непристоен предлог – Вистина.мк

Марија Луиса Тодоровска доби празнична „понуда“ што не се одбива: За некого „непристоен предлог“, за неа добра причина за 8-ми Март и викендот потоа, да биде на „дебело платена пауза“ (ФОТО)

Антонио Димитриевски — Fri, 08 Mar 2024 09:12:29 +0000

Пејачката Марија Луиса Тодоровска за празникот на жената се подготвуваше уште пред една недела... За 8-ми март како што е редот или навиката од социјализмот, на дамите им се подаруваат разни подароци. Од должно внимание, преку најмали ситници како цвеќе или некоја ситна дребулија, до скапи и луксузни подароци, зависи која кон што цели?! Македонската „фолк кралица на бакшишот“ навреме си го кажа фетишот, па празничната желба во вид на посакуваниот подарок кој оди со 8-мартовската честитка јавно ја соопшти на своите Инстаграм приказни. Однапред да си знаат сите што имаат намера да и честитаат, да не биде тоа само онака протоколарно, со празни раце. Конечно жените на овој ден се избориле за своите права, меѓу кои се оние за право на глас и слободно изразување, па пејачката можеби затоа јавно и слободно си ја изрази својата желба... за осмомартовски подарок! Во меѓувреме, додека чекаше да дојде денот на кој на „највнимателниот“ ќе му се заблагодари на вниманието и самата го привлече вниманието со неколку примамливи фотографии... Колку да ја размрда машката фантазија! Марија ги покажа своите нови секси чорапи од црна тантела, кои не се соблекуваат ни за време „на онаа работа“... Евентуално после завршување, кога одиш на туширање! Зашто пејачката добро знае дека машката фантазија што е поразбранувана, толку веројатноста да го добие посакуваниот подарок е поголема! Ако и тоа не е доволно, Марија Луиса секогаш има и нешто дополнително... Како на пример, заводливото мешање! А кога Марија ќе замеша, ќе почне да врти со извајаната секси задница, заводливо да ги ниша колковите и широката карлица, фантазијата се претвора во неодолива желба на ваква раскошна убавица, лично да и го врачиш ... Подарокот за празникот секако! Затоа Марија Луиса Тодоровска доби празнична „понуда“ што не се одбива! До душа, дарежливиот лично не можел да и го врачи подарокот, ама затоа нашол начин како... А Марија како Марија, бакшиш и подароци, никогаш не одбива! Оти... да не е незгодно, да не навреди некого, па затоа секогаш со радост ги прифаќа! Понудата за некого „непристоен предлог“, за Марија добра причина за 8-ми Март и викендот потоа, да биде на „дебело платена пауза“! Фото: Инстаграм/luisa.todorovska

Водителката на утринската програма се соочи со сексуален ТВ воајер: Вера Мештеровиќ доби непристоен предлог среде жива програма (ВИДЕО)

Антонио Димитриевски — Sat, 11 Nov 2023 08:15:40 +0000

Водителската професија навидум колку да изгледа лесна и забавна, бројни примери покажуваат дека не е баш така. Пред камерите не може и не умее баш секој, а оние што се од другата страна на ТВ екраните пак, нивното величество ТВ гледачите најдобро знаат да изберат кому ќе му го посветат своето време и внимание додека се пред телевизорот. Но дека меѓу сите нас се кријат различни типови со чудни желби, барања и фетиши, најдобро говори последниот случај, кој не е ниту единствен, ниту осамен, туку е само последен во низата „непристојни предлози“ кои им се случиле на познатите ТВ водителки. Особено ако сте убава, атрактивна и привлечна како водителката на утринската програма на Канал 5, некогашната македонска мисица Вера Мештеровиќ. „Здраво Македонијо“ е програма во живо, а вклучувањето на гледачите во разговор со водителот или коментар на одредена тема е вообичаена работа... Се' додека не ви се случи невообичаена ситуација како на долгоногата водителка. Имено при едно неодамнешно вклучување на гледачите во едно навидум вообичаено утро водителката се соочи со сексуален ТВ воајер... Откако најкултурно и најпристојно го вклучи во живо во програма, „напалениот гледач“ добил наплив на возбуда, па „ни срам, ни перде“, побара од водителката да му исполни чудна желба... Или поточно, Вера Мештеровиќ од него доби непристоен предлог среде жива програма! Од режијата не ја процениле ситиуацијата со кого си имаат работа од другата страна на линијата и не изреагирале на време, па водителката ја ставија „во небрано“, самата да се брани од „сексуалните апетити“ на ТВ воајерот. За среќа Вера иако не е долги години пред камерите, сепак исто како да е, како прекален професионалец најкултурно изреагира и се снајде во крајно непријатната ситуација за неа. Како сето тоа изгледаше, односно „возбудениот ТВ пазач“ каква „срамна желба“ посака да му исполни водителката, погледнете од видеото кое Шило магазин го сподели на социјалните мрежи. Фото: Инстаграм/veramesterovic

Моника Јовановска и Марија Луиса Тодоровска добија „непристоен предлог: “Македонската „задругарка“ и нејзината другарка со „(не)пристојна понуда“ за „љубовен сендвич“ (ФОТО)

Антонио Димитриевски — Sat, 01 Oct 2022 07:29:42 +0000

Македонската ријалити учесничка од ланската „Задруга“ , Моника Јовановска и фолк пејачката Марија Луиса Тодоровска се најдобри другарки... Кој знае дали за стално, но барем така е моментално! Живеат заедно во живот по свое како од бајка, како „две сестри од различна мајка“ и засега одлично се забавуваат, патем билдајќи си ја популарноста на разно-разни начини. Со пеење и настапи по кафеани и ноќни локали, со често појавување по различни медиуми, со споделување „скокотливи“ фотографии и видеа на социјалните мрежи, со разголени селфија и интересни „сториња“... Дали токму еден од последните настапи на Јутјуб на Моника каде отворено зборува за сексот и своите потреби и навики, сексуалните афинитети, желби и можности…? ...Или уште една од најновите „до гола кожа“ фотографии споделени на социјалните мрежи на Марија Луиса толку многу го бендиса, а Бога ми и испровоцира еден нивни „напален“ обожавател да им прати порака со „непристојна содржина“. Или поточно пристојна сума, спакувана во „непристојна предог - понуда“! „2.000 евра за една ноќ со двете?“ - гласи понудениот предлог на незнаениот понудувач за целовечерен „љубовен сендвич“ со двете секси убавици! Сума од која на на пример, на многу српски, па и домашни старлети би им се завртело во главата, откако ќе го почувствуваат „мирисот на парата“! По принципот од „Се' или нешто“: „Кажи дали понудата важи“? - Моника реши понудувачот јавно „да го закопа“... И тоа со контра понуда: „Марија ќе ти даде 2.000 евра да го избришеш Инстаграмот?!“ Дали возбудениот понудувач ја прифатил контра-понудата, на сметка на возбудата, се' уште немаме сознанија, ама дека двете познати девојки јавно го обзнанија, сите видоа, откако приказната за „непристојната понуда“ и обете ја споделија на своите Инстаграм приказни! Иако, како да личи дека дека „непристојниот понудувач“ ја прифатил нивната понуда, па сега Марија Луиса ќе мора дополнително „да работи“ за да заработи „вишок бакшиш“ за исплата на ветената сума! А Моника? „Некој да работи, некој и да лежи треба“! Фото; Инстаграм прнтскрин/monnikajovanovska/luisa.todorovska

Старлетата Тамара Ѓуриќ „упропастена“: Не сакав да спијам со пластичниот хирург и затоа ме „унакажа“! (ФОТО)

Антонио Димитриевски — Tue, 12 Apr 2022 12:00:50 +0000

Како бомба одекна веста дека Тамара Ѓуриќ пред неколку месеци го оперирала носот во Турција кај познат пластичен хирург, а сега откри дека не е задоволна од операцијата и дека тој од неа барал скандалозни работи за возврат. Имено, Тамара на својот Инстаграм профил објавила кореспонденција со лекарите од клиниката каде договара средба со доктор кој прегледот „го врти“ на сосема друга страна, кон поинаква приказна. „Доаѓам исклучиво како пациент и не ми е проблем да платам пари, а во натура можат да плаќаат само овие пејачкиве. Му реков да ми го среди носот, што не го направи како што треба. Не сакав да спијам со него, затоа ме унакажа“ - изјавила Ѓуриќ за „Ало“. „Ја направив операцијата пред една година, но мојот нос во тоа време требаше да добие сосема поинаква форма. Докторите ги гледам само како доктори и се' плаќам со пари, а не во натура“ – ќе изјави старлетата.

View this post on Instagram

A post shared by Tamara Djuric (@tamarastar89)

„Ме праша дали можем да се видиме, а јас немам што да се гледам со лекарите, одам само како пациент на преглед“ - изјавила Тамара и додала: „Нема врска, ќе го поправа, нема повеќе да личам на Мајкл Џескон како што велите иако го почитувам неговиот лик и дело“ - резимирала Тамара. Фото: Инстаграм принтскрин/tamarastar89

Елена Николовска, најсексапилната скопска фризерка доби непристојни предлози и понуди на Инстаграм, па брутално им возврати: „Гениталиите што ми ги праќате во порака, може треба на вашите девојки и сопруги да им ги препратам?“

Антонио Димитриевски — Wed, 05 Jan 2022 09:27:42 +0000

Елена Николовска е млада, успешна девојка, која ја одбрала „уметноста на разубавувањето“ за свој занает, за животна определба. Патем, шармантната сопственичка на „социјалната фризерница“ не е само добра фризерка, туку и раскошна убавица, која покрај фризерските вештини, знаење и умеење, важи за најсексапилната скопска фризерка. Атрактивна, згодна, телесно надарена со пон која ситна естетска корекција, Елена покрај фризерските ремек дела, не ретко знае да сподели и по некоја фотографија од приватноста. И тоа не било каква, туку провокативна, која знае да ја заскокотка машката фантазија, да ја поттикне волшебната игра на сетилата, па листата на додворувачи на девојката чиј брачен статус се' уште е „соло“ рапидно да порасне. Можеби мажите во живо немаат толкава храброст, ама на социјалните мрежи газдарицата на „социјалниот салон“ за разубавување, по секоја провокативна фото-објава или скокотлив пост, ја чека ново изненадување... Или цела дузина?! Елена веројатно е навикната да се справува со „машката понуда“, но она што го добила како „непристојни предлози“ пред Нова Година, изгледа и неа и ја „прелеа чашата“, па на „непристојната понуда“ убавицата реши брутално да одговори... И да возврати со со ултиматум! Имено, Елена малку пред тоа објавила неколку „жешки фотографии“ со скокотливи пораки... Лично и персонално чувство, желба или страст сеедно, кои некои од нејзините следбеници на Инстаграм ги сфатиле како „повик за исполнување еротски желби“, па на атрактивната фризерка почнале да и испраќаат „непристојни предлози и валкани понуди“ во вид на текстуални, а веројатно и фото пораки. Изнервирана од тоа што е погрешно разбрана, а и од начинот на кој е третирана, Елена јавно им возвратила на „љубопитните пастуви“ кои радо би сакале да бидат на местото на оние од нејзините фотографии. Или можеби да најдат свое место во „жешките пораки“ на „вистинската жена“? Само што желбата за сраст е едно, а начинот на кој таа се остварува е нешто сосема друго... Вака - НЕ сигурно, што и самата фризерка им го плесна, онака жестоко в лице со својот статус: Какви беа реакциите на „безобразните додворувачи“ само Елена знае, но после ова две нешта се сигурни: Ако нивните „непристојни предлози“ стигнеа таму каде што таа ги предупреди, празниците сигурно нема(ше) да им бидат пријатни! А од друга страна сексапилната газдарица на „Social Hair Salon“ си има своја политика и практика, како во бизнисот така и во приватниот живот. Нејзино лично право. А „недокваканите“ понудувачи на „непристојни предлози“ белким по ова ќе ја научат лекцијата дека: Во старт на девојка/жена не и се нуди, особено не јавно, ОНА, по што, ако си вистински фраер, таа на крај самата ќе посака да посегне! Во спротивно, ем може „да те изеде срам“, ем може „дебело да го јадеш“ од онаа до тебе, шо веќе „ти ја знае понудата“, ама се' уште не знае кај се' ја нудиш?! Фото: Фејсбук и Инстаграм принтскрин/Nikolovska Elena/elenabahamas

Јована Јеремиќ добила непристоен предлог: „Сакаше да плати, а јас му пратив жестоки момчиња да му објаснат дека не се продавам, јас се освојувам“ (ФОТО)

Антонио Димитриевски — Thu, 16 Dec 2021 10:21:36 +0000

Популарната српска ТВ водителка Јована Јеремиќ признала и дека во една прилика се нашла во многу непријатна ситуација, поради маж кој бил повеќе од упорен во намерата да и го привлече вниманието. „Пораката не ме погоди. Никогаш не пријавив насилство, немаше потреба. Немаше потреба затоа што ги блокирав оние што беа насилници. Всушност ... сега се сетив. Имаше еден профил, а тој човек беше многу упорен. Постојано ми пишуваше на Инстаграм прашувајќи ме колку пари сакам да уплатам на мојата сметка. Му реков дека не ми требаат неговите пари, не ги сакам парите. Ме прогонуваше цели три години. Тој го дознал и мојот телефонски број и ми праќаше пораки. И тоа траеше додека не ангажирав некои мои луѓе кои се навистина жестоки момчиња и кои го најдоа и му објаснија дека ова не е начинот на комуникација со Јована Јеремиќ. Јас не сум на продажба, јас се освојувам. Се својувам со гест, внимание и љубов, а парите се само попатна, а не главна работа“, изјави Јована Јеремиќ. Фото: Инстаграм принтскрин/jeremicjovana

Кристина Димитриевска од прашањата на нејзините Инстаграм следбеници извлече неколку поенти: Непристоен предлог, самоубиствена понуда и една дилема – бившиот сопруг е „лошо“ момче или таа е „лоша“ девојка?

Антонио Димитриевски — Fri, 05 Nov 2021 08:27:24 +0000

Македонмнската мисица, манекенка, модел и пејачка Кристина Димитриевска почна се' почесто да одговара на прашања на нејзините Инстаграм следбеници. На тетовската убавица очигледно и стана интересно и забавно на тој начин да комуницира со обожавателите на социјалните мрежи, па едно-две, еве нова барање од неа тие да ја прашаат што сакаат, а таа да им одговори онака како што сака... Или како што и одговара!? Последната тура прашања и одговори сепак многу говори, зашто мисицата ја зачинила со неколку извлечени поенти од нејзината комуникација со фановите во кои се содржани три клучни нешта: Еден непристоен предлог, една „самоубиствена“ понуда и една дилема...! Но да тргнеме со ред: Еден од следбениците - прилично конкретен. Со (не)пристоен предлог на невидено... Всушност, на 50% од виденото, зашто тој знае кому нуди брак, ама таа не знае кој и нуди брачна идила, во прашањето: „Да те земем за жена, кажи ДА“? Покажаната тетоважа на прстот, на местото од брачната бурма, како симболичен одговор на убавиицата на непристојниот предлог на нејзиниот таен обожавател со брачни амбиции. Вториот ем вљубен во Кристина, ем спремен да „гине“ за неа... Неговата самоубиствена понуда уште порадикална од онаа на претходникот. „Цел живот би го дал за тебе, совршена си лепотице“, е неговиот суициден заклучок, на кој наместо одговор, добил само поглед директно в очи од онаа, за која вљубениот хазардер животот го дава или барем на коцка го става. Но, она што е некако највпечатлива поента, нешто што најмногу „боде очи“ и се наметнува како дилема е прашањето на третиот обожавател или Инстаграм следбеник, на русокосата убавица. Неговото прашање до неа: „Зошто фините момчиња не можат да си фатат добри девојки?“, разоткрива или отвора нова недоумица, содржана во одговорот на Кристина: „Сакаат 'лоши' девојки“! Тогаш, ако навистина е така, останува да виси дилемата: Дали бившиот сопруг на мисицата, пејачот Даниел Кајмаковски е „лошо момче“ или добрите момчиња навистина сакаат „лоши девојки“... за врска или брак, сеедно? Кристина Димитриевска е на потег да ви ја открие загатката што самата ја постави во одговорот на прашањето на нејзиниот Инстаграм следбеник, во врска со врските на добрите момчиња и „лошите“ девојки! Фот: Инстаграм принтскрин/kristina.dimitry

Сандра Решиќ доби „непристоен предлог“, па пејачката и ријалити ѕвезда возврати со уште „понепристојна понуда“ (ФОТО)

Антонио Димитриевски — Thu, 26 Aug 2021 12:32:43 +0000

Поранешната ријалити учесничка во ТВ шоуто „Задруга“ и пејачка Сандра Решиќ доби интересна порака на „Инстаграм“ и одлучи да ја сподели нејзината содржина со своите следбеници. Пораката до душа повеќе наликубва на 2непристоен предлог“ во кој се вели: „23см… Јави се ако сакаш да видиш и фотографии, филмчиња... Само за тебе“ - и понудил на Сандра, еден следбеник на нејзиниот профил. Пејачката на нејзиниот „ ем надарен, ем дарежлив“в обожавател му воврати со иста мерка или поточно уште „понепристојна понуда“: „Имам и јас 55 цм, но јас ги покажувам без проблеми“ - му одговорила Сандра, испраќајќи и фотографија од нејзината бејзбол палка на дотичната личност. Па сега ти види, со кого си нашил „да се мериш“?! Фото: Дејан Миличевиќ/Инстаграм принтскрин/sandra_resic

Српската манекенка и топ модел Јована Швоња, сопруга на фудбалерот Филип Ѓорѓевиќ се соблече, па доби непристоен предлог, на кој уште побезобразно возврати: „Само еден час, велиш…?“

Антонио Димитриевски — Sat, 22 May 2021 07:06:13 +0000

Српската манекенка и топ модел која е сопруга на фудбалскиот репрезентативец Филип Ѓорѓевиќ важи за една од најзгодните, насексапилните и најпожелните жени. Јована Швоња веќе со години живее заедно со својот сопруг и двете деца во Италија, од каде деновиве допатува во Белград. Манекенката само што стапна на српско тло, веднаш по белградските улици се прошета во предизвикувачко издание, во стилизирани чизми, но со гол стомак, само со топ кој едвај и ги прекриваше градите и фустан со шлиц до препони. Веднаш потоа убавицата на својот Инстаграм сподели и разголени фотографии од својата последна еротска фотосесија. Доволно провокативни да ги заскокоткаат љубопитните, но и максимално да ги возбудат „запалените“ љубители на нејзиното голо тело и бујните атрибути, колку фотографиите и да имаат уметничка нишка во себе. Покрај веќе вообичаените коментари и комплименти, до неа стигна и еден непристоен предлог.

View this post on Instagram

A post shared by 𝙹𝚘𝚟𝚊𝚗𝚊 𝙳𝚓𝚘𝚛𝚍𝚓𝚎𝚟𝚒𝚌 (@callmelolita)

Имено, манекенката покажа пораки која ги добила на својот Твитер од едно значително помладо момче, кое и упатило непристојна понуда: „Многу ми се допаѓаш. Би дал 500 евра за еден час со тебе. Јави ми се ако доаѓаш во Подгорица“, напишало момчето, на што Јована уште побезобразно му одговори: „Само еден час вели?“, сакајќи на тој начин да го посрамоти.

Жика Јакшиќ „одлепи“ на бугарската натпреварувачка во „Никогаш не е доцна“, па „ја стартуваше“ со (не)пристоен предлог: „Можеш да дојдеш кај мен дома, на 5-6 дена…“ (ВИДЕО)

Антонио Димитриевски — Mon, 26 Apr 2021 11:26:46 +0000

Водителот Жика Јакшиќ се пошегува со натпреварувачката која доаѓа од Бугарија на снимањето на последното издание на шоуто „Никогаш не е доцна“. Имено, Исмералда Еленкова - Есма, е учесничка која доаѓа од Бугарија, па секој пат треба да направи PCR-тест кога таа ќе влезе од Бугарија во Србија. Есма се пожали дека ковид тестирањето и е „збогтисано“, а Жика веднаш и понуди алтернативно решение. „Ако не го направам тестот, треба да одам во карантин. Веќе ми е здосадено да седам во карантин“ - се пожали привлечната Бугарка, на што Жика веднаш најде начин да си ги скрати маките и одговори со неочекувана понуда или поточно, „(не)пристоен предлог“: „Можеш да дојдеш кај мене дома, во мојата куќа, јас и онака не правам ништо. Ќе поминеме 5-6 дена во карантин заедно, што да се прави?“ ... - рече на шега на смеа Жика, кој очигледно не можеше да и одолее на атрактивниот изглед на бугарската натпреварувачка. Сите во студиото почнаа да аплаудираат, а Жика...? Во секоја шега има половина вистина, нели? https://www.youtube.com/watch?v=F0SJAkF8iFk