недеља – Вистина.мк

Во „Преспав“ јавноста дозна која е Исаура, а на снимањето филмот за Џеј – „Недела“, Емра Куртишова дозна дека е бремена, но и дека татко и нема да го дочека раѓањето на нејзината ќерка Лена (ВИДЕО)

Антонио Димитриевски — Wed, 07 Feb 2024 07:33:33 +0000

Иако за љубителите на театарската уметност и претходно не беше анонимна, особено за помладата публика како професионален актер во „Театарот за деца и младинци“ во Скопје, пошироката јавност сепак ја запозна дури по емитувањето на третата сезона на популарната македонска серија „Преспав“, кога се појави во ликот на собарката Исаура, која му стана голема љубов на рецепционерот Талат. Актерката Емра Куртишова со оваа улога преку ноќ ја освои публиката, па како еден од познатите и популарни ликови во „Преспав“ стана етаблирана актерска ТВ ѕвезда за која јавноста и медиумите почнаа се повеќе да се интересираат и почесто да ја третираат. Порталите на своите насловници, ТВ емисиите како гостинка во нивните најнови изданија, Јутјуб просторот и подкастерите исто така неретко ја седнуваат пред камерите... Исклучок не направи ниту најстариот и најгледаниот естраден ТВ магазин кај нас, „Бекстејџ“ кој во интервју пред камерата ја седна актерката за која се повеќе гласно се зборува. Особено по уште едно маестрално остварување, овој пат регионално и на големото платно, откако одлично ја одигра улогата на мајката на починатата естрадна ѕвезда Џеј Рамадановски, во неговиот автобиографски филм „Недеља“, чија премиера се прикажува и во Македонија. Како што по некое непишано правило убавите случки се случуват случајно, така и Емра станала дел од актерската екипа на филмот за животот на Џеј. Како ја добила улогата, дали знаела воопшто нешто за животот на пејачот претходно, кој и помогнал во снимањето на пробното домашно кастинг видео, како течел процесот на градењето на улогата... За свадбата, бременоста, загубата на таткото непосредно по стапувањето во брак, за поврзаноста со него и последните денови и мигови пред тој да замине од овој свет, за болката кога додека била бремена сфатила дека татко и нема да го дочека раѓањето на нејзината ќерка... И за уште некои непознати нешта за неа, македонската актерка Емра Куртишова „ја отвори душата“ пред камерата на „естрадниот ТВ магазин од зад сцената“. Погледнете го видеото во продолжение...

Аца Лукас бесен, не дојде на премиерата на филмот за Џеј, „Недеља“: „Дојдоа на црвениот тепих да ронат лажни солзи, а кога му беше најтешко, никој не му помогна“

Антонио Димитриевски — Mon, 22 Jan 2024 13:06:32 +0000

Аца Лукас јавно удри по пријателите на Џеј кои се појавија на премиерата на филмот „Недела“, велејќи дека дошле само да ја оживеат својата кариера. Филмот „Недела“, кој раскажува за животот на легендарниот пејач Џеј Рамадановски, светлото на денот го здогледа на 16 јануари, кога беше премиерно прикажано споменатото уметничко остварување. На премиерата се појавија многу јавни личности, освен пејачот Аца Лукас, кој беше голем пријател на Џеј. Фолкерот сега објави стара фотографија со Рамадановски и откри зошто не се појавил на црвениот тепих. Тој исто така додаде дека никогаш нема да го гледа споменатиот филм. „Јас го сакав Џеј искрено, до последниот момент од неговиот живот, па и денес и засекогаш. Бев со него до крај, бидејќи тој е всушност единствениот човек на оваа наша таканаречена тажна естрада кого го сакав и почитував. И сите го знаат тоа. И ако ме прашате зошто не се појавив на премиерата на филмот за Џеј, ќе ви кажам. Да, не се појавив, поточно не ни сакав да се појавам, а сега јавно кажувам дека сите знаат дека никогаш нема да го гледам филмот, токму од љубов и почит кон таа големина и тој човек кој толку многу го сакав. Затоа што кога ќе ја видите огромната листа на оние кои на овој или оној начин учествуваат во филмот и околу филмот, ќе ви кажам „да не претеруваме и да кажеме 100 проценти, но 99 проценти од нив се оние кои исклучиво ги користат неговата смрт и неговата несреќа. Сите што ја знаат и оваа наша таканаречена сиромашна естрада знаат за што зборувам“ - истакна Лукас. Лукас потоа удри по луѓето кои се појавија на премиерата, велејќи дека дошле да ја оживеат својата кариера на сметка на неговото име. „Во последните, па, можеби десет години од неговиот живот сите го плукаа, му се потсмеваа, па дури и го газеа, никој од нив не беше тука за него кога беше најтешко, а сега дојдоа да се прошетаат на црвениот тепих и пуштат лажни солзи, мислејќи дека тоа што му го направиле во текот на животот никој не го забележал или заборавил. Гледаш, јас не сум од нив. Дојдоа да ги вратат своите кариери кои долго време се во сериозен пад, во името на починатиот, дојдоа да зборуваат колку го сакаат, но никој не му помогна и не сакаше да му помогне кога беше најтешко. Освен неколку луѓе, чии имиња нема ни да ги спомнам, а ни тие не би сакале, затоа што вие помагате за да помогнете, а не за да знаат другите. Па, затоа не дојдов на премиерата, бидејќи навистина го сакав, почитував и ценев, бев со него до крај“. Потоа Аца Лукас му се обрати на Џеј со емотивни зборови: „Од сите лицемери, сечикеси и ѓубриња, без разлика дали се од забавна музика или од други сфери, можам да ги исклучам само неговите деца, неговата Андријана, неговиот Руле, јас и еден наш заеднички пријател, се вика Влада, а добро... познат бизнисмен кој секогаш беше тука кога требаше. Ова е тажната вистина на нашата мизерна средина и луѓето кои ве тапкаат по рамо и наводно ве сакаат. Драг мој Џони, ќе разбереш зошто не бев на таа премиера. Кон крајот ти реков да се вратиш, да снимиме нешто, ти дадов песна, се сеќавам, малку грубо ти кажав Џеки, нема да дојдам на твојот погреб, туку ќе дојдам на твојот нов концерт. За жал, тоа беше погреб. И секако дојдов, морав да те испратам за последен пат. Но, не можев да присуствувам на оваа парада на лицемерие и лажна љубов. И знам дека ќе ми простиш. Твојот Бушав те сака засекогаш“ - завршува пејачот. Фото: Инстаграм/aleksandar_vuksanovic_official

Излезе трејлерот за автобиографскиот игран филм за фолк ѕвездата Џеј Рамадановски: По „Тома“ дали „Недеља“ е уште еден филмски хит? (ВИДЕО)

Антонио Димитриевски — Thu, 26 Oct 2023 12:10:25 +0000

Првиот трејлер за долго очекуваниот автобиографскаи игран филм „Недеља“ кој го следи животот на еден од напопопуларните и најпознати српски фолк пејачи Џеј Рамадановски, излезе и конечно може да се погледне. Инспириран од вистински настани, филмот е создаден по идеја на продуцентот Владан Анѓелковиќ и сценаристот Стефан Бошковиќ, а во режија на Немања Ќераниќ и Милош Радуновиќ. Во него се раскажува приказната за Џеј од неговата најрана младост, па сè до големиот успех што пејачот го постигна. Да потсетиме, Џеј почина во својот дом на 6 декември од срцев удар. Најпрвин му се слошило, а лекарите од брзата помош се обиделе со реанимација, но немало начин да го спасат. Зад себе остави бројни хитови, а најпознат меѓу нив е „Недеља“, денот кога и почина. Филмот за Џеј наскоро ќе почне да игра во киносалите ширум регионот. Фото: Јутјуб принтскрин

Еве кој пејач ќе го глуми ликот на Џеј Рамадановски во филмот „Недеља“ (фото)

Слободанка Илиева — Mon, 03 Apr 2023 09:11:34 +0000

Деновиве беше објавено дека започнало снимањето на филмот „Недеља“ кој ќе биде инспириран од ликот и делото на легендарниот Џеј Рамадановски. Очигледно сите најмногу ги интересираше кој ќе го глуми ликот на пејачот, а изборот падна на Хусеин Хуса Алијевиќ, попознат како „ Хуса Бит Стрит“, пишува Курир.рс

View this post on Instagram

A post shared by Husa Beat Street (@huliobg)

Со оглед на тоа дека филмот ќе ги прикаже речиси сите моменти од животот на Џеј - од детството на пејачот и растењето во дом за деца, како и неговиот пат до славата, Хуса во еден период од неговиот живот ќе го глуми Џеј. Со оглед на тоа што Хуса важи за една од легендите на „90-тите“ кога беше актуелен, не е чудно што јавноста е љубопитна кога е во прашање неговиот приватен живот. Тој беше во брак со пејачката од групата „Беба“, но љубовта не траеше. Сепак, среќата повторно му се насмевна и сега ужива во љубовта со 25 години помладата Андреа Дошен.

View this post on Instagram

A post shared by Husa Beat Street (@huliobg)

Андреа Дошен откри дека не знаела кој е тој кога се запознале, но дека ги пеела неговите песни на екскурзии со училиштето, имајќи предвид дека во времето кога групата била на својот врв, Андреа штотуку се родила. - Навистина не знаев кој е кога се запознавме. Првиот пат дури и не се сетив на неговото име. Ја знаев песната „Опсесија“, ја пеев како дете на екскурзија, но не знаев кој е Хуса или дека е пејач. Дури подоцна дознав кој навистина е – рекла таа.

„Недеља“: По „Тома“, Србите ќе снимаат филм и за Џеј

Антонио Димитриевски — Thu, 02 Dec 2021 13:29:53 +0000

По големиот успех со филмот за Тома Здравковиќ, Србите ќе снимаат филм за уште една фолк ѕвезда која годинва почина- легендарниот - Џеј Рамадановски. Филмот ќе се вика „Недеља“ по неговиот најголем хит, а продуцентите се надеваат дека тој исто како и „Тома“, ќе има голема гледаност. „Возбудливата приказна за животот на Џеј Рамадановски ќе биде раскажана без прекумерна патетика, со впечатливи ликови. Сценариото ќе се придржува до важните факти од биографијата на пејачот, третирајќи ги со сочувство кон главниот јунак, со кој приказот на суровата реалност со која беше принуден да се соочи не е доведена во прашање, туку напротив, како што треба да биде во успешните филмски остварувања“ - велат продуцентите.

Саша Матиќ открива зошто Џеј речиси никогаш не ја пеел „Недеља“

Слободанка Илиева — Wed, 16 Dec 2020 09:06:10 +0000

Популарниот пејач Саша Матиќ во гостувањето во „Пулсот на Србија“ на телевизијата Курир се осврна на неодамнешните настани и големите загуби што ги претрпе српската музичка сцена. Бидејќи веста за смртта на Џеј Рамадановски ја потресе јавноста, Саша и неговите колеги на особено трогателен начин се збогуваа од легендата на народната музика. Џеј беше погребан во Алејата на заслужни граѓани со звуците на неговата позната „Недеља“, а малкумина знаеја зошто Џеј ретко ја пееше оваа песна.

View this post on Instagram

A post shared by Dzej Ramadanovski (@dzej_ramadanovski)

- Знам дека кога ја пееше „Недеља“, секогаш плачеше. Емоционално ја доживеа таа песна. Таа веројатно го поврза со неговото детство, неговите родители, неговите сестри ... Но, постои друга причина зошто ретко ја пееше „Недеља“. Обично започнуваше со некои балади на настапи и потоа започнува со побрз ритам. Мора да ја чувствувате публиката и да постапувате во согласност со неа. Мора да почувствувате што сакаат во тој момент да им пеете - вели Саша.

Панчо – ДНК и Огнен Здравковски со иста песна се простија од Џеј: „Недеља“ како последен поздрав до фолк легендата во чии вени течеше и македонска крв (ВИДЕО)

Антонио Димитриевски — Mon, 07 Dec 2020 08:19:54 +0000

Замина Џеј... Замина уште една фолк легенда, во чии вени течеше и македонска крв. Човекот чии песни го растреперуваа срцето, ја топеа душата, ги нижеа емоциите во низа од солзи како бисери... Човекот кој како ретко кој знаеше да ја пренесе патината преточена во стихови низ песна, знаеше да го преслика животот во неколку строфи кои и најцврстиот успеваа да го разнежнат и најкрутиот да го растопат... Таква емоција во пеењето тешко дека ќе се повтори или можеби никогаш и нема... Естрадата тагува по загубата, колегите жалат по Џеј... И оние од српската естрада, но и целиот регион, меѓу кои и нашите естрадни ѕвезди, зашто Џеј не беше само пејачиште какво што се раѓа еднаш во векот, туку и мал - голем човек... Или поточно душа од човек... Со тежок живот, особено детството и тинејџерскиот период, боем од младоста па се до последниот, до судниот ден, до онаа судбинска „Недеља“ која пред многу години и самиот си ја испеа и опеа во веројатно неговиоит најголем хит и вечен фолк евергрин... Недела му беше и судниот ден кога престана да чука неговото срце, кршејќи ги срцата не само на неговите најблиски, најмилите, семејството, туку и на сите што го познаваа, се дружеа со него, пееја заедно, но и на сите оние кои ги знаеа и пееја неговите неповторливи песни... Од кафеана до свадба, од тага до веселба... Затоа естрадата и нејзините најголеми ѕвезди со огромна почит, со најголем пиетет се простуваат од Џеј... Со грст емоции, море од солзи и зборови преточени во највпечатливите стихови од неговите песни... Но и со испеани рефрени, со дел од неговите песни и во нив вткаено парче душа, за последно збогум на пријателот, на легендата... https://arhiva.vistina.com.mk/radio-mileva/estradata-se-prostuva-od-dzej-ramadanovski-nedela-a-povekje-nema-da-ve-gushnam/ Македонските музички ѕвезди не се изклучок. Многумина повеќе или помалку познати го направија истото преку социјалните мрежи. Највпечатливи двајца естрадни уметници, едниот поискусен, другиот многу помлад. Едниот ар-ен-би ѕвезда другиот млада „Гранд ѕвезда“, едниот дел од во моментов најпопуларното дуо во Македонија, другиот еден од најперспективните млади пејачи кои потекнуваат од познато музичко семејство... Панчо - ДНК и Огнен Здравковски со огромна почит и респект се простија од Џеј Рамадановски со иста песна... Онаа неговата, судбинска, во која уште оддамна самиот си го претскажа и опеа денот кога замина - „Недеља“. „Еден од моите омилен еснаф фолк изведувачи. Легендо, боемчино, патувај спокојно“ - најпрвин напиша Панчо ставајќи емотикон со скршено срце покрај споделениот пост. Потоа, сподели уште еден со видео, на кое и самиот ја изведува песната некаде, во кафеана иако фолкот ниту оддалеку не му лежи, ниту е „негова музика“... Но емоцијата што ја носеа песните и интерпретацијата на Џеј, очигледно се сечии... „Кога другарите ме тераат да им 'пеам' секогаш го бирав него и Недеља“ - напиша Панчо па покрај споделеното видео со неговата изведба. Младата македонска „Гранд ѕвезда“, дете од едно од најпознатите наши музички семејства - Џорлеви, пејачот Огнен Здравковски исто така речиси на идентичен начин се прости од Џеј. „Недела и сите сме тука, а тебе со нас те нема... Почивај во мир легендо“ - напиша Огнен во прошталната порака покрај видеото на кое и тој изведува дел од вечниот судбински евергрин на Џеј.