неколку месеци – Вистина.мк

Симона Поповска изгледа во топ форма неколку месеци по породувањето (фото)

Христина Ѓоргиевска — Thu, 16 Dec 2021 08:46:00 +0000

Maкедонската пејачка и докторка Симона Поповска, кон крајот на месец април 2021 за првпат се реализираше во улогата на мајка. Таа целата своја бременост и веста за приновата ги криеше од јавноста, а тогаш на социјалните мрежи не објавуваше фотографии од трудничкото стомаче. Веста за пристигнување на новиот член на семејството се обзнани на социјалните мрежи кога почнаа да пристигнуваат честики на сметка на пејачката. По породувањето, Симона дури тогаш објави фотографии од трудничкото стомаче и покажа како изгледала за време на блажената состојба. Симона и нејзиниот сопруг добија син. Отогаш пејачката ужива во мајчинските денови и во секој миг поминат со наследникот. Пејачката е активна на социјалните мрежи, но не открива премногу приватни детали и не го покажува синчето, одвреме – навреме знае да сподели по некоја фотографија. Овој пат, Симона во кусите приказни на „Инстаграм“ објави фотографија на која позира во кратко здолниште и розов џемпер и изгледа во топ форма само неколку месеци по породувањето. Многу жени, тазе мајки по породувањето се борат со вишокот на килограми, а некои па немаат таков проблем, знаат и да не се здебелат во текот на бременоста. Симона е и секси пејачки и секси докторка само неколку месеци по породувањето. Инаку, македонската пејачка бргу по породувањето се врати на музичката сцена, па така неодамна ја објави својата нова песна „За Нова Година“.

„Убавица си бре“: Јелена Јованова блеска неколку месеци по породувањето (фото)

Христина Ѓоргиевска — Mon, 02 Nov 2020 08:26:32 +0000

Кон почетокот на месец јуни годинава, познатата македонска актерка Јелена Јованова за првпат се оствари во улогата на мајка. Семејството на Јелена се прошири за нов член односно синчето Јаков. Отогаш, водителка ужива во првите месеци на мајчинството, а секој слободен момент го посветува на наследникот. https://arhiva.vistina.com.mk/radio-mileva/jelena-jovanova-ja-objavi-prvata-fotografija-od-sincheto-foto/ Иако помина краток период откако се оствари како мајка, актерката која македонската публика најмногу ја препознава по улогата Јелена од Драчево во серијата „Преспав“ одлучи да се врати на ТВ екраните. Неодамна на својот „Фејсбук“ таа објави дека започнала со снимање, но не откри за кој проект се работи. Меѓутоа, пред некој период започна и снимањата на новата сезона на „Преспав“, па Јованова и се врати на работата. Јелена дека блеска во новата улога на мајка, покажува и нејзината последна фотографија која ја објави на својот „Инстаграм“. Имено, таа објави фотка со поинава фризура односно со поголем волумен, а истата доби повеќе од 6 000 лајкови.

View this post on Instagram

A post shared by Jelena Jovanova Official (@jelenajovanovaperic) on Oct 31, 2020 at 4:16am PDT

Под фотографија се нижеа многу коментари на сметка на актерка, а меѓу нив се најде и оној на Тијана Дапчевиќ која напиша: „Ауу косата, убавица си бре“. Што ќе донесе новата сезона на „Преспав“ останува да видиме.

Вака изгледа Јана Стојановска неколку месеци по породувањето (фото)

Христина Ѓоргиевска — Mon, 02 Mar 2020 07:54:07 +0000

Македонската актерка Јана Стојановкса во септември претходната година се породи во седмиот месец од бременоста и заедно со сопругот кошаркарот Андрија Бојиќ станаа родители на нивниот син Ненад. Јана кога се породи беше во Романија, а тогаш за „Женски магазин“ раскажа низ што поминала. „Ненад нѐ изненади сите, нѐ извади од кондури. Беше 31 август и јас се мислев каде да одам да се сончам дента додека е Андрија на тренинг. Сѐ уште беше лето, два месеци пред мојот термин. Сѐ уште не бев сигурна дали сакам да се породам во Романија или да се вратам во Скопје. Прсна водењакот, не бев ни сигурна што се случува, знам само си реков: „Многу е рано” и трк во првата болница што ни ја препорачаа од клубот. Морав да останам во болницата додека не ми се качат леукоцитите, не можевме да знаеме дали тоа ќе трае еден ден или еден месец“, изјави тогаш Јана. Дека Стојановска и синчето се чувстуваат одлично покажуваат и последните објави на социјалните мрежи каде што актерката се фотогорафира пред огледало во подолг фустан и покажа како изгледа неколку месеци по породувањето. Меѓутоа, актерката исто така објави фотка од синчето кое се повеќе расне и ужива во првите месеци од животот. Некој од следбенците напиша дека Ненад е копија на мама. Бебето го доби името по нејзиниот татко, актерската легенда Ненад Стојановски, а приказната денес има среќен крај – наследникот е во рацете на мама и тато. https://arhiva.vistina.com.mk/radio-mileva/jana-stojanovska-se-porodi-predvreme-a-po-dva-meseci-tezok-period-izleze-od-bolnica-i-go-pokaza-sincheto-foto/