нина ристовска – Вистина.мк

Нина, сопругата на Борко Ристовски покажа дека и таа мора да има мускули, а еве и зошто?! (ФОТО)

Антонио Димитриевски — Wed, 18 Aug 2021 06:50:37 +0000

Спортистите, особено оние врвните професионалци најчесто се атлетски градени, силни, полни со енергија и кондиција, со мускулести тела и екстремитети... И мора да бидат такви, зашто таква е природата на спортот како нивна професија. Прашање кое многу често си го поставуваат оичните луѓе, нивни навивачи, фанови, симпатизери или само обични следбеници на социјалните мрежи е дали „машката сила“ не е само нивна привилегија, туку неа ја користат и нивните понежни и поубави половини, кога ги „споделуваат“ домашните обврски. Во една таква ситуација се најде и Нина, сопругата на македонската ракометна легенда, „министерот за одбрана“ како што го нарекуваат Борко Ристовски, која на дело покажа дека и убавиците, манекенките или моделите во одредени моменти исто така „мора да имаат силни мускули... иако ги немаат. Имено, Нина сподели неколку фотографии од летниот одмор на кои се гледа како со своето синче Душан и нејзината сестра Мими уживаат на егејското крајбрежје. На фотографиите никаде го нема Борко, што укажува на две нешта: Или постојано тој ги фотографирал или воопшто не бил со нив, што е многу поизвесно со оглед на професионалните обврски со подготовките за претстојната сезона. А и поновата фотографијата на која се сите заедно и во чиј опис стои: „И 11 дена разделени се многу“ - укажува дека убавата сопруга на македонскиот голман покрај споделената убавина на фотографиите, морала да има „и мускули“ за да го замени сопругот во машките работи. А, ако ги нема, малиот Душан е тука да и ги позјми своите... Се разбира засега само оние за пливање... Впрочем, фотографијата која ја отсликува љубовта помеѓу мајката и синот заменува илјада зорови... Сакала или не... „И мама мора да носи мускули“! Фото: Инстаграм принтскрин/ ninaristovska

Сопругата на Борко Ристовски, Нина објави стара фотографија од детството и покажа дека синчето е копија на мама

Христина Ѓоргиевска — Wed, 11 Mar 2020 08:43:26 +0000

Македонскиот ракометен репрезентативен голман Борко Ристовски и неговата сопруга, убавата кумановка Николина во 2018 година станаа за прв пат родители односно нивното семејство се проши за нов член, синот Душан. Нина и Борко секој слободен момент уживаат во семејната идила и безграничната љубов кон синчето. Тие не се резеривирани, па на својот „Инстаграм“, Нина често знае да сподели фотографии и да покаже како го поминув времето со семејството. Меѓутоа, деновиве сопругата на Борко извади фотографија од архива односно од нејзиното детство и истата ја спореди со синот Душан. Имено, на социјалните мрежи таа објави колаж фотографија од неа како дете и од Душан, па откри дека наследникот е копија на мама. Под објавата се ниежеа коментари дека се исти и дека малиот Душан личи на мама. За потсетување, Борко и Нина во јануари 2018 година склопија граѓански брак и запливаа во брачните води, а во 2019 година направија свадбена веселба во еден познат скопски хотел.

Сопругата на Борко Ристовски, Нина откри чија копија е синчето (фото)

Христина Ѓоргиевска — Wed, 16 Oct 2019 06:57:15 +0000

Во февруари 2018 година, Борко Ристовски и неговата сега веќе сопруга Николина ставија потпис во матично и запливаа во брачните води. Имено, тогаш немаше свадбена прослава туку скромна семејна вечера, а свадбата веселба се случи на почетокот на оваа година во еден луксузен хотел во Скопје каде присуствуваа нивни пријатели, но и личности од јавниот свет. https://arhiva.vistina.com.mk/radio-mileva/vaka-izgledashe-svadbenata-torta-na-borko-risteski-i-negovata-sopruga/ Борко и Нина уживаат во својата семејна идила, а нивната радост и среќа ја зголемува синчето Душан кое име една ипол година. Тие на социјалните мрежи често знаат да споделат дел од нинвниот приватен живот и да покажат како уживаат. Кога има некој голем повод, родендени, „Ден на вљубените“, „Денот на мајка“, годишнина од брак итн тие често си честитаат на социјалните мрежи. Деновиве, Нина откри на кого личи нивниот син. Велат дека ќерките најчесто личат на татковците, додека синовите на мајките, а ова испадна точно и кај Нина и Борко. Имено, Нина на „Инстаграм стори“ објави колаж од фотографија кога таа била мала и фотографија од Душан, па покажа дека Душан е копија на мама.

Сподели радосни вести: Борко Ристовски и сопругата имаат важен повод за славење (фото)

Христина Ѓоргиевска — Thu, 23 May 2019 06:58:02 +0000

Голманот на македонската ракометна репрезентација Борко Ристовски на почетокот на годината заедно со сопругата Нина Ристовска направија свадбена прослава во еден познат скопски хотел. Парот го користи своето слободно време за да го поминува заедно, а и се максимално посвети и на својот син Душан кој во октомври оваа година ќе наполни две години.

Иако Борко не е многу активен на социјалните мрежи, понекогаш знае да објави некоја фотографија и да сподели заеднички моменти со семејството. Меѓутоа, неговата сопруга Нина е почесто активен корисник на „Инстаграм“ и ги информира следбениците за нејзините активности.

Овој пат таа сподели убави и радосни вести односно откри дека синчето ги пуштило првите чекори. „Лесни чекорчиња љубов мамина“ стои во описот на најновата фотографија.

Под објавата само се нижеа честитки и убави желби.

Вака Борко Ристовски го честиташе „Денот на вљубените“ на својата сакана (фото)

Христина Ѓоргиевска — Fri, 15 Feb 2019 08:59:40 +0000

Македонскиот голман Борко Ристовски претходната година стави потпис во матично и заплива во брачните води со Николина. Меѓутоа, парот тогаш не направи прослава туку свадбената церемонија беше на почетокот на оваа година. Борко и Нина направија забава во познат луксузен хотел во Скопје, а веднаш по венчавката заминаа на пат бидејќи Борко имаше натпревари.

Вчера, 14 февруари во западниот свет се слави како „Денот на вљубените“, а оваа традиција се прифати и кај нас. Некои го празнуваа СВ. „Трифун“, а некои „Денот на вљубените“. Така многу вљубени парови вчераа го славеа денот на вљубените. Некои го одбележаа со романтична вечера, со некое патување, со некој подарок за саканиот/саканата. Борко во кратките приказни на „Инстаграм“ објави заедничка фотографија со Нина, а во описот напиша: „Среќен ден на вљубените, бебе мое“.

За потсетување, Борко и Нина заедно го имаат и синот Душан кој во октомври оваа година ќе наполни две години.

Нина, сопругата на Борко Ристовски и подготви изненадување на својата мајка: Годините се само бројка, а твојата љубов е вечна (ФОТО)

Антонио Димитриевски — Wed, 16 Jan 2019 08:20:53 +0000

Кај „министерот за одбрана“ на македонскиот ракометен гол првиот месец од годината е навистина со густа агенда. Најпрвин официјалната свадбена веселба со неговата со неговата убава сопруга Нина, потоа крштевката на синчето Душан, па веднаш потоа СП во ракомет во Германија, кое се' уште е во тек...

Во меѓувреме, додека неговата Нина и малиот Душан го бодрат и него и нашите ракометари од дома покрај ТВ екранот и ги полека средуваат впечатоците од свадбата и крштеваката, новопечената невеста имаше уште еден повод, уште една голема причина за славење.

Имено, Николина и покрај сиот метеж не заборави на својата мајка Вики да и го честите јубилејнииот 50-ти роденден... И тоа на најубав начин. Со огромен букет составен од 50 прекрасни бели рози и уште поубава роденденска торта, направена во истиот стил. Секако не изостана и божествената посвета: „Годините се само бројка, а твојата љубов мамо е вечна...“!

View this post on Instagram

Deneska imame eden prekrasen jubilej ❤️ Majka mi polni ❤️50❤️ Ili kako taa saka da kaze ,,deneska e prvata godina na ostatokot od mojot zivot”. Mojata majka e edna prekrasna zena, majka pred se, dobar covek i licnost so premnogu kvaliteti... Godinite navistina se samo brojka, ti si svedok za toa. Tvojata ljubov mamo e vecna. ?❤️ Te sakame site najmnogu!!!

A post shared by NIKOLINA RISTOVSKA (@ninaristovska) on Jan 15, 2019 at 5:17am PST

Нина го овековечи моментот за паметење, па фотографијата ја постираше на својот Инстаграм профил. Од неа се гледа дека задоволството од изненадувањето на г-ѓата која го славеше „првиот ден од првата година на остатокот од нејзиниот живот“ беше неизмерно! И нејзиното и на Нина. А како не би, кога само една е мајка!

Борко Ристовски ги откри чувствата за бебенцето кое е на пат: „Бев збунет и помалку изгубен“

Слободанка Илиева — Fri, 27 Oct 2017 06:59:28 +0000

Познатиот македонски ракометар Борко Ристовски во месец март наредната година за првпат ќе се реализира во улогата на татко, а на свет ќе дочека синче од својата сакана Николина Ристовска. Убавата вест за приновата прва ја објави убавата Нина која на социјалните мрежи објави фотографија од зголеменото стомаче во прв план и откри дека е петти месец премена.

Веста инстантно се појави во домашните медиуми, но со неточни детали, односно дека Борко и Нина веќе станале родители. Во трката кој да биде попрв за ваквата објава, дел од интернет порталите направија кардинална грешка, која набрзо излезе со вистинската приказна на Вистина.мк.

За да нема дилема, Борко се огласи и преку интервју за спортскиот портал Екипа.мк, каде покрај новитетите на поле кариера, ја отвори душата и за моментално неговата најголема радост околу која е окупиран- доаѓањето на бебенцето во нивниот живот.

Да, со мојата девојка и идна сопруга, Нина, чекаме принова. За прв пат ќе станам родител и да бидам искрен, чувството е неверојатно, не може да се опише. Во прв момент бев збунет и помалку изгубен, за мене нова ситуација, радосна и позитивна, но не знаев како да изреагирам. Пред неколку дена кога дојдовме во Македонија, и јас бев на последните прегледи и реков дека повеќе нема да одам. Тоа било потешко од се друго, чувствував некој притисок во градите, дланките ми се препотија. Реков, не одам веќе, повеќе белја правам. Среќен сум, ова е едно од најубавите чувства во животот. Детето менува многу работи во живот. Сите работи што претходно ме интересирале, сега одеднаш ми станаа споредни. Имам мини колекција на вредни часовници и одеднаш тоа хоби и сите тие часовници изгубија вредност, автомобилот изгуби вредност, се друго изгуби вредност и сега сите мисли се насочени на детето што е на пат, на обезбедување на неговата иднина. Со Нина веќе почнавме да планираме и каде да му купиме стан на детето уште неродено, па моите почнаа да се шегуваат со мене дека малку сум збунет и „изгубен“ во оваа нова ситуација. Принова чекаме во март, значи меѓу Европското првенство и финалето во Лигата на шампионите по ракометните термини. Ќе биде „бурна“ година, дефинитивно, ама се надевам, многу среќна и успешна.“, откри Борко за Екипа.мк