нирвана – Вистина.мк

Заврши сагата за голото бебе на албумот на „Нирвана“

Слаѓана Атанасова — Wed, 07 Sep 2022 09:13:33 +0000

Американскиот судија ја отфрли тужбата на Спенсер Елден против „Нирвана“ поради култната насловна страница на албумот од 1991 година, на која Елден беше бебе. Сега 31-годишниот Спенсер Елден изјави дека неговото појавување на насловната страница на албумот „Nevermind“ е „сексуална злоупотреба на дете“, но судијата рече дека е „предоцна да се тврди дека бил експлоатиран“. Правните опции на Елден сега се целосно исцрпени бидејќи тој не може повторно да го отвори случајот, иако неговиот правен тим изјави за американските медиуми дека ќе се жалат на пресудата. Имено, предмет на тужбата беше познатата фотографија од бебето кое голо плива во базен наспроти банкнота од долар на јадица. Тој тврдеше дека како бебе не можел да се согласи на користење на сликата и барал отштета од 150.000 долари. Меѓу обвинетите беа фотографот Кирк Ведл и поранешните членови на Нирвана - Дејв Грол и Крист Новоселиќ и Кортни Лав, вдовицата на починатиот пејач Курт Кобејн. Елден го поднесе случајот во 2021 година, тврдејќи дека сè уште има право да се жали на деценискиот имиџ, бидејќи тоа „предизвикуваше проблеми и го чинеше пари во зрелоста“. Тужбата беше отфрлена, а потоа повторно поднесена во јануари. Судијата во Лос Анџелес пресуди дека Елден го поднел својот случај по десетгодишниот рок на застареност. Адвокатот на одбраната посочи дека случајот „нема основа“. Одбраната тврдеше дека Елден уживал да биде „бебето на Нирвана“, истакнувајќи дека на тој начин повторно позирал во подоцнежниот живот. На родителите на г. Елден им биле платени 200 долари за фотографијата во 1991 година, додека албумот на Нирвана „Nevermind“ е продаден во над 30 милиони примероци, што го прави еден од најпродаваните албуми на сите времиња. Фото:Принтскрин/Профимедиа

„Eazy Sleazy“ – Мик Џегер сними дует со тапанарот на „Нирвана“, Дејвид Грол (ВИДЕО)

Антонио Димитриевски — Wed, 14 Apr 2021 11:41:16 +0000

На радост на обожавателите ширум светот, фронтменот на „Ролинг стоунс“, Мик Џегер, без најава го oбјави дуетот „Eazy Sleazy“ со Дејвид Грол, некогашен тапанар на „Нирвана“. Џегер освен како вокал, во песната свири и на гитара. Додека Дејвид Грол се погрижи да го донесе својот препознатлив звук свирејќи тапани, гитара и бас. Продуцент на песната е Мет Клифорд. „Ова е песна што ја напишав кога излегов од блокада, во време кога на сите ни требаше оптимизам. Благодарам на Дејвид што се вклучи на тапани, бас и гитара. Беше многу забавно да се работи со него“. – вели легендарниот Џегер. И Дејвид Грол не го крие ентузијазмот за соработката: „Тешко е да се опише со зборови што значеше за мене да ја снимам оваа песна со Сер Мик! Тоа е повеќе од остварување на сонот! Тогаш кога помислив дека работите не можат да бидат полуди, ова се случи. Верувам дека песната ќе ги одбележи претстојните летни месеци“. https://www.youtube.com/watch?v=MN9YLLQl7gE

Импресивно звучи „Smells Like Teen Spirit“ во изведба на 1000 музичари

Љупчо Најчевски — Thu, 15 Nov 2018 18:00:08 +0000

Илјада музичари истовремено ја изведоа песната „Smells Like Teen Spirit“ од Нирвана и ги одушевија љубителите на рок музиката.

Бендот „Rockin’ 1000“ е најголемиот бенд на светот и е составен од музичари од повеќе земји низ светот како Мексико, Канада, Германија и Босна, но најголем дел од нив се Италијанци.

Настапот е снимен за време на нивен концерт пред околу 15.000 присутни гости во публиката.

https://www.facebook.com/30SecondsofRock/videos/187480271959226/

Вака летува гордата Македонка: Сузана Турунџиева – претпладне во нирвана, попладне во кафеана! (ФОТО)

Антонио Димитриевски — Sat, 21 Jul 2018 08:36:18 +0000

Македонската пејачка, ТВ водителка, а Бога ми и и писателка Сузана Турунџиева и кога е на одмор има свои ритуали. Дека е горда Македонка, Турунџиева оддамна има покажано и докажано. Па ниту крвта не е вода ниту славното војводско презиме џабе не го носи. Ама сепак и кога е на летување,таа покажува колку си ја сака својата земја - Македонија, природата околу себе и себе си и своето тело и дух, секако.

Имено, Турунџиева облечена во маичка со апликација на знамето на Македонија, со раширени раце крај езерската шир на брегот на Охридското езеро најпрвин уште рано наутро кулираше и и' се восхитуваше на својата татковина и нејзините природни убавини.

Малку потоа патриотската нирвана, ја замени со малку поинаква... И гардероба и поза... Поза за поздрав на сонцето! Во врска со природата и со самата себе си, Турунџиева знае како да го (до)живее моментот, зашто знае дека... животот е прекрасен!

Особено кога ти е ем окото, ем стомакот полн... Е тогаш ќе ти се наполни и душата! А за да биде полна, меѓу останатото и душата треба да се рани! Па не попусто рекле: Рани душа да те слуша! Затоа Сузана од претпладневната нирвана, попладне директно во кафеана!

Па има ли поубаво нешто од домашните специјалитети? Добар локал, македонско мезе, ракиичка и салата... и животот е лесен, како во кралска палата!