

Пејачката Гога Секулиќ отворено проговори за својот живот и кариера и ги спомна плановите за во иднина. Таа откри дека отворила компанија, и објаснила со што ќе се занимава покрај пеењето. „Отворив компанија која моментално се занимава со мојата кариера, сакам се да биде чисто во однос на даноците, перформансите и слично. Но, во иднина планирам да се занимавам со врски, добро е да им помогнеш на луѓето да се вработат, кога е во прашање здравјето, никогаш не би наплатувала, но денес има многу бизнисмени кои не знаат да ја ценат помошта, само прават нешто и имаат пари, но не можат да дојдат до некои контакти, а денес велат дека врските и контактите се најсилното нешто“. „Ако некој сака да гостува на телевизија или сака некој маркетинг, мора да плати за тоа, исто како што треба да платите за оглас за компанија во весник. Ми се јавуваат да ме прашаат дали можам да им завршам реклама за кафеана, сето тоа го завршувам, а никогаш не сум барала контра услуги. Се случуваше да завршам нешто големо за некого, и некој да ми вети дека заедно ќе инвестираме во спотови а кога ќе се сетам колку пари вложив во кариерата, ми се врти во главата. Значи треба да се направат тие комбинации, сакам да им помогнам на оние што немаат ништо и што живеат тешко, а ако некој може и сака да допре до вашата убавина и кариера нека дојде, треба да плати“. Фото: printskrin/instagram/

Повеќе на vistina.mk

Војаж почнува нов бизнис – еве каде планира да ги вложи парите од музиката (фото)

Слаѓана Атанасова — Fri, 31 Mar 2023 08:25:06 +0000

Во својата објава на Инстаграм, Војаж откри дека планира да инвестира пари од музиката и глумата во отворањето на својот наргиле бар во Белград. Раперот Михајло Веруовиќ, попознат како Војаж, важи за еден од најуспешните и најпопуларни млади изведувачи. Покрај музиката, Михајло се проба и во актерството, а како што вели, сега планира да вложи пари во приватен бизнис. Имено, Војаж одговараше на прашањата на своите следбеници на Инстаграм, а некој го замоли да го посоветува каде да најде добар наргиле бар во Белград. - Наскоро ќе го отворам - му одговори раперот со емотикон што намигнува, навестувајќи дека наскоро ќе влезе во нов бизнис. Михајло во неколку наврати истакна дека главната цел на неговата кариера е еден ден целосно да го обезбеди своето семејство. Фото: Принтскрин/Инстаграм/Марко Џоковиќ

Повеќе на vistina.mk

Каќа Грујиќ ја менува професијата – пејачката отвара нов бизнис заедно со сестра и (фото)

Слаѓана Атанасова — Thu, 12 Jan 2023 09:19:00 +0000

Пејачката Катарина Каќа Грујиќ заработените пари решила да ги вложи во друг бизнис, а, како што пишуваат тамошните медиуми, во целиот проект не влегла сама, туку со сопствената сестра. -Каќа и нејзината сестра решија да работат во угостителство и во Колашин, на падините на планината Бјеласица, изградија луксузна куќа во планински стил - започнува изворот, и додава: - Оваа куќа е дизајнирана така што во неа можат истовремено да престојуваат осум луѓе. Просторот има прекрасен поглед на недопрената природа и е дизајниран за вистински хедонизам. Во овој имот за изнајмување има камин и сауна, голема луксузна бања, неколку спални соби и пространа дневна соба за релаксација. За престој во оваа куќа треба да потрошите 300 евра дневно, а во просторот истовремено можат да престојуваат осум лица. И покрај ретро изгледот и планинскиот стил, куќата се карактеризира со модерни архитектонски решенија во градежни материјали. Според замислите на Катарина и нејзината сестра, архитектот ја испланирал и дизајнирал оваа зграда, а во неа имплементирал се што е важно да имаат двајца кога одат на одмор со семејството. Очекуваат посетителите да бидат таму во текот на целата година, а не само во текот на скијачката сезона. Пејачката со воодушевување ја потврдила информацијата, но и открила како дошла на идеја покрај пеењето да почне да се занимава и со друга активност. - Ова беше идеја на сестра ми, но јас со ентузијазам ја прифатив и само ја прашав кога ќе започнеме со реализација. Сите детали ги договоривме многу брзо, бидејќи сме многу слични и имаме речиси идентични вкусови, па немаше проблеми со тоа како ќе изгледа куќата. Сакавме тој простор да има се што ни треба кога сме на одмор, па изградивме камин, сауна, луксузна бања, големи удобни спални соби... И јас и сестра ми имаме примарни професии, па ова ќе биде дополнителен извор за нас заработени пари, но никогаш не се знае, можеби бизнисот ќе се прошири, па целиот овој комплекс ќе се прошири - изјави пејачката. Фото:Принтскрин/Инстаграм/katarinagrujic.doll

Повеќе на vistina.mk

Пејачката Гоца Тржан започна нов приватен бизнис – пари капат од сите страни (фото)

Слаѓана Атанасова — Thu, 13 Oct 2022 09:57:46 +0000

Пејачката Гоца Тржан има полни раце работа, но сепак најде време и за друг приватен бизнис. Имено, Гоца решила со сопругот Раша Новаковиќ да отвори музичко студио каде музичарите ќе можат да снимаат песни. - Опремуваме студио кај нас во Бач, во куќата на родителите на Раша. Таму ќе направиме студио за снимање песни, кавери и слично. Ќе биде средено по мој вкус, а ние, музичарите, ќе имаме и простор каде што ќе можеме да свириме како што сакаме - откри Тржанова. Работам многу, па понекогаш не знам дали водам емисија, дали пеам, дали глумам, но тоа е мојот живот. Да беше поинаку, односно да немав толку работа, веројатно ќе умрев од досада - додаде пејачката низ насмевка. Да потсетиме, освен соло настапи, Гоца Тржан редовно одржува концерти и со бендот „Тап 011“, а во исто време снима емисија во која со јавни личности разговара за бројни теми. Покрај тоа, пејачката снима и семејни реални шоуа, како и видеа за сопствениот Јутјуб канал. Фото:Принтскрин/Инстаграм/Гоца Тржан

Повеќе на vistina.mk

Лепа Брена влезе во необичен бизнис: Долги нозе за гледање, шетање, играње, а Бога ми и за… кревање (ФОТО)

Антонио Димитриевски — Fri, 23 Sep 2022 10:16:18 +0000

Откако Лепа Брена и Саша Поповиќ во 2019 година ја продадоа „Гранд продукција“ за 30 милиони евра, пејачката реши да започне сопствен бизнис. Ѕвездата на поранешна Југославија реши да вложи пари во нов бизнис, и тоа солидна сума од 300.000 евра. Иако долго време го најавуваше овој проект и не сакаше да каже за што точно се работи, медиумите сепак дознаа дека се работи за бизнис со женски чорапи. Пејачката сега тоа го потврди, но не откри детали. Сепак, како што се дознава, чорапите кои ќе го носат потписот на Лепа Брена ќе бидат сè само не обични. По бројните средби со луѓе и партнери од оваа гранка на модната индустрија, таа дизајнираше чорапи и хулахопки кои нема да содржат ништо помалку од златни наночестички и хијалуронска киселина. „Брена ја подготвува својата линија на чорапи повеќе од две години. Во целата оваа приказна вложила 300.000 евра. И покрај тоа што требаше да почне продажбата, таа не сакаше нејзиниот производ да биде пуштен во промет додека сè не биде врвно. Сега таа формула е усовршена во соработка со најголемите стручњаци во оваа област, така што во октомври или ноември жените ќе можат да ги купат овие чорапи. Тие ќе бидат достапни во сите големини и за жени од сите возрасти. Она што е интересно е што тие чорапи визуелно ќе направат личноста која ги носи да изгледа послаба отколку што е“ - вели извор близок до пејачката, додавајќи: „Ова е навистина револуционерен производ на нашиот пазар. Тие чорапи ќе содржат златни наночестички и хијалуронска киселина, кои дополнително ќе се грижат за женските нозе и стопала. Ќе ги прикриат сите недостатоци, и ќе го истакнат најдоброто на женските нозе. Нејзината линија се произведува во фабрика во Италија од најквалитетните конци кои доаѓаат од Шпанија. Таа планира да отвори и неколку продавници во Белград и регионот. Логично, Брена ќе биде најдобриот модел за нејзините производи, што не е чудно кога токму нејзините чорапи беа едни од главните парчиња облека на сцената“ - заклучува изворот. После ова дамите ќе имаат многукратна причина повеќе своите нозе да ги променат во чорашите од моделите на Брена. Долги нозе за шетање, играње, гледање... а Бога ми и за кревање! Фото: Shutterstock/Профимедиа/Соња Спасиќ/Дамир Дервишагиќ/Инстаграм принтскрин-lepabrenaa

Повеќе на vistina.mk

Лепа Брена проговори за имотот – започнува нов бизнис! (фото)

Слаѓана Атанасова — Mon, 08 Aug 2022 06:31:52 +0000

За недвижностите, стекнатите пари и богатството во сопственост на големите ѕвезди секогаш се пишувало во медиумите и ја интригирало јавноста. Иако на повеќето од естрадата парите не им паднале од небо туку се стекнале со децениска работа, не недостигаат негативни коментари за луксузниот живот што го водат. Мета на тие коментари беше и Лепа Брена, а во медиумите се појавија разни информации за нејзиниот имот и банкарска сметка, кои често беа невистинити. Сепак, пејачката долго време не обрнува внимание на тоа. - Да размислував за тоа во последните 40 години, ќе завршев на клиника за ментално пореметени луѓе. Пејачката најави и дека во наредниот период нејзиното богатство ќе се умножи уште повеќе поради бизнисот што го започнува и дека дури тогаш е подготвена за се што ќе се пишува. - Дури тогаш нема да можат да го соберат! Многу се работи и се инвестира паметно. Нашите деца пораснаа, тие сега се мажи кои исто така се занимаваат со бизнис, и јас сум исклучително горда на тоа – изјавила таа. Фото:Принтскрин/Инстаграм/Лепа Брена

Повеќе на vistina.mk

Илда Шаулиќ микрофонот го замени со тениски рекет: Пејачката има нов бизнис во Америка, а еве колку заработува

Христина Ѓоргиевска — Mon, 30 Aug 2021 10:05:13 +0000

Пејачката Илда Шаулиќ беше успешна во тенисот пред да влезе во светот на музиката, а бидејќи настапите и понатаму се ретки поради короната, пејачката е свесна дека мора да најде друг вид на приход, па се вратила на својата „стара“ љубов. Имено, како што пишуваат српските медиуми, Илда отворила училиште за тенис во Америка. „Илда заедно со нејзината ќерка се преселија во Америка. Тоа многу му значи на нејзиниот сопруг кој работи таму, а сега и таа си има свој бизнис“, вели извор за „Скандал“ и додава: „Малку е познато дека Илда како дете тренираше тенис и дека беше многу талентирана. Шабан тогаш не се штедеше па и плаќаше тренери во Србија и Европа надевајќи се дека ќе биде успешна тенисерка, но сите знаеме дека се сврте кон пеењето. Секако, таа не може да наплати како професионални тренери, но може солидно да заработи, дури до 100 долари од час. Ако земеме во предвид дека на секоја тетренинг сесија има по 20 деца, тогаш сигурно одлично заработува“- тврди изворот. фото: Инстаграм принтскрин

Повеќе на vistina.mk

Дарко Лазиќ се сети како да заработи, па трга со нов бизнис: Тој ќе биде главна ѕвезда, а сопругата Марина – помошничка (ФОТО)

Антонио Димитриевски — Tue, 09 Mar 2021 10:31:37 +0000

Пејачот Дарко Лазиќ одлучи да започне нов бизнис, па отвори Јутјуб канал со неговата сопруга Марина, кој ќе се вика „Кујната на Дарко“. Тој откри дека, бидејќи сè уште не може да настапува поради коронапандемијата и заострените мерки, решил да ја претвори својата љубов кон готвењето во деловна активност, односно видео бизнис. „Обожавам да подготвувам храна, па затоа решив таа своја страст да ја споделам со сите. Јас готвам многу вкусни специјалитети и можам да го направам тоа да биде интересно“ - изјавил Дарко и открил дека се решил на овој потег затоа што во моментот „нема леб од музика“. „Короната не вознемири и закочи сите и таа не застанува, па решив да се посветам на еден друг свој талент“ - ќе рече Дарко и открива дека ќе ги снима емисиите во неговата семејна куќа во Брестач. „Јас ќе бидам главен готвач, а Марина мојот асистент. Сè уште ги собирам сите зачини и ја опремувам кујната за снимањето. Искрено, навистина го чекам тој момент со нетрпение и едвај чекам да започнам со моите специјалитети. Строго нема да следам рецепти, туку секогаш додавам нешто по мојот вкус, а во тоа е и шармот на моето готвење“ - објаснил Лазиќ.

Повеќе на vistina.mk

Почнуваат нов бизнис: Меган Маркл и Хари потпишаа милионски договор

Христина Ѓоргиевска — Fri, 18 Dec 2020 10:34:03 +0000

Меган Маркл и принцот Хари ја основаа продукцијата „ "Archewell Audio" а во договорот наведоа дека ќе произведуваат програми што ќе ја забавуваат публиката ширум светот. Славната двојка подкасти за стриминг сервисот Спотифај, со кој потпишале повеќемилионски договор, пренесуваат странските медиуми. До крајот на овој месец, треба да бидат објавени нивните празнични специјални „приказни за надеж и сочувство“ „Она што го сакаме кај подкастите е тоа што нè потсетуваат да одвоиме момент и навистина да се слушаме и да се поврземе едни со други без пречки. Со предизвиците што нѝ ги донесе 2020-та година, сега е вистинското време за тоа. Кога ги слушаме приказните на другите, се потсетуваме колку сме меѓусебно поврзани“, објасни парот. „Војводата и војвотката од Сасекс можеби живеат во Калифорнија, но нивниот глас се почитува насекаде поради нивниот статус на светски граѓани“,изјави шефот на Спотифај за содржина и рекламирање, Дон Остров. Меган и Хари во септември потпишаа договор со Нетфликс за производство на документарни и долгометражни филмови.

Повеќе на vistina.mk

Милан Станковиќ започнува нов бизнис и тоа со оваа постара колешка?

Христина Ѓоргиевска — Fri, 07 Aug 2020 08:45:57 +0000

Пејачот Милан Станковиќ ја прокоментира моменталната ситуација на естрадата поради коронавирусот и откри дека можеби ќе започне бизнис за одгледуваше на овошје и зеленчук и тоа со Весна Змијанац. „Короната го зема данокот на мојата психа, а луѓето коментираат: „Што вие, имате пари“, како јас да немам фирма и вработени, како јас да не ги плаќам песните и спотовите. Јас навивам да бидеме сложни, а настапи ќе има“, вели Станковиќ и додава: „Јас се дружам со Весна Змијанац, таа ми е другарка, ќе отидам кај неа, таа има градина, мислам ако ова пропадне, да се занимаваме со одгледување на органско овојше и зеленчук, нема да бидеме гладни. Многу убави спомени ме врзуваат за село, планирам да го посетам имотот на дедо ми и на некој начин да се вратим на органското овошје и зеленчук“, заклучува пејачот._

Повеќе на vistina.mk