николина славковска – Вистина.мк

Со згаснувањето на телевизијата на Боки 13, заврши и водителската криера на Нина, но еве што ново работи денес (фото)

Слободанка Илиева — Tue, 17 Sep 2019 07:47:20 +0000

Откако фреквенцијата на телевизијата на Боки 13 престана да емитува програма, заврши и водителскиот ангажман на водителакта на забаваната емисија „Ексклузив“, Николина Славковска, како и на голем број од нејзините колеги во телевизијата. Но животот тече понатаму, па кој како успеа да се снајде, продолжи во медиумите или започна нешто сосема ново како во случајот на Николина. Имено, Николина или како што милува да се потпишува, Нина Ред, љубовта кон медиумите ја стави на „стенд бај“. Како што пишува „Слободен печат“, Нина му се врати на танцот, односно сега работи како инструктор по танц во „Сонриса“. Танцот е нејзина стара љубов, а доколку се сеќавате, претходно можевме да ја глеаме како танцува во спотовите на македонските пејачи. Камерите повторно ќе бидат пред неа, но микрофонот ќе и фали, барем засега. За потсетување, Нина најпрвин ја гледавме во естрадниот магазин „Бекстејџ“, па потоа смени екипа и замина во сега згаснатиот „Ексклузив“.

ТАЈЗИ има нова – „Параноја“ (ВИДЕО)

Антонио Димитриевски — Thu, 26 Apr 2018 08:00:03 +0000

Македонскиот пејач Драган Величковски познат како Тајзи, периодов направи нешто на кое би му подзавиделе и светските ѕвезди – во само две недели промовираше три нови песни:„Мој живот, моја ствар“ - отпеана на српски, дуетот со Викторија Лоба – „Каде сме ние“, и најновата тема „Параноја“, која ја промовираше на каналот на продукцијата „Балкатон“ од Србија.

Се работи за песна на македонски јазик и е вистински весел летен хит, кој го продуцираше Александар Иван Миличевиќ, млад и талентиран продуцент кој е роден и работи во Шведска.

Во иднина Тајзи најавува уште соработки со други продуценти од Шведска, зашто во моментов тие важат за едни од најактуелните и најквалитетните на светската музичка сцена.

Мастерот е на Роберт Билбилов, со кого Тајзи веќе има, а и најави повеќе нови проекти, како и песна на англиски. Видеото во стилот на „Лудиот Макс“ е во режија на Тајзи и Илија Жоговски, а спотот е снимен на археолошкиот локалитет Кокино, прилепското Мермерно езеро, како и уште неколку други локации низ Македонија.

Од продукцијата „Балкатон“ најавуваат многу настапи низ земјата и регионот и велат дека соработката со Тајзи е само почеток на нешто поголемо кое следува во иднина.

Во продолжение погледнете го „Параноја“ - новото видео на Тајзи, во кое главната женска улога ја има ТВ водителката и модел, Николина Славковска. https://www.youtube.com/watch?v=VvpB-RGYhPs

Водич низ скопскиот моден свет со Ninna Red (ФОТО+ВИДЕО)

Слободанка Илиева — Wed, 18 Oct 2017 12:49:41 +0000

На социјалната мрежа Инстаграм нејзе ќе ја најдете како Ninna… @ninnared. А таа пред се е многу нормална, обична приземна скопска девојка. Постојано ведра и позитивна… Насмевката е нејзиниот заштитен знак. Но тоа е само надворешната страна. Она што во себе го носи е нешто друго.

Јавноста ја знае како Николина Славковска, радиоводител (Студент ФМ), новинар ( Бекстејџ) и фотограф, пред се креативна личност во многу нешта. Таа е главниот креатор на проектот “Fashion in Skopje”, преку кој на најдобар можен начин ја доловува модата во Скопје. Но Николина не само што фотографира, туку има и огромна желба да се фотографира, што е мотив повеќе и добра причина за да ја следите на социјалните мрежи. Различни серијали на фотографии со совршен стил се вистинска инспирација за тоа како треба да се носат девојките кај нас, а мажите…? Тие само можат да уживаат во нејзиниот перфектен стајлинг и изглед.