нега на кожата – Вистина.мк

Ирена Спировскa вака ја одржува својата младешка убавина: Добар масер и 3D инфраред ласер (ФОТО)

Слаѓана Атанасова — Thu, 05 Jan 2023 08:43:40 +0000

Јавните личности преферираат да го одржуваат младешкиот изглед на полесниот начин, со пластични операции и многубројни хируршки интервенции. Но, некои од познатите воопшто немаат таков проблем, благодарение на генетиката и природниот изглед. Таков пример е познатата македонска водителка Ирена Спировска пред која годините молчат и кај неа воопшто не се забележува промена на изгледот. Таа е една од оние дами што секогаш изгледаат средено, и прриватно и пред камерите, или пред фото - објективот. Природна кадрава коса, препознатливата шминка и вообичаено елегантните комбинации кога е во прашање имиџот пред камерите. Познато е дека убавата водителката обожава и да планинари, па во опуштено издание често знае да објави нејзини фотографии со некоја од нашите природни убавини. Но, сега легната на козметичкиот кревет без шминка, таа на нејзиниот Инстаграм профил, во кратките приказни го покажа природниот изглед кој воопшто не е многу поразличен од вообичаениот. Ирена Спировска знае како да го негува лицето и во овој период од годината кога студенилото може да наштети. Хируршкиот нож никако, ама затоа ултразвучниот лифтинг со сигурност и беше добредојден, бидејќи само така ќе ја зачува убавината и еластичноста на кожата, а со тоа ќе ја зголеми и самодовербата дека и покрај годините, водителката останува иста и непроменета. Потврда дека за совршена форма на телото и изгледот на лицето не мора да одите кај пластичен хирург... Доволен ви е само добар масер и „3D“ - инфраред ласер“! Фото: Принтскрин/Инстаграм/Ирена Спировска

Совети за кожата и мозолчињата по летото

Христина Ѓоргиевска — Wed, 22 Sep 2021 12:45:39 +0000

Летото заврши, но, ако човекот размислува така, доаѓа уште една одлична сезона и, како што пишува бугарскиот портал „Една“ – совршено време за нега на кожата. Во напорите лете да добиеме „чоколаден тен“, но и давајќи му сјај на лицето со шминка и слично, честопати и целосно се заборава на здравјето и состојбата на кожата. Есента е време кога сѐ тоа правилно се надополнува. Ако случајно во огледалото ги гледате оние црвени или бели „спомени“ од летото и траги од Сонце, топлина, пот, маски и сите „подробности“ кои „одат во полза“ на мозолчињата, нема простор за грижа. Решението почнува со правилно чистење на кожата. Втор чекор е лосионот, но важно е тој да е во согласност со кожата, особено ако таа е мрсна и проблематична. Во тој случај, се препорачуваат лосиони со алкохол, алфа-хидрокси и бета-хидрокси и провитамин Б-17. Тие се погодни и за лицето, но и вратот, деколтето и грбот. Добро е да се нанесува еднаш до двапати на ден и резултатот нема да задоцни. Не се препорачува изложување на сончева енергија веднаш по употребата на кремата. извор: Курир.мк

Kорисни совети за нега на кожата преку лето

Христина Ѓоргиевска — Tue, 13 Jul 2021 12:00:27 +0000

Големата топлина, покрај тоа што влијае на здравјето, има влијание и на убавината, бидејќи силното сонце и високите надворешни температури ја сушат кожата и ја прават да перута почесто во текот на летото. Понекогаш прибегнуваме кон несвесно погрешна нега на кожата, а козметолозите и дерматолозите тврдат дека ова најмногу се однесува на тоа колку често се тушираме при најголема топлина. Еве четири корисни совети за тоа како да ја одржувате кожата здрава во текот на летото.

Бидете внимателни како користите вода

Синоним за добра нега на кожата е честото туширање за многумина, особено кога топлината е неподнослива надвор. И покрај фактот дека е лето, не туширајте премногу често, советуваат дерматолозите. Како што велат, тоа е грешката што обично ја правиме. Премногу туширање може да доведе до сува кожа. По туширање, особено во лето, нанесете хидрантно млеко на телото. Пијте што повеќе вода. Ослободува токсини и овозможува нормално функционирање на организмот. Овошјето и зеленчукот се исто така добар извор на вода, затоа јадете повеќе од оваа храна во текот на летото.

Хидратација на кожата

Експертите советуваат дека во текот на летото не треба да претерувате со богати производи за хидратација. Според нив, треба да користите хидрантен лосион за лице пред спиење, бидејќи истражувањето покажало дека клетките на кожата се обновуваат побрзо во текот на ноќта.

Производи за нега на кожата

Не е препорачливо да користите неколку различни производи одеднаш, бидејќи може да се појави иритација. Во лето, како што советуваат експертите, на кожата треба да ѝ се дозволи да се одмори. Наместо неколку различни, користете еден мултифункционален производ.

Умерено со кафе

Во лето, не се препорачува да се консумираат големи количини кафе, бидејќи овој пијалок може да предизвика дехидрација на кожата. Сепак, тоа ќе биде вистински благодет за вашата кожа ако нанесете производи со кофеин на вашето тело и на лицето. Одлични се против брчки и целулит, но исто така го намалуваат отокот околу очите, што може да биде предизвикано од голема топлина. извор: попара.мк