небојша глоговац – Вистина.мк

Актерот Небојша Глоговац и Шабан Шаулиќ се погребани еден до друг: На денешната Задушница попот заплака, а семејството на Шабан не се појави (ФОТО)

Антонио Димитриевски — Sat, 02 Mar 2019 12:21:07 +0000

Во согласност со православните обичаи на денешната Задушница, денес, на 2 март 2019, на Новите гробишата во Белград на местото каде што еден до друг се погребани прерано починатиот актер Небојша Глоговац, кој пред нешто повеќе од една година почина од канцер и неодамна трагично загинатиот крал на фолк музиката, Шабан Шаулиќ беше на моменти потресно, на моменти чудно. На гробот на својот син, прв пристигна таткото на Небојша Глоговац, свештеникот Милован Глоговац.

Таткото на незаборавниот актер кој е погребан во Алејата на заслужни граѓани, отец Милован положи цвеќе и запали свеќа на вечниот дом на неговиот прерано заминат, никогаш непрежален син. Тој беше видно потресен и не можеше да ги задржи солзите додека бдееше над гробот на своето чедо. Потресната сцена ги погоди сите оние што се најдоа во тој миг на местото, како и почитувачите на делото на починатиот актер, кои сочувствуваа со свештеникот во солзи.

Неодамна трагично загинатиот Шабан Шаулиќ пак, почива веднаш до актерот Небојша Глоговац. Иако на 22 февруари, на неговиот погреб дојдоа да го испратат за последен пат над пет илјади луѓе, на на големата зимска Задушница, семејството Шаулиќ го немаше на гробиштата, што многумина ги стави во недоумица и чудење?!

Но, членовите на семејството на починатиот пејач, ќерките Илда и Санела, сопругата Гордана и синот Михаило одлучиле да го почитуваат православниот верски обичај, да не се појавуваат на гробиштата за Задушница, бидејќи од денот погребот се' уште не поминале 40 дена.

На комеморацијата на Небојша Глоговац се случи нешто што е непоимливо за Балканот: Бившата и сегашната сопруга на актерот, прегрнати се тешеа скршени од болка! (ФОТО)

Антонио Димитриевски — Tue, 13 Feb 2018 11:29:53 +0000

На вчерашната комеморација на актерот Небојша Глоговац во Југословенско драмско позориште, се собраа голем број негови колеги и јавни личности да му оддадат последна почит. Меѓу сите нив разбирливо и семејството.

Поранешната сопруга Мина Глоговац и неговата актуелна сопруга Милица Шчепановиќ, не само што се најдоа една до друга туку на комеморацијата и погребот на прерано починатиот актер се случи нешто што тешко може да се поверува, особено на овие балкански простори... Нешто што се разликуваа од другите вакви испраќања. Имено двете сопруги на покојниот актер Мина и Милица, заедно дојдоа на комеморацијата, за цело време беа заедно и прегрнати се тешеа една со друга.

И покрај тоа што нивната тага беше неописива, а болката немерлива, глетаката беше непоимлива за нашиот балкански менталитет и сфаќања... Глетка која допира. Заедничка љубов, заедничка тага, за различен живот... на два жени со ист човек!

Трагедија: Почина актерот Небојша Глоговац!

Слободанка Илиева — Fri, 09 Feb 2018 10:47:48 +0000

Актерот Небојша Глоговац (48) почина синоќа во Клиничкиот центар Србија, пренесуваат српските медиуми. Според пишувањата тој починал на одделот за пулмологија, каде поради влошена здравствена состојба е примен пред два дена. Глоговац и пред 10 дена бил итно примен на Институтот за онкологија. Тогаш медиумите пишуваа дека познатиот актер е тешко болен и дека неговата здравствена состојба е сериозна. Од актерот утринава на Фејсбук се прости и неговата колешка Наташа Нинковиќ, како и Тијана Дапчевиќ, музичарот Жељко Јоксимовиќ.

-Засекогаш во моето срце! Со ангелите мил мој... напиша актерката.

-Остана голем уметник!Тага!вечна ти слава Небојша, сочувство до семејството, напиша Јоксимовиќ.

-Е мој Глоги...прерано! Нека те чуваат ангелите!, се прости и Тијана Дапчевиќ.

Инаку, Небојша Глоговац е роден на 30-ти август, 1969 година во Требиње, во семејство на свештеникот Милован и Милена Глоговац.

Семејството се пресели во Панчево кога Небојша имал само 7 години. Глоговац имаше мала улога во 1987 година во тогаш многу популарната серија „Бољи живот“. По средното училиште запишува студии по психологија во Белград, а по две години студии се предомислува и во 1990 запишува глума на белградскиот факултет за драмски уметности.

Глоговац играше бројни улоги како на телевизија така и во театар. Една од неговите последни улоги беше во ТВ серијата „Неманјиќи – Раѓање краљевиње“, која наскоро ќе почне да се емитува на РТС. Ја играше улогата на Вукан, најстариот син на Стефан Немања.

И сестрите на одделот на кој се лечи актерот Небојша Глоговац плачеа, иако тој храбро се бори против опаката болест!

Антонио Димитриевски — Tue, 30 Jan 2018 13:45:13 +0000

Брилијантниот српски актер, кој се лекува во Институтот за онкологија, ниту за момент, не покажал слабост или гест со кој што ќе и се предаде на злокобната тешка болест. Познатиот актер Небојша Глоговац (48), кој минатата недела беше примен во Институтот за онкологија и радиологија на Србија (ИОРС), не потклекнал со духот и покрај најголемата животна борба што ја води.

Вработените во Институтот, како и пациентите кои го делеле одделот со него, велат дека во ниту еден миг актерот не покажал дека се предал. Изворите велат дека неверување владее и меѓу лекарите и меѓу сестрите кои не можат да сокријат солзи по ходниците, дека токму нему ова му се случува. Глоговац бил примен во Институтот на 24-ти јануари, а неговата здравствена состојба е многу сериозна.