ненадејно – Вистина.мк

Трагедија на македонската фолк естрада: На само 42 години ненадејно почина Виктор Барбутов, пејачот на групата „Амајлија“

Антонио Димитриевски — Sat, 03 Dec 2022 08:24:13 +0000

Македонската фолк естрада остана шокирана откако се прошири трагичната вест за смртта на фолк пејачот Виктор Барбутов кој ненадејно починал вчера изутрината ( 02 декември 2022). „Почина фолк пејачот на групата Амајлија од Скопје Виктор Барбутов, кој како што дознаваме пред тоа немал здраствени проблеми. Ноќта се пожалил на силни главоболки и бил однесен на брза помош каде и починал од мозочен удар“ - објавија македонските портали. „Ниту бил болен, ниту се жалел на нешто, освен вчера вечерта дека го болела главата. На само 42 години замина Виктор, сопруг и татко на ќеркичка, која има само две години“, рекоа за ММС негови колеги. „Ниту можеме да веруваме, ниту сакаме да веруваме дека Виктор повеќе го нема“, вели Мики, член на групата „Амајлија“, каде вокал беше Виктор. Дека ваква тага ќе доживеат никој од „Амајлија“, а посебно неговото семејство не ни сонувале, бидејќи Виктор не се пожалил на никаков здравствен проблем. Мики Ѓоргиоски, со кого заедно свират над 20 годинисо расртеперен и тажен глас изјавил: „Се скина дел од мене, во шок сме и не сакаме да поверуваме дека него веќе го нема. Дека повеќе нема да запее со неговиот бисерен глас. Млад, здрав, ниту пушеше, ниту пиеше алкохол. Се се случило одеднаш. Претпоставувам мозочен удар, од она што кусо го прозборев со неговата сопруга, бидејќи таа не е во можност многу да зборува“, изјавил Мики за ММС.

Почина Ѓоко Дончев, доајенот на македонската фолк песна

Антонио Димитриевски — Sat, 16 Jan 2021 13:50:29 +0000

Ѓоко Дончев, eден од доајените на македонската народна песна, ненадејно почина вчера, петок 15 јануари 2021 година во Скопје, соопшти денеска неговото семејство. Дончев беше активен на сцената повеќе од 25 години и со своите песни ја одбележа златната ера во македонската фолк музика и нејзината новосоздадена фолк песна во првата деценија од почетокот на осамостојувањето на република Македонија. Во текот на неговата плодна музичка кариера соработуваше со најдобрите изведувачи и композитори и испеа дел од најубавите македонски фолк песни. Во македонската народна музика остави длабока трага со своите безвременски хитови, како легендарните „Чуј ги куме свирачите“, „Сношти Кате“, „О доме мој“ и многу други. https://www.youtube.com/watch?v=4382EfBKAfg&feature=emb_logo Ѓоко Дончев е роден на 2 мај 1949 година во Валандово. Освен како исклучителен во музиката, семејството, пријателите и колегите ќе го паметат како посебно харизматичен и ведар човек. Погребот ќе се одржи утре (недела - 17 јануари, 2021) на градските гробишта Бутел во Скопје во 12.30 часот .

Беше првата српска старлета, а нејзиното исчезнување преку ноќ и денес е мистерија: Каде ли се скрила Мила!? (ФОТО)

Антонио Димитриевски — Mon, 21 Dec 2020 11:19:28 +0000

Станија Добројевиќ, Сораја Вучелиќ, Ана Кораќ и многу други старлети се здобија со голема популарност во Србија и пошироко, во ртегионот. Сите тие имиња денес ни се многу добро познати, но кој се сеќава на Мила Арсиќ? Таа беше првата старлета која подоцна се занимаваше со водителство, беше модел кој бил присутен на сите поважни настани во Белград. Беше водителка на „Арт“, „Пинк“, „РТС“, „Станком“, а се прослави со провокативните разголени фотографии што ги направи за бројни машки списанија. Со оглед на копнежот на голем број мажи, таа често даваше интервјуа на скокотливи теми, па нејзините одговори беа во овој контекст: „За мене, најсилниот афродизијак е мозокот, а тоа мора да го знаат сите мажи. Големината на полниот орган не е важна, иако морам да кажам дека имав помалку од три сексуални партнери, па не би знаела што е „мало“ и што „големо“ - беа одговорите на Мила. Малкумина се сеќаваат дека таа беше во кратка романса со познатиот српски тенисер Јанко Типсаревиќ, но романсата не траеше долго. На јавноста и беше секако поинтересно да се занимава со нејзиниот изглед, наместо со водителските способности на Мила. После големата популарност, Мила се повлече од јавноста, по што и се губи секоја трага. Очигледно и било доста од јавна работа и веројатно срамежливоста си го направила своето... Или нешто сосема трето, многу поопипливо?! https://www.youtube.com/watch?v=1Vxa5suQToY&feature=emb_logo