недостатоци – Вистина.мк

Селма Хаек можеби не изгледа совршено во бикини, но гордо се носи со сите мани и недостатоци (фото)

Слободанка Илиева — Fri, 18 Aug 2023 11:52:04 +0000

Холивудската актерка Селма Хаек периодов е на одмор со семејството и ужива на јахта во Лос Кабос, Мексико. Актерката толку многу уживала со ќерката и сопругот, пливала и нормално, не ги забележала папарацо фотографите кои се фокусирале на нејзиниот целулит, несовршености и сето она поради кое луѓето би го забележале. Јавноста преку коментарите реагираше како никогаш да не виделе опуштено женско тело над 50 години, на море. Сепак,Селма со гордост ги носи сите свои мани и недостатоци и ужива во одморот со саканите. фото:HEM / BACKGRID / Backgrid USA / Profimedia/instagram printskrin

Дали гумата за џвакање се смета за храна: Кои се нејзините здравствени придобивки и недостатоци?

Слаѓана Атанасова — Tue, 13 Sep 2022 11:54:49 +0000

Како ако не ја голтаме? Што е сепак гумата за џвакање? Дали е храна? Не ја јадете, па одговорот е дека не е. Но, ако не е храна, тогаш што е тоа? И за што е? Гумата за џвакање е уникатен вид на храна. Ќе се џвака подолго време, но нема да се проголта. Количината што може секој ден да ја ужива типичниот потрошувач на гуми за џвакање без шеќер носи помалку од 10 калории. Научниците велат дека практиката на џвакање датира уште од каменото доба, кога имало чисто практична функција: гумата за џвакање била вид на лепак што се користел за правење алатки, а џвакањето ја правело поиздржлива. Доказите за тоа се пронајдени во античките цивилизации ширум светот, од модерна Скандинавија до Јужна Америка преку Грција. Првата комерцијална гума за џвакање била произведена во САД во 1860-тите и се засновала на сок од смрека кој го џвакале раните Американци. Наскоро следеле бои и вкусови, а до почетокот на 20 век, гумата за џвакање се правела од синтетички материјали. Гумите за џвакање се појавиле во 1920-тите. Одговорот на прашањето “Што е гумтаа за џвакање?” е ова: тоа е производ составен од гума – смола за џвакање, еластомер за флексибилност, восок за омекнување, со некој вид засладувач (шеќерен или вештачки), глицерин, арома, боја. Диететичарот и нутриционист Ники Харт не е љубител на гуми за џвакање полни со шеќер бидејќи придонесуваат за расипување на забите, но вели дека оние без шеќер може да бидат корисни, пишува „Stuff“. Харт, исто така, верува дека гумата за џвакање може да помогне да се „преболи“ друга орална фиксација како пушење. Што се однесува до другите придобивки, науката е поделена, но има различни причини зошто џвакањето гума без шеќер може да делува како помош за губење на тежината. Некои истражувања покажаа дека џвакањето го зголемува протокот на крв во мозокот, што го зголемува пулсот и согорува дополнителни калории. Нејзината поголема грижа е поврзана со ефектот врз дигестивниот тракт. Суштинската состојка во секоја гума за џвакање без шеќер е нехранлив засладувач или замена за шеќер. Работите како сорбитол, полиол или аспартам се причината зошто гумата за џвакање носи предупредување дека прекумерното консумирање може да доведе до дијареа. Ненутритивните засладувачи се особено лоши за луѓето кои имаат состојба како IBS, вели Харт, бидејќи тие можат да ги влошат симптомите. Можат и да предизвикаат гасови и надуеност. Прекумерното џвакање предизвикува и голтање воздух, што исто така може да предизвика надуеност. Но, дали тоа е храна? Според американската Администрација за храна и лекови (ФДА), гумата за џвакање се смета за храна бидејќи терминот „храна“ значи „сирова, варена или преработена супстанција за јадење, мраз, пијалок или состојка што се користи или е наменета за употреба или за продажба како целина или делумно за човечка исхрана или гума за џвакање“. Извор:Курир.мк

Како да ги прифатите маните на вашиот партнер?

Слободанка Илиева — Wed, 11 May 2022 13:00:38 +0000

Психолозите често нагласуваат колку е важно да се прифатат слабостите на партнерот во остварувањето здрава љубовна врска. Никој не е совршен и сите имаме свои мани. Сè додека овие недостатоци не нѐ загрозуваат и не се извор на големо незадоволство или несигурност, ние едноставно треба да ги прифатиме. Како да го направите тоа? Следете ги овие совети на терапевтите. Преиспитајте колку се овие маани сериозни Честопати нè нервираат некои аспекти на личноста на нашиот партнер кои не се баш премногу важни. Нашата фрустрација тогаш расте, но мора да се прашаме дали е оправдано во однос на тоа колку навистина се значајни недостатоците на партнерот. Ако вашиот партнер е емоционално сигурен и ги има сите други фундаментални квалитети што ви се многу поважни, тогаш едноставно игнорирајте ги споменатите ситници. Прифатете ги сопствените недостатоци Првиот чекор во прифаќањето на недостатоците на вашиот партнер е сознанието дека и ние ги имаме. И можеме да го иритираме партнерот со некои наши навики или карактеристики. Во моментот кога ќе се фокусираме на неговите недостатоци, забораваме дека и ние не сме совршени. Ние секогаш ја гледаме ситуацијата од наша перспектива, но понекогаш е добро да ја разгледаме ситуацијата и од нашиот партнер, со цел подобро да го разбереме неговото однесување. Размислете зошто одредени маани на партнерот толку многу ве нервираат Можеби ве потсетуваат на претходни лоши љубовни искуства и ги активираат старите чувства во вас. Во тој момент вие всушност не реагирате на однесувањето или личноста на вашиот партнер, туку на сеќавања и претходни настани, т.е. луѓе во вашиот живот. Не принудувајте го партнерот на неважни промени Нормално е да очекувате од партнерот да промени некоја форма на лошо однесување што негативно влијае на вас, него или вашата врска. Ова се големи, важни и значајни промени што можат да ја подобрат љубовната врска. Сепак, не можеме да очекуваме човек да промени сè само заради нас, а особено не да менува некои ситници што воопшто не нѐ загрозуваат, туку само повремено ни „одат“ на нерви. Не заборавајте дека некои навики или однесувања се резултат на вредностите на вашиот партнер кои можат да бидат различни од вашите. Во тој случај, треба да размислите дали сакате да бидете со личност која не ги споделува вашите вредности или не ви пречи да бидете различни. извор: kajgana.com

Три „недостатоци“ што жените ги сакаат кај мажите

Riste Zdravkov — Thu, 19 Aug 2021 09:32:27 +0000

Машкиот шарм многу тешко може да се опише со зборови. Многупати овој скриен сексапил е составен од мали нешта што го прават мажот посебен и, едноставно, неодолив. За што точно станува збор, најдобро знаат жените. Ова се трите „недостатоци“ што жените ги сакаат кај мажите: Очила Иако во детството ги избегнувавме момчињата кои делуваа како бубалици, денес очилата се еден совршен моден детаљ што ги интересира жените. Внимателно избраните очила оставаат впечаток на искуство, зрелост и интелигенција - одлики на кои ретко која жена може да одолее. Тридневна брада „Младата“ брада од само три дена е вистинска мамка за жените. Не станува збор за брадата како таква, туку за нешто бунтовно и многу лежерно во изгледот на мажот. Сива коса Според едно истражување, повеќе од две третини од жените ја сметаат сивата коса пожелна кај мажите. Ричард Гир беше пионер на овој изглед, и сè уште привлекува воздишки кај жените. Иако сè повеќе мажи денес прибегнуваат кон фарба за коса за да ги прикријат првите знаци на стареење, жените повеќе сакаат мажи со уредни сиви прамени, отколку вештачки изглед што не може да не се забележи.

Предности и недостатоци: Дали е подобро да водите љубов наутро или навечер?

Христина Ѓоргиевска — Mon, 01 Mar 2021 13:14:30 +0000

Едно истражување од 2015, организирано од Ловхони, откри дека мажите имаат тенденција да водат љубов наутро. Поточно, помеѓу 6 и 9 часот, додека жените се генерално порасположени во текот на ноќта помеѓу 23 и 2 часот наутро. „Исто така, вашата возраст може да биде фактор во вашиот склопот на распоред за водење љубов“, рече сексуалниот терапевт и истражувач на невронаука, Нан Вајз. „Младите обично се ноќни птици и навечер може да бидат позаинтересирани за секс“, објасни таа. Но, дали навистина постои „најдобро“ време од денот за водење љубов?

Утрински секс

Дали знаете која е причината што мажите особено сакаат да водат љубов пред појадокот? Околу 8 часот наутро нивото на тестостерон е на својот врв. Исто така, невротрансмитерите што прават да се чувствувате добро, како ендорфин и допамин, се ослободуваат за време на сексот, „што е одличен начин да бидете добро расположени и да го започнете денот на најдобар начин“, изјави сексуалниот терапевт Назанин Моали, водителка на подкастот „ Sexology “. Но, постојат некои потенцијални недостатоци. Имено, утрата се тешки за луѓето кои треба да жонглираат со повеќе задачи, како што се подготвување за работа, подготвување појадок и носење на децата на училиште. Густиот распоред може да им отежне на некои луѓе целосно да присуствуваат и да го уништат расположението за секс. „За некои, оргазмите и сексуалните активности се исцрпувачки, а потоа им треба пауза“, додаде сексологот Робин Вилсон-Бити.

Вечерен секс

Сексот навечер е популарен со причина, рече Вилсон-Бити. Дури откако секојдневните настани ќе бидат зад нив, партнерите конечно имаат шанса да се релаксираат и да се поврзат без да им се одвлекува вниманието. Уште еден бонус? Благодарение на ослободувањето на хормони како пролактин и окситоцин, сексот пред спиење може да им го олесни на некои луѓе спиењето. „Меѓусебното задоволување на физичката и менталната интеракција пред спиење го подобрува расположението, го ублажува стресот и го олеснува затворањето на зафатениот ум за да ни помогне да заспиеме“, вели Амер Кан, невролог и специјалист за спиење, додавајќи: „Ако задоволителен оргазам после возбудливата предигра е дел од таа интеракција, исто така, најверојатно, ќе доведе до подобар сон “. Од друга страна, ако сте веќе психички исцрпени пред да легнете, водењето љубов може да биде последното нешто што ви паѓа на ум.

Не заборавајте на попладневните задоволства

„Ова може да биде совршен компромис за паровите кои имаат различни склоности кога станува збор за водење љубов“, рече Моали, додавајќи: „Друга дополнителна придобивка од ова е воведувањето на промена во сексуалните рутини на паровите, што може да им помогне да се ослободат на сексуална досада “.

Па, кое е најдоброто време за водење љубов?

Експертите се согласија дека нема идеално време за секс. Тоа зависи од тоа што одговара на вас и на вашиот партнер. Но, ако вие двајца имате различни преференции, не грижете се. Сè додека можете искрено да зборувате за она што го сакате, можете да најдете решение со кое и двајцата ќе бидете задоволни. Извор: попара.мк

Заради зборовите на оваа колешка, Рада Манојловиќ отрча да стави нови заби: „Мене момчињата не ми наоѓаа маани, туку медиумите“ (ФОТО)

Антонио Димитриевски — Tue, 01 Oct 2019 11:05:24 +0000

Како и многу други кандидати, така и Радмила Манојловиќ пред неколку години мораше да го трпи судот на членовите на жирито на „Ѕвездите на Гранд“. Иако важи за една од најзгодните пејачки, жирито на музичкото шоу беше суров кон Рада, па ја советуваа да оди на разни естетски корекции. „Мене момчињата не ми наоѓаа недостатоци, туку медиумите. Се коментираше: „Радо, рамна си како даска, зголеми ги градите. Среди го носот, среди го тој клун. Имаше разни злонамерни коментари, а такво нешто ми нема кажано некој кој ми е близок или кој се грижи за мене“ вели Рада и додава: „За секоја девојка која е на почетокот на кариерата, а посебно за мене, која дојде од село во голем град, не е лесно да се сретне со такви наслови. Сепак, најдоа погршена бидејќи кога ќе проработи селскиот инает – готово е. Јас сум некој кој докажа дека може да направи кариера и покрај сите тие недостатоци“. Таа објасни дека единствена работа која корегирала на себе се забите. „Единствена работа која ја корегирав на себе се забите. На тоа ме советуваше Снежана Ѓуришиќ. Јас не сакав да ги средам забите, се додека сама не ги погледнав снимките и не видов дека тоа на телевиизја изгледа ужасно. Сакав да имам насмевка како Анџелина Џоли. Но, тоа беше моја желба. Се друго за кое ми велеа дека не е убаво, го видов на видеата и тоа не ми пречи“ вели пејачката.

Кои се недостатоците на сексот на плажа

Наташа Тасевска — Thu, 12 Jul 2018 13:47:31 +0000

Лето е и конечно сте на одмор со партнерот или пак сте сами, а се надевате дека сепак некој ќе „влета“ затоа што сте и повеќе од спремни за летна авантура. Колку и да звучи примамливо, возбудливо и романтично сексот на плажа, морате да бидете внимателни. Да, ако треба да се биде внимателен тоа не е спонтано и опуштено, но подобро е да се спречи отколку да се лечи, па затоа еве неколку недостатоци при секс на плажа: Не во јавност! Мирисот на морето (езерото), звукот на брановите и полуголите тела можат да делуваат страствено и секси, но да бидете фатен на јавно место за време на сексуален чин брзо ќе ве врати во болната реалност, особено ако во непожелната публика се најде и некој полицаец. Не само што можат да ви го „изгорат“ новчаникот, туку можат и да ве приведат. А тоа дефинитивно не е во вашиот план за овој одмор. И затоа внимателно одберете некое скришно место, далеку од баровите на плажа, приватните куќи и патиштата. Да изгорите, но не од страст Иако најчесто сексот на плажа се одвива во текот на ноќта, некои се впуштаат во тој чин и во текот на денот, а тогаш постои можност да изгорите од сонцето. Не е баш препорачливо во налетот на страста вие да престанете за да се намачкате со крем за сончање. За да ја задржите спонтаноста најдобро е да најдете некое место под некоја сенка.

Леле, боли! Ако можете да бирате меѓу песочна плажа и плажа со камења, одберете го она кое е по погодно да се тркалате. Во моментот тоа можеби и нема да ви биде важно затоа што треба да ја изгасите распламтената страст, но последиците ќе ги почувствувате покасно. И затоа ако при рака имате некој пешкир искористете го. Бидете внимателни со песокот На некои песочната плажа им е попривлечна за тркалање по неа, но зрнцата песок можат да предизвикаат проблеми. Дури и додека сте на пешкир (лежалка) песокот може да ви влезе под кожата на пенисот и може да предизвика болки за време и после сексот. Исто така постои и можност песокот да ја иритира осетливата кожа околу вагината. Песокот може и да го скине кондомот, а знаете кои се можните последици доколку тоа се случи. После секс на песочна плажа мокрењето е најлесен начин да се решите од песокот (доколку го има) во уринарниот канал.

Секс во вода Доколку сакате да имате секс во вода внимавајте затоа што може да дојде до внесување на разни бактерии во вагината. Ова доведува до опасност од инфекции. Ако кориистите кондом со спермициден гел, водата може да го измие. Како што можете да видите сексот на плажа не е едноставен. Можеби е подобро да се напиете од коктелот Sex on the beach и со тоа да се задоволите. Одлуката е ваша.

Женски маани кои мажите ги обожаваат!

Слободанка Илиева — Tue, 19 Dec 2017 12:48:21 +0000

Никој од нас не е совршен. Сите ние имаме маани. Некои од нив ги сметаме за маани, а на некој друг тоа му изгледа толку слатко. Ова се најчестите женски маани кои мажите ги обожаваат: Стомаче Можеби вас ве нервира, но вашето стомаче им изгледа многу секси на мажите. Меката кожа е она што ги излудува. Мали гради Многу од жените сметаат дека мажите сакаат големи гради, а во тоа грешат. На мажите не им е најважна големината на градите. Едно истражување покажало дека мажите многу повеќе забележуваат убав задник, отколку големи гради. Широки колкови Доколку имате широки колкови и тоа ви претставува прблем при одбирањето облека, да ве утешиме дека мажите едноставно тоа ги привлекува. Затоа не се трудете толку да ги сокриете, едноставно мажите сакаат женственост,а широките колкови токму на тоа ги асоцира. Процеп помеѓу забите Денес многу познати модели, кои се едни од најбараните имаат простор помеѓу забите. Тоа пред извесен период беше светски тренд, па во забните ординации имаше многу побарувачки за да се направат процеп помеѓу забите. И мажите се согласуваат со ова, процепот помеѓу забите им изгледа многу секси и заводливо. извор:боза.мк