Ноне по оригиналната роденденската честитка – „срце од ајвар“, доби и торта па испрати порака: „Драги злобни луѓе, се надевам ќе се задавите малку од мојот сјај“

Христина Ѓоргиевска — Fri, 01 Oct 2021 07:51:40 +0000

Некогашната македонска поп пејачка Нона Неделковска го прошета светот, но не благодарение на микрофонот и музиката како и повеќето нејзини (екс) колеги, туку благодарение на нејзината работа на брод. Имено, Ноне можеби не е активна на музичката сцена, но е активна на социјалните мрежи каде редовно објавува фотографии од местата каде се наоѓаат, а кои наликуваат на разгледници. Претходната година кога фати пандемијата со коронавирусот, Ноне се врати во родниот Велес каде што беше додека траеше карантинот, но откако попуштија мерките, екс пејачката ги спакува куферите и замина на работа далеку од дома. Таа неодамна имаше и убав повод славење односно својот роденден. Токму по тој повод на нејзиниот профил се нижеа голем број на честитки, како од нејзините пријатели, следбеници, таа и ја доби и најоригналната честитка од нејзината мајка која направи две срциња од ајвар, со свеќички што горат во нив, два пати по три парченца сирење, едно варено јајце и чаша свежо цеден овошен сок. Срце од ајвар: Ноне доби најнеобична роденденска честитка од најсаканата личност! (ФОТО) – Вистина.мк (vistina.com.mk) По оваа оригнална честитка и торта, Ноне на работното место за нејзиниот роденден и доби вистинска, мала, округла торта на која пишува: „Среќен роденден принцезо Нона“. Фотографија од тортата таа сподели на социјалните мрежи, а во описот напиша: „Драги злобни луѓе, се надевам дека малку ќе се задавите од мојот сјај“, напиша таа упатувајќи порака до хејтерите кои од другата страна на компјутерот, телефонот, секогаш знаат да напишат некој негативен коментар. По тортата следуваше и јагодатката на торта, односно јагоди за македонската некогашна пејачка и чинија на која пишува „Happy birthday Nona“. Инаку, Ноне наполни 35 години. фото: инстаграм/нона неделковска

Срце од ајвар: Ноне доби најнеобична роденденска честитка од најсаканата личност! (ФОТО)

Антонио Димитриевски — Tue, 28 Sep 2021 06:37:23 +0000

Роденден е денот што го чекаме цела година... Само што некои го чекаат дома, некои но бекој локал, кафеана, кафетерија, клуб, дискотека, игротека... Зависи од возраста, желбите. замислите и можностите. Но, има некои што роденденот ќе го дочекаат далеку од дома, а сепак опкружеени со најблиските, најмилите, најдрагите личности во мислите... Некогаш ним роденденот на далечина им го честитавме со писма и телеграми, денес за среќа сето тоа оди многу побргу или за миг, преку современите можности на денешната технологија, интернетот и социјалните мрежи. Роденден славиме сите, секако и познатите личности, или барем оние кои некогаш тоа биле... А денес се токму далеку од дома, живеат и работат некаде таму по белиот свет, како што е случајот со некогашната македонска поп ѕвезда, пејачката Нона Неделковска или само Ноне. Токму денес, 28 септември на македонската „џепна венера“ и е роденден. Сто пати сме рекле дека на дамите не им се бројат годините, особено не на Ноне, зашто според нејзиниот младешки „бејби фејс“ изглед, ако не и ги знаете и да сакате не можете да и ги изброите. „Најшетаната велешанка“ во моментов повторно не е дома... Крстари преку седум мориња и океани, работејќи веќе со години на прекуокеанските крузери. Но тоа не значи дека роденденот не го слави...Или пак случајно најблиските и пријателите и го заборавиле. Напротив, уште од рано изутрина на нејзиниот Фејсбук почнаа да пристигаат роденденски честитки во вид на бројни пораки... Со најубави „желби рој“, емотикини на љубов, среќа и радост..., со по понекоја фотографија! Нај печатлива, но и науникатни, најкреативна и веројатно најмногу полна со љубов роденденската честитка од мама Мимоза! Цвеќе, бомбони, балони, емотикони, чоколади, пијалак... сето тоа веќе сме го виделе безброј пати во роденденските честитки и е очекувано да се сподели покрај убавите зорови. Но, она што мајка и на Ноне и го „спакува“ како фотографија со роденденска честитка, навистина ретко се гледа. Или поточно - се гледа за прв пат и затоа е ем оригинално, ем уникатно, ем „златно“! Две недели претходно ќерката и го честиташе роденденот на мајката, а сега мама и возврати на себесвојствен начин: Две срценца од тазе подготвено ајварче, со свеќички што горат во нив, два пати по три парченца сирење, едно варено јајце и чаша свежо цеден овошен сок. Сето тоа прекрасно гарнирано со свежи цветчиња и сервирано во чинија на масата како роденденска појадок честитка за својата ќерка. Да се стопиш од среќа, а и прсти да излижеш... Секако во првата прилика кога „форевер јанг“ Нона ќе се врати дома. Роденденот нека и е среќен, најсреќен... честитка и од редакцијата на Вистина.ком.мк! Фото: Инстаграм принтскрин/nona.nedelkovska

нона неделковска – Вистина.мк

Ноне по оригиналната роденденската честитка – „срце од ајвар“, доби и торта па испрати порака: „Драги злобни луѓе, се надевам ќе се задавите малку од мојот сјај“

Срце од ајвар: Ноне доби најнеобична роденденска честитка од најсаканата личност! (ФОТО)