нешто ќе те питам бабо – Вистина.мк

„Некст тајм“ со музичка честитка за празниците (видео)

Христина Ѓоргиевска — Tue, 07 Jan 2020 10:49:35 +0000

Божиќ и Бадник се празници кога семејството се собира дома, а како што вели една поговорка: „Кај и да си, за Бадник дома да си“. Македонските јавни личности преку социјалните мрежи го честитаа Бадник и Божиќ со најискрени желби за мир, спокојство, среќа, љубов и здравје. Некои од нив открија кај кого се паднала паричката, па тие ќе имаат успешна и бериќетна година. Браќата Стефан и Мартин Филиповски од „Некст тајм“ со видео од домашната празнична атмосфера, покрај богата бадникова трпеза и песната „Нешто ќе те питам бабо“ ги честитаа празниците на сите кои слават. „Среќни празници,без разлика на верата да сте здрави живи спокојни и среќни сите!!! Христос се роди“, напишаа на социјалните мрежи.

„Некст тајм“ го објавија документарецот за „Нешто ќе те питам бабо“ (ВИДЕО)

Антонио Димитриевски — Thu, 16 May 2019 12:25:09 +0000

Кон крајот на март годинава, дуото „Некст тајм“ го промовираше својот најнов проект „Нешто ќе те питам бабо“, а сега имаме можност да ја слушнеме и приказната за тоа како се роди идејата за оваа песна. Имено, момците вчера го претставија и документарецот за овој проект, кој премиерно беше прикажан и на самата промоција во Драмскиот театар, откривајќи ни како течеше процесот за изборот, но и за контроверзиите што ги предизвикува песната.

Како и претходните две – „Ја излези Ѓурѓо“ и „Слушам кај шумат шумите“ – оваа преработка наиде на позитивни реакции кај публиката и досега собра речиси милион и пол прегледи на Јутјуб, а минатиот месец браќата рекоа дека подготвуваат уште неколку песни кои ќе ги заокружат во албум, па повторно ќе се фокусираат на создавање авторска музика. Додека го очекуваме следниот проект на „Некст тајм“, во продолжение откријте ја приказната зад „Нешто ќе те питам бабо“. https://www.youtube.com/watch?v=m-1QgrD9gKA

Дадар ја разоткри водителката: Рипна стомакот на Миа Костова (фото)

Слободанка Илиева — Tue, 02 Apr 2019 06:29:44 +0000

ТВ водителката Миа Костова и мејкап артистот Александар Билјановски – Дадар беа заедно во Анталија – Турција, а ова доживување им го овозможи работата, тоа што се познати и секако моќни промотори на социјалните мрежи. Откако полетаа од скопскиот аерором, па се до враќањето назад, Миа и Дадар имаа што да понудат со фотографии и видеа на социјалните мрежи од прекрасната Анталија, хотелот, храната, забавата...

Иако Миа и самата признава дека ги „побудали“ своите следбеници со стотици видеа на „стори“, ниту самата не можеше да одолее на убавините, но очигледно најмногу на турската храна. Благо, солено и обратно, резултатот беше рипнатиот стомак на Миа, кој наликува дури и на труднички.

Свесна дека шпекулациите не и бегаат, водителката мораше да даде јасно до знаење дека станува збор за прејадување, а не брмененост. „Портали стоп! Не е бебе, Турција е“, напиша Миа за фотографијата која ја овековечи Дадар како спомен од Турција на нивното незаборавно патување.

Откако се вратија, водителакта како да чувствуваше грижа на совест, па повторно се огласи со фотографија од 2015 година на која е ултра згодна.

Сега или тогаш, Миа едоставно „грми“, послаба или со секси облини – таа зрачи со својата маркантност. фото:инстаграм

„Некст тајм“ ја шокираа публиката: „Нешто ќе те питам бабо“ ќе биде тргната од Јутјуб!

Слободанка Илиева — Tue, 02 Apr 2019 06:09:34 +0000

Третата преработка на браќата од дуото „Некст Тајм“, „Нешто ќе те питам бабо“, откако ја промовираа е на листата на секојдневно слушање кај многумина од различни возрасни геренрации. Песна, за која уште еднаш Мартин и Стефан успеаја да кренат прашина и со неа да го покријат времето додека ги немаше, односно работеа на тој нов проект. Вчера, Стефан Филиповски беше доста активен на социјалната мрежа Инсатaграм, каде со една објава ја шокираше публиката.

Имено, тој напиша дека „Нешто ќе те питам бабо“ ќе биде отстранета од интернет канлот Јутјуб. Свесен дека многумина ќе сакаат да го прашаат зошто, тој реши да одговара на популарните прашања во низа на социјалната мрежа. Откако ја фрли мамката, прашањата се редеа едно по друго, а освен тоа дека отстранувањето на „Нешто ќе те питам бабо“ е само шега за 1-ви Април, Стефан откри многу новини поврзани со нивната кариера и преработките на стари македонски песни.

Имено, близнаците работат не на една, туку на уште неколку преработки кои планираат да ги заокружат во еден албум, а подоцна и се враќаат на авторската музика, им открија на фановите.

Инаку, „Нешто ќе те питам бабо“ се уште е на Јутјуб и има над 800 илјади прегледи. https://www.youtube.com/watch?v=RzusF_BTTgg фото:инсатграм/фејсбук/нексттајм

Еве која е девојката што се трансформираше во спотот за „Нешто ќе те питам бабо“ на „Некст Тајм“ (фото)

Слободанка Илиева — Sun, 31 Mar 2019 09:10:03 +0000

Стефан и Мартин Филиповски, братското дуо близнаци од македонската група „Некст тајм“ со уште една фантастична преработка ги разбудија најдлабоките чувства и емоции кај Македонците. Спотот и песната на интернет каналот Јутјуб за само неколку дена добија илјадници прегледи, видеото се најде речиси на сечиј профил на социјалните мрежи, а коментарите не стивнуваат како во медиумите, така и кај публиката. Кога е во прашање маестралната филмска изработка на спотот, браќата и овој пат го ангажираа Огнен Шапковски, но направија и одличен избор за главата протагонистка на приказната.

Во „Слушам кај шумат шумите“ таа улога и припадна на актерката Ана Стојановска, во „Ја излези Ѓурѓо“ пак, главна беше одбојкарката Власта Ружинковска. Спортистка, актерка, а сега за „Нешто ќе те питам бабо“, главна е манекнка.

Станува збор за Ивана Гелева која е доста позната на македонската модна сцена. Таа е вистински моден камелеон, па речиси да нема дизајнер кој досега не ја ангажирал за ревија или фотосесија.

Мартин и Стефан и овој пат кога е во прашање кастингот за женската улога, направија одличен избор.

https://www.youtube.com/watch?v=RzusF_BTTgg

Да се наежиш: „Нешто ќе те питам бабо“ на „Некст тајм“ – македонско парче историја, преточено во врвна уметност

Антонио Димитриевски — Tue, 26 Mar 2019 08:30:35 +0000

„Нешто ќе те питам бабо“ е насловот на познатата македонска песна која доби нова верзија. По мотивите и музиката на старата македонска народна песна со стихови кои имаат патриотска содржина, аранжерот Никола Мицевски и близнаците Филиповски го претвориле во современо музичко ремек дело, чија визуелизација на режисерот Огнен Шапковски го прави величествено. Оригинален и автентичен, а сепак современ македонски музички производ, од кој, кога го слушате ве лазат морници, а додека го гледате видеото низ телото ви струи чудна енергија која ја покренува волшебната игра на сетилата.

И тоа не само на оние за слух и вид. Едноставно, божествено! Македонско парче историја, преточено во врвна уметност, која како и историјата... останува за навек!

На промоцијата во преполниот Драмски театар во кој буквално се стоеше се' до ходникот и фоајето.

Покрај претставниците на медиумите, мноштвото колеги и соработници на групата, јавни личности, врвни спортисти, пријатели и спонзори, беа прсутни и претставници на навивачката група „Комити“, како и дел од врвот на ВМРО-ДПМНЕ, предводен од лидерот Христијан Мицковски.

По премиерното прикажување, буквално целата сала скандираше: „Македонија, Македонија“... А, Македонија доби уште едно парче уметност со кое може да се гордее!

По завршувањето на официјалниот дел Мартин и Стефан заедно со екипата која го реализираше овој нивен најнов проект остана во (не)формална дружба со новинарите, а присутните имаа меѓусебно коктел матине. https://www.youtube.com/watch?v=RzusF_BTTgg

„Некст тајм“ ја промовираат „Нешто ќе те питам бабо“

Антонио Димитриевски — Mon, 25 Mar 2019 13:28:37 +0000

Дуото „Некст тајм“ ја закажа промоција на својот нов видеозапис за песната „Нешто ќе те питам бабо“. Промоцијата ќе се одржи во Драмскиот театар (Карпош), а вечерва, понеделник, 25 март 2019 година, со почеток во 20.00 часот.

„Веруваме дека и по трет пат ќе ве направиме горди и ќе ја зачуваме македонската песна заедно“ - напишаа близнаците Мартин и Стефан неодамна на својот инстаграм профил. Влезот на промоцијата е за сите слободен!

„Некст Тајм“ закажаа промоција на новата песна и видео „Нешто ќе те питам бабо“

Антонио Димитриевски — Tue, 19 Mar 2019 08:54:04 +0000

Дуото „Некст тајм“ на својот Фејсбук профил најавија промоција на новиот видео запис за песната „Нешто ќе те питам бабо“. Промоцијата ќе се одржи во Драмскиот театар (Карпош), а е закажана на 25 март со почеток во 20 часот.

Во продолжение Ви го пренесуваме Фејсбук статусот на братското дуо: „Со гордост ви го најавуваме насето ново видео за песната “Нешто ќе те питам Бабо”. Промоцијата е закажана за 25.03.2019 со поцеток во 20:00 Драмски Театар Скопје(Карпош). Влезот е слободен, Ве очекуваме! Веднас по промоцијата видеото ке биде објавено на официјалната страна на „Некст тајм“ на Јутјуб. Веруваме дека ќе Ве направиме повторно горди! ОВа не го правиме за нас , ова го правиме за нашата мајка Македонија!“ - се вели во нивната покана за промоција.