невеста – Вистина.мк

ВИСТИНА ексклузивно открива: Бракот на Антониа и Роберт нема да остане само на потпис во матично, викендов се спрема СВАДБА ГОЛЕМА – „Имаме позитивна трема и возбуда!“ (фото)

Слободанка Илиева — Fri, 08 Mar 2024 09:13:25 +0000

Помина речиси една година откако пејачката Антониа Гиговска и нејзиниот сакан, сегашен сопруг и татко на нивното дете, музичарот Роберт Спасенцоски стапија во брак и ставија параф во матично. Токму кога помисливме дека ваквата формалност ќе биде доволна како круна на љубовта на познатата естрадна двојка, пристигнаа свадбени покани во естрадните кругови. Антониа и Роберт оваа недела, односно на 10-ти март ќе прават голема свадбена веселба. Детали за свадбата, од прва рака добиеме од младоженецот кој за читателите на Вистина.ком.мк сподели како течат подготовките на неколку дена пред свечениот чин и зошто баш сега се решија за свадба. -Со оглед на тоа што поголем број од гостите ни се колеги, некако одлучивме да биде овој период од годината како порастеретен, а сакавме и да ја избегнеме свадбената гужва. Секој месец е посебно убав ако се организира се' како што треба и навреме. Имам некоја позитивна трема, не дека не сум возбуден или еуфоричен, но дефинитинво невестата е повозбудена, открива младоженецот Роберт и додава дали свадбата ќе биде поинтимна или баш голема: - Хмм голема, мала... Сум бил на свадби со повеќе од 500 гости, сум присуствувал и на мини венчавки, така што свадба е свадба, самиот чин е голем без оглед на тоа колку гости ќе брои, еве ние ќе имаме 300, вели Роберт. Довербата за музичкиот дел ќе им ја препуштат на колегите од „Арија“ кои ги почитуваат, а Роберт безрезервно им верува дека ќе направат атмосфера за паметење. -Свадбата ќе биде во еден познат скопски ресторан, а околу музиката се одлучивме за група „Арија“, мои блиски пријатели и колеги, можеби едни од најдобрите, ако не и најдобри, завршува Роберт ласкајќи им на колегите задолжени за музичкиот дел и одличната атмосфера. А за тоа како ќе биде на забавата од големиот ден на Антониа и Роберт, останува наскоро да почекаме фотографии и видеа кои сигурно ќе ги преплават социјалните мрежи... фото:instagram printscreen/jokerdam93

Слоба и Јелена Радановиќ направија свадба од бајките: Пејачот и невестата пресреќни поради свадбената веселба (фото)

Слаѓана Атанасова — Wed, 21 Feb 2024 07:59:08 +0000

Фолкерот Слоба Радановиќ и неговата сопруга Јелена се заколнаа на вечна љубов пред Бога, а сега решија да направат и голема свадбена прослава. Тие организираа забава во ресторан во главниот град, каде што украсија се по нивен вкус, па сè изгледало како од бајките. Јелена на свадбата носи деколтирана венчаница која одлично и прилега, а Слоба и таа биле пресреќни поради свадбената веселба. - Венчаницата е тесна, ужас! Едвај чекам да ја соблечам! - изјавила Јелена во нејзин стил. - Вечерва нема да ја пеам „Није живот једна жена“... Прости ми за моето грдо минато! - изјавил Слоба низ смеа. Фото: printskrin/instagram/slobaradanovic

5 работи кои треба да ги знае секоја жена пред да стапи во брак: Бидете мудри

Слободанка Илиева — Fri, 01 Dec 2023 13:45:05 +0000

Поразителни се бројките кои говорат за процентот на разводи во однос на браковите. Статистиката покажува дека има се повеќе разводи, а некои од главните причини се „непомирливите разлики“, недоразбирањето, промената на афинитетите, но и крајот на љубовта. Тоа е обесхрабрувачки, бидејќи сите мора да работат подеднакво напорно на емотивната врска. Пред да одлучите да стапите во брак, треба да ги знаете следниве работи. 1. Реалноста на бракот Многу од нив се мажат „затоа што така треба и се очекува од нив“. Не правете го тоа затоа што тоа е нормална низа на настани. Бидете сигурни дека ја правите вистинската работа и дека сакате до вас личност исто како и сегашниот партнер. Не избрзувајте, туку размислете и пред се погледнете какви примери имате во вашето опкружување, па потоа донесете заклучок. 2. Зошто е важно да се познавате себеси Жените генерално не се сигурни кога стапуваат во брак дека знаат кои се и што сакаат од животот. Важно им е само да „влетаат“ во венчаницата без вистински да разберат кои се и кон што се стремат. Тие треба да се разберат себеси за да го разберат партнерот. 3. Важноста на чекањето Девојките често се под притисок на семејството и пријателите дека треба да се венчаат, да направат гнездо и да создадат семејство, затоа што е важно жената да биде што е можно порано за да може помладата да одгледува деца. А ако некои девојки го прават тоа, подоцна сфаќаат дека не биле подготвени или вистински заљубени во партнерот, па како поука – не брзајте. Чекањето има своја важност. 4. Улогата што ќе ја има неговото семејство во вашиот брак Со бракот, освен што ќе го прифатите партнерот таков каков што е, знајте дека и неговото семејство е „во пакет“ со него. Секогаш имајте на ум дека ќе бидете во контакт со нив до крајот на животот, па обидете се да воспоставите рамнотежа. Јасно е дека нема да ги сакате сите подеднакво, но на сите им е во прилог да имате солидни врски, пред се вашиот однос со нив затоа што влегувате во нивното семејство. 5. Како функционираат парите во бракот Во бракот нема мое-твое, се е ваше сега. Затоа, не бидете себични и не ги трошете парите што ги заработувате на себе и на некои моди, туку инвестирајте во заедница и заеднички фонд. Повеќе не сте сами. Најважното нешто во овие совети е дека, пред сè, чувствувате дека сте подготвени за овој голем чекор во вашиот живот. Не правете нешто за што не сте подготвени или затоа што тоа се очекува од вас. Бидете мудри и правете корисни потези. извор:попара.мк

За сите длабока есен, а за Давид Темелков и сопругата Елена е лето на Бали: Брачната двојка во љубовна екстаза од тропските краишта (фото)

Слободанка Илиева — Wed, 15 Nov 2023 08:10:27 +0000

За поранешниот македонски Икс- Фактор учесник, пејачот Давид Темелков, како и за неговата тазе сопруга Елена, моментално е лето. Вљубените гулапчиња се решија за есенска авантура на далечниот Бали, односно на Нуса Пенида, остров кој се наоѓа во близина на јогоисточниот индонезиски предел. Таму температурата е иста во текот на целата година, така што Давид и Елена отидоа на сигурен терен каде ќе се препуштат на топлото време, егзотика и комплетна синергија на природата. Давид откако ја направи големата македонско- хрватѕска свадба во месец јуни, некако се повлече од социјалните мрежи, а особено резервиран остана со моменти од приватноста и брачниот живот. Сега за промена почувствува потреба да го покаже благодетот во кој моментално уживаат. Приватен базен, егзотична храна, звуци и мириси на природата, а целото тоа во спој со романтика која само ја интензивира љубовта и страста... Капење под дожд, што поромантично и необично од тоа, да посакаш да си на негово место! Гушнати, разнежнети, преплавени од емоции и убаво на душа, Давид и Елена создаваат спомени како од разгледница за првата година од бракот и едно необично есенско лето. фото:Инстаграм принтскрин/Давид Темелков

По бурниот развод на Елена Велевска низ мисли и шета нов брак – пејачката повторно невеста?! (фото)

Слободанка Илиева — Sat, 07 Oct 2023 07:15:02 +0000

Човек може на се’ да се навикне, добро или лошо останува во меморијата, но времето иако не може магично да ги избрише нештата, не учи да се адаптираме и живееме со промените. На фолк пејачката Елена Велевка и се случи доста од тоа, а по бурниот развод со сега веќе екс- сопругот Марјан, најтешко и падна разделбата со децата. Елена се пресели во нов стан во родниот град и во ниеден случај не ја запостави кариерата за која секогаш се дава во целост. Песната е нејзиниот живот, која низ тоа добро и лошо ја води секаде и секогаш. За нејзината приватност по разводост се шпекулираше доста, дека за брзо време си нашла нов партнер, но таа остро демантираше дека се работи за невистини. Она што милува најмногу да говори, да се покажува и докажува е единствено песната и нејзните три дечиња. Сепак, она што деновиве ги изненади нејзините следбеници, беше „стори“ објавата од нејзниот Инстаграм профил каде Елена е невеста во венчаница. Прашалниците со оглед на тоа дека е сама, оправдано се надоврзаа, но Елена остана резервирана и недоречена по објавата. Познато е дека пред седум години ја издаде песната „Невеста“,кадрите се токму од тој спот, па дали ова беше само потсетување на тоа време или дали навистина и се мота нов брак низ главата, си знае самата. Во секој случај, за убаво е, така што сеќавање или желба повторно да биде невеста, сеедно. За потсетување,на почетокот на 2020 година, Елена Велевска откри дека и покрај сите обиди и напори да го спаси бракот, се разведува од сопругот Марјан. Потоа следеше и бракоразводната постапка по која нивните три деца останаа да живеат во Охрид во татко им, а Елена се врати во родниот Прилеп. Оттогаш помина доста време, а Елена како што кажа остана силна и достојна на она што и го донесе животот, а најсилен поттик за се’ се најзините три деца, Софија, Марко и Калија. фото: Инстаграм принтскрин/Елена Велевска

Сопругата на Дарко Лазиќ сакаше да биде слаба невеста, па сега гордо се фали со минусот (фото)

Слободанка Илиева — Mon, 11 Sep 2023 09:14:42 +0000

Сопругата на фолк пејачот Дарко Лазиќ, Катарина, призна дека во текот на летото имала големи варијации во телесната тежина. -На почетокот на летото почнав со редовни тренинзи, но поради организација на свадбата и други обврски прекинав со тренинзите. Потоа ставив неколку килограми сало и стигнав до 55 килограми, што е многу за мојата висина кога не тренирам. Поради венчавката намерно ослабев и сега имам верувале или не 49,5 килограми, открила Катарина.

View this post on Instagram

A post shared by Katarina Lazić (@katarinalazic_24)

Сопругата на Дарко додаде дека си поставила цел која е сигурна дека ќе ја постигне.

View this post on Instagram

A post shared by DARKO LAZIĆ (@darkolazicofficial)

-Денеска ми е прв тренинг после два месеци и целта ми е да ставам четири килограми мускулна маса за два месеци, што воопшто не е лесно, рече Катарина и вети дека ќе објави клипови од нејзиниот тренинг, како и следење на напредокот се до постигнување резултати. фото:Инстаграм/Дарко Лазиќ/Катарина

Дојде големиот ден за Стефан Лазаров- се вее македонското знаме, се врти оро, ечат зурли и тапани, Марта е негова (фото)

Слободанка Илиева — Sat, 08 Jul 2023 14:32:42 +0000

Викендите, особено во летниот период редовно се резервирани за свадбените веселби во фокусот. Оваа сабота дојде редот и за свадбата на познатиот јутјубер Стефан Лазров и неговата сакана Марта. Како што најави претходно во медиумите, дека свадбата ќе биде со сите македонски обичаи, така и се случи. На пладне тргнаа по невестата, подготвени со сите дарови и секако со полн џеб за да ја земат од родителите. Откако бидна, се залеа и првата чаша за здравица, засвири песна македонска, се развиори македонското знаме и почна да се врти оро. Откако кај нестата направија се’што треба, се нареди колона возила и се тргна кон црква каде младите си се ветија еден пред друг пред Бога. Емоции на тон, посебен ден кој засекогаш се памети, Стефан и Марта ги создадоа своите мигови за паметење. Лазаров иако беше еуфоричен и возбуден, не пропушти да сподели по некоја фотографија пред своите следбениици на Инстаграм. Веслбата на која се поканети многу гости, ќе се случи во еден познат скопски реаторан , а за музичкот дел ако преку дена за по невеста беа ангажирани браќата Нуневци, за големата веселба гостите ќе ги забавуваат „Балкан бенд“. За потсетување, во месец септември минатата година Стефан ја запроси Марта на стадион на фудбалски натпревар на неговиот омилен клуб Барса. фото:Фејсбук/Инстаграм/Стефан Лазаров

Невеста како кукла, сензуална и елегантна: Татјана Стојановска стави параф и се вети на вечна љубов со долгогодишниот партнер Михаил (фото)

Слободанка Илиева — Mon, 12 Jun 2023 06:39:27 +0000

Татјана Стојановска, добро познатиот телевизиски лик, изминатиот викенд имаше голем ден за свавење, возбуда, теперење од убаво – венчавката со нејзиниот избраник Михаил Киотаноски. Регистрацијата и прославата во кругот на најблиските роднини и пријатели се случи во тениското на хотелот Александар Палас, а моментите од големиот дел Татјана ги сподели со Вистина.ком.мк. За забавата да биде според посакуваното на младите и за меракот на гостите, се погрижиле групата „Соната“ и Кате. Ако Тајнана секојдневно изгледа беспрекорно пред камерите, за својата венчавка едноставно блескаше како никогаш досега. Довербата за шминка и фризура му ја довери на долгогодишниот соработник Дадар кој ја стилизираше да изгледа како кукла. Тесна венчаница во сирена крој со нагласено деколте, а дијадемата дополнително ја нагласи нејзината убавина во спој во едноставно собраната коса. За потсетување, Тања и бизнис консултантот Михаил живееја заедно во неформален брак околу осусм години, а по точно десет откако ја запроси решиле на истиот ден, 10-ти јуни да ја направат свадбата. Во едно интервју своевремено за својот сакан таа кажа дека ја освоил со својот интелект и шарм. -Па со интелектот и шармот. Станува збор за човек кој навистина ги поседува овие две карактеристики и со вниманието и почитувањето, семејните вредности и почитувањето на жената, кажа Тања за „Бекстејџ“. Тие се запознале на одмор во Турција во 2012 година каде биле на одмор со децата, а нивната пријателство прераснало во љубовна врска која по една деценија заедно заврши и со формален брак. Татјана од првиот брак со пејачот Благоја Грујовски го има 25 годишниот син Матеј. фото:Приватна архива

Антониа Гиговска се омажи: Пејачката облече венчаница, кажа „да“ и официјално стана мажена жена (фото)

Слободанка Илиева — Mon, 01 May 2023 16:19:24 +0000

Младата 22 годишна пејачка Антониа Гиговска ќе стане мајка како мажена жена. Таа од 30-ти април и официјално е во брак, откако со музичарот и колега од нејзиниот бенд, Роберт Спасенцоски си кажаа „да“ и ставија параф во матично. Тоа го потврди Гиговска со објавата на својот Инстаграм профил обзнувајќи дека таа и Роберт станале споружници пред законот и приложи серија фотографии. „30.4.2023 Officially Married“ напиша невестата. Честитките веднаш почнаа да се нижат една по друга, но прва која им честиташе на младите беше српската пејачка Анастасија Ражнатовиќ која и самата е во блажена состојба и пред брак. Невестата Антониа се одлучила за елегантна и тесна венчаница од тантела во сирена крој која дополнително го истакнува трудничкиот стамок од поодминатата бременост. За потсетување, Роберт ја запроси Антониа изминатата зима во Копаоник на нејзиниот роденден, момент и кога објавија дека се во врска, но и дека чекаат принова. Претходно Антониа Гиговска беше во долгогодишна врска со пејачот на групата „Либеро“, Иван Јованов. фото:Инстаграм принтскрин/Антониа Гиговска

Во вакво издание на Лила и е тешко да се гледа дури и на слика (фото)

Слободанка Илиева — Tue, 28 Mar 2023 08:24:17 +0000

За Лила деновиве се пишува наголемо, иако и претходно никогаш не била надвор од рамкте на медиумската актуелност. Таа неодамна им стави крај на чаршиските муабети дека боледува од канцер и тоа со потврден одговор кој завршува со точка на борбата со опаката болест. Лила излезе како победник и покажа дека духот и вербата се посилни од се’. Сега тоа останува зад неа, а пред себе има некои поубави времиња.

View this post on Instagram

A post shared by Lila (@lilafilipovska)

Духовитоста си ја зачува и покрај се', a oна што ја наврати на спомените и тоа на оние од поодамна, за кои и денес знае да се пошегува, е брачниот живот и невестинскиот изглед. Па така, Лила во своите приказни на Инстаграм сподели ретро фотографија каде носи венчаница, веројатно на ревија од Саем за венчавки, па со насмеан емотикон напиша коментар: „Само слика“. Во вакво издание и е тешко да се гледа дури и на фотографија, а камоли во реалност. По два пропаднати брака, на Лила на крај памет не и паѓа да се мажи, иако досега добила и други понуди, се вртеле шпекулации за трет брак, но таа фаза веројатно останува само за на слика и за понекоја шега. фото:Инстаграм принтскрин/Лила