Победникот на „Ѕвездите на Гранд“ им поласка на Каролина, Влатко Стефановски и Кајмакоски (фото)

Христина Ѓоргиевска — Fri, 01 Nov 2019 08:40:02 +0000

Во својата долгогодишна кариера Каролина Гочева може да се пофали со богат музички репертоар. Од почетокот на нејзината кариера до денес, Каролина има многубројни хитови кои не се забораваат, а дефинитивно еден од нив е и песната „Не се враќаш не“ (Не се врачаш не“). Со оваа песна Каролина пред неколку години го најави својот шести албум „Капка под небото“, a за истата песна сними и српска верзија. За текстот на горенаведниот хит беше задолжена Весна Миланова, музиката е дело на Даниел Кајмакоски, а на гитара свири македонскиот музичар Влатко Стефановски. Иако поминаа околу 8 години од излегувањето на песната, таа не старее, па во последно време се повеќе се слуша, а некои и од учесниците на регионалните музички шоу ја бираат оваа песна за да се претстават на големата сцена. Имено, Даниел во последната сезона на „Твоето лице звучи познато“ имаше задача да ја имитира Каролина токму со оваа песна. https://www.youtube.com/watch?v=jinefTZd6VE Во емисијата „Пинкови ѕвезди“ исто така многу кандидати ја пееја „Не се врачаш не“, некои оставија добар впечаток, а за некои можеби беше не многу добар избор. https://www.youtube.com/watch?v=UjqwzzZoHg0 Меѓутоа, деновиве победникот на „Ѕвездите на Гранд 2017“, Алекса Перовиќ додека се возеше во својот автобмил ја слушаше оваа песна, па јавно им поласка на учесниците на овој хит. „Песниште“ напиша кратко и јасно Алекса, а во описот на видеото ги означи Каролина, Влатко и Даниел. Овој позитивен коментар и се допадна на Гочева, па и таа го сподели „сторито“ на Алекса на својот „Инстаграм“. Во продолжение да се потсетиме на ова уметничко дело на Каролина. https://www.youtube.com/watch?v=5DuK7aCXuHQ

не се враќаш не – Вистина.мк

Победникот на „Ѕвездите на Гранд“ им поласка на Каролина, Влатко Стефановски и Кајмакоски (фото)