ноне – Вистина.мк

Додека беше активна и мегапопуларна пејачка за Ноне кружеа еден куп вицеви, а сега таа стана единица мерка за градоначалнички потсмев (ФОТО)

Антонио Димитриевски — Wed, 20 Dec 2023 09:20:46 +0000

Некаде од средината на првите години на новиот милениум, од 2004-та, па се до нејзиното прекинување активно да се занимава со музиката и естрадата и заминувањето да работи на прекуокеанските крузери, Нона Неделковска или само Ноне, како што ја познаваа беше мегапопуларна пејачка и тоа не само во Македонија. „Џепната венера“ како што го доби својот прекар испеа дузина хитови, сними неколку албуми, и учествуваше на сите можни фестивали во и надвор од Македонија, каде на некои дутри и победи како оној радискиот во Зеница или фестивалот во Нови Пазар. Претходно дотурка до самото финале на тогаш најпопуларниот регионален музички натпревар Идол на кој учествуваа пејачки таленти од Србија, Црна Гора и Македонија и за влакно не победи, но подоцна направи единствено таа голема кариера за разлика од сите други учесници. Заради своите телесни пропорции, исклучително малата височина, но и ангелскиот лик и бејби-фесјс физикус и бујно надарента предница, малата велешка убавица токму и го доби прекарот „џепна венера“, која зрачи со својата убавина и плени со својот специфичен сексапил. Арно ама, како минуваа годините и децениите, Ноне од најпопуларната пејачка стана најшетаната велешанка откако го пропатува светот и ги посети сите негови континенти преку седум мориња и океани, работејќи на прекуокеанските крузери. Секоја популарност носи и свои ризици, па еден од нив беше плеадата што тенденциозни, што добронамерни вицеви на нејзина сметка кои се измислуваа, а почнаа да се шират и по социјалните мрежи кои тогаш беа во самиот зачеток. Тогаш актуелни беа мирцот, блоговите, Мај спејс, Скајпот, СМС пораките... и на нив меѓудругото размената на вицеви за Ноне. Како потсетување еве самои некои од нив: Ноне кога спие се покрива со салфетка. Каква кола вози Ноне? На навивање. Каква точкаби изведувала Ноне во циркус? Ќе оди врз пинг-понг топче. Кај се шета Ноне навечер? Под кревет! Што прави Ноне на тениско игралиште? Игра одбојка. Само Ноне може да влезе во куќата на Jerry. Професорот: Ноне ти реков станеш да одговараш! Ноне: Станата сум професоре! Ноне на плажа лежи под чадорче за коктели. Која е најмалата единица за големина? 1-но Ноне! Што е следен чекор после нанотехнологија? Нонетехнологија! Како ја пее Ноне песната за елката? – Елко, елко спушти се уште две – три педи, за да може Ноне, дарови да реди! Деновиве пред Нова Година актуелно скопското сивило, задоцнетото, оскудно и сиромашно китењето на македонската престолнина во чиј фокус е никогаш полошиот изглед на она што божем треба да претставуваат украсите и особено новогодишната елка на плоштадот на Скопје. Наместо градска гордост и украс на престолнината, елката стана предмет за потсмев не само на скопјани и цела Македонија, туку и на целиот регион, па и светот. Насловите по регионалните медиуми трагикомични, фотографиите по социјалните мрежи за мајтап, а кога сме веќе кај елката, Ноне стана одново актуелна. Како што своевремено кружеа еден куп вицеви за неа, сега Ноне стана единица мерка за градоначалнички потсмев! И срам на „градската мајка“ кој треба сите ние да го тргаме! Имено, на социјалните мрежи почнаа да кружат монтирани фотографии со скопската елка и некогашната македонска пејачка една до друга. Како асоцијација на прашањето: „Колкава е скопската елка?“ Епа, еве... волкава! Фото: Социјални мрежи/ Инстаграм/nona.nedelkovska

На Ноне секој ден (не) и е баш „Блек фрајдеј“?! (ФОТО)

Антонио Димитриевски — Mon, 27 Nov 2023 11:40:35 +0000

„Блек фрајдеј“ - денот што го чекаме цела година, а не е роденден... Ама ко' да е... И бетер од тоа! Лудница по продавници, невидена потрошувачка еуфорија по божем драстично намалените цени, небаре „тепаат кој не сака“... Каков е квалитетот на стоката, дали и минала модата, во пршање се застарени модели и бофал парчиња... Тое веќе друга работа. Кај нас уште и „Блек фрајдеј“ во суштина најчесто е голема измама, зашто цените пред „црниот петок“ намерно ги качуваат за потоа божем да бидат намалени, а всушност се најнормални, какви што биле и претходно во текот на годината. Арно ама, оди докажи му ти на народот дека не е така?! За македонската “морепловка“, некогашната поп пејачка Ноне Неделковска „Блек фрајдеј“ речиси и да нема... И да има, го има некаде по бутиците на големите прекуокеански крузери на кои велешанката последниве години работи... Ако на нив воопшто за „црниот петок“ даваат попуст! Арно ама, како што е редот, шегобијците на социјалните мрежи и не мислат баш така! Имено за „денот на попустите“ осамна една фотографија на која Ноне е во друштво на некогашниот нејзин колега и долгогодишно момче, црномурестиот Рајан. Врската со црномурестиот фраер по потекло од Јамајка на почетокот ја шокираше јавноста, но потоа полека но сигурно, нивната љубов се’ повеќе почна да ги собира симпатиите на истата таа јавност, се’ додека некаде пред речеиси 5 години врската ненадејно „не потона“ како Титаник некаде среде длабочините на океанот! Врската можеби ДА, но НЕ и спомените на јавноста која така бргу не заборава, па токму на годинешниот “црн петок“ поедини фејсбукџии одново се пошегуваа дека нам ни е еднаш во годината, ама на Ноне секој ден и е „Блек фрајдеј“! Иако... Било некогаш и оддамна веќе не и е! Арно ама, штом осамне фото-објава со вакава порака, оди докажи му ти на народот дека не е баш така?! Фото: Инстаграм/nona.nedelkovska/ Фејсбук/I.A.

(Не)сакајќи – секси: Мелита, Полина и Ноне случајно покажаа повеќе од што треба или… така треба!? (ФОТО)

Антонио Димитриевски — Sat, 11 Nov 2023 08:50:44 +0000

Три познати дами секоја на свој начин згодна, атрактивна, привлечна, секси... и без комплекси го покажуваат она што на себе го носат. А дека Мелита Ракичевиќ, Полина Тасева и Нона Неделковска имаат што да покажат и со што да се пофалат е оддамна евидентно. И кога е нивната духовна и особено нивната телесна дарба во прашање. Само што овој пат и трите на различен начин покажаа повеќе од што треба... Или можеби така треба? Секоја од нив свесна дека е повеќе од секси, својот неодолив сексапил умешно го потенцира и со облекувњето. Најчесто толку провокативно што е дури до граница на видливото она што треба да е невидливо... Не, барем на јавно место! Арно ама, понекогаш се случува секоја од нив да биде и (не)сакајќи секси! Мелита Ракичевиќ, на една од последните споделени фотографии на својот Инстаграм во бело модерно мини фустанче налик на туника, украсено со брендиран ремен околу појасот и црвени чизми над коленици уште еднаш потврди дека е повеќе од секси. Но, за да биде сексапилот пуштен на најсилно, скопската трендсетерка покажа дека во тон со ременот и чизмите и е и долната облека. Зашто, ако туниката и ременот случајно треба да „паднат“, она што ќе остане мора колоритно да се совпадне. А штиклите и страста кај Мелита секогаш се задолжителни, тоа го знаат и птичките, затоа во иста боја и се и чизмите и гаќичките... Кои срамежливо ѕиркаат, колку на претходно кажаното чисто да не потсетат! Полина Тасева имаше забележителен настап со песната „Врати се“ на последниот „Макфест 2023“, каде пееше во дует со Ламбе. Таму широките кожени панталони можеби не и дозволија долгите нозе до крај да ги истакне, ама затоа расната македонска певица тоа го правиво секоја друга можна прилика. Зошто и не би, кога мајката природа ја надарила со телесна убавина која не треба да се крие, туку да го истакне она што најмногу е забележително. А токму долгите нозе најдобро доаѓаат до израз во мини фустанче. Онакво какво што Полина знае да облече на настапите, а истото го носеше и при неодамнешното подкаст гостување на скопското радио „Урбан ФМ 90.8“. Арно ама, масичката ниска, а нозете долги, па под неа тешко може да се прекрстат, ама затоа има доволно простор да можат да се подрашират... Мрежестите чорапи само дополнително ја зголемуваат возбудата која кулминира од она што дискретно се наѕира... Секако, доколку пејачката не ја гледате само в очи, туку погледот го спуштите малку подолу, кон стаклото на масичката... Полина, да ти е милина... И да ја слушаш и да ја гледаш! Нона Неделковска оддамна веќе не пее, ама затоа се изнашета. Оти таква и е работата последнава деценија. Иако нема манекенска височина, далеку од тоа, има свои телесни адути, зашто ретко која македонска убавица, може да се пофали со вакви природни бујни атрибути! Покрај убавиот лик огледан во нежниот „бејбифејс“, раскошната предница на цилестата велешанка и е главен адут кога е сексапилот во прашање. Но тоа никако не значи дека Ноне нема со што друго да ве заскокотка, испровоцира и привлече. Можеби Ноне нема долги нозе како Полина, ама затоа и нејзините кријат своја убавина. Зашто за длабок шлиц очигледно не се потрбени долги нозе, особено ако истиот е отворен до препони, нема машко на кое нема во главата „да му се заврти“, па погледот да го спушти и оттаму долго да не го одвои! Ако не верувате, подобро погледнете, па самите проценете, дали и што тоа ѕирка од шлицот на црната тоалета на велешката бринета? Само внимателно, полека и без прашања, дали под ваков фустан воопшто се носи долна облека?! Фото: Инстаграм/melitameli/polinatas/nona.nedelkovska

На сите им е до врат, само неа преку глава: Еве зошто Ноне никако не може да потоне! (ФОТО)

Антонио Димитриевски — Sat, 03 Jun 2023 06:19:32 +0000

Нона Неделковска или само нагалено Ноне, некогашната македонска поп ѕвезда, денес „најшетаната велешанка“ на светот, заради природата на својата работа на прекуокеанските крузери која ја работи последниве 10-ина години, стигна и до Исланд. Hајсеверната европска држава, каде и во лето е како кај нас во зима. Ама, зима, зима, епа што, ако е зима не е лав, важно е да си здрав и прав... и да знаеш, што? Не да се скијаш, туку да пливаш! За оние кои не знаат, и покрај студот и снегот, Исланд е познат и по своите гејзери, извори на топла подземна и минерална вода, која и домаќините и туристите ја користат за капење среде зима во формираните езера. „Каде сите Турци, таму и гол Асан“ - вели една стара поговорка, па така и македонската „џепна венера“ за да не и биде џабе трудот, реши да плива и покрај студот. Прекрасната Сина лагуна во исландската престолнина Рејкјавика за неа не беше само предизвик, како што вели самата Ноне, туку нејзин избор. Жива згода, како вистински бал на вода во топлата вода! Впрочем, како и за многумина што уживаат во ова блаженство... Благодет кој ретко кој од нас може да си го приушти и доживее. Една од предностите и убавите страни, вистинска чудесија како резултат на нејзината последна професија. Евидентно е дека водата во Сината лагуна е топла, но не е многу длабока... На капачите, барем на оние со просечна височина им е некаде до гуша, а на Ноне, далеку преку глава! Арно ама, затоа пак Ноне има нешто што повеќето од нив го немаат и ако се лоши пливачи можат да се удават. Ама неа тоа никогаш не може да и се случи, зашто Ноне - никако не може да потоне! Природниот појас за спасување на бујно надарената цицлеста македонска убавица е онаа граница која Ноне постојано ја држи над вода! Што би рекле, две природни пловки и безбедноста и е 100% загарантирана... Како и уживањето во пливањето на уште една егзотична дестинација во блажена атмосфера, на македонската „џепна венера“! Блазе си и!

View this post on Instagram

A post shared by Princess Nona 🌸 (@nona.nedelkovska)

Фото: Инстаграм принтскрин/nona.nedelkovska

„Нокаут“ имаа осмомартовски концерт во Велес, а таму се најде една (не)очекувана гостинка: Ноне ја погоди песната или секој заслужува и втора шанса?

Антонио Димитриевски — Fri, 10 Mar 2023 08:53:34 +0000

Еден од најпознатите и најпопуларни македонски бендови „Нокаут“ во низата настапи, имаше закажан концертен настап за Денот на жената во велес. Поточно, во „Бела вода“, еден од најубавите угостителски објекти покрај Велешкото езеро „Младост“. На Пере и екипата популарноста со години им е на врвот, па така влезниците беа распродадени доодека трепнеш. Дотолку повеќе што како специјален гостин , кој неретко настапува со нив, беше најавен и македонскиот шоумен, Игор Џамбазов. Салата преполна, атмосферата прекрасна, расположението пуштено на најсилно, а среде забавата и една (не)очекувана гостинка... македонската џепна венера, некогашната колешка на оние на сцената, сега светската морепловка или како што ја нарекуваат „најшетаната велешанка“, Нона Неделковска. Сите мислеа дека во моментов е преку седум мориња и океани, работејќи на големите крузери, кога ете ти ја Ноне меѓу гостите на концертната журка. Дотерана, средена, стокмена, налик на европска дама во црн комплет од широки светкави панаталони, ликра маичка на прерамки, качена на високи потпетици, со шминка и долга пуштена коса, бојадисан во модерна костенливо-црвенкаста нијанса, некогашната пејачка навистина изгледаше светски. Покрај својата убавина и стил, Ноне доминираше и со својот телесен раскош, со што веднаш се издвои од масата и со префинетата елеганција, стилот и ликот кој не старее и не се заборава, иако долго време не е дел од естрадата. Во опуштената празнична атмосфера, дојде време и за романтични мигови, па амбиентот со запалените свеќи на масите го претворија во љубовна бајка звуците на баладите... „Нокаут“ и Џамбаз и тоа како знаат тоа да го изведат и да ги разнежнат присутните, па по се изгледа ја разнежнија и неа, нивната (не)очекувана гостинка и некогашна колешка, но се уште нивна пријателка... Стиховите кои и го допреа срцето на Ноне и направија мислите да и прошетаат низ минатото: „Сите погледи исти се, тешки и опасни... Тие очи не се за тебе, само кој да им објасни...?“ Ама по се изгледа и да ја стават во нова дилема: „И само... Помисли на тоа што се можеме... Можеби е доцна, а може не…?“ Дали песната „Во бестрага“ толку ја погоди некогашната пејачка, што не одолеа да не сподели парче од рефренот и атмосферата, ама и дел од стиховите во постот на своите профили на социјалните мрежи? Или пак песната Ноне ја поттикна и наведе на помисла дека... Секој заслужува и втора шанса? А, кој да знае, освен самата Ноне? Впрочем... Можеби е доцна, а може не?

View this post on Instagram

A post shared by Nona 🌸 (@nona.nedelkovska)

Фото: Инстаграм принтскрин/perrenokaut/nona.nedelkovska

Некогашната пејачка на љубовни маки: Ноне образложи зошто од толку мажи не може да најде ниту еден да се омажи?! (ФОТО)

Антонио Димитриевски — Thu, 02 Feb 2023 08:54:51 +0000

Некогаш нашата ултрапопуларна пејачка Ноне Неделковска повторно и се врати на работата со која го прошета светот. Затоа сега и ја нарекуваат најшетаната велешанка, откако последнива деценија воглавно ја мина надвор од дома, работејќи на прекуокеанските крузери. Егзотични дестинации, окенаска шир, прекрасни плажи, големи пристаништа... Навидум Ноне живее живот како од соништа! Особено кога ќе го видите она што некогаш распеаната „џепна венера“ редовно го споделува на социјалните мрежи од местата што имала можност да ги посети. Како на пример новите фотографии од песочните плажи и кристално чистите води на Кајманските Острови, каде во моментов Ноне престојува. Но, нејзиниот живот колку и да изгледа идилично, описот на некоја од нејзините фотографии кажува дека на „малечката сирена“ не е и баш се4 така фантастично. Далеку од дома, ама и далеку од нејзиното срце оној за кого толку долго чува место, а тој - некој, никако да се вгнезди. Токму затоа Ноне, намерно или случајно-несакајќи, јавно ги сподели своите љубовни маки: „Оваа мала госпоѓа сака врска, ама сака и да биде сингл. Сака да има врска која ќе заврши со брак, но завршува со мажи што се емотивно незрели. Обично е многу пребирлива, но секогаш успева да го избере погрешниот“ - напишала Ноне во пораката покрај фотографијата во која детално образложи, зошто од толку мажи не може да најде ниту еден да се омажи?! Коментарите на оваа нејзина теза пристигнаа во голем број, воглавно позитивни, а нејзините „љубовни маки“ кај некои следбеници дури и измамија воздишки, па поединци се понудија и ѝ порачаа да избере некој од нив. „Како да се сконцентрирам на морето, а баш е убаво“, „Избери ме мене, пак ќе згрешиш“, „Можеби вистинскиот е поблиску отколку што ти се чини“, „Те молам дај ми шанса“, „лесно ко два и два и ти би ме украла“... – стои во некои од коментарите од нејзинтие следбеници. И покрај понудите, на Ноне очигледно во изборот баш и не и е „лесно ко два и два“... само така навидум изгледа! Фото: Инстаграм принтскрин/ nona.nedelkovska

Дали Антониа Гиговска и Иван Јованов од „Либеро бенд“ се исто како што беа Ноне и Ристе Тевдоски од „Браво бенд“? (ФОТО)

Антонио Димитриевски — Sat, 08 Oct 2022 07:00:17 +0000

Музичката кариера на една од најнадежните и најталентирани млади македонски пејачки Антониа Гиговска, па и приватниот живот и врската со Иван Јованов - пејачот на „Либеро бенд“, во многу што потсетува на музичко - љубовната сага на една друга не така оддамна позната македонска музичка двојка: Ноне Неделковска и тогаш пејачот на „Браво бенд“, Ристе Тевдоски.

И Антониа како и Ноне, кариерата ја започнува многу млада, а првите поголеми успеси обете ги доживуваат на тинејџерска возраст. На обете големата врата во светот на музиката ќе им се отвори на ист начин - преку регионално музичко талент шоу.

Ноне беше тогаш во регионалниот „Идол“ каде дотурка до самото финале, но не победи. Го освои второто место иако реално ја заслужуваше победата! Антониа исто така. Воодушеви во Пинковите „олстарс“ ѕвездички и нивната завршница, но не победи, иако и таа, како и Ноне - требаше... И оттука работите тргнуваат да се движат забрзано кон врвот... и кај обете.

Тогаш Ноне станува ексклузивец на „Премиер продукција“ и ја започнува солистичката кариера. Се нижат првите хитови „Лесно ко два и два“, „Твоја сум“, „Најди малку време“... фестивалските настапи на сите домашни фестивали каде само заради познатите „задкулисни игри без граници“ никогаш не победи, но затоа пак публиката своите победници во вид на миленици самата знае да ги препознае и одбере.

Ноне станува најголемата млада македонска поп ѕвезда во првата половина на годините по 2000-та, сериозно фрлајќи ги во сенка веќе етаблираните македонски пејачки имиња како една Елена Ристеска или Тамара, на пример.

Кај Антониа се случува или е на пат да се случи речиси истото. Одличниот вокал, уште подобрата изведба и начинот на пренесување на емоцијата кон публиката во вокалната експресија и сигурниот настап прават на веќе споменатите, но и на сите други македонски женски вокали, сериозно да им се затресе тронот, ставајќи ја Гиговска на пиедесталот на кој се најде во моментов со најдобрите македонски пејачки.

Впрочем, доказе вокалната поддршка на Тамара на Евросонг или „фабриката за звук и хитови на истиот човек“ - Дарко Димитров кој сега наместо некои други го користи гласот на Гиговска за поддршка на своите интернационални тезги, како што е случајот со првата песна на Луна Ѓогани, да речеме, на која Гиговска и ги отпеа придружните вокали, а можеби и повеќе од тоа.

Ноне набргу стартуваше со албум, прв, па втор, Гиговска ја очекува истото. Потоа за Ноне дојдоа настапите на најпознатите регионални фестивали како „Будва“, „Сунчане скале“ „Зеница“, „ Нови Пазар“... Повеќето од нив сега ги нема, но затоа ги има „Гранд“ и „Пинк“ и едн куп нивни емисии каде Антониа веќе ја знаат и сметаат на неа.

И тогаш дојде пресвртот во кариерата на тогашната, а веројатно и на сегашната пејачка. Но многу повпечатлив тогаш, а и сега е пресвртот на кариерите на нивните „посилни“, а помалку познати половини, иако можеби подолго од нив биле, односно се во музичкиот свет пред очите на јавноста.

„Браво бенд“ имаа куп тезги, а секоја недела беа два часа во живо како придружна група во тогаш многу популарното ток шоу на Лила Филиповска. Покрај неа сите ги гледаа, ама нив никој поединечно не ги знаеше... Освен само мал круг музичари. Ноне беше поканета да биде гостинка во шоуто и тогаш се сретнаа погледите и заиаскрија првите љубовни искри помеѓу неа и тогашниот вокал на групата, Ристе Тевдоски.

Симпатијата бргу прерасна во „тајна врска“, која медиумите набргу ја обзнанија и така Ноне и Ристе од „Браво бенд“ станаа во тој момент најпопуларната музичка двојка во Македонија.

Приказната со Антониа Гиговска и однеодамна нејзиното момче, пејачот на „Либеро бенд“ Иван Јованов е речиси идентична. Групата свиреше и пееше, имаат безброј настапи, од кафулиња до свадби, ама медиумски...? Речиси никој не знаеше како се вика по име и презима нивниот вокал, се' додека не излезе во јавноста дека е тој е новото момче на Антониа! И одеднаш види чудо, сите го знаат и препознаваат!

Врската на Ноне и Ристе со мали прекини траеше неколку години, се' додека пејачот славата не го удри в глава, па реши да ја напушти... И врската со пејачката и групата, па тргна соло! Но, се' што направи потоа, беше далеку од успехот и популарноста кои Ристе ги имаше додека беше со Ноне и „Браво бенд“. Подоцна и самиот ќе признае дека врската со Ноне го извади од калта на анонимноста. Нивната разделба, веројатно и му ја закопа кариерата, а на Ноне и ја продолжи. Баладата „Зошто баш ти“ посветена на нивната љубов, стана евергрин!

За Антониа и Иван е рано да се каже, зашто се' уште се „тазе“ и се' уште „сркаат од љубовниот мед“. Но теглата бргу се празни, а кариерата уште побргу напредува, па останува да видиме дали и оваа музичко - љубовна приказна ќе тргне по истиот пат. Славата бргу опива и удира в глава, па некои веќе го гледаат Иван Јованов како „либеро“, односно како соло пејач, но...?

Со или без Антониа и во или надвор од „Либеро бенд“ - времето ќе покаже! Зашто никогаш не е „лесно ко два и два“ нечија судбина однапред да се предвиди! Иако... „Никогаш не вели никогаш“!

Срце од ајвар: Ноне доби најнеобична роденденска честитка од најсаканата личност! (ФОТО)

Антонио Димитриевски — Tue, 28 Sep 2021 06:37:23 +0000

Роденден е денот што го чекаме цела година... Само што некои го чекаат дома, некои но бекој локал, кафеана, кафетерија, клуб, дискотека, игротека... Зависи од возраста, желбите. замислите и можностите. Но, има некои што роденденот ќе го дочекаат далеку од дома, а сепак опкружеени со најблиските, најмилите, најдрагите личности во мислите... Некогаш ним роденденот на далечина им го честитавме со писма и телеграми, денес за среќа сето тоа оди многу побргу или за миг, преку современите можности на денешната технологија, интернетот и социјалните мрежи. Роденден славиме сите, секако и познатите личности, или барем оние кои некогаш тоа биле... А денес се токму далеку од дома, живеат и работат некаде таму по белиот свет, како што е случајот со некогашната македонска поп ѕвезда, пејачката Нона Неделковска или само Ноне. Токму денес, 28 септември на македонската „џепна венера“ и е роденден. Сто пати сме рекле дека на дамите не им се бројат годините, особено не на Ноне, зашто според нејзиниот младешки „бејби фејс“ изглед, ако не и ги знаете и да сакате не можете да и ги изброите. „Најшетаната велешанка“ во моментов повторно не е дома... Крстари преку седум мориња и океани, работејќи веќе со години на прекуокеанските крузери. Но тоа не значи дека роденденот не го слави...Или пак случајно најблиските и пријателите и го заборавиле. Напротив, уште од рано изутрина на нејзиниот Фејсбук почнаа да пристигаат роденденски честитки во вид на бројни пораки... Со најубави „желби рој“, емотикини на љубов, среќа и радост..., со по понекоја фотографија! Нај печатлива, но и науникатни, најкреативна и веројатно најмногу полна со љубов роденденската честитка од мама Мимоза! Цвеќе, бомбони, балони, емотикони, чоколади, пијалак... сето тоа веќе сме го виделе безброј пати во роденденските честитки и е очекувано да се сподели покрај убавите зорови. Но, она што мајка и на Ноне и го „спакува“ како фотографија со роденденска честитка, навистина ретко се гледа. Или поточно - се гледа за прв пат и затоа е ем оригинално, ем уникатно, ем „златно“! Две недели претходно ќерката и го честиташе роденденот на мајката, а сега мама и возврати на себесвојствен начин: Две срценца од тазе подготвено ајварче, со свеќички што горат во нив, два пати по три парченца сирење, едно варено јајце и чаша свежо цеден овошен сок. Сето тоа прекрасно гарнирано со свежи цветчиња и сервирано во чинија на масата како роденденска појадок честитка за својата ќерка. Да се стопиш од среќа, а и прсти да излижеш... Секако во првата прилика кога „форевер јанг“ Нона ќе се врати дома. Роденденот нека и е среќен, најсреќен... честитка и од редакцијата на Вистина.ком.мк! Фото: Инстаграм принтскрин/nona.nedelkovska

Ноне се врати на работа, па одново ги собра аплаузите, овој пат, виртуелно: Некогашната македонска поп ѕвезда потсети со песна, дека се’ уште умее да блеска (ВИДЕО)

Антонио Димитриевски — Mon, 19 Jul 2021 07:15:48 +0000

Некогашната македонска поп пејачка Нона Неделковска по долгата пауза заради корона пандемијата и се врати на својата сегашна работа. Од родниот Велес, преку Скопје „директ драјв“ одлета во светот, за некаде оттаму од Англија да „отплови во непознати води“, онаму каде што последните години пред корона пандемијата ја најде својата среќа и својот мир, работејќи на прекуокеанските крузери кои пловат по морската шир! Ноне со топлес поздрави од бродската палуба: Пејачката се врати на работа или само одлета на туристичка (аван)тура по океанот? (ФОТО+ВИДЕО) – Вистина.мк (vistina.com.mk) И додека големиот прекуокеански брод се подготвува за своето ново крстарење, персоналот има малку повеќе време за себе, па така и македонската „џепна венера“ ги користеше убавото време и сончевите зраци да ужива во адаптацијата на старо-новата работа, пред уште еден морски предизвик за обиколка на светот. Но колку и да е крузерот огромен, сончањето на морската палуба знае да здоде, па во меѓувреме Ноне се потруди да си најде нова разонода - да запее. Дали од досада или потреба носталгично да се потсети на старите добри времиња и деновите кога „жареше и палеше“ на регионалниот „Идол“, а потоа со својата популарност ги крстосуваше дискотеките и клубовите по градовите во Македонија, фестивалите и манифестациите и надвор од неа, па дури во два наврати стигна да пее на турнеја и по далечната Австралија.

View this post on Instagram

A post shared by Nona ♎️ (@nona.nedelkovska)

И кога се засити од музиката или сфати дека само од неа кај нас тешко ќе може да живее, ја смени професијата и тргна во авантура по белиот свет, да плови преку сите светски мориња и океани, работејќи го она што и денес се' уште и е професија. Или како штосамата ќе рече и напише: „Јас сум на одмор секој ден, затоа што ја сакам мојата професија“ ! Арно ама колку и да е интересна, динамична и возбудлива, нема професија која во еден момент не здосадува, па затоа Ноне реши за миг да и се врати на „првата љубов“ - музиката, па запеа. Мала караоке забава за себе и сите што ја познаваат со кавер од Ријана, песна која ја изведе и сподели на социјалните мрежи... и ги собра аплаузите, овој пат - виртуелно!

View this post on Instagram

A post shared by Nona ♎️ (@nona.nedelkovska)

Некогашната македонска поп ѕвезда од крузерот потсети со песна, дека се' уште умее да блеска! Кога работата сега што ја работи ќе и здосади или ќе реши дефинитивно да се скраси, зашто работа на прекуокеански крузер нималку не е лесна, Ноне секогаш како алтернатива ги има својот вокал и изборот на добра песна. На оној што умее да пее, никогаш не му е доцна за убави нешта... На народот секогаш ќе му требаат леб, игри и добра фешта! Фото: Инстаграм принтскрин/nona.nedelkovska

Ноне со топлес поздрави од бродската палуба: Пејачката се врати на работа или само одлета на туристичка (аван)тура по океанот? (ФОТО+ВИДЕО)

Антонио Димитриевски — Thu, 24 Jun 2021 08:28:57 +0000

Корона пандемијата како полека да се стишува, мерките попуштија, па многумина тоа го искорисија својот живот да го вратат во нормала. Меѓу сите нив и некогашната македонска пејачка, Ноне Неделковска. Но „џепната венера“ и покрај некои најави за враќање, не се задржа во музичката сфера, туку „отплови во непознати води“, онаму каде што последните години пред корона пандемијата ја најде својата среќа и својот мир, работејќи на прекуокеанските крузери кои пловат по морската шир! Штом се создадоа услови, „најшетаната велешанка“ ги „собра парталите“, ги спакува куферите и повторно замина од Македонија. Или поточно - одлета, овој пат во непознат правец, за да заплови на непозната дестинација. Пасошот и авионскиот билет на готовс, со автомобил до аеродромот, а потоа... Според сите протоколи - авионче бело крило, вака убаво оддамна не ми било... Или што би рекла самата Ноне, додека низ авионскиот прозорец над облаците задоволно бдее: „ Да го гледам ова, никогаш нема да ми здодее“. Дестинацијата на екс пејачката - непозната, како и целта на нејзиното најново патување: Туристичко уживање или ново вработување? Се разбира како и досега, на еден од големите прекуокеански крузери со кои Ноне откако го напушти родното огниште, сиве овие години пловеше преку океани и мориња, од пристаниште до пристаниште...! А штом стапна на крузерот, прво што направи малечката сирена беше да се соблече... Заради акумулирање на сончеви зраци, уживање во морската глетка и клима или на општо изненадување... Зради топлес поздрави од бродската кабина... Или поточно, палуба! Испружена на бродскиот под на терасата, бомбастичната велешанка го сподели сиот свој телесен раскош, особено бујните атрибути по кои е препознатлива и не можат да се скријат, иако се обиде да ги сокрие, како и лицето кое убаво не и се виде. Ама Ноне не можеш да ја промашиш и да сакаш... Зашто има нешто специфично, заштитен знак кој како кај никој друг, веднаш ти упаѓа во видокруг! По топлес поздравот на Ноне од бродската палуба, дилемата е друга: Пејачката се врати на работа па со бродската кабина го замени станот или одлета само на туристичка (аван)тура по океанот?

View this post on Instagram

A post shared by Nona ♎️ (@nona.nedelkovska)

Фото: Инстаграм принтскрин/nona.nedelkovska