Дамјан Стојановски со новата песна ќе ве наежи – ,,Никогаш северна” (АУДИО)

Антонио Димитриевски — Thu, 18 Jul 2019 10:50:22 +0000

Дамјан Стојаноски, син на прерано починатата македонска фолк легенда Војо Стојаноски, ги следи стапките на својот татко и ја продолжува неговата мисија, па преку песната работи на афирмација на вистината за Македонија.

„Ми беше најдобар пријател, ментор и идол. Неговите дела никогаш нема да бидат заборавени. Во иднина сакам да препеам дел од неговиот богат репертоар. Татко ми сними многу убави песни, но некои поминаа понезабележителни, па планирам да ги оживеам“– ќе изјави во една прилика тој за својот татко Војо.

Деновиве Дамјан во етерот ја промовираше неговата најнова песна насловена како “Никогаш северна”. Mузиката и текстот на песната се авторско дело токму на самиот Дамјан, а аранжманот е дело на Златко Миладиноски, додека песната е снимена во студиото „Саунд Сити Бубе“. Слушнете ја во продолжение: https://www.youtube.com/watch?v=GDVZT3efJDU

Актерот Владо Дојчиновски контра Шенка Колозова: „Никогаш Северна, секогаш Македонија“! (ВИДЕО)

Антонио Димитриевски — Tue, 25 Sep 2018 13:15:36 +0000

Познатиот македонски актер од помладата генерација, познат по својата улога во македонските народни приказни, Владо Дојчиновски на својот официјален Фејсбук профил објави видео, како своевиден одговор на неговата повозрасна колешка Шенка Колозова, која како и некои други познати и јавни личности, завзеде страна по прашањето на претстојниот референдум.

Владо токму во приказните во многу епизоди игра заедно со Шенка, најчесто толкувајќи ја улогата по која нејзиниот покоен сопруг, легендарниот Ѓорѓи Колозов беше прочуен - улогата на царот! Но очигледно е дека сопругата на покојниот „цар од приказните“ и овој - актуелниот, не размислуваат исто, кога се сопствената земја, родољубието и патриотизмот во прашање.

И додека Шенка отворено агитира „ЗА“ референдум земајќи активна улога во рекламната кампања на владата, Владо во видеото кое го постираше на својот Фејсбук профил најавува дека ќе го бојкотира престојниот референдум за промена на името.

„Мене, по мое убедување и пред мене, совеста ќе ми остане чиста, бидејќи нема да бидам дел од прекрстувањето на Македонија. нема да бидам дел од уништувањето на Македонија. Ќе останам со почит кон предците кои се бореле за Македонија. Нема да им го одземам правото на моите деца да растат во земја што се викала Македонија, се вика Македонија и по Божја волја, се надевам, ќе се вика Македонија. Затоа, јас ќе бојкотирам. Никогаш Северна, секогаш Македонија! Да ни живее Македонија. Бојкотирам!“ - порачува актерот Дојчиновски.

Еве го неговото видео обраќање:

никогаш северна – Вистина.мк

Дамјан Стојановски со новата песна ќе ве наежи – ,,Никогаш северна” (АУДИО)

Актерот Владо Дојчиновски контра Шенка Колозова: „Никогаш Северна, секогаш Македонија“! (ВИДЕО)