некој – Вистина.мк

Колку време е потребно за да се заљубиме и како да знаеме кога некој е заљубен во нас

Христина Ѓоргиевска — Wed, 13 Oct 2021 14:00:41 +0000

На почетокот на секоја врска, скоро сите луѓе доживуваат таканаречени пеперутки во стомакот и наплив на емоции при самата помисла на партнерот. Но, многу луѓе се прашуваат по колку долго навистина чувствуваме љубов и кога е вистинското време да се каже „Те сакам“. Иако нема единствен одговор на прашањето, бидејќи љубовта честопати не е предмет на статистика и секоја личност ги „обработува“ чувствата во својата временска рамка, науката одлучи да ја разгледа љубовта. Имено, статистиката, извлечена од компанијата за истражување и анализа на пазарот YouGov и веб-порталот eHarmony, вели дека на мажите им требаат во просек 88 дена (околу три месеци) да им кажат на своите партнери или партнерки дека ги сакаат, додека на жените им требаат 134 дена (околу три и половина месеци) да го сторат истото. Студијата исто така открила дека 39 проценти од мажите велат „Те сакам“ во рок од еден месец, додека процентот на жени кои велат „Те сакам“ во првиот месец е нешто помал, 23 проценти. Истражувањето од 2011 година даде слични резултати. Во него се вели дека на мажите им требаат 97 дена да изјават љубов, додека на жените им требаат околу 149 дена. Исто така, ова истражување покажа дека повеќето мажи сметаат дека е прифатливо да кажат „Те сакам“ по еден месец, додека жените сметаат дека е прифатливо да изјават љубов по шест месеци. Иако љубовта е емоција што е тешко да се опише со зборови и многу лесно се чувствува, има луѓе кои не се потполно сигурни во своите емоции од разни причини како што се трауми во минатото, потешкотии што ги носат поради воспитување и слично. Некои од знаците што укажуваат на вистинска љубов се желбата за напредок, желбата за подлабока поврзаност и запознавање со партнерот, чувство на исполнетост и вистинска среќа, вистинска грижа за партнерот, чувство на смиреност и поврзаност што не е само физичко, туку и духовно. Како знаете дали вашиот партнер чувствува љубов кон вас? Најдобар доказ за љубов е, се разбира, искрено и отворено изразување на љубов. Но, во денешниот свет има многу кои поради некоја причина се плашат отворено да зборуваат за своите емоции, па другата страна честопати се прашува како да знае дали таа врска е повеќе од физичка привлечност. Една студија од 2011 година вели дека луѓето кои чувствуваат љубов едни кон други 75 проценти од времето за време на разговорот се гледаат во очи. Некои други знаци на љубов се вниманието на вашиот партнер кон малите нешта што ве прават среќни, грижа и емпатија во убави и тешки моменти, запознавање со важни и блиски луѓе на вашиот партнер, спомнување на иднината во која сте вклучени и смеа и забава во најобичните моменти и обврски што ги изведувате во текот на денот. извор: убавина и здравје

8 причини зошто некој ќе се заљуби токму во вас

Христина Ѓоргиевска — Tue, 28 Sep 2021 12:15:35 +0000

Понекогаш е тешко да се опише зошто некој ни се допаѓа и зошто се заљубуваме во него. Направени се многу истражувања на оваа тема, но има некои работи што може да се издвојат како главни причини зошто некој може да се заљуби во вас. 1. Многумина имаат тенденција да се заљубат во луѓе кои се слични на нив – ако имаат исти вредности, исти животни искуства, приближна возраст. 2. Луѓето знаат да се заљубат во партнер кој наликува на еден од нивните родители, на оној од спротивниот пол. На пример, жената може да ја привлече маж кој ја потсетува на нејзиниот татко. Ова може да се однесува на физичките карактеристики, како што се бојата на очите или косата, но и на карактерот. Децата на млади родители имаат поголема веројатност да бараат помлади партнери. 3. И мирисот игра многу голема улога во привлечноста. На пример, жените за време на овулацијата претпочитаат мажи кои имаат повеќе тестостерон. Или, мажите може несвесно да ги привлече мирисот што го испушта жената за време на плодните денови. 4. Отворениот став кон другите луѓе е, исто така, една од причините за заљубување. Тоа изгледа привлечно. 5. Висината игра важна улога во привлечноста, особено кога станува збор за мажите. Многу жени едноставно сакаат високи и силни мажи бидејќи се чувствуваат побезбедно и позаштитено кога се со нив. 6. Споделувањето возбудливи и донекаде застрашувачки искуства, исто така, може да биде многу привлечно. 7. Луѓето кои живеат блиску имаат поголема веројатност да се заљубат еден во друг. Така, тие имаат можност да го запознаат потенцијалниот партнер во секојдневни ситуации, како и често да наидуваат на него. 8. Насмевката на вашето лице е многу привлечна, а истражувањата докажаа дека позитивните и весели луѓе им се многу попривлечни на другите. Извор: кафепауза.мк

Како да знаете дали некој флертува со вас?

Христина Ѓоргиевска — Wed, 28 Oct 2020 14:15:42 +0000

Според ново истражување на Универзитетот во Канзас, четири од десет луѓе сметаат дека токму очите се најважната работа кога станува збор за заведувањето и флертувањето. Иако повеќето луѓе сакаат да се запознаваат во живо, истражување спроведено на 1.000 возрасни луѓе покажало дека 43 проценти од испитаниците повеќе заведуваат со очите на виртуелните состаноци отколку во состаноците лице в лице. Иако голем број луѓе попријатно се чувствуваат кога запознавањето се одвива преку социјалните мрежи, во живо привлечноста се зголемува за скоро 50 проценти. За само девет секунди контакт очи в очи доволно е да се оствари поврзаност, а сè повеќе од тоа дури 52 проценти од испитаниците го сметаат за чудно. Откриено е дека 3 од 10 луѓе повеќе се трудат да одржат контакт со очи преку камера, за да му покажат на соговорникот дека не го изгубиле интересот за разговор. Истражувањето е спроведено од фирмата Virgin Media, која се здружи со Адриен Картер, експерт за говор на телото, за да понудат насоки и совети на самците кои сакаат да воспостават трајни врски преку социјалните мрежи. „Ако успеете да ја совладате вистинската техника на кокетирање користејќи го контактот со очи, веќе сте на половина пад до вториот состанок“, објаснува Картер. Но, 22 проценти од испитаниците рекле дека погледот кон доле може да навести преран крај на романтиката, со избегнување на камерата или вртење на очите. Освен што ги користат очите за флертување, 48 проценти од испитаниците признале дека намерно избегнуваат контакт со очи во ситуации кога им е непријатно. извор: кајгана

Што точно значи кога некој ве сонува?

Христина Ѓоргиевска — Fri, 16 Oct 2020 12:00:23 +0000

Интерпретацијата на соништата е тема која често ги фасцинира луѓето, но само кога станува збор за своите лични соништа. Kолку и да ви изгледаат интересни вашите соништа, воопшто не ве интересира какви авантури поминал вашиот познајник минатата ноќ за време на спиењето. Единствениот начин на кој можеби ќе ве интересира е ако таа личност ви каже дека и вие сте се појавиле во тој сон. Што всушност значи кога некој друг ве сонува вас? Дали сте некоја посебна личност во неговиот живот, но не знаете или сте само статист во филмот на неговата потсвест? Сигурно барем еднаш ви се случило некој колега или пријател да ви каже дека ве сонувал. Можеби се чувствувавте посебно за момент или започнавте да прашувате што точно правевте во сонот. Подоцна, веројатно се прашувавте каква улога имате во животот на таа личност и зошто таа ве сонувала вас. Во соништата, најважен е контекстот. Многу психолози, но и духовници веруваат дека соништата имаат посебно значење. Вашата потсвест создава сон, а таа ве познава многу подобро отколку вие самите.

„Соништата се симболични, а личноста што се појавува не е таа навистина“, изјави психологот д-р Воката Џорџ за списанието „Хафингтон пост“. Таа верува дека ако сакате да го декодирате сонот, треба да се запрашате каква емоција, мисла или чувство ве поврзува со личноста што сте ја виделе во сонот. Обично личноста која се појавува во сонот е споредна како личност, но важна во однос на тоа што ви претставува. Ако некој ви каже дека ве сонувал, вие како личност немате голема врска со тоа. Речиси е невозможно да откриете што потсвесно симболизирате кај таа личност и нема потреба да размислувате премногу за тоа. Значи, ако некој ви каже дека ве сонувал, не го сфаќајте тоа премногу сериозно. Не станува збор за вас, туку за нив и тоа вам не ви значи ништо. извор: кафепауза

Што се случува кога сте целосно отворени со некој што го љубите?

Христина Ѓоргиевска — Wed, 27 Nov 2019 13:45:00 +0000

Љубовта е нешто најубаво што може да ни се случи. Меѓутоа, ако не е целосно искрена и ако ние не сме целосно отворени кон личноста што ја сакаме тогаш постапуваме неправилно. Отвореноста е клучна за успешна комуникација и здрава врска. Доколку сакате да имате убав однос со вашиот партнер, најмалку што можете да направите за него е да бидете искрени и транспарентни во вашиот однос!

Не треба да криете нешта од него во обид да го заштитите

Не би требало да го лажете дека сте одлично и да кажувате лаги од типот дека во вашиот свет сè е супер во обид да го држите подалеку од лошите работи што се случиле.

Треба двајцата да се однесувате како тим

Меѓусебно треба да си кажувате сè и не смеете да ги криете проблемите од страв да не претставувате товар. Вашиот партнер сака да ви биде поддршка и сака да знае низ што поминувате. Не сака да биде оставен настрана и сака да знаете дека не сте сами и дека тој секогаш ќе биде покрај вас.

Му ги кажувате вашите силни и слаби страни

Му се доверувате за вашите успеси и порази. Зборувате со него за убавите работи што ви се случиле во текот на денот, како и за лошите. Вашиот партнер не сака да страдате во тишина и не сака да погодува што се случува внатре во вашиот ум бидејќи вие одбивате да споделите што ве вознемирува. Не сака да се чувствува дека е изолиран, како да не му верувате доволно за да му се отворите.

Поминувате низ најлошите моменти заедно

Ова е составен дел од врската. Уживате во убавите моменти и си помагате во тешките денови. Тука сте еден за друг и во добро и во лошо. Бидете искрени со него дури и ако тоа ви е тешко или прави да се чувствувате лошо, па дури и слабо. Никогаш не глумете дека не ви е потребна помош од никого. Не се обидувајте сами да го носите товарот бидејќи тогаш само ќе ги влошите работите и ќе ја уништите врската додека се развива. Не сакате вашиот партнер да се чувствува како да направил нешто погрешно, како да не му верувате, и многу лесно да го одбиете од себе наместо да бидете автентични со него. Не би смеело да се почувствува како аутсајдер, како да не е важен дел од вашиот свет, како вашите проблеми да не се негова работа. Не се трудете да го заштитите од глупостите низ кои поминувате, а вие да завршите повредени. Му кажувате буквално сè, затоа што знаете дека ќе биде загрижен ако нешто премолчите Не заобиколувајте да одговорите на прашања ако знаете дека нема да ги сака одговорите. Не ги кријте информациите од него користејќи фрази како: „Јас не лажам“. Не кријте ништо од него и признајте кога нешто ве загрижува. Така заедно ќе ги пребродите тешките моменти, ќе бидете посилни и ќе ја градите врската врз цврст темел! извор:кафепауза.мк