нога – Вистина.мк

Пејачката Барбара Бобак направила сцена во продавница: „Знаете ли која сум јас?!“ (видео)

Слободанка Илиева — Wed, 06 Dec 2023 11:16:11 +0000

Пејачката Барбара Бобак сака да се шегува, а сега направи сцена со работник во продавница, кој бил повеќе од шокиран од однесувањето на пејачката. Барбара беше дел од емисијата „Скриена камера“ каде имаше интересна задача. Имено, таа отишла во продавница за спортска опрема каде барала патики за фолклор. Во еден момент се случува ситуација кога Барбара паѓа на подот, а работничката целата изненадена приоѓа да и помогне. - Уф, ме боли ногата! Нога! Ме боли ногата. Ова е лизгаво, а никаде не пишува - изјавила пејачката која потоа ја збунила работничката кога открила дека има осигурување и дека ќе ги тужи.

@pitalice #foryou #foryoupage ♬ original sound - Miša

- Се ќе ти наплатам! Дали знаеш која сум јас? – прашала Барбара, а работничката зачудено признала дека не ја познава. - Па, еден ден ќе знаеш. Се гледаме на суд! - беше јасна пејачката. - Како можам сега да пеам пред мојата публика? Искрено, мојот поголем проблем сега е проблемот за оваа нога. Оваа ситуација ги насмеа сите до солзи, а Барбара со своите постапки успеа да ја збуни работничката и на тој начин да си ја исполни задачата. Да потсетиме, Барбара синоќа во емисијата на Огњен Амиџиќ се појави во црвено и ги воодушеви сите присутни со својот стајлинг. фото: Instagram printskrin/ barbarabobakmusic видео: Tik Tok/ pitalice

Водителот на „Јади бурек“ јавно го сподели ужасот од повредата по која за малку ќе му беше ампутирана ногата: Јанко Илковски со потресен статус и страотни фотографии (ФОТО 18+)

Антонио Димитриевски — Wed, 29 Nov 2023 07:57:55 +0000

Македонскиот ТВ водител Јанко Илковски, најпознат по своето долгогодишно ТВ ток шоу – „Јади бурек“ како што е познато неодамна доживеа тешка повреда на ногата. Стапалото на десниот екстремитет му беше речиси сосема уништено, па постоеше голема опасност заради инфекција и други компликации, водителот да остане со траен инвалидитет, односно за малку да му биде ампутирана ногата или делови од неа. За среќа, тоа не се случи... Неговата Фејсбук објава сите ги шокираше кога на 13 септември 2023 година, Јанко ја сподели непријатната информација. Тогаш водителот се огласи од болничкиот кревет на Универзитетската клиника за пластична и реконструктивна хирургија при Клиничкиот центар „Мајка Тереза“ во Скопје, откривајќи дека доживеал тешка повреда на ногата, каде прстите за среќа, едвај му ги спасиле. Сподели фотографија од преврзаната во завои повредена нога, покрај која со кус пост појасни за што се работи, без да прецизира кога, од што и како дошло до тешката повреда?! Тогаш заради преживеаната траума се' до денес не сакаше јавно да говори за деталите на повредата. Сепак, два и пол месеци по немилиот настан, Јанко Илковски сега се огласи со нов статус на социјалните мрежи. Водителот на „Јади бурек“ јавно го сподели ужасот од повредата по која за малку ќе му беше ампутирана ногата со потресен статус и страотни фотографии кои ги споделил на своите Инстаграм и Фејсбук профили. Она што може да се види на фотографиите е навистина ужасно, а за тоа како течел целиот процес од моментот на тешката повреда, ризикот да го ги изгуби прстите или целото стапало, преку хируршите зафати на познатиот хирург, па се до ден денес кога водителот е веќе во поизмината фаза на успешно опоравување тој ги раскажа деталите. „Ветив дека ќе ви покажам прогресот на моето заздравување, просто чудесија, за месец дена. Еве моја благодарност до професорката др. Смиља Туџарова Ѓоргова. Моето десно стапало... Пред пар месеци доживеав тешка повреда од која се опоравувам, но чувствувам потреба, после се, да напишам пар зборови за мојата школска другарка, која ме оперираше, ми ги спаси прстите и стапалото и направи се да мојата нога заздрави спектакуларно брзо, просто неверојатно. >Од сликите гледате како беше стапалото среде зафатот откако беше исчистено оти беше преполно со разно ѓубре и имав тешка инфекција. Имав толку несносна, силна болка и пред да почувствувам благодетот на локалната анестезија и силните аналгетици и реков, на мојата докторка, да не се мачи и се што е ампутирано да не крпи, да пресече, до толку бев очаен. Имам 61 година, дијабетичар сум + инфаркт и знам какво мачење на луѓе во моја состојба е заздравување на долен екстремитет. Доктор Туџарова рече – Не, не мрдам од операционава и од тебе додека не те средам и спасам секое делче и потполно заздравам. И успеа! Ние сме генерација , школски, учевме во Јосип Броз, потоа јас новинарство, она вредно се образуваше и стана позната и призната не само кај нас туку и во светот. Професор др Смиља Туџарова Ѓоргова е хирург и пластичен хирург и тоа од светска класа. Додека бев на една преврска, ме посети др од Јужна Кореа, свестски признат и познат, кој беше дојден да држи предавања за специфични хируршки зафати. Влезе со загрижено лице, ме погледна, а потоа виде дека др Туџарова ме преврзува, искрено ми се насмевна и ми рече ВО ДОБРИ РАЦЕ СИ ... јас му реков, благодарам...за Самсунг .. се изнасмеавме. Нејсе, јас навистина бев во предобри раце. Мене преврските ми беа прилично болни, целиот процес беше многу многу тежок за мене. Секој ден доаѓаше кај мене во болничка соба, смирена, позитивна, мислам дека во миговите кога имав тешки напади на болка (одбивав да пијам аналгетици оти не сакав после да имам последици и од нив – навлекување) толку зрачеше со спокој и кога јас не гледав светлина таа ни ја осветлуваше собата и мене и на детето што лежеше до мене. Мислам дека родена мајка така не ме тешела и смирувала. Каков човечки, благ однос имаше, не само кон мене, туку кон сите пациенти, но во исто време таков голем професионалец и беше уживање да ја гледаш како оркестрира додека раководи со тимот околу неа. Неверојатна жена, со неверојатна енергија и еден од најголемите професионалци кои сум ги запознал. На фотографиите ја гледате ногата каква беше, а ова, заздравеното, е сликано пред 3 недели. Нејзините колеги специјализанти беа со уста полна пофалби како ме санирала и постојано ја фотографираа ногата со искрено одушевување колку добро и брзо зараснува. Секако, нејзината стручност не беше само во хируршките зафати, туку и како ме водеше како пациент низ процесот на заздравување. Еден од најголемите адути е што др Туџарова е одговорна за активирање на хипербарната комора, медицински третман кој ако го опишам ќе мислите дека раскажувам приказни од фантазијата или некој футуристички филм. Најлошото помина, се движам нормално, трпам болки кои се норамлен дел од процесот на заздравувањње и наскоро се враќам во полна форма на работа. А за хипербарната кислородна терапија, ќе направам посебна емисија. Благодарам докторке за се што направивте за мене, а оваа земја, Македонија, треба да се гордее со вас. Со искрена и длабока почит твојот школски“ - напиша Јанко во своето јавно обраќање на социјалните мрежи. Фото: Facebook/Janko Ilkovski

„Сѐ се искомплицира!“: Маја Беровиќ си ја отвори душата за агонијата што ја доживеа (фото)

Слаѓана Атанасова — Mon, 20 Nov 2023 11:00:02 +0000

Маја Беровиќ проговори за најтешкиот период во животот кога имала дури пет операции на ногата. Како што раскажа пејачката, додека имала отворена рана која се заразила, подоцна и направило многу проблеми и компликации. Покрај здравствените проблеми, Маја признала дека најтешко и било тоа што морала на долго да се раздели од синот Лав. - Многу луѓе имале слични проблеми како мојот. Неверојатно ми е колку често тоа им се случува на луѓето, мислев дека тоа сум само јас. Тоа беше инфекција на ногата. Бактеријата стрептокока ми направи хаос. Тоа е нешто што многу тешко да се лекува. Тоа е можно со антибиотици, но во потешки случаи со операција. Морав да направам операција, бидејќи работата навистина се искомплицира. Имав отворена рана... - изјави таа. Пејачката потоа откри што ја довело до проблемот што го имала. - Тоа лето многу шетав со син ми... Не носев фластер, иако ми рекоа, затоа што пред тоа веќе имав некои проблеми со кожата. Таа отворена рана се зарази. Мислев дека ништо лошо не може да ми се случи, но еве... Се случи. Имав лош имунитет, затоа и така поминав – изјави Маја во емисијата „Премиера – викенд специјал“. Фото: Принтскрин/Инстаграм/Маја Беровиќ

На водителката на „Никогаш не е доцна“ и се случи пех на сцената: За едни смешно, а за неа се уште со последици од повредата (видео)

Слободанка Илиева — Fri, 17 Nov 2023 11:58:05 +0000

Водителката на музичкото шоу „Никогаш не е доцна“ Драгана Катиќ доживеа незгода на снимањето на емисијата пред две години, а последиците од падот ги чувствуваше долго после тоа. Кога таа сакаше да се симне од сцената се засопна и падна, а во таа незгода го свитка и зглобот, по што подоцна и предизвика хематом на коленото. Сепак таа тогаш покажа колкав професионалец е, бидејќи и покрај повредата веднаш стана на нозе со високите потпетици и се врати на сцената да го води шоуто како ништо да не се случило.

View this post on Instagram

A post shared by Nikad nije kasno (@nikadnijekasno_official)

-Луѓето не знаат дека не е секогаш лесно. Мислат дека се е сјајно и гламурозно. А не знаат колку луѓе треба да се поминат во текот на емисијата за да биде добар финалниот производ, изјавила во таа прилика Драгана уверувајќи ги луѓето дека навистина работат под тешки околности и услови. фото:Инстаграм принтскрин/Драган Катиќ

Ана Николиќ објави провокативна фотографија: Пејачката ја крена ногата во воздух и покажа повеќе од што треба (фото)

Слаѓана Атанасова — Mon, 25 Sep 2023 08:27:19 +0000

Пејачката Ана Николиќ, позната по својот провокативен стил и силниот вокал, на својот „Инстаграм“ профил објави фотографија која предизвика големо внимание кај нејзините следбеници. На фотографијата Ана на многу провокативен начин седи на маса со крената нога. Ана е позната по тоа што редовно ги известува своите фанови за нејзиниот живот преку социјалните мрежи, а оваа фотографија не беше исклучок. Сепак, она што ја направи оваа објава особено значајна е фактот што обожавателите беа загрижени за нејзиното физичко закрепнување. Но со оваа објава на „Инстаграм“ Ана ја покажува храброста и одлучноста да продолжи и покрај физичките пречки. Таа ја покажа својата сила, не само како уметник, туку и како мајка. Ана Николиќ е долго време на сцената и е позната по својата страсна музика, но и по скадалите кои се поврзуваат со нејзиното име. Оваа последна објава само ја потврдува нејзината посветеност на кариерата и семејството, дури и во тешки времиња. Во секој случај, Ана Николиќ продолжува да ја заинтригира јавноста со своите постапки. Без оглед на нејзините одлуки, едно е сигурно - таа е уметник кој го живее својот живот онака како што сака. И тоа е она што ја прави единствена. Фото: Принтскрин/Инстаграм/Ана Николиќ/Ата Имаџес

Познатиот ТВ водител заврши во болница: Јанко Илковски – „Јади бурек“ опериран по тешката повреда (ФОТО)

Антонио Димитриевски — Thu, 14 Sep 2023 09:00:44 +0000

Познатиот ТВ водител, некогашен ДЈ и музичар, Јанко Илковски е сепак најпознат по своето долгогодишно ТВ ток шоу – „Јади бурек“. И нема кој не го знае. Едни го обожаваат, други „очи неќат да му видат“, ама сепак сите го гледаат него во „Јади бурек“ со години. Кој со интерес, кој од интерес, кој од љубопитност да види и слушне кој ќе биде ставен на тапет, кој од страв да не биде спомнат... Јанко покрај ТВ етерот е мошне активен и на социјалните мрежи каде што секојдневно споделува разни нешта: Од сите можни аномалии во општеството, политката, секојдневниот живот, светски чуда и достигнувања, но и работи од својот приватен живот. Токму затоа многумина не изненади, ама затоа сите ги шокираше со последната Фејсбук објава од вчеравечер, среда, 13 септември 2023 година, кога Јанко споделил една непријатна информација. Имено, овојпат водителот се огласи од болничкиот кревет на Универзитетската клиника за пластична и реконструктивна хирургија при Клиничкиот центар „Мајка Тереза“ во Скопје, , откривајќи дека доживеал тешка повреда на ногата, каде прстите за среќа, едвај му ги спасиле. Јанко споделил фотографија од повредената нога, покрај која со кус пост појаснил за што се работи, без да преецизира кога, од што и како дошло до тешката повреда?! „На клиника сум за пластича хирургија. Имав лоша, многу лоша, повреда, а др. Туџарова ме оперираше и успеа да ми ги спаси прстите. Некое време ќе отсуствувам од програмата. Фала за поддршката“ - споделил Јанко кој доби стотици пораки на поддршка со желби за брзо и успешно закрепнување, кон кои се придружува и редакцијата на Вистина.ком.мк откако се обидовме да стапиме во контакт со водителот, кој не можејќи многу да зборува, само кусо ни го потврди она што е веќе познато:

„Повреда, нога, опериран... Заздравувам... Со Господ...“ - ни возврати Јанко, појаснувајќи дека во моментов му е тешко да говори за деталите за случката. Нека е со помин! Фото: Фејсбук/Janko Ilkovski

Емир Кустурица итно примен во болница: Операцијата е неопходна, а еве каква е неговата состојба

Слободанка Илиева — Thu, 02 Mar 2023 12:06:14 +0000

Емир Кустурица е примен на Институтот за ортопедија во Бањица откако ја скршил ногата на Мокра Гора. Како што изјави за „Спутник“, режисерот се чувствува добро и го чека операција. - По авиони, хеликоптери, камиони, стотици илјади километри, 950 концерти и се’ што ми се случило во животот, нема ништо пологично да не се случи несреќа на важно и значајно место отколку на обични скали. Иронијата на животот е што на последното скалило од приодот кон кафеаната „Креклата авлија“ на Мокра Гора, се лизгам и десниот зглоб се врти за 180 степени. Стенкав од болка - рекол познатиот режисер. Кустурица додаде дека во моментов нема никакви болки и очекува по утрешната операција полека да се врати во нормален живот. фото:Profimedia/ Hell.rs prinstskrin

Давид Темелков мин(ув)а низ животна голгота: „Ми открија тумор на ногата, а лекарот ми соопшти дека шансите да останам инвалид се 98 %“ (ФОТО)

Антонио Димитриевски — Wed, 22 Feb 2023 09:25:13 +0000

Македонскиот пејач Давид Темелков, кого пошироката музичка јавност во регионот го запозна при учеството и успешните настапи во втората сезона на музичкото шоу „Икс фактор-Адриа“, потоа продолжи да ја гради својата регионална кариера во Хрватска. Низата песни од кои некои станаа и хитови му обезбеди место меѓу познатите, па така во 2021 година тој јавно на еден настап во Градишка ја запроси и тогаш неговата девојка Елена Јунг, која кажа - ДА. За жал, животот не е исполнет само со радости и среќни мигови, па така на почетокот на минатата година пејачот ќе се соочи со својот најголем страв, откако ќе му биде соопштено дека има здравствен проблем кој сериозно може да му го промени животот. Имено, на Темелков тогаш ќе му биде дијагностициран тумор на десната нога, кој ќе мора да му биде отстранет со хируршки зафат, по кој биле можни последици од катастрофални размери. Или поточно, лекарот му најавил дека шанситре за траен инавалидитет на стопалото на десната нога се огромни... Дури 98 %, по што тој не ќе може да ја движи ногата, зашто десното стапало повеќе нема да му биде во функција. Една година од истиот тој ден измина. Давид Темелков мин(ув)а низ животна голгота, која за среќа се покажа дека чудата се сепак возможни. Својата животна приказна за најтешкиот период во животот досега, пејачот ја раскажа и сподели на Инстаграм профилот со своите следбеници. „Една година подоцна.. истиот ден... Оваа сторија ја пишувам со насмевка на лицето и не мислев да ја споделам јавно.. не знам зошто, но можеби некому ќе биде охрабрување, баш такво какво што на мене ми требаше пред една година! Минатата година започна жестоко, така што веднаш по Нова Година дознав дека на десната нога, во Паронеалниот нерв кој ја движи ногата, имам тумор со големина од 5.7цм.. Докторот кој ме прегледа јасно ми искомуницира дека ситуацијата е сериозна и дека постои можност од 98% за инвалидитет на десното стопало и дека ќе остане неподвижно и нема да има функција. Дека тој ќе даде сè од себе за да спаси што може да се спаси но дека е видливо како туморот веќе го има оштетено нервот.. Нема да кажам дека таа информација не ме погоди.. Ме погоди! Но во првите 10 минути.. Седнав во кола и почувствував како телото ми гори.. Не знаев како да им го соопштам тоа на најблиските.. По кратка тишина, на глас си реков "Господе, сè е во Твои раце.. Ако е ова Твоја Воља, достојно ќе ја понесам.. ќе пеам на штаки, во количка, ќе седам на работ на бината и ќе пеам да те прославам колку ме држи глас! Сум победил многу битки, спремен сум и за оваа!" До денот на операцијата не дозволив да ме изеде психата, напротив.. Се радував на секој нов ден и на сите нови обврски, на секој тренинг, на секој концерт.. Фокусот ми беше остар! И гледај Чудо.. Операцијата помина одлично!!! Стопалото сеуште не е на 100%, ама духот е! Само Господ знае зошто ни дава искушенија, и Фала Му за сè! Огромна благодарност и до професорот Раде Жиц кој веруваше и во оној 1% дека може да се спаси стапалото и што ми овозможи цврсто да чекорам према целите и соништата! Животот е чудо, сите имаме воздигнувања и падови, но кога ќе паднеме најважно е да станеме и да продолжиме! Не се откажувајте од вербата.. Верувајте! Верувајте во Добро, верувајте во чуда.. Верувајте во Љубов.. и да бидеме благодарни! Благодарни на Бога за сè што имаме и немаме! Не ми замерувајте, долга е сторијата ама е од срце!“ - сподели Давид Темелков на Инстаграм.

View this post on Instagram

A post shared by David Temelkov (@davidtemelkov_)

Фото: Инстаграм принтскрин/davidtemelkov_

Актерката Кејт Винслет заврши во болнца во Хрватска (фото+видео)

Слаѓана Атанасова — Mon, 19 Sep 2022 07:34:35 +0000

Легендарната актерка Кејт Винслет пристигна во болницата во Дубровник откако се повреди за време на снимањето на филмот во комплексот Купари. Кејт Винслет во болницата во Дубровник дошла со црно комбе во придружба на неколку луѓе, пишува „Дубровачки дневник“, а според неофицијални информации, оскаровката ја повредила ногата на сетот. Актерката пристигнала на влезот на Итната помош, а потоа заминала на задниот излез. Купари е една од локациите каде се снима филмот за Ли Милер, чиј лик го толкува Кејт Винслет. Во актерската екипа се и Марион Котијар и Џуд Лоу, пишува „24 sata hr“. Ли Милер е воен фотограф за „Вог“, а Купари беше избран поради стариот хотел, односно урнатините од пред неколку децении, кои во филмот ќе бидат искористени како илустрација за Втората светска војна. Фото:Принтскрин/ Профимедиа

Оперирана Џејла Рамовиќ – пејачката долго време се борела со овој здравствен проблем (фото)

Слободанка Илиева — Mon, 06 Jun 2022 10:27:04 +0000

Џејла Рамовиќ, победничката на „Ѕвезда Гранда“, оперирала здравствен проблем кој го имала подолго време. Детали за истиот проблем пејачката никогаш не ги објавила во јавноста, а на социјалните мрежи споделила фотографии на кои се гледа како изгледа сега. - Зад сцената, во секоја смисла. Решив проблем што го влечкам со години. Операција на коленото - готово! – напиша Џејла Рамовиќ на Инстаграм. - Жива сум, здрав сум и закрепнувањето ми напредува одлично! Следната година „Преживеан“! додаде таа во свој стил. Џејла победи на горенаведениот натпревар во 2019 година. Таа е и победничка на првата сезона на шоу програмата „Неки нови клинци“.