нешто конкретно – Вистина.мк

Мими Марковски и „ортаците“ на гости кај Снеже Велков: Јутјуберот и „битолската екипа“ уште на пат кон Скопје со специјална песна во Југото „ја подбраа конкуренцијата“… од Спенџарска до Лазаров! (ВИДЕО)

Антонио Димитриевски — Mon, 11 Mar 2024 08:37:38 +0000

Она што е Стефан Лазаров за Скопје, тоа е Мими Марковски за Битола. Композитор, музички продуцент и јутјубер. Обајцата популарни македонски јутјубери. Овој вториов можеби се’ уште не толку познат како првиот, ама затоа е на добар пат да го стигне… или престигне!? Вообичаено, кариерата, приватноста, онаа на гостинот и на некои од познатите личности – нивни сограѓани и пошироко и релациите и оносите на гостинот со нив се тема на „шоферските муабети“ на Мими. Најчести гости и во Југото, а и надвор од него, разбирливо му се познатите битолчани или оние кои не се родени, но живеат во Битола… Или пак познатите кои се дојдени по работа и некој друг повод на гости во градот под Пелистер. Токму тој и неговата битолска екипа добија покана да дојдат на гости во ТВ шоуто „Нешто конкретно“ кај водителката Снеже Велков, што со задоволство ја прифатија. Од Битола за Скопје како поинаку, ако не со Југото, во кое Мими „го вози“ сопственото „драјв шоу“ во кое му доаѓаат познати ликови. Драјв затоа што Мими ги вози во неговото ЈУГО, испрашувајќи ги седнати на совозачкото седиште како на сослушување. Овој пат друштво му правеше битолската екипа, па за да биде патот полесно поднослив, позабавен, а и она што го смислија и добра најава за емисијата, јутјуберот и екипата ја „пеработија“ познатата песна „Ако одам во Битола“ на композиторот Петар Георгиев - Калица, ама овој пат по свој терк. Всушност, во нивната „Југо драјв - акапела“ изведба се сменети само зборовите во текстот кој е комплетно посветен на нивната домаќинка, ТВ водителката Снеже Велков! Патем, текстот симпатичен полн со комплименти за водителката, ама не и за „конкуренцијата“, ако така може да се наречат споменатите имиња во „верзијата“ на Мими и битолската екипа, во која уште на пат кон Скопје во Југото „ги подбраа“ Спенџарска и Лазаров! Веројатно морало некого, оти таква била замислата, да се направи „компаративна размена“, како што се пее во оригиналот. Па битолската чаршија е заменета со скопскиот хотел каде што се снима шоуто „Нешто конкретно“, Битола со водителката, а Солун и Стамбол со Спенџарска и Лазаров! Колку да е позабавно, поскокотливо и повозбудливо! На Снеже Велков комплиментите секако и годеа, па така Мими и Маркоски битолската екипа ја пречека... со трчаница во студио! Е, сега што на тоа ќе речат споменатите во стиховите од новата верзија на песната... е сосема друга работа!

View this post on Instagram

A post shared by Velkov Sneze (@velkovsneze)

Конечно, конкуренцијата е здрава работа, ако споменатите ги сметаме едни за други за такви, а и она што распенаите битолчани го смислиле иако е можеби малку „зајадливо“, многу повеќе е симпатично отколку навредливо и никако злонамерно! Како звучи нивната „Југо драјв акапела верзија“ насловена: „Ако одам кај Снежето“, проследете од видеото:

View this post on Instagram

A post shared by Mimi Markovski (@mimi4u16)

Фото: Инстаграм/mimi4u16/velkovsneze

Игор Џамбазов со нешто конкретно, директно, а и за прв пат: „Ќе остане болката што не сум оставил пород, но сериозен сум да замрзнам сперма“

Слободанка Илиева — Tue, 09 Jan 2024 09:03:41 +0000

Во најновото празнично издание на есмисијата „Нешто конкретно“ на Снеже Велков, темата беше: Што значи да се биде Бренд во Македонија? Оттука, следствено на тоа, на водителката и требаше само еден гостин, наместо повеќе како од претходната пракса. Задачата за изборот беше лесна, затоа што тој е еден и единствен, синоним за македонски бренд! За едно такво специјално празнично божиќно издание, Снеже го имаше наспроти себе никој друг, туку Игор Џамбазов. Досега дал многу интервјуа, но ниедно од истите не било монотоно, секогаш имало да се слушне нешто досега неслушнато, нешто за прв пат, секогаш возбудливо или едноставно никогаш доволно за гледачот и слушателот, па дури и за нешто репризно. Снеже ја имаше привилегијата да добие толку искрени одговори на своите прашања, што Џамбазов така опуштено и мастрално ја оставаше без зборови, тој говореше, а таа слушаше и само потпрашуваше. Зборуваа за животот, музиката, за загубата на драгите личности... Во прашањата на Снеже стоеше и она за што Игор најмногу жали што не го остварил во животот? Одговорот неочекуван, дури како што вели самиот и за прв пат вака јавно: -Ќе остане таа болка што не сум оставил пород. Ова за прв пат ќе го кажам кај тебе. Имам еден млад доктор во Струмица, кај кого поради планинарското друштво правев спермограм за да видам дали може да бидам татко и ми рече, „оди прави дете“, ја мислев ни едно не мрда, но сите ти мрдаат. Сериозен сум да замрзнам сперма, па може ќе се појави некоја будала да рече „ја од овој човек сакам да имам дете“. Денес тоа е изводнливо и без секс-искрен и без задршка за се'она што му лежеше на душа.

View this post on Instagram

A post shared by Velkov Sneze (@velkovsneze)

Снеже почестена за ваквата интимна и емотивна исповед, она што Игор всушност отсекогаш и го правел, пеел и пишувал - она што го прави бренд! фото:Instagram printscreen/ nestokonkretno1

Илина и Игор повторно заедно: Изразот на лицата покажа дека не им е сеедно, само остана дилемата дали меѓу нив дискретно има „нешто конкретно“? (фото)

Слаѓана Атанасова — Tue, 02 Jan 2024 12:40:58 +0000

Во најновото издание на емисијата на Снеже Велков „Нешто конкретно“ меѓу гостите се најдоа македонскиот актер и шоумен Игор Џамбазов и алпинистката и уметница Илина Арсова со која тој беше во врска, а јавноста е запознаена дека сега тоа е веќе минато. Дека тие останале во добри односи потврдија и сега кога заедно застанаа пред фотообјективот, а за фотографијата да биде комплетна им се придружи и водителката која реши да ги спои. Па, додека Илина на кратко се врати во Македонија Снеже искористи прилика и се сети да направи нешто конкретно со овие две персони во нејзината емисија. Нејзината покана со или без двоумење, сепак ја прифатиле, а дали поединечно биле известени дека ќе се најдат во студиото со поранешната љубов засега не е познато. Имено, на социјалната мрежа Инстагарам се појави видео кое сите ги остави во неверување. Илина и Игор повторно заедно во студиото позираа насмеани и прегрнати, со придружба на главната иницијаторка за оваа емотивно-носталгична средба.

View this post on Instagram

A post shared by zase.mk (@zasemakedonija)

Нивната љубовна врска и по разделбата сѐ уште буди интерес во јавноста и не е заборавена од никого, особено по заминувањето на Илина во САД. Обожавателите не беа сигурни во тоа што го гледаат и не веруваа дека случајно се заедно на телевизија, туку беа речиси убедени дека повторно се разгорело жарчето што се изгаси откако одлучија да се разделат на пријателски начин. Какви чувства се јавиле кај нив двајцата сега кога се сретнаа по долгиот период е нешто што се гледа на нивните лица, израз кој говори повеќе од сите зборови. Фото: Printskrin/Instagram/nestokonkretno1

Четкар јавно ја откри тајната на охриѓани – еве како им пораснал наталитетот и кое место било главно за „правење“ деца (фото)

Слаѓана Атанасова — Fri, 10 Nov 2023 09:48:01 +0000

На македонската ТВ водителка Снеже Велков и заврши паузата на емисијата „Нешто конкретно“, па ја започна новата сезона која веќе се емитува на телевизија. Таа ги најави првите гости од првата епизода кои сите до еден беа машки, а меѓу гостите беше и македонскиот џез-музичар Владимир Василевски – Четкар. Кај Снеже на разните провокативни и интересни прашања кои можат да ве замислат но и да се изнасмеете, беше и она што сакаше да го каже Четкар за охриѓани и охридските кајчиња. Така тој како роден охриѓанец со интернационално реноме, храбро откри една пикантерија за охриѓани на они кои не знаеја досега како им пораснал наталитетот. - Кајчево беше главно место за праење деца во Охрид. На времето немаа пари луѓето по хотели да одат и ќе најдеа холанѓанки кои ги викаа маратонци. И в кајче цело езеро е нивно. И тука што се правеше што се правеше... И така кајчињава да не беа, Охрид немаше да биде ниту 60 илјади, ќе беше 10 илјади.

View this post on Instagram

A post shared by Нешто Конкретно (@nestokonkretno1)

Заклучокот на некои од анегдотата на Четкар беше дека „ништо без кајчињата“, а од таму и она „затвори ја вратата не си во кајче роден“, сега има одговор „таму сум правен“. Коментарите под видеото почнаа да се редат, некои слатко се изнасмејаа, а некои малку се навредија па, не им беше воопшто смешно. Четкар со години живее на релација Америка – Македонија. Тој за себе вели дека е авантурист кој сакал да биде археолог кога ќе порасне. Сепак, денес и е посветен на музиката, но авантуристичкиот дух дефинитивно го задржал. Фото: Инстаграм/vladimir_cetkar

Почнува новата сезона на „Нешто конкретно“ со Снеже Велков

Антонио Димитриевски — Sat, 04 Nov 2023 08:44:49 +0000

Цевка има топ не е, брада има топ не е. Што е тоа? Почнува новата сезона на „Нешто конкретно“ Токму со ваква гатанка почнува новата сезона од „Нешто конкретно“ со Снеже Велков, доволно провокативна за да алудира на одговорот и доволно инспиративна за да ве натера да мислите. Токму каква што е и идејата на емисијата, да има провокативни теми кои ќе ве натераат да размислите да дискутирате ама на крајот и да се изнасмеете. Со оглед на почетокот во месец ноември, „Нешто конкретно“ се приклучува во кампањата за подигање на свеста за машко здравје. а Снеже апелира: Драги мажи одете превентивно и на лекар и на психолог за да ни бидете здрави и во снагата и во умот, а првата епизода почнува со тема - Колку вредиме? Па Снеже има „скапи“ гости. Новата сезона е и со нова најавна шпица. Сменет ли е концептот или се останува исто, дали можеби на Снеже и се придружи ко-водител за баланс на машко женска енергија? И најважно кој е одговорот на гатанката. Гледајте во недела, 17:20 часот на Телма.

„Продолжи да поместуваш граници и освојуваш врвови“: Дизајнерот Златко Јовановски со повод собра грст честитки (фото)

Слаѓана Атанасова — Tue, 15 Aug 2023 06:50:54 +0000

За тетовскиот ексцентричен дизајнер Златко Јовановски слушаме се почесто, а неговата актуелност со авангардните креации кои ги создава, постојано расте. Македонскиот моден дизајнер досега креирал за многу познати и не толку актуелни имиња од светот на шоу бизнисот. Тој е се поблизу да прерасне во познато име во светот на модата, а самиот себе си се нарекува кралот на светкавото. Златко сега го слави неговиот 28 - ми роденден , а по тој повод од познатите и пријателите доби прекрасни честитки. - Продолжи да поместуваш граници и освојуваш врвови - му посака водителката Снеже Велков. А, потоа се појави и фографија на Инстаграм профилот од емисијата „Нешто конкретно“ каде со голем стикер пишуваше „Среќен Роденден“. Македонката пејачка Кристина Димитри му го честиташе неговиот посебен ден облечена во негова креација на Макфест минатата година. Но, откри и дека го подготвува нејзиниот следен аутфит. Среќен роденден! Фото: Принтскрин/Инстаграм

Македонката за која се зборуваше дека му го растурила бракот на Пике јавно ја обелодени вистината пред камери кај Снеже Велков (видео)

Слободанка Илиева — Sat, 08 Jul 2023 07:10:09 +0000

Пред една година во медиумите се појавија информации дека македонската блогерка и модел Драгана Спасовска е жената поради која поп-ѕвездата Шакира и славниот шпански фудбалер Жерар Пике ставија крај на нивната 12-годишна врска од која имаат и два сина. Неговата актуелна девојка Клара Чиа Марти настапи на сцената нешто подоцна, а дотогаш таблоидите се занимаваа со наводната врска на Пике со нашата Драгана. Таа уште тогаш ја негираше ваквата приказна, односно дека таа е причината за разводот на фудбалерот и пејачката. Но, не негираше дека биле непосредно еден до друг, имале средба, а тоа го потврдува и заедничката фотографија која се уште стои на нејзиниот Инстаграм профил. Овој пат, Драгана беше гостинка во „Нешто конкретно “кај Снеже Велков каде водителката не пропушти да ја „чепне“ Драгана за Пике, на што таа одговори:

View this post on Instagram

A post shared by Нешто Конкретно (@nestokonkretno1)

-Заеднички пријатели имавме, така да бевме на иста маса. Не е вистина во моментов сум во Македонија, не сум со Пике, така да... -Да не е некаде по хотелов, да го побараме?- се пошегува Снеже. -Не знам... -Не си ти одговорна, се дополни Снеже -Не, не- децидна беше Драгана. Каков џем јадеш?- стапица прашање на Снеже Велков бидејќи тегла џем беше еден од моментите преку кои Шакира пројавила сомнежи за неверството на Пике. -Не јадам џем, вешто и снаодливо одговори Драгана, па двете слатко се изнасмеаја. Драгана која е родена во Скопје, од татко Македонец и мајка Бугарка, сака да патува и да води авантуристички живот, а од нејзиниот Инстаграм профил е метото од каде на сите сака да им покаже кажо живее под полна пареа, а со Пике сигурно не. фото:Instagram printskrin/Dragana spasovska/nesto konkretno

На Александар Јосифовски пред камери му поставија незгодно прашање за Ѓорѓе Давид, а менторот имаше што да слушне (видео)

Слободанка Илиева — Wed, 05 Jul 2023 07:33:55 +0000

Минатогодишниот второпласиран македонски учесник во „Ѕвездите на Гранд“, охриѓанецот Александар Јосифовски воопшто не губи од својата актуелност и перманентност. Интересен за целиот регион, рокерот Александар овој пат беше гостин гостин во емисија пред македонскиот аудиториум, односно во „Нешто конкретно“ кај водителката Снеже Велков. Домаќинката како и секогаш имаше досетливи и неочекувани прашања за своите гости, а едно такво доби и Александар. -Александар, имаш понуда од Ѓуле Ван Гог да бидеш со него во група под услов да не му кажеш на Ѓорѓе Давид? Прифаќаш или одбиваш?- праша Снеже, а Јосифовски низ насмевка и по мала пауза одговори: -Ej…Па би...Мислам...Повеќе се имам со Ѓорѓе секако, така да Ѓуле може и сам (повторно насмевка“). -Добро, лојално, заврши водителката за ова. Бидејќи денес сите нешта осамнуваат на интернет, нема сомнеж дека Ѓорѓе Давид ќе го види ова и ќе му биде драго за одговорот на својот кандидат на кого му беше ментор, а денес му е и голем пријател. За потсетување, Александар Јосифовски минатата година беше во финалето на „Ѕвездите на Гранд“ под менторство на Ѓорѓе Давид, а иако беше голем фаворит за победа тој заврши како второпласиран. Сепак, тоа воопшто не беше пресудно за регионалната публика која му е наклонета. Во месец април годинава Александар Јосифовски направи голема промоција во Белград на песната „Пусте ночи“, а присуствува бројни српски естрадни личности. фото:Инстаграм принтскрин/Нешто конкретно/Александар Јосифовски

Снеже Велков со нешто необично покажа што е култура: Со нозете на маса и доза на провокација сите ги насмеа (фото)

Слаѓана Атанасова — Mon, 10 Apr 2023 08:53:28 +0000

Македонската ТВ водителка Снеже Велков постојано покажува разни финти на социјалните мрежи, конкретно за здраво тело и здрав дух, па вежбањето и одржувањето на баланс во исхраната се нејзиното секојдневие со цел да ги мотивира и другите да се чувствуваат така одлично и полни со енергија. Овој пат меѓу многуте здрави навики и постапки Снеже која денес е автор на емисијата „Нешто конкретно“ преку своите дела издови и објасни што е култура и културно однесување. Нешто што сите не засега и кое сите го бараме кај другите но, се почесто го нема. Надвор од нашата домашна и сигурна средина почнува да владее едно непишаното правило, па некултурниот заедно со иронијата и агресијата да добива, а културниот да се повлече оти насилникот ќе ги повика насилниците и некултурните да решат сѐ на нивен начин. Можеби повеќето сме се откажале да ја бараме правдата и културата затоа што во последно време како да има забрана да се спроведе па, некултурата и те како почна да доминира. Токму затоа Снеже Велков сакаше да не потсети на „здраво“ и културно однесување кое веќе е од „редок сој“ и во исчезнување. Имено, водителката во „Нешто конктетно“ реши да се опушти и со нозете на маса праша дали е тоа некултура или култура? Логично прашање, бидејќи возот веќе одамна е надвор од пругите... За повеќето нормално и културно, зошто да не.... слободно изразување на чувствата, нозете на масата нема да му наштетат на никого... или пак има нешто посуштинско од само да наштети. Затоа, повторно сите ја свртеа на шега и чевлите на Снеже си добија потпис „десна“ и лева. А за тоа што е култура веќе нема дилема, ја има, постои и живее во книгите за културно однесување... Во пракса кај нас... изгледа малку потешко! Фото: Принтскрин/Инстаграм/Нешто конкретно

Доктор Симона Поповска работела на корекции кај многу пациентки, а сега откри ситауција која не се заборава (видео)

Слободанка Илиева — Tue, 28 Mar 2023 07:39:33 +0000

Симона Поповска која повеќето ја знаат како пејачка, за своја примарна професија ја има медицината, па дерматологија и естетските корекции се нејзино секојдневие. Медицината и музиката за Симона се две споиви нешта, па иако толку различни, таа успева да ги балансира во својот живот. Крајот на месец март е резервиран за нејзиниот роденден, па по повод 31 година од животот, очекувано доби лавина честитки на социјалните мрежи. Меѓу многуте се најде и едно видео од нејзиното неодамнешно гостување во емијсијата на Снеже Велков, „Нешто конкретно“. Низ разговорот таа сподели анегдота која не може да ја заборави, па ја сподели со водителката и јавноста: -Имав ситуација кога и правев консултација на една госпоѓа и разговараме за изгледот кога станува збор кај жените секогаш мора да има одобрение од соопругот. Јас кажувам сигурно вака ќе му се допаднете на сопругот и она ми вика. А не, починат е. Јас викам, извинете сочувство. Таа вика: не, не жив е, ама за мене е починат. Не дај Боже да те спомне жена и во таков контекст. Во секој случај!- сподели Симона.

View this post on Instagram

A post shared by Нешто Конкретно (@nestokonkretno1)

Кога сме кај корекциите, познатат докторка изминатиот период зголеми многу туѓи усни, ама во трендот не се одмина ниту самата. Откако со забрзано темпо стана мајка и по вторпат, Симона не ја запостави работата и успешно жолнглира со сите свои важни улоги. Исполнета, насмена и предана на се’ она што го зацртала и го поставила во својата животна агенда.

View this post on Instagram

A post shared by 𝓓𝓻. 𝓢𝓲𝓶𝓸𝓷𝓪 𝓟𝓸𝓹𝓸𝓿𝓼𝓴𝓪🧿 (@simonapopovskaofficial)

Од последната песна помина подолг период, но веруваме дека наскоро ќе изненади со нешто ново и на музички план. фото:Инстаграм принтскрин/Симона Поповска/Нешто конкретно