нина јанева – Вистина.мк

Ламбе Алабаковски со своја верзија на една од неговите омилени македонски песни – „Дејгиди луди млади години“ (ВИДЕО)

Антонио Димитриевски — Mon, 25 Dec 2023 13:31:25 +0000

Ламбе Алабаковски оваа успешна музичка година ја заокружува со својата верзија на една од, како што вели, неговите омилени македонски песни „Дејгиди луди млади години“, која веќе е пуштена во етерот. Аранжманот е со потписите на Дарко Димитров и Никола Мицевски, Димитар Андоновски беше задолжен за виолините, додека Нина Јанева ги пее придружните вокали. Видеото, пак, кое носи една убава и емотивна приказна и е снимено во националниот парк „Галичица“ е со потписот на „Зага продукција“. „Песната е една од моите омилени и морам да признаам дека стоеше спакувана во фиока околу 12 години, некако ми требаше време и таа, но и јас да созреам. Ете некако сега мислам дека е вистинското време за да ѝ ја претставам на мојата публика, но и на сите оние кои ја сакаат македонската традиционална песна“ на денешната промоција во кафулето „Минт“ и откри дека токму со ова песна сакал да ја заврши оваа успешна музичка година, но и да го најави сето она што ќе следува во годината пред нас. „Веќе се крчка новиот материјал, а мислам дека на крајот на следната година ќе ве поканам сите на еден убав концерт по повод мојот голем јубилеј – 20 години од почетокот на професионалната музичка кариера“, додава Ламбе. Меѓу присутните на промоцијата освен медиумите беа и голем број колеги и пријатели на Ламбе (меѓу кои Александар Тарабунов, Бојана Скендеровски, Николче Мицевски, Марија Спасовска, Мики Црнокрак, Иво Јанковски, Стефан Лазаров, водителот Димитар Атанасовски...) кои не го криеја задоволството од новиот проект, но и фактот дека публиката секогаш знае да го препознае квалитетот и дека кога нешто е добро - трае.

Празниците завршија, па Нина Јанева откако сфати дека „претера“, тргна да се „ресетира“: „Денес ја вадиме руската…“! (ФОТО)

Антонио Димитриевски — Mon, 31 Jan 2022 09:24:30 +0000

Нина Јанева важи за еден од најдобрите македонски женски поп вокали. Можеби според популарноста не е секогаш на врвот, но според вокалните способнисте, несомнено е една од најдобрите! Арно ама како и секоја жена, русокосата пејачка битка води со килограмите. Неодамна се стави под режим по кој драстично ослабе, но брачниот живот, релизацијата како мајка, а на сето тоа и тукушто изминатите новогодишни и божиќни празници како и кај повеќето од нас, по се' изгледа придонесоа одново вагата да покаже повеќе од што треба. Како и не би, кога пред, за и по Нова Година се јаде и пие во изобилие, а дополнително заради коронапандемијата многу и не се шета, па „лежењето“ дополнително го стимулира таложењето на килограмите. Празничната трпеза е пак као создадена за да придонесе за ваквата состојба, зашто после руската, куфличките, ордеверите, свинското печење и по некоја чашка пиење... нема што да се каже друго освен - време е за слабеење! Нина соочена со опишаната ситуација штом празниците помина, веднаш се фрли на „реанимација“ на сопствената фигура и нејзината телесна структура! И однадвор и одвнатре, она што било во изобилие внесено, ќе мора да биде изнесено... Колку што се може или треба, зависно од можностите, прагот на издржливост и вештите раце на оние што се задолжени за враќање на телото во нормала. Прва работа за смалување килажа - лимфна дренажа. Така барем Нина почнала со својата пост празничка кура за слабеење. „Празниците завршија, денес ја вадиме руската“ - напишала пејачката споделувајќи „скокотлива“ фотографија од моментот на третманот кој изгложеда отприлика вака. Како ли изгледа кога кога „ќе се вади прасечкото“, останува допрва да видиме... Или подобро, откако ќе се случи комплетната „детоксикација“ по која пејачката можеби одново ќе не изненади со новиот изглед како неодамна, а зошто да не и со нова песна? Или можеби со уште една Арија? Фото: Инстаграм принтскрин/nina_phoenixgram

Штркот слета: Нина Јанева стана мајка за првпат, а бебето доби уникатно име!

Слободанка Илиева — Fri, 20 Sep 2019 07:00:48 +0000

Пејачката со еден од најмоќните вокали на македонската естрада, Нина Јанева-Николовски(34), ја доби најубавата улога во животот – стана мајка за првпат. Таа вчера(19. Септември) на свет донесе здраво и живо женско бебе во Клиниката за Гинекологија и Акушерство во Скопје. Убавата вест на Фејсбук ја сподели среќната мајка и напиша: -Добредојде моја Арја... Денес ја сфатив смислата на животот – напиша мама Нина и со тоа на сите им откри дека нејзината наследничка ќе носи уникатно име смислено од мама и тато. Пејачката уште додека беше во блажена состојба во едно телевизиско интервју изјави дека со сопругот уште пред две години знаеле дека ако им се роди девојче ќе го крстат Арја и тоа по омилениот лик на Нина од серијата „Игра на тронови“ која е храбра и борбена жена. Инаку, трудничките денови на пејачката поминаа без многу помпа, односно објавување на фотографии со трудничкиот стомак, каков што е случајот со повеќето идни мајки. Летово Нина во изјава за „Ексклузив“ кажа дека има лесна бременост, но не многу се оптоварува со купување на бебешка облека бидејќи околку неа има многу блиски со мали девојчиња од кои ќе може да ја користи облеката. За потсетување, Нина и нејзиниот сопруг Александар Николовски се венчаа на 19 октомври минатата година пред мал број на луѓе, односно најблиските. Сладбата планираат да ја направат следната пролет, а во план им е да биде заедно со крштевката на малата Арја. Честитки!

Нина Јанева за сопругот: „Со него можам светот да го освојам“

Христина Ѓоргиевска — Fri, 18 Jan 2019 07:43:17 +0000

Претходната година, Нина Јанева заплива во брачните води и официјално склопи брак со Александар. Во една прилика таа истакна дека повеќе сака некласични свадби со вистински луѓе. „Јас сум за некласична свадба со вистински луѓе. Ќе има и традиционална македонска музика, секако без турбофолк и непотребни моменти. Семејството на Александар е големо, речиси двапати поголемо од моето, што значи дека планирам провод за сите генерации“ изјави Јанева пред свадбата. Пејачката не правеше традиционална свадба, а на социјалните мрежи се појавија неколку фотографии од свадбената прослава која очигледно е дека била различна и оригинална.

Нина ужива во брачниот живот со Александар, а деновиве во интервју за „Женски магазин“ истакна дека ја мотивира љубовта. „Мотив во животот ми е љубовта, откако ја сретнав вистинската личност и сфатив дека со него и светот можам да го освојам. Ме мотивира желбата за семејство, за подобрување на квалитетот на животот, за искусување нови нешта.... Едноставно ме мотивира обичниот живот проткаен со семејството, пријателите, музиката и сите вредности на кои за жал во последно време малку им се обрнува внимание“, вели Нина,

Се омажи и Нина Јанева: Ветуваше неконвенционална свадба со македонски ДЈ-и (ФОТО)

Антонио Димитриевски — Sat, 20 Oct 2018 09:22:18 +0000

Последен ден како госпоѓица Јанева, објави македонската пејачка Нина Јанева која се (о)мажи за нејзиниот сакан Александар, при тоа постирајќи и една необична фотографија од нејзиниот како што го нарече самата „Невестински пакет“ од „здрава храна“.

-Јас сум за некласична свадба со вистински луѓе. Ќе има и традиционална македонска музика, секако без турбофолк и непотребни моменти. Семејството на Александар е големо, речиси двапати поголемо од моето, што значи дека планирам провод за сите генерации.

Планот ми е вечерта да ја носат неколку наши познати диџеи кои ќе пуштаат back to back олдскул хип-хоп. Тоа е мојата замисла за неконвенционална свадба – изјави Јанева неодамна во интервју за Женски магазин.

Од она што скромно можевме да го дознаеме е дека Нина навистина не правела „свадба со зурли и тапани за цело село“.

Една мини семејна фотосесија, како и фотографија од невестинската фризура и шминка на пејачката е се' што можеше да се најде и дознае во моментов поврзано со свадбата на Јанева.

Како и да е, нека и е со среќа! Редакцијата на Вистина.ком.мк на младите им посакува долг и среќен заеднички живот исполнет со многудетно семејство!

Пред 19 години: Погледнете како изгледаше Нина Јанева како девојче! (фото)

Христина Ѓоргиевска — Fri, 18 May 2018 07:40:41 +0000

Велат дека училишните денови се едни од најубавите, па кога ќе пораснеш се би дал да го вратиш времето и барем на кратко да бидеш повторно тинејџер. Македонската пејачка Нина Јанева денес важи за една од подобрите пејачки на македонското музичко небо, а својата кариера ја започна како дел од групата „Фор Плеј“. Денес е една од најдобрите вокали, а со секое пеење пренесува и емоции. На нејзиниот Фејсбук профил се појави фотографија од Нина и нејзините училишни другарчиња кои беа дел од училишниот хор, фотографијата е направена пред 19 години. Оваа ретро фотка побуди носталгична чувства и кај нашата пејачка и кај нејзините пријателки.

фото:Фејсбук

Нина Јанева пред нов почеток со „Ова е крај“ (ВИДЕО)

Антонио Димитриевски — Wed, 31 Jan 2018 11:14:16 +0000

Нина Јанева после долги години пауза повторно сними видео и тоа за темата „Ова е крај“, која е комплетно авторско чедо ( музика, текст, аранажман и продукција) на композиторот Александар Масевски кој заедно со Наде Талевска и Игор Митровиќ ги пејат и придружните вокали. Видеоспотот, е во режија и комплетна реализација на Александар Ристовски – Принц, а кадрите за истиот се снимени на локациии скопската планина Водно. „Ова е приказна во која ќе се најдат многу девојки и жени. Добар блуз кој мене лично ми дејствува како мевлем“, вели Нина. „Спотот го снимавме во ноември, беше малку ладно, на минус еден ме прскаа со вештачки дожд, а јас облечена во фустан со шест слоја. Измразнав, но супер си поминавме на снимањето и ни беше многу забавно. На Водно го дочекавме и роденденот на Принц и работно го одбележавме“ - открива Нина, која последниот спот кој го има снимено е од времето со „4Плеј“ пред околу десетина години. Пејачката во меѓувреме активно настапува и со својот бенд „2Егзит“, а најновото што го слушаме и гледаме од неа следува во продолжение. https://www.youtube.com/watch?v=Q7m6MddXBWk&feature=share

Нина Јанева прашува: Жељко пак во Скопје- како бе не ви се здосади?

Слободанка Илиева — Wed, 01 Nov 2017 08:56:12 +0000

Познатата балканска музичка ѕвезда Жељко Јоксимовиќ деновиве ја промовираше својата нова песна “Милиметар”, а сега го најавува и својот голем концерт во Скопје кој ќе се одржи на 11-ти ноември во Вип Арената Борис Трајковски. Имено, Жељко стана редовен гостин во Македонија, па по тој повод пејачката Нина Јанева на својот Фејсбук профил ја праша јавноста како не им досади повторно да бидат дел од ова концертно случување кое стана честа појава кај нас.

Ваквиот статус предизвика голема реакција кај нејзините пријатели и следбеници кои ја поддржа во ваквиот став, а објавата доби стотина допаѓања и лавина коментари.

На истото се надоврза и пејачката Наташа Малинкова која напиша: „Ццц, да не веруваш“’ коментираше таа, а реакции имаше и од: Сара Мејс, Димитар Атанасовски, Искра Трпева, Рената Кралевска, Марга Сол и многу други кои се согласија со Нина дека српската естрада нема граници со репризната жетва во Македонија.