никола мишковски – Вистина.мк

Шеф Марк пред камери проговори дека со шеф Никола не се во добри односи: „Таков човек игнорирам комплетно“ (видео)

Слободанка Илиева — Thu, 22 Feb 2024 06:48:27 +0000

Поминаа доста време откако шеф Марк де Јонг не е дел од кулинарското шоу „Брза кујна“ каде беше цели седум сезони, а на негово место дојде шеф Бобан. Марк набрзо потоа се впушти во нов телевизиски прект насловен „Авантурите на Марк“, кој патем одлично му оди, но темата „Брза кујна“ никако да олади. Кога Марк го напушти шоуто од каде го запознаа и засакаа гледачите, оние кои се инволвирани во проектот беа со резервирани изјави околу тоа зошто шеф Марк заминал, па дури и самиот тој тогаш не ја кажа јавно причината за занимувањето. Тогаш само шеф Никола Мишковски со кого беа нераздвојни приватно и пред камери изјави дека му било чест и задоволство да работи со колегата Марк. -После седум успешни сезони, после 1400 емисии, околу 6000 различни рецепти и многу интересни моменти, патиштата ни се разделија. Шеф Марк, ми беше чест и задоволство и предизвик да работам и снимам со тебе. Остави со сигурност голем печат во „Брза кујна“, но сигурен сум каде и да одиш ќе бидеш победник и еднакво успешен. Еј стрико, остаревеме заедно (се смее). Вака се започна, пишуваше тогаш Никола објавувајќи фотографија каде држи списание каде на насловната страница е шеф Марк. Помина време, Марк почна со новите снимања, па реши и јавно да прозбори каде „лежи зајакот“, а исто така и да покаже дека за него не згаснала ниту љубовта за пред камерите, а најмалку за готвењето кое е негова примарна пасија и професија. -Се случија некои осцилации во односот на екипата кон мене. Ситуации и зборови кои премногу ме повредија, ми ја одземаа енергијата и креативноста, не се чувствував повеќе среќен, а кога не си среќен, треба нешто да смениш, нели? Без љубов и позитивна енергија нема успех. Затоа и одлучив дека ми е потребен нов предизвик, нешто ново“, искрен беше и тогаш Марк во интервјуто за Арткујна.мк. И таман кога помисливме дека „манџата е ладна“ , повторно се огласи Марк, нешто подиректен во емисијата на Јутјуб „Ти реков, ми рече“ кај Давид Давидовски кој повторно ја начна темата и парша дали се скарани со Никола? -Не сакаран, игнорирам комплетно. Таков човек за мене... Си го покажа вистината, за мене доволно ми беше и доста, се става крај и не се продолжува. Он си знае, јас си знам, вели Марк, резервирано но со јасна слика за тоа дека зачините во односот меѓу нив едноставно не се мешаат. Што конкретно кажа Марк погледнете во продолжение:

View this post on Instagram

A post shared by DAVID DAVIDOVSKI (@davidovski_icon)

фото:Facebook/ Mark De Jong/ beza kujna

Официјално претставување и запознавање: Ова е новиот готвач во „Брза кујна“ кој го замени шеф Марк (фото)

Слободанка Илиева — Mon, 26 Sep 2022 08:37:41 +0000

Пред крајот на летото веќе започна снимањето на осмата сеозна на популарното кулинарско шоу „Брза кујна“ кое се емитува на телевизија Сител. На своите позиции се водителката Сања Савеска и во тимот на доматите веќе препознатливиот шеф Никола. Како што претходно беше објавено, шеф Марк повеќе нема а биде дел од шоуто и се насочува кон нови предизвици. На негово место веќе има нов шеф кој пак го прифати предизвикот да биде нов пред камерите и замена за Марк. Во редовниот и добро познат термин, секој работен ден во 17.00 часот на споменатата ТВ фреквенција, од оваа сезона на местото на Марк ќе биде шеф Бобан Симоновски кој ќе го предводи тимот на пиперките и со своите кулинарски вештини ќе му се спротистави на шеф Никола Мишковски од тимот на доматите. Асистентите кои ќе бидат дел од оваа сезона ќе имаат можност да готват со едни од најдобрите готвачи во Македонија и регионот. Вистински професионалци, со богато искуство и познавање во кулинарство. Шефовите, заедно со водителката Сања Савеска, секој работен ден ќе го направат уште позабавен и поинтересен, и ќе понудат многу нови и интересни рецепти кои ќе треба да ги подготват од само 6 намирници и тоа за само 20 минути. Инаку, шеф Бобан Симоновски веќе е искусен пред кемерите на „Брза кујна“ бидејќи во една од сезоните имаше епизоди кога се менуваа со шеф Никола и шеф Марк, а на нивно место беа Фиќо и Бобан. фото:Фејсбук/Брза Кујна

Шеф Никола се огласи јавно по објавата на шеф Марк дека повеќе нема да бидат колеги пред камерите на „Брза кујна“ (фото)

Слободанка Илиева — Mon, 25 Jul 2022 08:35:10 +0000

Деновиве преу социјалните мрежи, познатиот готвач познат од ТВ екраните, Шеф Марк, се огласи со објавата дека повеќе нема да биде дел од следната сезона на популарното кулинарско шоу „Брза кујна.“ Марк де Јонг информираше дека по поминати 7 сезони во шоуто подготвен е за нови предизвици. Претходно пак имаше објава во која што напомна дека „се надева оти е јасно зошто нема да биде дел од следната сезона на Брза кујна“. Следеа многу коментари и претпоставки зошто со таква одлука... Едни пишуваат дека не знаат зошто, други дека им е жал што повеќе нема да го гледаат, а трети пак претпоставуваат дека причината е тоа што кујната на шеф Никола најчесто победувала. За тоа дека неговиот колега си оди од шоуто, се огласи и шеф Никола кој вели: -После седум успешни сезони, после 1400 емисии, околу 6000 различни рецепти и многу интересни моменти, патиштата ни се разделија. Шеф Марк, ми беше чест и задоволство и предизвик да работам и снимам со тебе. Остави со сигурност голем печат во „Брза кујна“, но сигурен сум каде и да одиш ќе бидеш победник и еднакво успешен. Еј стрико, остаревеме заедно (се смее). Вака се започна, пишува Никола објавувајќи фотографија каде држи списание каде на насловната страница е шеф Марк. Инаку, во досегашните сезони на популарното кулинарско шоу , дополнително пред камерите се појавија уште двајца готвачи, Бобан и Филип, но само за неколку емисии какко засилување на Марк и Никола. Кој ќе го замени познатиот Марк, останува да видиме до почетокот на новата сезона.

Никола од „Брза кујна“ стана татко по трет пат: „Фала ти што животот ми го направи исполнет и среќен“ (фото)

Христина Ѓоргиевска — Fri, 02 Jul 2021 06:53:20 +0000

Никола Мишковски или познат како Никола од „Брза кујна“ стана татко по третпат. Имено, тој пред некое време во емисијата „Магазин“ откри дека со сопругата очекуваат принова во нивното семејство, а сега пристигна и новиот член. Стефанија и Никола повторно станаа родители на девојче, а тој среќните вести ги обелодени на својот Фејсбук профил. „На свет ни дојде уште една мала принцеза. Фала ти Стефанија што ми го направи животот толку среќен и исполнет животот. Ве сакам“, напиша тој покрај објавата во која откри дека пристигнало девојче. Под фотографијата се нижеа честитики од неговите пријатели. Инаку, Стефанија и Никола исто така имаат ќерка која во септември ќе наполни три години, а готвачот од првиот брак го има синот Дарин. Како за потсетување, парот во 2019 година вплови во брачните води, а неодамна со саканата прославија три години брак. По тој повод се огласи и Стефанија на својот „Фејсбук“ објавувајќи видео од нивни заеднички слики, а во описот напиша: „Двајца надолу и уште многу други. Среќна годишнина мој хубу“, напиша покрај објавата. Честитки, да е жива и здрава ќеркичката.

Ќеркичката на шеф Никола од „Брза кујна“ порасна во преслатко девојче (фото)

Христина Ѓоргиевска — Fri, 12 Mar 2021 08:40:25 +0000

Шеф Никола имаме прилика да го гледаме секој ден во кулинарското шоу „Брза кујна“ кое се емитува на Сител телевизија. Никола заедно со својот колега – шеф Марк се вистински мајстори за разни специјалитети. Шеф Никола и неговата сопруга Стефанија станаа родители во септември 2019 година. Тие уживаат во секој заеднички моменти со малата наследничката и се полнат со љубов и позитивна енергија. Никола е активен на социјалните мрежи, но најчесто на својот „Фесјбук“ објавува разни подготвени јадења, специјалитети или некое селфи од снимањата на „Брза кујна“. Сепак, деновиве неговата сопруга Стефанија се пофали со гестот на нивната ќерка, односно се пофали дека првиот подарок за 8ми март го добила токму од неа. Стефанија сподели неколку фотографии и покажа колку пораснала наследничката на неа и Никола. Дали малото и слатко девојче ќе тргне по стапките на татко и, па и еден ден ќе биде таа одличен готвач рано е да знаеме, но едно е сигурно – ќерката на шеф Никола изгледа преслатко. За потсетување, шеф Никола од првиот брак го има синот Дарин.

„Кога бевме помлади, убави и слаби“: Шеф Марк со уникатна роденденска честитка за шеф Никола (фото)

Слободанка Илиева — Fri, 04 Sep 2020 07:39:04 +0000

Познатиете домаќини на кулинарското шоу „Брза кујна“, шеф Марк и шеф Никола, паузираат од снимањата, камерите, публиката, учесниците, но не и од работата во кујна. Можеби не се гледаат толку често како кога имаат снимања за „Брза кујна“, но за нив не е неопходна професионалната дружба за да поминат заеднички моменти, да си зготват по нешто и да уживаат, да споделат секојдневни моменти. Овој пат имаше посебен повод за Марк да се присети на нивното долгогодишно познанство и пријателство, а тоа беше роденденот на Никола. Имено, тој наполни 35 години, а Марк во знак на внимание, се потруди да пронајде од постарата фото-архива, моменти од пред неколку години кои тој ги опиша вака: -За твојот роденден, 35 години Никола... ми се вратија слики од почетокот кога се запознавме! Кога бевме млади, убави и слаби...Ахахаха Уште еднаш среќен роденден и се најубаво ти пожелувам „мон ами“ Никола!- напиша Марк во свој стил. Следуваа стотици честитки во коментари, но и такви дека Марк и Никола им недостигаат на ТВ екраните. Ова се дел од нивните заеднички спомени по избор на Марк:

„Кому му е потешко?“: Шеф Никола покажа како изгледа кога со сопругата купуваат тави за дома (видео)

Слободанка Илиева — Mon, 02 Dec 2019 08:09:05 +0000

За врвното кулинарско мајсторство на шеф Никола од шоуто „Брза кујна“, би било излишно да се зборува. Гледачите на оваа кулинарска емисија за брзо готвење, добро знаат дека Никола е маестро во својата работа кој секојдневно изненадува со својата инвентивност, брзина и снаодливост во кујната. Многумина, особено припадничките на понежниот пол веројатно помислиле колку ли неговата сопруга има среќа со шеф во домашната кујна кој во секое време може да приготви ресторански специјалитет и тоа зачинет со љубов. Никола не многу често на социјалните мрежи објавува детали од приватноста, но понекогаш знае да сподели некој интересен момент со сопругата или таков кој потсетува на нив, како во случајов. Имено, тој објави видео од кое покажа како изгледа кога тој и негова Стефанија би купувале тави во продавница, а ситуацијата ја спореди со една двојка од видео кое го најде од интернет. Додека тој би ја тестирал тавата за трикови во мешањето, таа би ја тестирала за тоа колку е издржлива рачката. Впрочем, во ваква ситуација, кога партнерот е шеф во кујната, навистина да не знаеш кому му е потешко. На сопругата да се докаже или на сопругот пофесионалец кој работата секогаш си ја носи и дома?

Кулинарското шоу „Брза кујна“ има „нов“ тим (фото)

Христина Ѓоргиевска — Fri, 22 Nov 2019 07:30:52 +0000

Кулинарското шоу „Брза кујна“ имаме прилика да го гледаме секој работен ден на Сител телевизија заедно со водителката Александра Илиевска и готвачите кои за 20 минути приготвуваат разни јадења. Имено, на почетокот на 5тата сезона на „Брза кујна“ на барање на гледачите беа воведени некои промени. Така, освен готвачите Марк де Јонг и Никола Мишковски, тимот на Кулинарското шоу се прошири со уште два нови готвачи Филип Поповски и Бобан Симоновски. https://arhiva.vistina.com.mk/radio-mileva/mark-i-nikola-smeneti-od-brza-kujna-ova-se-novite-shefovi-vo-popularnoto-kulinarsko-shou-foto/ Тогаш, Филип преку својот „Фејсбук“ откри дека заедно со Бобан во „Брза кујна“ ќе ги има една седмица во месецот, па така тимовите се менуваа односно готвеа Марк и Никола, па Бобан и Филип. Меѓутоа, деновиве изгледа повторно дојде до промени и „Брза кујна“ има „нов“ тим. Поточно, водителката Александра на социјалните мрежи објави фотографија од шеф Марк и шеф Бобан, а во описот на истата напиша: „Во „Брза кујна“ има „нов“ тим...Најдобрата и секогаш квалитетна програма на Сител телевизија за нашите гледачи. И оваа 5та сезона да бидеме ваш апсолутен фаворит на малите екрани“, напиша водителката, а дали мислеше на тоа дека Бобан и Марк се погодија да готват заедно и ќе се менуваат со колегите, или пак тие ќе бидат единствениот тим на кулинарското шоу, не знаеме. Дали Марк и Бобан ќе бидат единствените готвачи, или пак ќе се менуваат со Никола и Филип останува да видиме.

Марк и Никола сменети од „Брза кујна“: Ова се новите шефови во популарното кулинарско шоу (фото)

Слободанка Илиева — Fri, 25 Oct 2019 06:38:34 +0000

Од неодамна стартуваше петтата сезона на популарното кулинарско шоу „Брза кујна“ на ТВ Сител, заедно со водителката Александра Илиевска и шефовите Марк Де Јонг и Никола Мишковски. Но, по цели четири сезони продуцентите на барање на гледачите бараа да се воведе ненаква промена, но бидејќи шоуто е под франшиза, за истото немаше многу простор за додавање или одземање на зацртаната шема во кујната на доматите и пиперките. Како што објасни Александара на почетокот на неделава, без да направат отстапки од концептот, се решиле за едено големо изненадување за гледачите, односно да ангажираат нови шефови на местото на Марк и Никола. Па така, пред камерите заедно со асистентите, сега пред предизвикот да готват за 20 минути се Филип Поповски и Бобан Симоновски. Филип е познат како популарниот „Готвиме со Фичо“, кој постојано изненадува со примамливи рецепти на социјалните мрежи, а гастрономско задоволство на спротивниот тим во „Брза кујна“ го приредува Бобан, шеф во еден елитен скопски ресторан. Дали шефовите ќе се менуваат на неделно ниво или пак Филип и Бобан ќе бидат единствените во оваа петта сезона, останува да видиме.

Шеф Никола од „Брза кујна“ повторно стана татко, првото машко, а второто…

Слободанка Илиева — Sun, 22 Sep 2019 09:59:31 +0000

Еден од нашите најдобри готвачи кој публиката го препознава по кулинарското шоу „Брза кујна“, шеф Никола, стана татко по вторпат. -Се роди нашата принцеза! Фала ти љубов моја најголема, напиша Никола на својот Фејсбук, а со тоа откри дека неговата сопруга Стефанија му родила женско дете. Инаку, Никола и неговата сакана се венчаа на почетокот на месец јули, односно направија модерна свадбена забава на која беа присутни мал број на гости. Инаку, ова е второ дете на 35 годишниот готвач, тој од првиот брак има син. Честитки, да е жива и здрава принзецата која засега не е познато кое име ќе го носи!