Кој и го „смути“ на Нина – Групер?

Антонио Димитриевски — Tue, 03 Mar 2020 19:08:21 +0000

Ако деновиве случајно на Групер налетате на нова зделка со попуст, за еден од најпопуларните мали кујнски апарати наречен „Нутрибулет“ или екстрактор на хранливи состојки кој ги ослободува сите хранливи материи кои продуктите ги содржат, знајте дека ништо не случајно. Всушност кај Нина – Групер ионака ништо не е случајно, освен едно: случајно и го снема нејзиниот „Нутрибулет“. И тоа од местото кое треба да биде најчувано – Министерството за финансии. Имено, чуварот на државната каса останала без својот „екстрактор на хранливи состојки“, па сега има проблем. Нутрибулетот на Нина бил украден пред некој ден токму од просториите на Министерството, па министерката сега е лишена од своите смути појадоци. Вака дисбалансирана во исхраната на Нина тешко и оди балансирањето на финансиите. Арно ама, како што владата за која работи е полна со матни типови и секој од нив знае нешто да „смути“, не е чудо ако некој и шепне решение за проблемот во кој се нашла. Стави го „Нутрибулет“ на Групер и за Нина ќе биде супер. Ем, ново машинче за витимински појадок полн хранлива материја, ем екстра профит во серија. Заради украдениот „Нутрибулет“ на Нина нема да и падне ни имунитетот ни дигнитетот... Може само на државната каса да и падне бонитетот. Да се живи новите задолжувања кон странските банки и светот. Неа за буџетот ионака не и битно, зашто брои ситно. Ма нејзе всушност и е супер... Да и е жив Групер! А тоа што ниту својот „Нутрибулет “ не умее да го зачува, а камо ли парите на граѓаните... Тоа е она што го гледате и самите. Ова чисто онака, за да не мора никој да ве убедува и збори што треба да сторите, кога ќе дојде денот за гласање на изборите.

Повеќе на vistina.mk

Новата министерка за финансии ја реконструираше до(Ф)черашната портпаролка: Нина – „Групер“ ја „прегрупира“ Јована Аврамовска назад во „Фчерашњи“! (ФОТО)

Антонио Димитриевски — Tue, 12 Nov 2019 09:04:31 +0000

Јавноста ја запозна најпрвин како репортер, па водителка во утринската програма на ТВ Сител „Ја сакам Македонија“. Не мина долго време, а новинарката преку ноќ ја снема од ТВ екраните. Неофицијално - си заминала од телевизијата, (не)официјално, телевизијата „и се заблагодарила“ заради сопствено прегрупирање на кадрите во програмата по пат на „природна селекција!“ Јована Аврамовска како што се појави - така и исчезна, за понекое време одново да ја има на телевизија! Овој пат, како една од главните актерско-водителски ведети на проектот „Фчерашни новости“ , финансиран од Агенцијата на САД за меѓународен развој (УСАИД). Така симпатичната бивша новинарка стана и актерка, која „глумејќи“ ТВ водителка, заедно со останатите од екипата ја забавуваше нацијата која последна ги дознаваше „Фчерашните новости“! Во тоа време, воглавно со сите сили насочени за уривање на „режимот“! И се' така додека „режимот“ не го замени „хунтата“ , а премиерот Заев не реши дел од „заслужните уривачи на режимот“ да ги награди со советничко- портпаролски позиции во новата влада и останатите институции на системот! Меѓу нив и Јована Аврамовска, како нов портпарол на Министерството за финансии на тогашниот министер Драган Тевдовски. Така водителското столче од пред камерата на „Фчерашни“, Јована го замени со фотеља во кабинетот на министерот... или баерем некоја канцеларија до него! „Фчерашни“... за неа останаа да бидат „боља прошлост“, ама подоцна ќе се испостави и „лепша будуќност“! Имено, откако владината кола тргнува надолу, на премиерот прво што му паѓа на памет е реконструкцијата на владата, во која жртва на новата владина политика ќе биде и министерот за финансии Тевдовски. Праведно или не, некоја глава „мора да падне“, а со неа и главите на екипата околу него... како колатерална штета, до душа на одложено време! Се додека не се појави таа, новата министерка Нина Ангеловска, алијас Нина - „Групер“, во чии раце беа предадени финансиите на државата! Нов министер, нови правила и... нова екипа! Новата министерка за финансии ја реконструираше до(Ф)черашната портпаролка, односно Нина - „Групер“ ја „прегрупира“ Јована Аврамовска назад... во „Фчерашњи“! До душа, Јована се поздрави уште во јуни 2019 со тимот од кабинетот на Тевдоски, и тоа јавно, кога на својот Фејсбук профил меѓудругото напиша: „Поздрав екипо, до следната прилика, тука или некаде!“ Што значи дека и враќањето во „Фчерашни“ на Јована по се' изгледа дека и е од привремен карактер, до следната прилика... Зашто вака кажано, подразбира дека плановите на до(ф)черашната портпаролка и се на друго место... Тука или некаде, сеедно!

Повеќе на vistina.mk

нина – групер – Вистина.мк

Кој и го „смути“ на Нина – Групер?

Новата министерка за финансии ја реконструираше до(Ф)черашната портпаролка: Нина – „Групер“ ја „прегрупира“ Јована Аврамовска назад во „Фчерашњи“! (ФОТО)