незадоволен – Вистина.мк

По информацијата за лошата здравствена состојба се огласи и Кеба: Еве како се чувствува сега (фото)

Слаѓана Атанасова — Wed, 25 Jan 2023 08:50:06 +0000

Со денови се шпекулира дека пејачот Драган Којиќ Кеба е во лоша здравствена состојба поради кардиоваскуларни проблеми. Во оваа прилика пејачот објави дека информацијата е неточна и дека никогаш не се чувствувал подобро. Во студио сум, снимам две нови песни кои ќе ги објавам наскоро и тоа е единственото нешто што ме интересира во моментов. Се чувствувам одлично и немам некои поголеми здравствени проблеми и да бидам искрен не знам кому толку му е гајле да ме влечат по медиумите на таков грд начин. Разбирам дека се важни насловите и кликовите на порталите, но невкусно е да се пишуваат дезинформации за нечие здравје, а во мојот случај оваа информација е 100 % невистинита. Благодарност до сите добронамерни луѓе и пријатели ширум светот кои ми се јавуваат и се интересираат за моето здравје – изјави Којиќ. Фото: Принтскрин/Алекса Станковиќ/ Тв Пинк/Медиа центар Београд

„Воопшто не личи на него“ – Хасан Дудиќ разочаран од споменикот на Шабан Шаулиќ (фото)

Слаѓана Атанасова — Wed, 07 Sep 2022 06:17:50 +0000

Во Шабац беше откриен споменикот на Шабан Шаулиќ, а на церемонијата присуствуваше семејството Шаулиќ, бројни колеги и пријатели, но и жители на Шабац. Но, големиот пријател и брат на Шабан, Хасан Дудиќ, сепак е разочаран од она што го видел. Овој споменик, висок околу четири метри, се наоѓа на аголот на улиците Краља Милана и Мачванска во Шабац. Најголем дел од средствата ги обезбеди семејството Шаулиќ со поддршка од пријатели, додека градот Шабац го финансираше поставувањето на постаментот и уредувањето на непосредната околина на споменикот, кој симболично беше поставен на самото место од каде што Шабан „со намерна отиде во големиот град“, како што се вели во текстот на неговиот легендарен хит. - Чувствувам длабока тага, брат ми не е жив, би бил најсреќниот човек да беше жив. Да беше жив, ќе дадов уште половина од мојот живот, ако треба се, само тој да беше жив - изјавил Хасан Дудиќ, а потоа призна дека воопшто не е задоволен од изгледот на споменикот. - Не сум задоволен од тоа како го направија ликот, малку се брзаа, а стварно имаше убава глава за правење и мал нос, слушам и коментари, а штом видов така помислив и јас. Претпоставувам дека ќе го поправат - искрен е Хасан. Фото: Принтскрин/Пинк.рс

Знаци дека партнерот е несигурен во себе и незадоволен во врската

Христина Ѓоргиевска — Mon, 18 Jan 2021 14:30:17 +0000

Врската со несигурна личност може да биде вистински предизвик бидејќи партнерот ќе мора постојано да ја теши и инспирира. Погледнете кои се некои од знаците кои укажуваат на тоа дека сте во врска со ваков партнер бидејќи животот со нив може да биде навистина тежок. Чувството на несигурност во врската не е невообичаена појава. Но загрижувачко е кога таа несигурност станува дел од секојдневието. Еден од знаците на здрава врска е кога и двајцата партнери се чувствуваат безбедно во љубовната врска. Несигурноста во врската не само што ќе ѝ пречи на вашата врска туку и ќе остави траги во вашиот живот. Научниците посочуваат неколку знаци со кои ќе откриете дали вашиот партнер е несигурен или само загрижен. Чувството на несигурност во врската може да ви направи да се чувствувате тажно или депресивно. Луѓето најчесто се чувствуваат несигурно кога мислат дека во врската нешто не е како што треба. Животот со ваквиот партнер може да биде напорно и лошо искуство. Чувството дека некој постојано ве набљудува и ве прекорува дури и кога не правите ништо лошо ќе ви направи да се чувствувате виновно, а нема причина за тоа. Доколку партнерот постојано ги става под лупа вашите најмали грешки и не го цени тоа дека се трудите и вложувате во врската – ова е еден од знаците дека живеете со ваков партнер. Еден од знаците дека вашиот однос е токсичен е кога партнерот ве обвинува за работите кои никогаш не сте ги кажале или направиле. Наместо да ве сослуша и да разговарате на која била тема, тој се грижи како се однесувате кон него. Очекува самите да знаете како се чувствува без да ви го каже тоа. Не е добар знак ниту кога постојано ги следи вашите телефонски разговори и пораките на социјалните мрежи. Станува исклучително љубоморен кога се дружите со вашите пријатели. Доколку го препознавте вашиот партнер, размислете дали би сакале да го трошите вашето драгоцено време во токсична врска. извор: кајгана