ние – Вистина.мк

Дуото „Ние“ ве носат на музичка пловидба по -„Езеро од чај“ (ЛИРИК ВИДЕО)

Антонио Димитриевски — Wed, 21 Jul 2021 12:35:35 +0000

„Ние“ е всушност музичко дуо кое го сочинуваат Стефан Столевски и Марија Штерјовска. Нивната нова песна „Езеро од чај“ е на некој начин музичка автобиографија или како што вели Марија: "Душите ни се најдоа. За нас е всушност песнава, ако подобро размислам. Во езеро од чај се најдовме“ - ќе напише на својот Фејсбук, како што носи и име нивното ново остварување: „Езеро од чај“ на кое автори се самите - Стефан (музика) и Марија (стихови), додека аранжманот го направил виртуозот на гитара Дамир Пух.

Жанровски, песната звучи како зрела амбиентална, езотерична поп балада, на моменти обоена со етно-ворлд призвук и емеотивен лирски текст кој ја отвора душата и допира до најдлабоките емоции. Деталите за соработниците, мулирик видеото и луѓето без кои ниту дуото ниту пеаната немало да се случат, Марија во еден пост ги опишала на својот Фејсбук профил: Не се сеќавам точно која година го напишав текстот (можеби деценија помина), но дефинитивно кога сега би го пишувала, "сродната своја" би стоело во множина зашто во нашево Езеро од чај ни се допреа душите со многу други прекрасни и сродни кои имавме привилегија да работат на овој финален продукт. Свесна сум дека ќе биде подолг постов, но повеќе од значајно ми е да ви ги споделам сите: 1. Мојот нероден брат кој ја напиша оваа езотерична, вонземска музика и кој реши со нејзиното снимање да ми го даде еден од најпосебните роденденски подароци. Фала ти Стефан! 2. Нашата посебна наставничка по соло-пеење која цело време од мене се труди да го извади мојот и само мојот глас, но пред се чиста емоција уважувајќи го уметникот во мене повеќе и од она што јас си го уважувам. Фала ти Наташа! 3. Нашиот аранжер и продуцент кој направи Езеро од чај да звучи многу блиску до она што си го замислувавме, но и заедно со Нате која вмеша прсти, да ни овозможат уникатно искуство во нивното GreenRoom Sound Studio. Фала ти Дамир! 4. Нашата сакана и обожавана особа Надин која заедно со Стефан ме изненади со нејзиното уметничко дело кое сум почестена да ни го краси спотот и која без никакво сугерирање ја погоди во центар нашата визуелизацијата за Езеро од чај. Фала ти Надо! 5. Нашиот вреден креатор на lyrics видеото кој имаше трпение и отвореност да ни ги услиши сите сугестии иако беше во ек на претсвадбени подготовки. Фала ти Александар! 6. Нашиот фотограф кој ни фаќаше убави, во допир со природата кадри на едно од најживописните места во Скопје (Матка) при што ние уживавме и се забавувавме во целиот процес. Фала ти Марко! 7. Нашите драги и сакани луѓе кои се заедно со нас во животното езеро и кога е разбранувано и кога е мирно и кои ни дадоа огромна поддршка за новава песна за која независно едни од други се изјаснија дека ја доживуваат како созреан музички израз на НИЕ. Проследете ја во продолжение „Езеро од чај“ на дуото „Ние“:

Дино Мерлин со новиот спот предизвика гадење, гнев и бес дека ги „исмејува“ српските чувства кон паднатите жртви: „Колку треба да си болен за да добиеш ваква инспирација?“ (ФОТО+ВИДЕО)

Антонио Димитриевски — Thu, 12 Nov 2020 12:07:27 +0000

Новиот спот на Дино Мерлин, кој веќе наголемо се врти во регионот, предизвика бес, гнев, гадење и одвратност кај српската публика, бидејќи сараевскиот кантавтор за екранизација на песната „Ние“ („Ми“) наводно користел мотиви што потсетуваат на споменикот посветен на масакрот врз Србите во Втората светска војна. Споменикот во спомен на ѕверското страдање на недолжното население се наоѓа во Стари Брод кај Вишеград, каде во 1942 година усташите брутално убиле 6.000 српски цивили. Кадрите во видеото на Дино Мерлин како стои опкружен во водата од која излегуваат човечки раце, неодоливо потсетува на скулптурите на жртвите од надојдената Дрина, започна да кружи на социјалните мрежи со коментари од оние кои се згрозени од овие сцени, кои како што се вели,го навредуваат споменот на невините жртви, главно мајки, кои со децата во раце биле турнати во смрт. „Колку треба да бидеш болен штом ваквите скулптури на луѓе кои умираат можат да послужат како инспирација. Бев шокиран кога го видов видеото“ - е само еден од мноштвото коментари, по што следеше одговорот на друг корисник на социјалните мрежи: „Ужас! Да дозволите некој стар перверзник вака да ги исмева жртвите и да помине без никакви последици, и при тоа секој пат да ја полни „Арена“ во Белград?!“ - возвратил тој. „Свесен за неговите претходни музички перформанси, да ги споредува Србите, на пример со кучиња, ми дава основано сомнение да сметам дека ова нема никаква врска со случајност“ - се наведува во коментарот. Инаку, Дино Мерлин го снимал видеото во Порто Монтенегро и песната стана хит за само неколку дена. Останува да видиме дали нешто ќе се случи по овие реакции. https://www.youtube.com/watch?v=xsWT8DAmMEY Извор: Република.рс

ДНК за осаменоста во четири ѕида и патувањето низ старите спомени во – „Ние“ (ВИДЕО)

Антонио Димитриевски — Tue, 12 Nov 2019 10:02:12 +0000

ДНК имаат нова песна. Станува збор за темата со наслов „Ние“, која стандардно излегува во исто време со спот. „Ние“ е со потписот на веќе проверениот и докажан авторски тандем – Лазар Цветкоски и Панчо. Музиката е нивно заедничко дело, текстот е со потписот на Панчо, додека аранжманот е на Лазар. За мастерингот, пак, се погрижи Крис Герингер, Sterling Sound, од Њујорк. Герингер во својата биографија има запишано соработки со Дрејк, Карди Б, Ријана, Лејди Гага, Ву Танг Клан и многу други. Интересно е дека и ова видео Панчо и Андреј го работеа со режисерот Даниел Јовески, кој вели дека се потрудил самата приказна да го следи текстот од оваа емотивна композиција. „Приказната на песната и спотот ни ја опишува осаменоста помеѓу четири ѕида, прогонувањето на спомените од минатото. Спомените се уште посилни кога се ставени на фотографија, фотографии преку кои Панчо патува низ сеќавањата, во времето кога биле среќни со саканата“, открива Јовески. Кадрите се снимени на луксузни локации во Турција, односно во хотелот „Босфорус“ во Анталија и во амфитеатарот во Сиде. Главните улоги во спотот им припаѓаат на водителката Миа Костова, која прв пат се појавува во музички спот, и Хаки Алан, а целата атмосфера, велат момците, поминала во одлично расположение. За шминката, пак, се погрижи Александра Азманова. „Во Турција престојувавме седум дена, и тоа благодарение на Фибула травел, па снимањето навистина не го ни почувствувавме. Сè помина во релаксирана атмосфера, а кога се работи од срце и со позитивна енергија тогаш нема сомнеж дека се добива одличен финален производ. Навистина веруваме во оваа тема и веруваме дека многумина ќе се пронајдат во стиховите“, велат Панчо и Андреј со препорака да го погледнете видеото.

„Спасувачка служба“ (ФОТО)

Антонио Димитриевски — Thu, 08 Nov 2018 13:13:25 +0000

Со политичка порака на голиот задник, ѕвездата на серијата „Спасувачка служба”, Алисија Арден покажа дека нема никакви комплекси.

Атрактивната Алисија направи вистински спектакл за папараците додека позираше во специјално исечени панталони.

На голиот задник имаше налепници на кои пишуваше: ,,Јас гласав, а вие?”

Луѓето во врска кои велат „ние“ се посреќни и науката го потврдува тоа

Христина Ѓоргиевска — Fri, 12 Oct 2018 15:00:45 +0000

Сигурно знаете барем една двојка во која партнерите се чини дека се споени како Сијамски близнаци и кога зборуваат велат „ние“ наместо „јас“ бидејќи речиси сѐ прават заедно. „Ние многу сакаме да возиме точаци за викенд“, „Ние не гледаме хорор филмови“... ние вака, ние онака, ние... Можеби сте и вие во таква врска. Можеби таквите луѓе ве нервираат, но науката се покажа дека е на нивна страна кога станува збор за среќна врска. Меган Робинс, доктор на науки од Универзитетот на Калифорнија, направи мета-анализа на 30 студии во кои биле вклучени вкупно 5.300 двојки и откри дека зборувањето во множина укажува на взаемно зависна врска меѓу партнерите што е полезно за врската, наспроти себичниот менталитет фокусиран на себе. Робинс и нејзиниот тим ги анализирале двојките следејќи пет аспекти: резултати од врската (траење и степен на задоволност), однесување во врската (позитивно и негативно), психичко здравје, физичко здравје и грижа за себе. „Поволна страна на тоа што анализиравме толку многу различни двојки е што утврдивме дека зборувањето во множина не се одразува позитивно само на врската, туку и на секој од партнерите посебно“, вели Александер Каран, еден од истражувачите во тимот на Робинс. Резултатите покажале дека и мажите и жените подеднакво добиваат поволности од тоа што се изразуваат во множина, а помладите и постарите генерации подеднакво сакаат да користат „ние“ наместо „јас“. Користењето на заменката „ние“ исто така повеќе помага во решавањето конфликти, а кога партнерот го користи во дискусија, другиот се чувствува подобро во врска со себе и со нивниот однос. Робинс укажува дека по анализата дошла со неизбежното прашање од типот „Јајцето или кокошката?“, односно – дали среќните двојки едноставно многу велат „ние“ или со користењето на заменката „ние“ двојките стануваат посреќни? Одговорот е - и двете. Кога слушаме како партнерот го користи изразот „ние“ се чувствуваме повеќе взаемно зависни, што може да доведе до поздрав однос, вели таа. Извор: кајгана