ноќ – Вистина.мк

Ноќта пред Водици е најмоќната во годината -еве и зошто…

Слободанка Илиева — Tue, 09 Jan 2024 13:00:03 +0000

Имено, се верува дека еден ден пред Богојавление, точно на полноќ, се отвораат небесата. По тој повод, треба да се погледне во небото и да се замислат желби за кои се верува дека сигурно ќе се остварат. На деветнаесеттиот ден од јануари, православните верници го слават Богојавление, Водици. Големиот христијански празник – Водици, се слави на 19 јануари, со традиционално фрлање за Светиот крст. На овој ден се слави споменот на Христовото крштевање на реката Јордан и Божјиот изглед во форма на гулаб и глас: „Ова е мојот Син и Него послушнете го“. На Богојавление, 19 јануари, завршуваат некрстените денови. На овој ден се осветува вода во сите цркви и храмови. Тоа е свечен обред на кој, скоро редовно, присуствуваат многу луѓе, кои носат осветена вода во своите домови, бидејќи оваа Света вода – Богојавленска, се чува во секој дом во текот на целата година како големо светилиште, и се користи само при голема потреба (болест, вознемирување од зли духови). Богојавление е еден од најголемите христијански празници и соодветно на тоа, се развиле многу народни обичаи поврзани со самиот ден, како и ноќта пред Богојавление. 1. Отворање на небото Ова е најпознатиот обичај поврзан со Богојавленската ноќ. Имено, се верува дека еден ден пред Богојавление, точно на полноќ, се отвораат небесата. По тој повод, треба да се погледне во небото и да се замислат желби за кои се верува дека сигурно ќе се остварат. 2. Огледала под перницата Вообичаено е невенчаните девојки да ставаат огледала под перниците ноќта пред Богојавление, бидејќи се верува дека така ќе го сонуваат младичот со кој ќе стапат во брак. 3. Вода од извор Во некои делови, вообичаено е младите девојки да одат на недопрен извор на вода утрото на Богојавление, да фрлат неколку зрна пченица или некои други житни култури во неа и да кажат: „Како што поминува водата, така ќе се бере и жетвата на нашите полиња“. Потоа ја полнат водата и ја носат до своето домаќинство. На некои места, сè уште е зачуван обичајот на семејството да пие малку од таа вода преку секира, бидејќи се верува дека на тој начин ќе се избегнат расправии меѓу нив. 4. Предвидување на времето Обичај е некаде постарите жени да ги земаат предвид временските услови на Богојавление и со тоа да предвидат каква ќе биде годината. Ако, на пример, има мраз и снег на тој ден, се верува дека годината ќе биде плодна, а ведро време најавува сува година. извор:курир.мк

Дали секогаш се будите во исто време во текот на ноќта?

Слободанка Илиева — Wed, 24 Aug 2022 13:18:47 +0000

Дали некогаш сте се запрашале зошто навечер се будите во исто време? Поединечното или повтореното будење во 3 часот наутро, на прв поглед може да ви изгледа безопасно, но ако тоа продолжи постојано, еве што значи. Добри вести: ова не е случајна појава и може да даде јасна слика за тоа што се случува со вашето тело, ум и живот. 1 час по полноќ Физички симптоми: Проблеми со циркулацијата, срцето или жолчката. Психички симптоми: Не можете да го најдете своето место во животот или се чувствувате несигурно, не знаете како да направите чекор напред и се борите со проблеми што се поврзани со вашиот изглед или тежина. Духовни симптоми: Ви треба нов извор на енергија. Давате повеќе одошто добивате за возврат, а тоа доведува до премореност. Не знаете како самите да се усреќите, па тоа го барате од други луѓе. 2 часа по полноќ Физички симптоми: Проблеми со дигестијата, поврзани со функцијата на цревата или црниот дроб. Можеби премногу јадете. Психички симптоми: Будењето во оваа доба по правило е поврзано со енергетски „џебови“. Често имате проблем со пад на енергијата и ненадеен скок, поради што чувствувате дека можете се’. Духовни симптоми: Ослободете се од стравовите или идеите за себе што не се реални. Одново научете ја лекцијата што животот ви ја сервира. 3 часа по полноќ Физички симптоми: Проблеми со белите дробови, како што се неспособноста за земање длабок здив и опуштање. Психички симптоми: Ви треба совет за изборот на животниот правец. Се будите во часот на вештерките, бидејќи умот самиот бара начин да дознае каде да тргне. Духовни симптоми: Ако се будите во оваа доба, можно е починатите лица да се обидуваат да контактираат со вас. Важно е да ги запишете сите мисли и идеи што ви се случиле во овој период од ноќта. 4 часа по полноќ Физички симптоми: Проблем со мочниот меур или потење. Ова е време кога вашата телесна температура е најниска, па можеби ви е ладно. Психички симптоми: Можно е постојано да се премислувате во животот. Научете да им верувате на луѓето. Отфрлете ги сомнежите од животот. Духовни симптоми: Минувате низ период на успех, го менувате својот живот. Влегувате во нова животна фаза. 5 часот наутро Физички симптоми: Проблеми со цревата, исхраната… Психички симптоми: Не верувате дека заслужувате љубов. Самокритични сте. Духовни симптоми: Мора да си дозволите себеси да почувствувате радост. Не размислувајте ниту за минатото ниту за иднината. Фокусирајте се на сегашноста. Недостигот на сон помеѓу 3 и 5 часот наутро може да укажува на духовно будење. Останати симптоми: Минувате низ големи животни промени. Силните емоции ве кршат. Се сомневате во себе и во тоа дали сте доволно добри. Не разбирате што се случува околу вас. Понекогаш сте дезориентирани. Имате желба да се изолирате од другите. Секако дека будењето среде ноќ може да биде предизвикани и од други причини, на пример: деструктивни врски, депресија, проблеми од финансиска природа, семејни проблеми и слично. Најважно е да си верувате себеси. Одговорот на секој ваш проблем е во вас, само мора внимателно да размислите. извор:курир.мк

Може да се падне на 35 различни датуми: Зошто Велигден секогаш е во недела и на полноќ, а не преку ден?

Слободанка Илиева — Wed, 07 Apr 2021 12:00:13 +0000

Сите знаеме дека Велигден е празник со непостојана дата за празнување. Денот не го менува, а датумот го менува. Може да биде во април, а и во мај. Временското растојание, од кога до кога може да се падне Велигден е определено и тоа се движи од 4 април до 8 мај, односно, најрано: три дена пред Благовец, а најдоцна: два дена по Ѓурѓовден. Што значи дека Велигден може да се падне на 35 различни датуми. Велигден е Празник над празниците. Со Велигден се поврзани најмногу празници во годината. Најконкретно со Велигден, празниците се поврзани 50 дена пред него и 50 дена по него. Секогаш, педесеттиот ден пред Велигден е Прочка и секогаш педесеттиот ден по Велигден е Духовден (Педесетница). А и Спасовден е секогаш на 40 ден по Велигден, Цветници е неделата пред Велигден, а саботата е Лазарева сабота итн. Велигден е првиот празник на христијаните. Но, во првите векови, немало ускладеност и еднообразност во празнувањето. Не го празнувале Велигден сите во исто време. Така било цели три века. Христијаните на Исток, во Азија го празнувале Велигден во исто време и на ист датум, но другите не. Велигден се празнувал секогаш на 14 ден од првиот пролетен месец, без разлика во кој ден од седмицата ќе се падне тој датум. Тоа било истовремено празнување на Велигден со Јудејската Пасха. Христијаните, во Европа велеле дека е неприлично да го славиме нашиот најголем празник Велигден, заедно со најголемиот празник на Евреите – Пасха. Затоа, се определиле да го слават Велигден секогаш во неделниот ден по првата пролетна полна месечина. Тоа значело дека Велигден ќе биде секогаш во недела. Зошто во недела? Затоа што во тој ден Христос воскреснал. Воскреснал во недела и треба да се празнува во недела. На првиот вселенски собор, во 325 година, била донесена одлука: Велигден да се празнува насекаде во првата недела по Пасхалната полна месечина. Соборот ги определил: Денот – недела; периодот – пролет; денски, сончев знак – пролетна рамноденица; месечев знак – полна месечина, првата полна месечина во пролетта, по пролетната рамноденица; спореден празник – Пасха јудејска, секогаш во неделата по неа, но никогаш со неа, ни пред неа. Ова правило од Соборот важи и до ден денес. Настанало единство во сето христијанство – единство за Празникот над празниците. Но, не за долго. Всушност, уште веднаш се појавиле разлики по прашањето за часот и времето од денот. Западните христијани – Римската црква рекла дека на полноќ се објавува Воскресението Христово и започнува Велигден на почетокот од денот недела. Христијаните на Исток, започнувале еден час по полноќ, а некои, пред зори – во 4 часот наутро, по европско време. Оваа различност продолжила нови три и пол века. Соборот одлучил: Велигденскиот пост престанува на полноќ на Велика сабота и започнува Велигден на полноќ, веднаш штом влегува во недела. Оттогаш настанала истовременост на празнувањето. Христијанскиот свет имал ист празник, во исто време и час. Зошто на полноќ, а не преку ден? Светите отци сакале да биде празникот, колку е можно, најблиску до времето на Христовото воскресение. Но, нам не ни е кажано точно времето и часот кога Христос воскреснал. Евангелијата ја премолчиле оваа точност. За моментот на Христовото воскресение не е напишано, но за доаѓањето на ангелот Божји, којшто ги пречекал жените мироносици кај празниот гроб, се вели: “Стана голем потрес: ангел Господов слезе од небото…, а стражарите, уплашени од него, трепереа и беа како мртви.” Настанот се случил порано, а можело и на полноќ, но сигурно не пред полноќ. Воскресението во почетокот на означеното време значи сила и моќ – дека немало што да чека, туку ја имал Божјата сила и можел да воскресне; а тоа, ако се случело на крајот од денот, ќе значело немоќ – како да чекал да собере сила, како едвај воскреснал. Затоа е земен терминот веднаш по полноќ, само што почнува неделата. Затоа тогаш се објавува Воскресението и гласно се вели: – Христос воскресе! Ова значи објавување на една голема вистина – му се објавува на целиот свет дека нашиот Бог не е мртов, туку е жив и не е во гробот, туку воскресна. Тоа се кажува гласно и сеопшто, од сите и за сите во светот. Тоа значи одеднаш, јавно и најмасовно исповедање на верата на сиот свет дека Христос Воскресе! На тоа се одговара: – Вистина воскресе! Како се пресметуваат велигденските таблици? Велигденските таблици за пресметување на датумот на Велигден се нарекуваат и Пасхални таблици или Пасхалии. Оваа пресметка не е едноставна и има своја долга историја. Првите пресметувања ги направил свети Теофил Александриски во 385 година и ја дал првата Пасхална таблица за 40 години. Тоа го дооформил свети Кирил Александриски и било дадено за целиот христијански свет, скоро два века. Во 526 година, римскиот монах Дионисиј Мали ги направил конечните Велигденски таблици. Тоа важи и до денес и засекогаш. Формиран е Велигденски круг, Пасхален круг или Пасхалија која никогаш не завршува и е наречен Голем индикт. Оваа вечна Пасхалија опфаќа циклус од 532 години. А кога ќе заврши овој круг, пак се повторува по истиот ред. извор:курир.мк

Карлеуша во Истанбул славеше „Св. Валентин“ или „Св. Трифун“: За „Денот на вљубените“ зедно на вечера со Душко и пријателите, ама дали таа ноќ и во ист кревет со сопругот? (ФОТО)

Антонио Димитриевски — Tue, 16 Feb 2021 11:00:50 +0000

Наголемо се пишува за новата брачна криза на фолк пејачката Јелена Карлеуша и нејзиниот сопруг, фудбалерот Душко Тошиќ, кој од пред некое време е нов фудбалер на турскиот прволигаш „Касимпаша“ од Истанбул. Токму во Истанбул, Карлеуша го помина „Денот на вљубените“, каде реши за празникот да отпатува заедно со својот ПР менаџер Зоран Бирташевиќ и уште еден нивни пријател. Пејачката вечерта ја помина со својот сопруг, но не на интимна вечера, туку на заедничка со нејзините и уште некои негови пријатели, па објави и неколку фотографии од заедничката дружба за Свети Валентин. Вечер која очигледно повеќе личела, како што може да се види, на прослева на Свети Трифун, со чашите вино в раце. Некои од српските медиуми кои ја поддржуваат белградската „скандал мала“ напишаа дека со овој потег Карлеуша им ја затнала устата на озборувачите, хејтерите и злобниците... ...Додека други гласно го поставууваат прашањето: Карлеуша - да, на заедничка вечера со Душко и пријателите за „Денот на вљубените“, ама дали и во ист кревет таа ноќ со сопругот? https://arhiva.vistina.com.mk/radio-mileva/ljubovnicata-i-soprugata-se-menuvaat-vo-novoto-ljubovno-gnezdo-na-dushko-toshikj-vo-istanbul-ana-zaminala-karleusha-dojde-foto/ Да потсетиме, како што веќе објавивме, сопругата на Душко Тошиќ отпатува во Турција со својот ПР менаџер и неговиот пријател, а само неколку часа претходно неговата љубовница Ана Јовановиќ се врати во Белград. Сопругата на Душко мораше да оди на извидување по секоја цена за да се увери дека сопругот не ја лаже. Сепак, Ана и Душко се веќе добро уиграни и како одлично координиран тим се грижат за секој детал, па и љубовницата и сопругата никогаш да не се сретнат, пишуваше српски Курир.

Само по градник во кујната: Елена Петреска не е очајна, туку секси домаќинка, која жените ја разбираат, а мажите – уште повеќе (ФОТО)

Антонио Димитриевски — Fri, 10 Apr 2020 07:24:50 +0000

Вака или онака, полека почнавме да се навикнуваме на новосоздадените услови за живот. Карантинот колку и да е дестимулативен, очигледно има и свои предности. Социјализација, зближување со домашните, време за себе и семејството за оној кој го има, работи кои сме одлагале да ги завршиме, домаќинлук... Е, кога сме кај ова последново, кај домаќинлукот, изолацијата од надворешниот свет и најголемите „дунстери во кујната“ ќе ги натера по нешто да научат да зготват. Оние другите пак, ќе станат вистински експерти покрај шпоретот, тавите и тенџерињата... Естрадните ѕвезди, па и овие македонските, ѕвезди се на сцената и во медиумите, ама дома и тие се како сите останати - домаќинки! До душа, која како, иако Елена Петреска покрај кариерата важи за оддана и посветена сопруга и мајка на малолетни дечиња, а со тоа некако заедно оди да биде и вредна домаќинка. Особено во услови кога не смее или не се може да се излезе од дома, па кога нема каде да се оди и прошетката од дневната до кујната, од троседот до фрижидерот е нешто. И кога е во кујната, Елена покажа дека наместо „очајна домаќинка“ умее да биде и малку поинаква... Секси домаќинка! Откако го потроши денот во кујната, за што мајките и жените најдобро ја разбираат, замина под тушот па се врати... Но, не одново да готви, туку очигледно да се подготви за нешто друго... Така тазе истуширана и намирисана, со полувлажна коса и завиткан пешкир на главата, само по градник од бела тантела, Елена посегна по шише црно вино... Децата се мали, за нив е доволно доцна за да заспијат, ама на мама очигледно не и е уште до спиење... Можеби малку до пиење и малку повеќе до... знаете веќе што! Прилепската „секси домаќинка“ со скопска адреса на живеење, жените навистина добро ја разбираат... а, мажите - уште повеќе! А, Елена со истиот оној пешкир преку главата, легната на креветот во спалната, со високо кренати нозе, во розови пижами покажа дека неколку прочитани страници од добра книга пред спиење е рецептот за мирен и спокоен сон... Или можеби за добро утро? Ако по утринската насмевка ноќта се познава, дејствието пред спиење, мора да било „баеги содржајно“... Она од фабулата во книгата, се разбира!

Откриена пораката која принцот Чарлс и ја испратил на Дијана ноќта пред венчавката

Христина Ѓоргиевска — Mon, 26 Nov 2018 09:49:45 +0000

Принцот Чарлс неодамна го прослави својот 70 роденден, а јавноста се уште се интеренсира за детали од неговиот приватниот живот. Пени Јуниор, кралскиот биограф тврди дека ноќта пред свадбата принцот Чарлс испратил кратка порака на Дајана во кралскиот дворец, каде што таа се одмарала со нејзината сестра. Иако знаел дека венчавката му е голема грешка, принцот пратил порака за поддршка за Дајана. „Многу сум горд на тебе и утре те чекам кај олтарот. Погледни ги сите во очи и ќе ги воодушевиш“, напишал принцот Чарлс.

Нивниот брак почнала да се распаѓа неколку дена по венчавката кога Дајана открила дека има врска со Камил. Наводно, Дајана сакале да ја откаже свадба, но било предоцна.

Совети за подобар сон во жешките летни ноќи

Љупчо Најчевски — Wed, 30 May 2018 11:17:42 +0000

Обесете влажен чаршаф пред отворен прозорец. Кога воздухот однадвор ќе поминува низ влажниот материјал, тој ќе се лади, а со тоа ќе се намалува температурата во спалната соба.
Пред вклучен вентилатор ставете шише со замрзната вода или сад со мраз.Вашиот импровизиран клима-уред е подготвен. Ова е стар и ефикасен трик за да го добиете посакуваниот ладен воздух. Кога вентилаторот дува во мразот, просторијата чувствително се разладува. Но, препорачливо е вентилаторот да не е насочен кон вас.
Посипете малку бебешка пудра на чаршафите. Бебешката пудра ќе ја апсорбира потта и ќе ги зачувува чаршафите поладни.
Отскријте ги стапалата. Колку потопли се вашите стапала, толку пожешко ќе ви биде. Ако спиете покриени, дозволете им на најдолните точки од телото да ѕиркаат од под прекривачот.
Во текот на денот спуштете ги ролетните и затемнете го домот. Кога сонцето е најсилно, обидете се да ги спречите зраците да влезат во вашиот дом, спуштајќи ги ролетните или завесите. Тоа може да ја намали топлината во вашиот дом до 45%.
Искапете се со колку што е можно поладна вода. Не ја бришете целосно од себе, туку оставете ја кожата влажна.
Или пак, потопете ги стапалата во леѓен со ладна вода. На стапалата и кај глуждовите се наоѓаат многу пулсирачки точки кои влијаат на температурата на телото. Во текот на најжешките денови можете да го изладите целото тело ако ги потопите токму овие точки во ладна вода. Пулсирачки точки има и на вратот и зглобовите на рацете, па најверојатно сте забележале дека ладењето на тие делови од телото неверојатно освежува.
Изберете памучни чаршафи. Колку и да сакате да создадете романтична атмосфера во спалната, одолејте им на луксузните сатенски постелнини. Синтетичките материјали не ја апсорбираат влагата за разлика од памучните, кои ќе ја тргнат потта од вашето тело и ќе ви дадат пријатно чувство. Многу е важно за време на пеколните ноќи да ги избегнувате и перниците со полнеж од пена кои создаваат поголема топлина.
Спијте во положба „орел во лет“. Сте знаеле ли дека човечкото тело генерира топлина од околу 100 вати на час? Колку и да копнеете по прегратката на партнерот, спиењето на растојание од него ќе ви донесе подобар сон во неподносливо жешките ноќи. Најпрепорачлива позиција за спиење во топлите денови е позиција „орел во лет“ (со раширени раце и нозе), во која екстремитетите не се допираат едни со други и со телото. На тој начин ќе го избегнете дополнителното создавање на топлина и помалку ќе потите.
Спијте на пониско место. Запомнете дека топлината се издига нагоре, па за да најдете поладно катче за спиење, треба да легнете најниско што можете. Спијте на најдолниот кат ако живеете во куќа или на подот доколку не можете да заспиете во својот кревет.

Време е за романот „Тивка ноќ со Мерилин Монро“

Ивана Стојанова — Tue, 10 Apr 2018 12:31:42 +0000

Ако сте го прочитале романот "Тивка ноќ со Одри Хепберн", вистинското време е за да го прочитате продолжението на романот "Silent Night со Мерилин Монро". "Тивка ноќ со Мерилин Монро" е втор во трилогијата романи кои го придружуваат животот низ авантури, фази од дното до успехот на Либи Локмак. Либи Ломак доживеа торнадо во изминатите неколку недели. Излегува со најубавиот човек на планетата и доби атрактивна понуда за работа која ќе го избрише нејзиниот статус како пропадната актерка. Таа не може да поверува како нејзиниот живот одеднаш се променил. Сепак, оптимизмот исчезнува кога таа сфаќа дека Дилан О'Хара не беше вистинскиот човек за стабилна врска. За среќа тука нејзиниот најдобар пријател Оли, кој и дава неизмерна поддршка. Книгата ќе ве однесе од секојдневниот живот, опуштете на романтиките и смешените гафови на Либи Ломакс.