Никола Автовски – Вистина.мк

Јулијана Николовска ви ја нуди првата „Голтка љубов“ од нејзиниот „Ангел на љубовта“ (ВИДЕО)

Антонио Димитриевски — Tue, 10 Nov 2020 14:01:17 +0000

Јуле Николовска е една од ретките македонски естрадни уметници која коронапандемијата не ја обесхрабри да се впушти во потфат каков што останатите колеги или немаат храброст или доволно мотив во време кога немаат работа и настапи, кога едвај кубурат со сопствената егзистенција, а камо ли да вложуваат во својата кариера. Таа со своја нова песна „Голтка љубов“ успеа да го привлече вниманието на јавноста, не само како пејачка туку и како комплетен автор. Јуле својата „Голтка љубов“ ја визуелизираше со спот кој го реализирала продукцијата „Блекмеџик студио“ на Никола Автовски, додекаа аудио-миксот и мастерингот ги направил Љупчо Соколовски во студиото „Сити Саунд“. Видеото е снимено во кафеански амбиент, во опуштена атмосфеара во ресторанот „Грин Гарден“, онаква каква што ве вообичаена за работата на естрадните уметници. Во него покрај Jуле се појавуваат и нејзините колеги од матичниот „Арија бенд“, потоа Драко Илиевски, Никола Автовски и секако изборот од статисти кои го надополнуваат амбиентот на оваа љубовно - музичка приказна. Музиката и стиховите на „Голтка љубов“ пренесуваат емотивната љубовна порака на несреќно вљубена жена, чија чиста и искрена љубов е невозвратена и несфатена. Емотивнаа и сугестивана фолк балада, која ги допира најдлабоките чувства, особено на сите оние кои се уште ги носат љубовните лузни на душата. „Ја објавувам песната за време на пандемија со цел да ја разбијам лошата енергија што не ме опкружува некое време и сакам публиката да ми овозможи неколку релаксирачки моменти во кои таа ќе ужива додека ја слуша 'Голтка љубав'. Мислам дека на сите нас во овој период не ни треба голтка љубов, без неа нема сила човек да се бори со сè што може да му се случи. Убедена сум дека ќе и се допадне на публиката, затоа што станува збор за квалитетна песна која е компонирана многу професионално и за која снимив исто толку убаво и привлечно видео“ - изјави неодамна Јуле за магазинот „Свет-Австралија“. Во меѓувреме, таа својот музички потфат го прошири до размери, до кои ретко кој естраден уметник се одлучува и во нормални околности на живеење и работа, а камо ли во време-невреме, какво што е ова во кое живееме речиси една година, додека трае корона пандемијата. Имено, Јулијана Николовска издаде двоен албум, чии песни се сместени на две ЦД-а. Албумот е насловен „Ангел на љубовта“ и на него се наоѓаат 16 песни, полни со љубов и пораки за величање на животот, за сето она што не прави радосни и среќни, задоволни и исполнети. Во меѓувреме, Јулијана Николовска ви ја нуди првата „Голтка љубов“ од него:

Филип Пешевски со „Баги биг бенд“ и ДЈ Сењорита – „Ти ми стоиш најдобро“ (ВИДЕО)

Антонио Димитриевски — Tue, 10 Mar 2020 13:38:15 +0000

По минатогодишниот летен хит „Без оглед на сè“, кој го потпиша братско - сестринскиот авторски тандем Лазар и Магдалена Цветковски, младиот и талентиран пејач Филип Пешевски ја објави заедно со видеоспот неговата најнова песна, наслов „Ти ми стоиш најдобро“. Станува збор за тема на која како автор на музиката се потпишува самиот пејач, додека за стиховите овој пат бил задолжен Елвир Мекиќ, а аранжманот го потпишува Никола Автовски. Оваа песна на Филип се разликува од она што го работат другите на домашната естрада по тоа што во нејзината реализација е вклучен цел биг бенд. Се работи за новат формација на танцов оркестар насловена „Баги Биг Бенд“ составен од мноштво искусни но и млади акадамски образовани македонски музичари, под диригентската палка на стариот волк, маестро Љупчо Мирковски. Во реализацијата на песната покрај Филип и „Баги Биг Бенд“ учествува и младата ДЈ-ка, со уметничко име ДЈ Сењорита. Материјалот бил сниман и миксан од страна на Љупчо Соколовски во студиото „Сити саунд“, а за мастерингот на песната се погрижил Лазар Цветковски. Видеото за песната е снимано во новото елитно скопско казино, а зад реализацијата стои продукцијата „Black Magic Studios“, додека како режисер се потпишува Никола Автовски. „Среќен сум што конечно е готов целиот овој производ. Верувале или не, на сето ова работев цела една година, бидејќи сакав да звучи и да изгледа се совршено. Воопшто не е мала работа да се изреализира сето ова, но со помош на моите пријатели успеав. Се надевам дека публиката ќе ужива во новата песна“ – вели младиот пејач, кој во иднина ветува уште многу нови песни и видеоспотови. Послушајте ја песната и проследете го видеото за Ти ми стоиш најдобро“, во продолжение:

Филип Пешевски би сакал да е со неа – „Без оглед на се’“ (ВИДЕО)

Антонио Димитриевски — Wed, 24 Jul 2019 12:24:11 +0000

Филип Пешевски одново се труди да ја освои македонската публика, овој пат со песна што претендира да биде летен хит. Младиот музичар деновиве ја промовираше темата насловена „Без оглед на сè“, збогатена со летно видео, снимено на идиличните плажи во Саранда, кај нашиот западен сосед Албанија.

Ова е негова прва, се надеваме не и последна соработка со проверените хитмејкери кои ги напишаа најслушаните македонски хитови. авторскиот братско-сестринскиот двоец Лазар и Магдалена Цветкоски. Екранизацијата на песната е дело на екипата од продукцијата „Блек меџик студиос“, авидеоспотот е изработен под режисерската палка на Никола Автовски.

„Драги мои, ви ја подарувам мојата нова песна и видео, која што се надевам ќе биде хит ова лето. Ви благодарам за целата поддршката што ми ја давате, само тоа ми дава храброст да продолжам да творам понатаму. Уживајте, се надевам ќе ви се допадне“, напиша Пешевски.

А, како изгледа и звучи „Без оглед на сè“, дознајте во продолжение. https://www.youtube.com/watch?v=HLriMcF-Ylg