Никола Перевски Пере – Вистина.мк

Двајца познати македонски музичари останаа без еден од своите родители: Почина мајката на Пере од „Нокаут“ и татко му на Перо – „Камиказа“ од „Меморија“ (ФОТО)

Антонио Димитриевски — Mon, 05 Feb 2024 08:16:19 +0000

Овој викенд беше навистина тажен за две од најголемите македонски музички имиња и нивните семејства. Двајца познати музичари, двајца лидери на едни од најпознатите и најголеми македонски поп-рок бендови остаа без еден од своите родители. Имено,основачот и лидер на култната македонска рок група „Меморија“, Петар Георгиевски, познат како Перо - „Камиказа“остана без својот татко Ристо, кој почина во сон, во длабока страост на 97 годишна возраст. Но родител е родител, без оглед на возраста и разделбата со најсаканите, со оние кои ни дале живот, не подигнале, растеле, воспитувале, се радувале и тагувале со нашите успеси и недаќи е секогаш тешка и болна. Перо веста за заминувањето на својот татко јавно ја објави на својот Фејсбук подолг статус, опишувајќи го во дузина реченици животот на неговиот татко.

„Даскалот

На 97 годишна возраст денес во сон замина мојот татко и животен учител.Беше човек кој растеше без татко, бидејќи по усмртувањето на попот Ѓорги(нивниот дедо) од страна на грчките андарти, баба Лена(нивната мајка) сама се бореше и подигаше три сина, бидејќи дедо ми Спасо,бега во непознат правец.Брат му Петре ја превзема на себе сета одговорност, но и тој гине во Егејска Македонија како командант на воената област во Леринско, предаден и запален до темел со првата напалм бомба фрлена во село Сорович, заедно со останатите команданти на ДАГ. Од него не остана ниту прашина! Татко ми ја преживеа втората светска војна како командант на воената полиција, па како најмлад заедно со баба ми Лена со цело политбиро од Егејска Македонија се префрла во денешна Македонија. Завршува учителска школа, па педагошка академија.Се вработува во основното училиште “Јане Сандански“како педагог и учител.По неколку години станува директор на ова мултинационално училиште, инаку најголемо по ученици во тогашна Македонија каде што го помина целиот свој работен век се до пензионирањето.Човек кој си немаше речено еден лош збор со никого, но строг како педагог подигна на иљадници деца, вкључувајки ме и мене, како најпалав и немирен.Секогаш знаеше заедно со мајка ми да го направат правиот потег, бидејќи беше навистина предизвик да се справат со “фуријата“наречена Перо Камиказа.Можам со фермани да пишувам за него и за љубовта што ја имаа со мајка ми, но тоа ви го оставам вам, мои и негови блиски, ученици, роднини и пријатели.И да, станот во кој живеевме во карпош 3 , го отплаќаше цели 30 години(никогаш не зема ништо од државата со зборовите:(нема да правам покрив над главата со коските на брат ми, можам сам да си заработам ). Ете таков беше Ристаки“ - напишал Перо објавувајќи го и времето и местото на последното збогување и испраќање во вечниот дом на својот починат родител, по што додал:

П.С. Причека вчера да го прославам мојот 63 роденден, па потоа почина!Сполај ти татко за се, и горе меѓу ангелите со сигурност ќе го најдеш својот мир“ - напишал Перо во прошталниот статус на својот Фејсбук.

За жал викендот беше тажен и за уште еден познат македонски поп-рок музичар. Ден претходно почина Жане, мајката на предводникот на групата „Нокаут“, пејачот Никола Перевски - Пере. Тажната вест Пере исто така јавно ја обзнани, споделувајќи потресен статус на својот Фејсбук профил покрај семејната фотографија со својата мајка, по нејзиното заминување од овој свет. „Денес, срцето ми е тешко додека се збогувам со жената што ме научи на вистинското значење на љубовта. Мамо, додека не се сретнеме повторно, го носам твоето срце во моето, секогаш и засекогаш. Слава ти… Твојот син Никола со семејството“ - напиша Пере простувајќи се мајка си. Нека почиваат во мир, а редакцијата на Вистина.ком.мк изразува искрено и длабоко сочувство за ненадоместливите загуби до Перо и Пере и нивните семејства. Фото: Фејсбук/Petar Georgievski - Kamikaza/Nikola Perevski

Пере „Нокаут“ ја загуби мајка си: „Срцето ми е тешко додека се збогувам“ (фото)

Слободанка Илиева — Sat, 03 Feb 2024 08:00:42 +0000

Познатиот македонски музичар Никола Перевски Пере ја загуби мајка си. Вчеравечер преку својот профил на Фејсбук Пере објави дека почина жената од која научил што значи вистинска љубов и преку своето обраќање сакаше јавно да го сподели своето последно збогум со мајка си.

Денес, срцето ми е тешко додека се збогувам со жената која ме научи на вистинското значење на љубовта. Мамо,додека не се сретнеме повторно, го носам твоето срце во моето, секогаш и засекогаш. Слава ти… Твојот син Никола со семејството, напиша Пере кој објави заедничка фотографија од деновите кои заедно со спомените ќе останат засекогаш.

Редакцијата на Вистина изразува сочувство до семејството. фото:Facebook/ Nikola Perevski

Пере Нокаут го загуби најверниот пријател: „Засекогаш во моето срце, Брајан“ (фото)

Слободанка Илиева — Mon, 22 Jan 2024 08:32:10 +0000

Овој студен јануари засегогаш ќе остане со тажни сееќавања и ќе биде студен во срцето за фронтменот на „Ноакаут“, Никола Перевски Пере. Тој преку социјалните мрежи напиша дека засекогаш го загубил својот најверен крзнен пријател – кучето Брајан. -Засекогаш во моето срце, Брајан. Твоите шепи оставија траги на љубов кои вечно ќе ми шетаат низ сеќавањата.Почивај во мир мој најдобар верен пријателе. Брајан - Брцо - Бесни 2011-2024, пишува Пере во своето збогување кое го објави на Фејсбук. Во прилог на последниот поздрав Пере објави дел од своите најдраги фотографии со Брајан. Преслаткото кученце од расата Западнохоландски бел териер често беше придружба на својот сакан сопственик, па дури еднаш имаше и настап пред камери, одосно се појави во спотот на „Нокаут“ за „Позитивно“ каде Пере го возеше во корпата од велосипедот. Брајан доби крлја, но засекогаш ќе им остане во срцата и спомените на целото семејство! фото: Facebook/ Nikola Perevski

Таткото и ќерката во дует: Пере од „Нокаут“ и неговат ќерка Миа на заедничка семејно-музичка прошетка под – „Месечевиот сјај“ (ВИДЕО)

Антонио Димитриевски — Fri, 19 Jan 2024 10:54:40 +0000

Групата „Нокаут“ деновиве ја промовираше новата песна „Месечевиот сјај“, која е отпеана во дует помеѓу вокалот на бендот, Никола Перевски-Пере и неговата ќерка, Михаела Миа Перевска и самата придружен вокал во бендот. „Досега ја слушавте како придружен вокал на нашите песни и на нашите концерти, а сега и во дует со нејзиниот татко Пере. Задоволство ни е да ја промовираме оваа соработка помеѓу бендот и Миа Перевска со најновиот сингл 'Месечевиот сјај“. Уживајте како што ние уживавме дур ја правевме песната“ - порачауваат од “Нокаут“. Музиката за песната ја напиша Никола Перевски, кој е автор и на аранжманот заедно со Миа Перевска. Текстот го напишал Дуке Бојаџиев, а пост-продукцијата и мастерингот ги изработил Дарко Димитров. Инаку покрај членувањето во „Нокаут“, Миа Перевска досега има снимено неколку авторски соло песни и имала и соло настапи на ланските изданија на фестивалите „Зејмотрес“ и „Д фестивал“, а позната е и по ноќните настапи забаваувајќи ги гостите со своите поп-рок сетови по најпознатите скопски локали. Како звучи заедничкото семејно-музичко дело на таткото и ќерката, проследете во музичката видео - прошетка на Миа и Пере од „Нокаут“ под „Месечевиот сјај“, во продолжение:

Пере „Нокаут“ покажа дека е посилен од кога било: Обединети и од љубов стопени – „Цвеќенцето Ирис си дојде дома“ (фото)

Слободанка Илиева — Tue, 20 Jun 2023 07:23:37 +0000

Фронтменот на популарните „Нокаут“, Никола Перевски Пере пред само неколку дека стана татко по четврти пат. По три женски, Пере повторно доби женско, а со тоа стана посилен од кога било. Неговото женско царство стана уште помоќно со тоа што доби уште едно засилување кое го носи името Ирис. Мама и најубавото цвеќенце по неколку дена протоколарно поминати во породулиште си дојдоа дома, а гордиот татко отиде да ги земе и да ги однесе онаму каде припаѓаат – дома, сите заедно, обединети, од љубов стопени. Пере отсекогаш бил отворен за откривање јавно на моментите од приватноста, па така и овој пат го покажа најинтимниот момент од заедничката фотка на првата средба на неговите девојки, Миа, Каја, Софиа, а сега и Ирис. Магија, женска магија! Богатството на Пере стана уште поголемо, па така сега има пет жени до себе, да го чуваат, пазат, мазат, или можеби обратно – си знае самиот. Инаку, Пере има три ќерки, две од првиот брак со новинаркатра Александра Спировска, Мхаела и помалата Каја, а со втората партнерка Јована пред две ипол години ја доби малата Софиа, а сега и Инес. Втората бременост на Јована не беше познато за пошироката јавност, така што за многумина приновата овој пат беше изненадување. Но затоа, сега за најубавите моменти знаат сите. фото:Инстаграм принтскрин/Никола Перевски

Стиховите на новата песна на „Нокаут“ се вистинска приказна: „Шал“ е спомен, љубов и жал за една личност во животот на Игор Џамбазов, која повеќе ја нема (ФОТО+ВИДЕО)

Антонио Димитриевски — Fri, 12 Mar 2021 07:26:58 +0000

Една од најдобрите се' уште активни македонски поп групи „Нокаут“ има нова песна со необичен наслов - „Шал“. Име кое не е дадено заради перидот во кој календарски песната излегува, туку е во прашање музичка бајка, која всушност раскажува вистинска приказна. Обична, љубовна, од секојдневниот живот, онаква, какви што секојдневно им се случуваат на двајца млади луѓе... Да се заљубат, засакаат, да не можат еден без друг, а на крај сепак да се разделат... Најпрвин еден од друг, а потоа еден од нив и од животот на овој свет... засекогаш! Песна која е настаната како инспирација од една навидум секојдневна случка, од времето на младоста на македонскиот актер, шоумен, музичар, писател поет... Игор Џамбазов и неговата тогаш прва вистинска голема љубов Тања К. Искрена и чиста љубов со тажен крај... И љубовен и за жал, животен за неа, за Тања. Песна напишана како инспирација за случката од пред цели 34 години во една студена зимска февруарска ноќ, на испраќање дома, во влезот на зградата... Стиховите напишани нешто подоцна, во бифето на Драмски театар - Скопје во далечната 1987 година. Или Како што самиот Игор ќе рече: „Песнава се случи во влезот до „милицијата“ во Карпош, близу Драмски. Сега во влезот не студи. Ставија парно. Посветена и е на Тања Кочишка. Мојата прва вистинска љубов која ме чека на небото...“! Пред неколку години, кога Игор Џамбазов ја издаде својата последна книга „Улица диши длабоко“, во неа се спомнува и фамозната песна напишана пред цели 34 години, посветена на една од неговите најголеми љубови, Тања Кочишка која за жал, од пред неколку години не е повеќе меѓу нас. Игор ја разбранува јавноста откако раскажа дел од нивната приказна при своето гостување кај Жаре Димитриовски во неговото шоу „Еден на Еден“ .

View this post on Instagram

A post shared by Мајка Ти и Татко Ти (@majkatiitatkoti)

Љубовна приказна на Тања и Игор раскажана во „Шал“ го заинтригирала лидерот на „Нокаут“, Никола Перевски-Пере кој ветил дека ќе направи песна. Тој заедно со Роберт Билбилов стиховите на Игор ги преточија во музика и аранжман, а деновиве јавноста имаше прилика премиерно и да ја слушне оваа балада за една искрена и чиста љубов… за шарениот „Шал“ со мириси луди. https://www.youtube.com/watch?v=GNWH_LYs9gk

Стиховите на Џамбазов за приказната стара 34 години „Нокаут“ ги преточија во песна за еден – „Шал“ (ВИДЕО)

Антонио Димитриевски — Thu, 11 Mar 2021 13:21:24 +0000

После долго чекање „Нокаут“ вчеравечер, 10 март 2021 год. на Јутјуб ја промовираа долго најавуваната песна „Шал“, која Игор Џамбазов ја напишал пред цели 34, а ја најави уште пред неколку години. Тој тогаш за јавноста откри дека своевремено имал напишано песна со наслов „Шал“, посветена на една девојка која била дел од неговиот живот. На стиховите на Џамбазов, музиката и аранжманот ги направиле со заеднички сили Роберт Билбилов и Никола Перевски- Пере. Продуцент е Роберт Билбилов и неговата „Just RB Production“. Музичка креација во која маестрално ја отсликале душата вткаена во старите стихови за една љубовна приказна која повеќе ја нема, а сепак оставила белег засекогаш во срцето на нивниот автор. Музичката тема не само што ќе и го продолжи животот, туку приказната ќе ја направи вечна... А, песната евергрин, уште пред да биде промовирана! Видеспотот е еден вид одлична ноќна разгледница на македонската престолнина Скопје, во која совршено се вклопени, како целиот амбиент на песната, така и актерска ролја на Пере, кој извонредно си ја одиграл својата улога, пластично доловувајќи го емотивниот момент пренесен од стиховите на Џамбазов, на еден своевиден софистициран артистичко-уметнички начин. За реализација на видеоаспотот бил задолжен охриѓанецот Јован Куциноски и неговата „Motion Emotion Production“. Во продолжение песната „Шал“ и видеото за неа: https://www.youtube.com/watch?v=GNWH_LYs9gk

Пере од Нокаут стана татко по третпат – еве кое има го одбра за наследничката

Христина Ѓоргиевска — Sat, 21 Nov 2020 10:47:19 +0000

Македонскиот пејач Никола Перевски Пере од Нокаут по трет пат стана татко. Убавата порака ја сподели гордиот чичко, братот на музичарот. Тој на социјалните мрежи сподели фотографија од мекиците и им порача на сите дека двете ќерки на Пере сега си добија и сестричка по име Софиа. -Мекицииииии!!! Моите татко и мајка добија повторно внука! Мојот брат ја доби својата 3та ќерка со својата љубов Јована! Моите внуки Михаела и Каја добија сестра! Моите деца добија братучетка! Јас пак по трет пат сум горд чичко! А светот? Светот ја доби Софиа Перевска! Со љубов против сите зла“, напиша Пере на социјалните мрежи. Инаку, Пере од првиот брак веќе ги имаат ќерките Михаела (21) и помалата ќерка Каја (13). Честитики, да е жива и здрава Софиа.