николина нина ристовска – Вистина.мк

Регистрирани: Македонскиот ракометар и неговата животна избраничка ги објави првите „свадбени“ фотографии… иако свадба не правеа! (ФОТО)

Антонио Димитриевски — Fri, 02 Feb 2018 09:33:00 +0000

Од пред неколку дена тие двајцата и официјално се маж и жена. Или поточно, брачни сопружници! И тоа со тапија! Нашиот ракометен голман Борко Ристовски и неговата животна избраничка Николина Нина Ристовска и официјално стапија во брак, ставјќи го својот потпис во матичната книга! Голем свадбена веселба немаше... изостана! Само мала семејна прослава!Така решиле или така сакаа... Тоа е нивна работа.

Но затоа имаше „свадбена“ фотосесија... Ако така некако може да се нарече. Полна со романтични, емотивни моменти, за спомен на најубавите мигови од животот... Фотографии и секвенци кои довека ќе останат како фрагменти во сеќавањето на една младост и една голема љубов на две души, на две срца... Пардон... На три!

Да не заборавиме дека убавата г-ѓа Ристовска е во блажена состојба и тоа пред вратите на последниот месец од бременоста... Пред вратите на новото поглавје од нејзиниот и неговиот живот, од заедничкиот живот како сопружници а за некој ден и родители! Затоа и вреди да ве потсетиме на нејзиниот пост објавен со минифотосесијта од церемонијата на нивната „регистрација“ и миговите непосредно пред и по неа!

„Од вчера и законски во брак. Колку и да не е важно што постои на лист хартија, моментот е многу посебен и на свој начин емотивен. Совршенство не постои, ниту идеални врски и односи, но вистинска љубов постои и може да биде прекрасна доколку двајца пронајдат заеднички јазик, доколку имаат меѓусобно разбирање и трпение и доколку секој ден се грижат еден за друг без разлика на се. Јас сум среќна за сите заеднички моменти и се надевам дека низ животот заедно ќе раснеме и ќе бидеме само подобри луѓе заедно“ – напиша г-ѓа Ристовска на еден од своите профили на социјалните мрежи.

Епа, ним нека им е среќно... и вечно! А вие, уживајте во емотивните фотографии на брачната двојка Ристовски.

Вереницата на Борко Ристовски е поразлична од другите: Сите имаат елка во дневната соба, само Нина има елка, кај што никој нема..! (ФОТО)

Антонио Димитриевски — Wed, 06 Dec 2017 11:28:35 +0000

Голманот на македонската ракометна репрезентација и Барселона, Борко Ристoвски и неговата вереница Николина Нина Ристовска ја очекуват својата прва принова.

И додека „министерот за одбрана“ вредно тренира и го брани голот на својот клуб, убавата кумановка ужива во својата бременост, егзотиката и убавините на сончевата Каталонија!

Утрински прошетки и појадок на песок...Изборот совршен. И на локацијата и на менито! И додека идната мајка ужива во шпанското сонце и гастрономските специјалитети, евидентно е уште нешто...

Убавата Нина има нешто што никој нема! Или поточно, повеќето го имаат, ама не на тоа место! Зашто во пресрет на Новогодишните празници речиси секој од нас кити елка... Само што таа обично стои во дневната или детската соба.

Ама не и кај Нина... Нина има, што никој нема: Елка на плажа!

Нина ги стопи срцата на идните мајки: Малите нешта доаѓаат за да ве потсетат колку е љубовта голема!

Антонио Димитриевски — Thu, 30 Nov 2017 07:57:04 +0000

Голманот на македонската ракоментна репрезентација, Борко Ристовски и неговата сакана, убавата кумановка Николина ја очекуваат својата прва принова. Тие за неполни 10 недели за првпат ќе се реализирааткако родители. Полот на бебето веќе е познат - „министерот за одбрана“ и неговата животна сопатничка ќе добијат синче.

Како што се приближува часот на породувањето, возбудата и радоста за новиот член во нивниот живот се повеќе расте. Особено е разнежнета мама Нина, чии чувства и љубовни емоции стануваат се посилни, што е разбирливо за жена во блажена состојба. Особено ако ја чека рожбата на своето прво чедо! И ако во почетокот не сакаше многу да се експонира, сега Нина почна се’ почесто и почесто да го покажува трудничкиот стомак, постирајќи фотографии на социјалните мрежи.

„Таман сте помислиле дека сте спознале што е тоа љубов, кога доаѓа нешто малечко за да ве потсети колку навистина е тоа непшто големо“ - напишала мама Нина во најновиот постиран цитат покрај фотографијата на која гордо го покажува својот трудничи стомак! Пост со кој одново ги стопи срцата на сите, особено на претставничките на понежниот кои како и таа, наскоро очекуваат да станат мајки!

Девојката на „министерот за одбрана“ е петти месец бремена, а тие веќе ја породија: Борко Ристовски ЌЕ стане татко! (ФОТО)

Антонио Димитриевски — Tue, 24 Oct 2017 07:35:34 +0000

Македонското ОН ЛАЈН(О) новинарство, ако воопшто може и да се нарече дека тоа е новинарство, го заслужи претходно, со големи букви напишаниот „епитет“ за сите пари! Во нерегулираните со закон односи во дигитално-информативната сфера (не) се знае кој од кого повеќе краде... Или се знае, ама не се санкционира, а за количеството на глупости на мал простор и да не зборуваме. Една лага, непроверна информација или погрешно пренесена вест, создава домино ефект од дигитални интернет глупости... Без никој да праша, да провери, да се потруди барем да дознае, тоа што го „дрпнал“, дали е така, дали е вистина?

Вакавата состојба е секојдневие кај македонските портали, па освен, чест на исклучоците кои нешто пишуваат и продуцираат сопствени текстови и написи, останатите се „ресавска школа“. По принципот „копи - пејст“ си „штанцаат“ вести на туѓ грб, без уво да ги боли да ли е тоа нечие авторство и дали воопшто тоа што го „прекопирале“ од туѓиот на својот портал воопшто е точно! Последниот пример од вчера, понеделник, 23 октомври е уште еден доказ кој го потврдува правилото.

Вистина.мк уште на почетокот на годинава прва објави за љубовта помеѓу македонскиот репрезентативен ракометен чувар на мрежата Борко Ристовски и неговата девојка, убавата Николина Нина Ристовска. На нашиот портал следеа серија написи за нивната врска, за љубовната романса која очигледно почна да прераснува во нешто посериозно. Дека Николина чека бебе знаевме исто така први, но не беше ред да објавиме нешто што не е потврдено од оние кои утре ќе бидат негови родители. Чекавме веста токму таа и „министерот за одбрана“ први јавно да ја соопштат. И дочекавме...

Ние, ама не почекаа и тие – „генијалците“ од новинари, па побрзаа да бидат први.. Во објава на уште една глупост – секако! Така, што се вели „уште не забременета“, се потрчаа Николина да ја породат, па нејзе и Борко ги прогласија за родители на се’ уште нероденото дете, и објавија дека македонскиот голман станал татко!

Прво еден портал, па по него „домино ефектот на украдени вести“ си го направи своето, и ... Ете ти редица од неточни и лажни информации за една иста работа за само неколку часа!

А, ВИСТИНА-та е всушност сосема поинаква. Да точно е... Борко Ристовски ЌЕ стане, ама се’ уште не станал татко! Неговата Николина е трудна и тоа во 5-ти месец од бременоста, што значи бебето е на пат!

Жената покрај постираната фотографија на која се гледа трудничкото стомаче, убаво си напишала на својот Фејсбук профил. И со зборови и со симболи: „Најголемата среќа на светот...Машко бебе на пат... 5-ти месец бремена“. Само некој треба да знае да чита... Ама очигледно – не знае! А, камо ли да пишува!