нина – Вистина.мк

Ќеркичката на Борко Ристовски го прослави првиот роденден: Малечката принцеза татина и мамина, срцето им го стопи од убавина (ФОТО)

Антонио Димитриевски — Thu, 01 Feb 2024 08:57:26 +0000

Македонскиот ракометен голман Борко Ристовски и неговата сопруга Николина во последниот ден на првиот месец од минатата 2023 година станаа родители по вторпат. Тогаш на свет дојде малата принцеза Анастасија, а 31-ви јануари стана важен датум во нивните животи. Убавата вест уште од породилиште ја сподели среќната мајка која тогаш напиша: „Ѕвездата пристигнува последна. Секој јануарски ден те чекав да дојдеш и секогаш тоа беше до утре. Моја Анастасија, сосема на време да се заљубам уште еднаш по првпат, напиша Нина во прилог на неколкуте фотографии кои се најдоа на нејзниниот Инстаграм профил“. Оттогаш мина една година, а малечката убавица во последниот јануарски ден во оваа 2024 година го славеше својот прв роденден. А, денот што го чекаме цела година е еден од оние посебните… Нему најмногу му се радуваме, особено кога сме помали. Додека сме деца едвај чекаме да дојде, зашто со него доаѓаат и честитките, убавите желби, подароците, ни доаѓаат другарчињата на прослава… Па не е секој ден роденден, нели? Но, на првиот роденден во животот, кога се' уште сме премногу мали да ги разбереме нештата околу себе, на првата годишнина од нашиот датум на раѓање најмногу се радуваат родителите и најблиското семејство. Така беше и во овој случај кога малечката Анастасија го славеше првиот роденден. Меѓу грст плишани играчки, дузина балони и се разбира роденденската торта, малата синоока убавица во друштво на нејзиното постаро братче Душан, весела, радосна и насмеана се забавуваше и безгрижно си играше за време на роденденската прослава на семејството. Дотерана како манекенка, малата Анастасија иако можеби несвесна дека тој ден е за прв пат роденденка и тоа како уживаше во радоста која се случуваше во семејното гнездо. „Живот татин ! Биди ми жива, здрава и секогаш насмеана. За се останато јас сум тука да бидам покрај тебе додека дишам. Среќен роденден љубов моја“ - напишал Бороко во првата роденденска честитка на својата ќеркичка! Ниту мама Нина не штедеше зборови и роденденски комплименти за својата мала славеничка, па покрај фотографиите напишала: „Среќен роденден моја радост, моја насмеана принцезо. Мое око магично...Мое небо ѕвездено... Те сакам многу и лудо. Срцето ми го топиш од убавини. Ти благодарам што си моја, Анастасија“! Денот што го чекаме цела година за прв пат го прослави слатката ќеркичка на Борко и Нина. Нека и е среќен и вечен роденденот на малечката убавица и нека го слави заедно со семејството довека! Фото: Инстаграм/ninaristovska/borko12ristovski

Кај Светле и Мики Црнокрак повторно се слави: Ден за гушкање и многу честитки (фото)

Слободанка Илиева — Mon, 30 Oct 2023 07:52:52 +0000

Месец октомври е резервиран за славење во домот на Црнокрак. Неодамна Мики и Светле прославија 26 годишнина од брак, а сега на крајот крајот на месецот повторно се завршува со провлава. Овој пат, повод за тоа беше големиот и еден од најсреќните денови во нивнот живот- роденденот на втората ќерка, малата Нина која наполни 12 години. Мама, тато, дада организираа се’ за славеничката да се чувствува како главна ѕвезда на вечлета. Прегратки, насмевки, честитки, подароци и пред се’ многу љубов! Прославата се случи во еден познат клуб во Скопје каде Нина славеше со најблиските и секако другарчињата. Инаку, веќе е познато дека и двете ќерки Црнокрак ги влече она што го работат мама и тато. Моника е веќе 24 годишна девојка со факултетска диплома, а помалата Нина ученичка во основно со афинитети кон модата и изборите за убавина. Минатата година во Банско таа ја освои титулата за „ Little Miss Galaxy“, додека во јуни годинава во Варна на Златни песоци се одржа изборот за убавина за деца и тинејџери Little Miss&Mister Planet и Miss&Mister Teen Planet 2023 каде победи Нина Црнокрак. Среќен роденден Нина!

Борко Ристовски славеше роденден, а најмилите вака му го честитаа: Мама им дојде на гости, синчето дуваше роденденски свеќички, а сопругата… Нина имаше посебна честитка откако останаа сами?! (ФОТО)

Антонио Димитриевски — Thu, 03 Nov 2022 11:00:53 +0000

Македонската ракометна легенда, голманот Борко Ристовски славеше роденден. „Министерот за одбрана“ како што го носи прекарот кој му остана, ја раситни 40-ката, навлегувајќи во петаттата деценија на животот. Годините се за тоа да се множат, а како што велат, што повеќе родендени, славиш, толку си нормално, подолговечен. Кога е во прашање „денот што го чекаме цела година“, кај Борко не се собра баш целата родбина, туку на роденденското славје во семејниот дом му беа само најмилите. На гости им дојде госпоѓа мама, која славеничката трпеза ја сподели со семајството. А на трпезата за секој роденден најважното е што друго, ако не роденденската торта. Само што овој пат покрај ѕидот украсен со балони, на неа беа свеќичките со бројката години што ги полни славеникот, како и оние другите - сите заедно запалени и подготвени за дување! Само што овој пат наместо славеникот, свеќичките ги дуваше наследикот. Борко ги пукна конфетите, па со сопругата Нина и синчето Душан, сите направија заедничко роденденско селфи. Честитка за раситнетата 40-ка сопругата му упати и преку социјалните мрежи, па на својот Инстаграм таа напиша: „Роденден на сопругот е нешто како Нова година. 40ка звучи и изгледа необично, ама ти си како виното. Ти посакувам остварување на желбите, по некоја и случајно, зошто низ годините увидов дека сам си остваруваш тоа што си замислуваш со верба во себе, со упорност и истрајност. Те сакаме многу“ - споделила Нина на својот Инстаграм профил. Но тоа е само онаа јавната и официјална честитка. Онаа вистинската веројатно следувала подоцна, кога гостите си заминале, а малиот си легнал да спие... Или барем така тоа изгледало во желбите и имагинацијата на сопругата на славеникот, која истите ги соделила на своите Инстаграм приказни. Само што „честитката од тој тип“ оддамна е споделена меѓу двајцата брачни партнери, зашто Нина е во подмината бременост и чека да се породи со нивното второ чедо. До тогаш, среќен роденден „министре за одбрана“!

Принова во семејството на „министерот за одбрана“: Нина е бремена, Борко Ристовски ќе стане татко по втор пат (ФОТО)

Антонио Димитриевски — Wed, 13 Jul 2022 10:34:52 +0000

Македонската ракометна легенда, голманот Борко Ристовски наскоро ќе стане татко по втор пат. По малото синче Душан, „министерот за одбрана“ како што го нарекуваат навивачите со својата сопруга Нина го очекуваат своето второ дете. Убавата вест дека „штркот по втор пат ќе долета“, ја објави таа амата со фотографија од плажа на која веќе се забележува нејзиното поднараснато трудничко стомаче. „Мајка на 2 (лавчиња исцртани со емотикони)“, напишала сопругата на Борко. Полот на бебето се' уште не го откриваат, а веројатно и за името е рано, иако според најавата, ако може да се претпостави, симболот на лавчињата можеби упатува на две машки деца, што значи дека и второто ќе биде - син? Сепак, што и да е, бебето нека е само живо и здраво, а кога ќе дојде редот да ја задогледа виделината на денот, породувањето на мајката лесно и регуларно! Фото: Инстаграм принтскрин/ninaristovska

На концерт на Нина Бадриќ беше запросена Нина (ФОТО)

Антонио Димитриевски — Wed, 05 Jan 2022 12:01:08 +0000

Хрватската поп ѕвезда Нина Бадриќ одржа концерт во Брчко за новогодишната ноќ. „Плоштадот на млади“ беше преполн со луѓе кои дојдоа со Нина да го прослават дочекот, а дел од атмосферата од настапот пејачката сподели на Инстаграм. Во еден момент, додека ја пееше песната „Денови и години“, на сцената и се придружи пар од публиката.Нина во прегратка со девојката ги пееше стиховите од својата песна, на сцената одеднаш се појави момче кое клекна зад девојката со кутувче врака, во кое имаше веренички прстен. Тогаш Нина полека ја сврти девојката кон него, а момчето ја запроси својата сакана.Кога публиката сфати што се случува, моментот го поздрави со силен аплауз и френетични овации. „Сношти е запросена една Нина. Кажа - ДА“ - напиша пејачката во описот на својата објава од овој романтичен чин кој се случи на нејзиниот новогодишан концерт.

View this post on Instagram

A post shared by Nina Badrić (@badrich)

Фото: Инстаграм принтскрин/badrich

Во моментот кога таа се појави а концертот на Јелена Томашевиќ сите занемеа: Мини реплика на мама, а татина принцеза! (ФОТО)

Антонио Димитриевски — Thu, 23 Dec 2021 11:25:31 +0000

Вчеравечер, среда 22 декември 2021 год. во белградската „Комбанк арена“ се одржа солистичкиот концерт на Јелена Томашевиќ, чиј моќен глас ја воодушеви белградската публика. Пејачката во празничното издание облечена во свечен фустан со светки, зрачеше со енергија и блескаше на сцената, особено возбудена зашто во публиката седат нејзините најблиски. Ќерката на Јелена Томашевиќ и актерот Иван Босиљчиќ, рака под рака со својот татко, дојде да ја поддржи мајка си, која по долга пауза повторно пееше во српската престолнина. Кога се појави на влезот Нина Босиљчиќ, присутните останаа без текст. Малата, мини реплика на нејзината мајка Јелена, влезе во салата придружувана од нејзиниот татко Иван. Нина убавината, а пред се ставот и манирите на вистинска млада дама ја наследила од своите родители, а убавината и грациозноста од нејзината мајка Јелена, на која речиси и го украде шоуто пред тоа и да започне. Присутните можеа да го забележат и она за што Јелена многупати зборуваше во нејзините интервјуа: Нина Босиљчиќ е реплика на мама, но дефинитивно е татина принцеза. Фото: ATA Images

Вака изгледала денес познатата македонска пејачка како девојче: Да не знае дека се таа и сестра и на сликата, ни сама не би се препознала (ФОТО)

Антонио Димитриевски — Thu, 28 Oct 2021 07:08:18 +0000

Времето ги менува луѓето, годините влијаат и на созревањето и на физикусот, па затоа сите ние имаме стари фотографии, кои се нашите чувари на спомените. Како потсетници на минатото, на детството, младоста, старите добри, безгрижни времиња... И одвреме-навреме знаеме да ги побараме, да ги извадиме и погледнеме, за да се потсетиме колку всушност сме остареле или видоизмениле, колку сме денес поразлични во секој поглед од тоа време, од она некогаш, кога таа фотографија е направена. Спомените ги будат и емоциите, ги растреперуваат чувствата, па така обземени од носталгија, користејќи ги современите алатки на денешницата, спомените неретко ги споделуваме на социјалните мрежи, за да се потсетиме и себеси и другите што не познаваат од малечки како сме изгледале, а оние другите што не знаат „од вчера“ да се зачудат и погодуваат за кого се работи или пак веднаш на прва да речет: „Да тоа си ти... Ист(а) си...!“ Токму вакава ситуација приреди денес познатата македонска пејачка, некогашна членка на женската вокална група „Фор плеј“, Нина Јанева. Таа сподели еден фото-колаж од две идентични фотографии или поточно фото-пози на кои е фотографирана со нејзината сестра. И тоа некогаш и сега... Пред „извесен број“ години кога обете биле малечки девојчиња и денес, кога двете се веќе возрасни дами. И ако убаво го погледнете своевидниот „фоторимејк“, не може да не забележите дека сестричката е препознатлива, зашто и денес ликот многу не и е изменет, додека Нина Јанева...? Да не знае дека се таа и сестра и на сликата, веројатно ни самата не би се препознала?! Или можеби и не е баш така? Иако се' е работа на лична перцепција, едно е сигурно, доколку не ја познавате од порано, од девојче, Нина на оваа фотографија сигурно не би ја препознале, ако некој не ви соопшти и не ве изненади за кого се работи! Како што сите ги изненади и пораката или поточно еден од коментарите под објавената ретрофотографија на Нина, во кој една нејзе блиска личност која ја познава од раѓање меѓудругото напишала: „Памтам Нина кога се роди долго време немаше име. Првото име и беше Трпана!?“... Нина или Трпана, прашање е сега? Или можеби само баш најдобро „не се разбира“ напишаното, па она Трпана се однесува на некој(а) друг(а) од „екипата“? Како и да е, Нина Јанева должи образложение дали таа е несудената Трпана, а вие должите признание, дали на насловната фотографија воопшто ја препознавте? Фото: Фејсбук и Инстаграм принтскрин/ nina_phoenixgram

ФОТО: Сопругот на Јелена Томашевиќ споделил прекрасна фотографија со ќерката Нина

Riste Zdravkov — Mon, 23 Aug 2021 11:34:44 +0000

Тие се еден од најомилените парови во нашиот регион, а во брак се цела деценија. Круна на нивната љубовна приказна е ќерката Нина. Иван Босиљчиќ и Јелена Томашевиќ со својата миленичка моментално се во Грција, а една од прекрасните фотографии која ја споделиле со своите фанови е онаа на која Иван и неговата ќерка шетаат низ плажата држејќи се за раце.

View this post on Instagram

A post shared by Ivan Bosiljcic (@ivanbosiljcicofficial)

„Се двоумам да ти напишам песна, ти си уште толку мала, а не е шега да си дете. Голем свету, биди ѝ пријател, Земи ја во круг, во круг... Како Алиса во земјата на чудата. Љ. Ластиќ“, напишал актерот во описот на фотографијата. Инаку, парот дава сè од себе за да ја заштити Нина од вниманието на медиумите со цел да ѝ овозможи нормално детство без експонирање во јавност, а одвреме навреме споделуваат заеднички фотографии.

View this post on Instagram

A post shared by Jelena Tomasevic Bosiljcic (@jelenatomasevic_official)

Спортска елеганција со овошна инспирација: Сопругата на Борко Ристевски реши да се проба во модниот дизајн, а првата креција на Нина ја облече сестра и (ФОТО)

Антонио Димитриевски — Wed, 21 Jul 2021 07:12:08 +0000

Николина Нина Ристовска, сопругата на македонскиот „министер за одбрана“, ракометниот репрезентативен голман Борко Ристовски по се' изгледа си најде нова занимација...А можеби и идна професија?! Имено, некогашната манекенка и модел, по се изгледа одново и се враќа на првата љубов, кога е љубовта кон работата во прашање!? Бракот со Борко како негова сопруга и мајка на малиот Душан максимално ја исполнија како жена, која сепак, сега кога сите се заедно дома во Скопје, а синчето веќе доволно потпорасна, посака времето да го исполни со нешто што ќе ја исполни и неа самата како креативна личност. Модата е она што и отпорано го знае, па атрактивната кумановка по се изгледа решила да се проба во модниот дизајн, овој пат како моден креатор. Она што како инспирација го добила се секско нештата што ја опкружуваат. Летото е акуелно годишно доба, па моделот кој Нина го креирала е токму таков - летен. Кусо мини здолниште во кремаво-бела боја и горен дел во исто таков колорит, прошаран со ракави во небесно сина, со машни и патент кој ги спојува двата дела кои можат да се носат и заедно и одделно, на парче - секој засебно. Интересна комбинација која за промоција доби уште две нешта инспирирани од она што Нина ја опкружува. Спортот, за кој и од кој таа и семејството живат, па моделот го изрекламира како да се во прашање различни спортови со топка: Ракомет, рагби, фудбал, тенис... Само што наместо вистински топки, истите се заменети со летни или јужни овошја со топчест облик, како диња, лубеница, лимон... Интересно, креативно и мошне допадливо, нема што. И ако на сето тоа му се додаде „јаготката на шлагот“, односно моделот кој низ мини фото сесија на споменатиот начин го рекламира првото модно парче дизјнирано од Нина, за идејата и креацијата на сопругата на Борко, уште на старт може да се каже дека серизоно може да се замеша во македонската дизајнерско-модна конкуренција. Имено, моделот прва на себе го облече, проба и рекламираше нејзината помлада, убава, згодна и шармантна сестра, Мирјана. Нежна, сензибилна, со манекенска става и аристократски лик, помалата сестра изгледа навистина божествено… „Ако сопругата на Борко е „авион“, балтзата му е… ангел“ – не попусто своевремено, кратко прокометираа некои! Комплименти, пофалби и коментари пристигнуваат од сите страни... и тоа за обете сестри! И за креаторот и за моделот. И за идејата, креацијата и модниот дизајн на Нина и за изгледот на нејзината помал сестра Мими и нејзината нескротлива убавина! Фото: Инстаграм принтскрин/ninaristovska

Штом ја здогледал и напишал песна, а ги споила голема трагедија, по која и до ден денес се во среќен брак (ФОТО)

Антонио Димитриевски — Mon, 07 Dec 2020 09:08:17 +0000

Тој важи за еден од најпознатите и најуспешни композитори на српската, но и на регионалната естрада. Напишал безброј хитови, многу познати песни го носат неговиот авторски потпис, соработувал и се' уште работи со најголемите поп и фолк ѕвезди, компонирајќи за нив... Но, Бане Опачиќ ужива и во среќен брак со сопругата Нина, а нивната љубовна приказна започнала сосема случајно и одеднаш. Имено, на еден настап, погледот на Бане му го привлекла една убава девојка за која потоа размислувал секој ден, па и посветил песна и ја насловил „Нина“. „Јас го измислив нејзиното име и го запишав во песна, го трансплантирав во лик по моја мерка, работите што ги сакам за себе, а и избришав еден куп недостатоци. Ги позајмив нејзините очи и поглед за полесно да ја препознаам, и го замислив нејзиното тело безобразно совршено. Јас го направив сето тоа и само чекав да ја заслужа... И не ми дојде таква - дојде многу подобра“ - истакна Бане на својот Фејсбук профил во една прилика. Неколку години подоцна, тие размениле погледи во Будва, но не и зборови. Малку подоцна, двајцата се сретнале поради една трагична околност. „Со години ја слушав реченицата: „Бане го рече истото“ од мојот пријател Дарко Радовановиќ, кој, за жал, повеќе не е со нас. Кога Дарко нè напушти, сакав да го запознаам човекот за кого толку многу знаев, заедно да го оживееме споменот на Дарко. Кога првпат се запознавме, се прегрнавме како стари пријатели. И тоа беше Тој. Никогаш не го запознав. Едноставно само го препознав“ - рече Марина Пекиќ, со која композиторот и изведувач се заколна на вечната љубов во 2013 година и оттогаш не престануваат да ја промовираат таа романса како вистинска љубов што трае.

View this post on Instagram

A post shared by Bane Opačić (@baneopacic)