нијанса – Вистина.мк

Без грешка: Четири нијанси на боја за коса кои одговараат на сечиј тен

Слободанка Илиева — Mon, 23 Jan 2023 13:00:53 +0000

Дали сакате да ја промените бојата на косата, но се плашите дека одредена боја нема да одговара на вашиот тен? Не грижете се бидејќи ви откриваме четири бои за коса познати по својата универзалност, односно по тоа што одлично се вклопуваат со секој тон на кожа. 1. Чоколадна нијанса Суптилно, но разликата е видлива. Особено ако од црно преминете во оваа топла и богата нијанса бидејќи на тенот му дава дополнителен сјај. Тоа е всушност совршена боја. Спаѓа во категоријата кафени бои, но не е премногу темна или премногу светла. 2. Позлатена нијанса Златните тонови изгледаат одлично, особено во летните месеци кога тенот е исончан, бидејќи тогаш помагаат да се истакне златниот ефект на нашата кожа. Ако сте природна русокоса, обидете се да ја надополните косата или да додадете топли тонови за да создадете дополнителна исполнетост. Така, беж-златна нијанса подобро им одговара на луѓето со поладен тон на кожа, додека килибар-златна нијанса ќе изгледа одлично на луѓе со потопол тон на кожа. 3. Мед нијанса Ова е боја која непогрешливо оди со секој тон на кожа. Бидејќи не е ниту премногу топла ниту премногу студена, медената нијанса е обожавана поради нејзината неутралност. Исто така, може совршено да послужи како основна боја, но и како боја за прамени. Разликата помеѓу мед и позлатената нијанса е во тоа што мед нијансата е малку потемна и побогата. 4. Беж нијанса Можеби звучи како здодевна нијанса, но е токму спротивното. Повеќето бои за кожа и коса припаѓаат на постудени тонови, па беж бојата не е во конфликт со нив, туку многу им одговара. Бојата на коските или пченицата спаѓа во категоријата беж, а доколку имате потемен тен, не плашете се да експериментирате со потемна нијанса. Исто така, косата обоена во беж нијанса изгледа одлично и кога имате израсток. извор:курир.мк

Мали трикови кои помагаат да одредите која нијанса на кожа ја имате

Слободанка Илиева — Mon, 03 Oct 2022 11:34:55 +0000

Кога станува збор за нашата кожа, знаеме како да одредиме дали имаме светол или темен тон, но поттоновите се сосема различни и честопати можат да го променат или расипат изгледот на шминката, особено затоа што не знаеме како да го одредиме и да избереме пудра, коректор и соодветна палета. Според познатиот шминкер Роберт Сешнек, додека тоновите на кожата се движат од многу темни до многу светли, подтонот се однесува на нијансата што се наоѓа во таа боја. Тонот на вашата кожа може да се менува во текот на годината (нијанса или две потемни во лето или можеби посветли во зимските месеци), но вашиот подтон никогаш не се менува. ошто е корисно да го знаете вашиот подтон? Ако некогаш сте се мачеле да ја пронајдете вистинската нијанса на подлогата, самото познавање на вашиот подтон може да го олесни процесот. Кога пробувате нијанси, најдобро е да тестирате од центарот на лицето до средината на вратот, бидејќи тоа ќе ви даде најточна претстава. Една од целите на соодветните нијанси е да се избегне линијата на разграничување – визуелната линија на разлика помеѓу лицето и вратот. За Шешнек, една од најчестите грешки во шминкањето што ги забележува се неусогласените подлоги и мешањето на несоодветни нијанси на подлогата и коректор, кои заедно даваат дамкав изглед на лицето. Одредување на подтонови За да го одредите тонот на вашата кожа, едноставно погледнете ги вените на вашите зглобови. Сините или виолетовите вени на рачниот зглоб обично укажуваат на тоа дека имате ладни подтонови, додека зелената или маслинестата боја значи дека имате потопли подтонови. Не можете да одлучите? Во тој случај, веројатно имате неутрален тон на кожа. Повеќе трикови за одредување Земете чисто бело парче облека или дури и само парче бела хартија. При силна, природна светлина, држете го предметот до лицето. Ако вашата кожа изгледа розова во споредба, имате ладен подтон. Ако вашето лице изгледа повеќе жолто, вашиот подтон е топол. Ако чувствувате дека изгледате подобро во бел или крем нијанси, наместо во целосно бело, тоа е уште еден знак дека можеби имате топли тонови. Ако можете да ги носите двете бои без да чувствувате дека вашето лице изгледа „избледено“, може да имате неутрален подтон. Изложеност на сонце Изложувањето на сонце е многу важно кога станува збор за откривање на подтонот на вашата кожа. Ако лесно горите, имате ладен подтон. Ако лесно потемнувате, топол ви е. извор:popara.mk

Оваа есен ставете темно црвена нијанса на кармин

Билјана Цветковска — Thu, 14 Nov 2019 13:00:40 +0000

Кога е шминката во прашање, постои една работа која никогаш нема да излезе од мода секогаш ќе биде синоним за женственост, отменост и сексапил – а тоа е црвениот кармин. Црвените нијанси на кармин се дефинитивно едни од омилените во секоја сезона, а истото е случај и оваа есен. Жените може да се поделат во три категории: оние кои сакаат црвен кармин, оние кои го мразат и оние кои не знаат како да го носат. Црвената боја е специфична. Ако се користи погрешно може да ги истакне сите несовршености. Овој пат, наместо јаката црвена боја ве советуваме за малку похрабра варијанта, а тоа се темно црвени нијанси со што се добива еден драматичен, женствен и посебен изглед. Ова е секако погламурозна варијанта од црвениот кармин, а одличен е бидејќи лесно се прилагодува на секаков тен и е совршен во секоја комбинација. Идеален е во моментите кога сакате да носите едноставен црн или бел фустан и сакате со нешто да го истакнете изгледот, а сепак да не биде премногу.

Покрај овие нијанси, црвениот кармин оди во заборав

Слободанка Илиева — Wed, 13 Mar 2019 15:02:31 +0000

Да, црвениот кармин е вечна класика со кој не можете да направите грешка во свечените прилики, а на секоја комбинација на облека и дава доза на луксуз и гламур, но оваа сезона забележавме дека голем број познати дами класичната црвена ја заменуваат со розеви нијанси. Розевите нијанси се совршен избор за пролетните денови, а нежните нијанси ќе функционираат совршено во текот на целиот ден, додека со побогата розева со примеси на виолетова, црвена или кафеава не можете да направите грешка во вечерните пригоди. За вас ги издвоивме 15 те најубави розеви кармини со кои целосно ќе ја заборавите црвената класика.

извор:Попара.мк