Даниел Дан ги „обработи“ момците од „Дупер“ – „Не сум твој тип“ (ВИДЕО)

Антонио Димитриевски — Sat, 11 Apr 2020 11:02:12 +0000

Под мотото “Quarantine and Chill“ Даниел Данн и неговиот бенд, како дел од шоуто “HIT THE HITS“ го создадоа каверот на темата „Не сум твој тип“ од Дупер. „Во време кога настапите нам музичарите ни се откажани јас и мојот бенд решивме дека токму ова е вистинскиот начин да ја изразиме нашата креативност. Музицирајќи во домашен амбиент успеавме да направиме дело со кое се надеваме дека ќе придонесеме за доброто расположение на нашите фанови и дека сите вие ќе ја добиете потребната доза на мотивација која и нас нè активираше“ - вели Даниел Данн. Под тематиката „Quarantine and Chill ќе бидат преработени десетина македонски поп хитови, најавуваат од бендот во состав на : Даниел Данн (вокал), Александар Кипровски (гитари), Миле Наумовски (клавијатури), Дарко Јовановски (ударни инструменти), Лазар Соколов (дувачки инструменти). Видеообработката е дело на Даниел Данн, а аудио микс на Александар Кипровски. Како Даниел ги „обработи“ момците од „Дупер“, слушнете и погледнете во оваа негова кавер верзија: https://www.youtube.com/watch?v=-90xlT_7MbI&feature=emb_logo

Членовите на новото скопско трио „Дупер“ тврдат – „Не сум твој тип“ (ВИДЕО)

Антонио Димитриевски — Fri, 27 Jul 2018 08:50:39 +0000

Со песната „Не сум твој тип“, групата „Дупер“ дебитира на македонската музичка сцена. Штом почна да се врти по радиостаниците, за песната веднаш следуваа добри коментари и пофалби, а за бендот дека се вистинско освежување и поп-група, која е поразлична од она што сме имале можност да го слушнеме досега.

Ова поп-трио го сочинуваат: Илчо Нечовски - вокал и бас-гитара, Мартина Баракоска - тапани и Борис Какуринов - гитара и клавир. неодамна за македонските медиуми открија дека веќе имаат материјал и за цел албум, а наскоро планираат и настапи во живо како во Скопје, така и во клубовите низ земјава.

Како автори на нивната прва песна „Не сум твој тип“ го потпишуваат заедно, а велат дека така и ќе остане. Песната е снимена во студиото „Подрумот“ на Ангел Ќосев, а необичното и несекојдневно видео го режирал Томи Акимовски. Еве како звучат и изгледаат „Дупер“ во нивнаото деби, „Не сум твој тип“... https://www.youtube.com/watch?v=MfyNsiGjirY

не сум твој тип – Вистина.мк

Даниел Дан ги „обработи“ момците од „Дупер“ – „Не сум твој тип“ (ВИДЕО)

Членовите на новото скопско трио „Дупер“ тврдат – „Не сум твој тип“ (ВИДЕО)