никола станишиќ – Вистина.мк

Мили го извиси овој Македонец, а сега тој се појави во „Ѕвездите на Гранд“, па жирито удри по менторот: „Срамота за тој човек“

Христина Ѓоргиевска — Mon, 03 Feb 2020 08:23:45 +0000

Во последните две сезони во регионалното музичко шоу „Ѕвездите на Гранд“, членовите на жирито имаат и улога на ментори, односно секој кандидат има ментор кој заедно со својата екипа работат со кандидатите. Претходната година освен стандарното жири, ментор можеше да биде и продукцијата односно Саша Поповиќ и Снежана Ѓуришиќ, но оваа правило се смени оваа година кога наместо продукцијата ментор може да биде член – гост. Така, во таа улога можевме да ги видиме Тијана Дапчевиќ, Сале Тропико, Џенан Лончаревиќ, Александар Милиќ Мили и многу други. Меѓутоа, иако задача на менторите е да работат со своите кандидати, Мили овој пат го извиси својот кандидат односно Никола Станишиќ од Скопје. Како што објасни тој, се договориле со Мили да работат заедно, но кога Никола го побарал својот ментор тој одговорил дека има многу концерти и нема да може да соработуваат. https://arhiva.vistina.com.mk/radio-mileva/mili-go-izvisi-ovoj-makedonec-vo-dzvezdite-na-grand-trebashe-da-mu-bide-mentor-pa-ne-se-ni-pojavi-foto/ Никола без да работи со ментор се појави во последната емисија на музичкото шоу каде што се претстави со песните „Лазарополе таму најгоре“ и „Кад заболи“. По неговата изведба тој доби четири гласа, односно тоа значеше дека оди во бараж каде што со останатите кандидати требаше да се бори за поминување во четвртиот круг. Меѓутоа, кога жирито виде дека Никола немал ментор, тогаш во студиото настана општ хаос. „Се слушнавме откако од продукцијата побарав негов број, но не можеше да работи со мене бидејќи има многу концерти“ изјави Никола. „Ова е голема срамота за тој човек“ истакна Ѓорѓе Давид. Вики Миљковиќ сметаше дека Никола не треба да оди во бараж бидејќи ќе биде нерамноправна борба со останатите кандидати кои работеле со ментори. „Чекајте, чекајте, ова е нерамноправна борба бидејќи сите кандидати работеа со своите ментори, а тој не“ изјави Вики, а Босанац му даде глас со што Станишиќ доби доволно гласови за да помине во третиот круг. Марија Шерифовиќ изрази желба дека сака да го земе во својот тим и да му биде ментор. „Може ли јас да го земам“ праша Марија и откако доби потврден одговор веднаш тргна на сцената да го прегрне Македонцот. Како Марија ќе го подготви Никола за следниот круг останува да видиме за неколку месеци.

Мили го извиси овој Македонец во „Ѕвездите на Гранд“: Требаше да му биде ментор, па не се ни појави (ВИДЕО)

Антонио Димитриевски — Tue, 21 Jan 2020 10:59:29 +0000

Александар Милиќ Мили испаднал непрофесионален кон неговиот единствен кандидат во „Ѕвездите на Гранд“, Никола Станишиќ од Скопје. Фронтменот на групата „Милиграм“ му ветил на младиот Македонец дека ќе работи со него, ќе го турка во медиумите, па дури и ќе ангажира стилист за него, но тој преку ноќ престанал да го контактира. Специјални членови на жирито во минатиот петок требаше да бидат Мили и Шериф Коњевиќ, но во студиото на Кошутњак се појави само Шериф. Мили го известил Саша Поповиќ дека нема да може да дојде, па затоа неговиот единствен кандидат што го избра - извиси! Младиот скопјанец се претстави во шоуто, а бидејќи никој од постојаните членови не му даде глас, Мили реши да го прифати.

„Бев пресреќен што Мили ќе ме менторира. Тој ми рече како ќе работи со мене. Имаше идеја да одберам една песна, а друга ми предложи - да го пеам Синан Сакиќ. Тој вети дека ќе ја подготви мојата матрица. Тој исто така рече дека ќе ме упати кај неговиот стилист и дека ќе договори медиумите да пишуваат за мене во Македонија. Потоа ми се јави и рече дека нема да може да се видиме затоа што имал многу обврски, концерти и сл. и Мили оттогаш престана да ми се јавува. „Мина уште некое време, а тој не ми се јави. Ја слушнав продукцијата, ми рекоа дека ќе го контактираат, но ми дадоа и негов број да го повикам и да закажам состанок. Јас му се јавив, а тој ми кажа дека е зафатен и не може да работи со мене. Го замолив барем матрицата да ми ја испрати, тој рече дека важи и веќе не се јави. Чекав две недели на матрицата, не знаев што ќе пеам само неколку дена пред да дојдам во Белград. Бев во хаос, го побарав, а тој повторно ми рече: 'Имам состанок, не можам да разговарам, ќе те барам подоцна'. И повеќе ниту ми се јави, ниту одговори на моите повици“ - раскажува Никола. Вистинското изненадување беше што Никола воопшто пристигна во Белград на пробата. „Дојдов таму и Саша ми рече дека Мили нема да дојде. Помислив дека е подобро да испаднам уште во првиот круг, отколку ова што ми се случува. Во меѓувреме, успеав да ја добијам матрицата, колегите ми помогнаа во тоа“ - вели Никола. Членовите на жирито биле изненадени кога дознале што му направил нивниот колега на натпреварувачотод Македонија. Особено лут бил Ѓорѓе Давид, кој го нападна колега, но и Марија Шерифовиќ. Таа одлучи да му даде шанса на кандидатот за следниот круг и се понуди да биде неговиот нов ментор. „Марија се покажа како вистински царица. Многу и благодарам. Можеби е подобро што испадна вака. Искрено, сакав да работам со неа уште од почеток. Едвај чекам да се фатам за работа“ - пресреќен ќе изјави нашиот Никола.

Мили дојде во „Ѕвездите на Гранд“ да го земе кандидатот кој никој не го сака, па го одбра овој Македонец: „Подготви се ќе имаш многу тежок период“

Христина Ѓоргиевска — Tue, 22 Oct 2019 07:28:30 +0000

Од емисија во емисија станува се повеќе интересно во регионалното музичко шоу „Ѕвездите на Гранд“. Во новата сезона повторно учествуваат добро познати македонски кандидати кои биле и претходните години, но и кандидати кои никогаш досега не се појавиле на сцената на „Гранд“. Она што е ново во четиринаесетта сезона е тоа што во секоја емисија има гост – член во жирито кој може да одбере кандидат и да биде ментор. Во саботното издание на музичкото шоу гост – ментор беше Александар Милиќ Мили кој на почетокот на емисијата се пошегува и исткна дека ќе го земе оној кандидат кој никој не го сака, односно кој нема да добие гласови. Во најновата емисија настапуваше и македонскиот претставник Никола Станишиќ од Скопје. Никола во првиот круг се претстави со песните „Болиш ме“ од Мирза Селимовиќ и „Имам само једни жељу“ од Амар Гиле. По неговите интерпретации, Никола не доби ниту еден глас од стандарното жиро, но тогаш се вмеша Мили: „Јас му ветив на Сале дека ќе дојдам да го земам оној кандидат кој никој не го сака, епа ќе те земам тебе“. Мили му даде глас на Никола, односно тој ќе биде негов ментор, па му порача:„Подготви се, ќе имаш многу тежок период“ изјави Мили. Шерифовиќ имаше критики за македонскиот кандидат. „Ова ми беше како без идентитет. Си одбрал супер песни, но помина времето на тие песни, како да ти објасним. Ти овде дојде како нешто малку да пееш, па малку луѓето да играат, тоа е потполно глупаво размислување. Симпатично си момче, насмевка, енергија. Доби ментор и нека ви е со среќа“ изјави Марија. Како Мили ќе го подготви Никола, кои совети и препораки ќе му ги даде на Македонецот и како тој ќе се претстави во следниот круг, останува да видиме. Неговиот настап може да го погледнете во видето подолу на 55:58 https://www.youtube.com/watch?v=fMPVMIJwgu4