њујорк – Вистина.мк

Македонскиот филм „М“ на Вардан Тозија ја доби наградата за најдобар филм на фестивал во Њујорк

Слаѓана Атанасова — Fri, 08 Dec 2023 19:30:18 +0000

Филмот „М“ на Вардан Тозија ја доби наградата за најдобар филм на њујоршкото издание на фестивалот „Dances with films“. -Воодушевен сум што ја примам наградата за најдобар филм на годинешното издание на „Dances with films“ во Њујорк. Претставуваше голема чест и уникатно искуство да се биде дел од официјалната селекција на овој исклучителен фестивал, со креативни и бескомпромисни филмски автори, на настан што прерасна во двигател на американскиот и интернационален филмски дух, вели режисерот Вардан Тозија, кој во Њујорк лично ја прими наградата. Фимот „М“ на овој фестивал ја имаше американската премиера. Според USA Тoday, фестивалот се вбројува меѓу „десетте најзначајни филмски настани на северноамериканскиот континент“, според CNN, важи за „лидер во позиционирање на свежи и нови таленти на филмската индустрија“, додека Indiewire го препознава како „нашироко признаен поради откривањето на иновативниот дух и талент во независната кинематографија“. -Уникатно воден филм со динамичен емотивен импакт, „М“ е спектакуларно достигнување во меѓународната филмска соработка, стои во официјалното образложение на Фестивалот. Приказната на Тозија за осамено момче од шумата, кое наидува на низа предизвици и авантури, барајќи ја својата самовила, токму во официјалната селекција на овој фестивал ја претстави македонската кинематографија пред американската публика. По премиерата се одржаа дискусии меѓу режисерот и членови на индустријата, како и разговори со публиката. Светските права за дистрибуција на македонскиот филм “М“ ги поседува американската компанија OneTwoThree Media.

Пратија јавна порака до сите што ги исмејуваат: Меган и Хари шокирани од тоа што мислат за нив

Слободанка Илиева — Mon, 29 May 2023 10:28:28 +0000

Ако добро сте се изнасмеале на војводата и војвотката од Сасекс во последните денови, тие имаат нешто важно да ви кажат. Принцот Хари и Меган Маркл дефинитивно знаат да кренат прашина во јавноста, од која наводно побегнале во Америка во 2020 година, а последните денови повторно се во центарот на вниманието. Откако парот објави дека папараците два часа ги бркале низ Њујорк, во бркотница со „речиси катастрофални последици“, полицијата, папараците и градоначалникот се огласија и секој на свој начин фрли сомнеж во веродостојноста на нивните тврдења. Војводата и војвотката од Сасекс потоа побарале фото агенцијата чии папараци ги следеле да ги предаде фотографиите, што било одбиено со презир. Како што сега тврдат извори блиски до парот, принцот Хари и Меган Маркл се запрепастени бидејќи луѓето не им веруваат дека се било како што тврдат. - Тие инсистираат на тоа дека не ја преувеличиле потерата, а луѓето да кажат поинаку е болно и неприфатливо - изјави анонимен извор за Us Weekly. Корисниците на социјалните мрежи веќе со денови го исмејуваат парот, а многумина се пошегуваа дека сигурно имало потера и дека папараците всушност бегаат од Меган Маркл, но Сасексите одбиваат да ги замолчат со тоа. Затоа имаат јасна порака до сите што мислат дека потсмевот ќе ги втурне во медиумското подземје. – Што се однесува до сугестијата дека се кријат и се плашат да го покажат своето лице, тоа нема да се случи – вели изворот. - Ова само ја зацврсти нивната одлука да продолжат да се залагаат за себе и отворено да зборуваат кога ќе им се нанесе штета - истакнува блиска личност на парот. Да потсетиме, пред неколку вечери принцот Хари и Меган Маркл присуствуваа на доделувањето на наградите „Жени со визија“ во Њујорк, а следниот ден излегоа со соопштение дека тие и мајката на Меган, Дорија Рагланд, биле бркани од папараците за да се можеше да заврши трагично. - Синоќа, војводата и војвотката од Сасекс и г-ѓа Дорија Рагланд беа вклучени во речиси катастрофална бркотница со автомобил, предводена од круг на многу агресивни папараци - објави ПР на парот. - Оваа безмилосна потера, која траеше повеќе од два часа, за малку ќе резултираше со повеќекратни судири, во кои учествуваа други возачи на патот, пешаци и двајца њујоршки полицајци - се наведува понатаму во соопштението. Веднаш потоа се огласи градоначалникот на Њујорк, Ерик Адамс, кој инцидентот го оцени како „непромислен и неодговорен“, но истакна дека не е убеден дека се е така, а таксистот кој ги возел Сасексите посочил дека во ниту еден момент „не се почувствувал како да е во опасност“. фото: EPA-EFE/FACUNDO ARRIZABALAGA/AP

Старлетата изненади со нејзиниот моден избор – необичниот аксесоар ги збуни сите (фото)

Слаѓана Атанасова — Mon, 20 Feb 2023 12:50:25 +0000

Старлетата и актерка Џулија Фокс (33) прошета низ Њујорк во уште една необична комбинација, а вниманието го привлече нејзиниот огромен додаток. Ова е уште едно издание на Џулија кое заслужува посебно внимание. Таа носеше кожа, а сличен стил имаше и нејзината чанта. Прилично големиот моден додаток е дело на канадскиот моден дизајнер Микаел Кале. Оваа чанта има и перика, долга руса коса и носи кожа, изгледа како копија на личноста што ја носи. Комбинацијата за Фокс ја дизајнираше нејзината долгогодишна стилистка Бријана Андалоре, која е одговорна за сите нејзини необични комбинации. Дизајнот во облик на човек е веќе присутен во светот на модата, а една од сличните аутфити беше видена и на престижниот меѓународен натпревар ITS во Трст, кој се одржа минатата есен. Имено, јапонскиот моден дизајнер Асато Китамура дизајнираше уметничка, авангардна колекција која носеше „духови“.

View this post on Instagram

A post shared by ASATO (@asato_kitamura)

Колекцијата е создадена како резултат на опсервирањето на општеството од страна на авторот среде сезоните на пандемијата, забележувајќи извонредна ментална исцрпеност. Како да носиме некој друг на грб, некој невидлив товар - тоа е инспирација за колекцијата, која во исто време делува многу елегантно и авангардно женствено, во готски стил. Фото: Принтскрин/Инстгарам

Теа Таировиќ „ја запали“ и Америка: Кога пејачката и „замеша“ на публиката, гореше сцената (ВИДЕО)

Антонио Димитриевски — Fri, 08 Oct 2021 12:19:06 +0000

Пејачката Теа Таировиќ ја нарекуваат “кралица на бакшишот“. Како и не би била, кога знае како да го извлече, зашто на публиката и го знае фетишот. Теа настапува речиси секојдневно и прави невидена атмосфера, што го докажуваат и видеоснимките од нејзините настапи. Имено, таа моментално е фолк пејачка по која има најголема побарувачка за на приватни прослави, за што сведочат објавите на нејзиниот Инстаграм. И не само во регионот туку и по цела Европа, а и преку Атлантикот. Теа веќе одржа неколку настапи во Њујорк и Сент Луис, од каде се појавија снимки, но и од една приватна прослава за време на која таа „собра“ огромна сума пари, овој пат - долари.

View this post on Instagram

A post shared by Tea Tairović (@tea_tairovic)

Пејачката ја запали Америка, особено кога Теа ќе и „замеша“ на публиката, гори сцената. Тогаш никој не прашува ни за бакшишот ни за цената... за настап на пејачката.

View this post on Instagram

A post shared by Tea Tairović (@tea_tairovic)

Неразделни: Џенифер Лопез и Бен Афлек уловени во љубовен занес во Њујорк (фото)

Христина Ѓоргиевска — Wed, 29 Sep 2021 10:10:41 +0000

Џенифер Лопез и Бен Афлек по 20 години повторно уживаат во нивната љубов. Неодамна ги покренаа шпекулациите дека раскинале со оглед на тоа дека не се следат на социјалните мрежи. Меѓутоа, тие речиси се неразделни, a сега се уловени заедно на улиците во Њујорк. Најновите фотографии потврдуваат дека тие уште се заедно, а нивната љубов е посилна од кога и да било. Двојката цело време се држела за раце и се бакнувале за време на прошетката во паркот. Парот заедно пристигнале во Њујорк каде што Џенифер имаше концерт на „Global Sitizen“ каде зборувала за љубовта и колку е заљубена. „Со љубота можеме сè. Љубовта чини чуда. Во последно време само на ум ми е љубовта. Не знам што ми се случува“, изјави Џенифер. Неодамна, Џенифер и Бен првпат заедно се појавија на црвениот килим и тоа на филмскиот фестивал во Венеција. фото: profimedia/JosiahW/BACKGRID/VR

Во посета на Њујорк: Прво појавување на Меган Маркл во јавност по породувањето (фото)

Христина Ѓоргиевска — Fri, 24 Sep 2021 10:33:11 +0000

Принцот Хари и Меган Маркл првпат се појавија во јавност откако ја добија нивната ќерка Лилибет. Парот ја започна својата 3- дневна посета во Њујорк и Светскиот трговски центар. Со оглед на тоа дека била сериозна прилика, Меган за овој настан облека и сериозна комбинација. Облечени во црна облека, парот изразил жалење за жртвите кои загинаа во терористичкиот напад на кулите близначки на 11-ти септември 2001 година, како и на нивните семејства и пријатели кои останале без своите сакани. Меган носела елегантни долги панталони, ролка и долг капут во комбинација со високи потпетици, женствени бисерни обетки и златен часовник. Закопчана од глава до пети во неутрална црна комбинација, Меган изгледала моќно, елегатно и фино. Хари носел црно одело, бела кошула и вратоврска. Двојката цело време се држеле за раце, а Хари им мавтал на обожавателите. фото: Профимедиа

Филмот „Врба“ награден во Њујорк

Христина Ѓоргиевска — Tue, 03 Aug 2021 11:41:24 +0000

Филмот „Врба“ на режисерот Милчо Манчевски ја доби наградата од жирито за најдобар филм на фестивалот „Стони Брук“ во Њујорк. Фестивалот напиша: „Жирито беше трогнато од артистичката длабочина на филмот, кој предизвика бурни емоции кај публиката“. „Стони Брук“ фестивалот за независни филмови годинава се одржа по 26 пат. Прикажани се 35 американски и странски филмови на независни режисери. „Врба“ на Манчевски ја имаше светската премиера на Римскиот фестивал 2019 година, а потоа беше прикажан на уште 30 меѓународни фестивали и освои пет награди (Најдобра режија на Рејнденс во Лондон, Најдобар филм на Синеквест во Калифорнија, Сребрена палма во Валенсија, итн), Европската филмска академија го вброи во потесниот избор на филмови за награда во 2020, а „Врба“ беше и македонски кандидат за Оскар. Филмот собори рекорди на гледаност во Македонија, и од неодамна е продаден за дистрибуција во САД, каде наскоро ќе има и ДВД издание. Тој се прикажува и на Синемакс и на Ејч-Би-О. Деновиве, Манчевски привршува со снимањето на неговиот најнов филм „Кајмак“ на локации низ Скопје, во населбите Козле, Автокоманда, Водно, Лисиче… „Кајмак“ е црна комедија (или среќна трагедија) за две семејства, кои се пристојни на почетокот, а среќни на крајот на филмот. Филмот е безмилосна критика на лицемерието и малограѓанштината.

Познатиот актер и дал име на ќерката по јогурт, таа тргна по неговите стапки и има несекојдневна убавина (фото)

Слободанка Илиева — Tue, 06 Apr 2021 08:06:23 +0000

Малкумина знаат дека актерот Бранко Ѓуриќ Ѓура има ќерка која тргна по неговите стапки, а сите зборуваат за нејзината убавина. Зала Ѓуриќ има 25 години. Приказната за нејзиното име е прилично необична. - Кога двајцата се за заљубивме, не се ни осмелувавме да сонуваме за заеднички живот, но сепак сонувавме дека ќе имаме едно дете, а потоа имаше еден јогурт на пазарот наречен Зала и рековме дека ќерка ни да се вика така. Имавме капаче скриено некаде во лифтот зад огледалото и секогаш гледавме таму и сонувавме дека еден ден ќе ја имаме Зала - открила мама Тања. Бранко Ѓуриќ

View this post on Instagram

A post shared by Zala Djuric (@zaladjuric)

Интересите на младата Зала се поврзани со музика и глума, исто како и нејзиниот татко. Сепак, она што ја издвојува од толпата наследници на познати личности е нејзиниот изглед. Фотографиите што ги поставува на социјалните мрежи привлекуваат големо внимание бидејќи Зала има необична убавина. Има глумено во неколку филмови, а пред шест години ја објави песната „Шеле здај“, која ја компонираше нејзиниот татко. Зала заврши глума во Њујорк и во исто време работеше како бејбиситерка. Таа отсекогаш имала отворена врска со нејзиниот татко и голема поддршка кога станува збор за нејзиниот пат во кариерата. На прашањето како нејзините родители и помагаат во работата, таа одговара: - Тато најмногу ми помага со тоа што не сака да се меша, бидејќи сака сама да ја достигнам целта. И за мене, најважниот пат. Тато никогаш не ме донесе на никакви аудиции, што е одлично! Сигурна сум дека ќе ми помогнеше ако го прашав, но јас не го сакам тоа и тоа ме зајакнува - изјави Зала еднаш за Klix.ba и додаде:

View this post on Instagram

A post shared by Zala Djuric (@zaladjuric)

- Едвај поминав низ најтешкото средно училиште во Љjубjана, бидејќи не се снаоѓав добро по хемија или други предмети што морав да ги научам напамет. Уметноста не беше ценета. Секој ден му благодарам на универзумот, на мојата храброст и на моите родители кои ме донесоа во Њујорк за да го остварам мојот сон. Покрај Зала, Бранко Ѓуриќ со сопругата, словенечката актерка Тања Рибиќ, има уште една ќерка Ела, која исто така е актер и синот Филип.

Трагедија:Таткото на светски познатата пејачка прегазен и оставен да умре

Слободанка Илиева — Wed, 17 Feb 2021 09:00:50 +0000

Таткото на славната американски раперка Ники Минаж, Роберт (64) почина кога го удри возило додека шетал по улиците на Њујорк. Роберт Минаж бил удрен од возило, кое не запрело, а возачот побегнал од местото на настанот. Очевидците не можеле да го опишат осомничениот, соопшти полицијата, а пренесуваат странските медиуми. Во критична состојба бил пренесен во локалната болница, каде викендов им подлегнал на повредите. За потсетување, раперката Ники Минаж се породи на 1 октомври со своето прво дете. Ники и нејзиниот сопруг Кенет Пети, кој патем, поминаа повеќе од десет години во затвор за силување, сега го открија полот на бебето. "Благодарност до сите други кои ми испраќаат добри желби во ова време. Тоа ми значи многу. Јас сум многу благодарна и за вљубена во мојот син. Лудо заљубена ...", напиша Ники.

За ефектен изглед: 20 најубави чанти од улиците на Њујорк

Христина Ѓоргиевска — Fri, 20 Nov 2020 13:45:44 +0000

Њујорчанките се синоним за жени со одважни модни комбинации бидејќи често на инспиративен начин носат неочекувани аксесоари, спој на парчиња или бои. Но, ретко кој се осудува на она што го носат девојките на улиците на најголемата модна метропола. Таков е случајот и со чантите во црвена боја кои иако се во разновидни форми, многу често се гледаат вклопени во најразлични стајлинзи. Со кафеава, беж или жолта боја како и прекрасната виолетова, црвените тонови го подигнуваат целокупниот стајлинг на едно многу повисоко ниво. Покрај моделите на чанти во црвена боја, се издвојуваат и оние со кружен облик, генерално неочекувани форми („згужвани“ чанти) како и оние со потпис на дизајнерите познати по квалитетните аксесоари како „Chloe“, „Michael Kors“ или „Gucci“. Во продолжение, одбравме фотографии од 20 најубави чанти кои можат да се забележат на њујоршките улици. извор: точка.мк