не дојде – Вистина.мк

Аца Лукас бесен, не дојде на премиерата на филмот за Џеј, „Недеља“: „Дојдоа на црвениот тепих да ронат лажни солзи, а кога му беше најтешко, никој не му помогна“

Антонио Димитриевски — Mon, 22 Jan 2024 13:06:32 +0000

Аца Лукас јавно удри по пријателите на Џеј кои се појавија на премиерата на филмот „Недела“, велејќи дека дошле само да ја оживеат својата кариера. Филмот „Недела“, кој раскажува за животот на легендарниот пејач Џеј Рамадановски, светлото на денот го здогледа на 16 јануари, кога беше премиерно прикажано споменатото уметничко остварување. На премиерата се појавија многу јавни личности, освен пејачот Аца Лукас, кој беше голем пријател на Џеј. Фолкерот сега објави стара фотографија со Рамадановски и откри зошто не се појавил на црвениот тепих. Тој исто така додаде дека никогаш нема да го гледа споменатиот филм. „Јас го сакав Џеј искрено, до последниот момент од неговиот живот, па и денес и засекогаш. Бев со него до крај, бидејќи тој е всушност единствениот човек на оваа наша таканаречена тажна естрада кого го сакав и почитував. И сите го знаат тоа. И ако ме прашате зошто не се појавив на премиерата на филмот за Џеј, ќе ви кажам. Да, не се појавив, поточно не ни сакав да се појавам, а сега јавно кажувам дека сите знаат дека никогаш нема да го гледам филмот, токму од љубов и почит кон таа големина и тој човек кој толку многу го сакав. Затоа што кога ќе ја видите огромната листа на оние кои на овој или оној начин учествуваат во филмот и околу филмот, ќе ви кажам „да не претеруваме и да кажеме 100 проценти, но 99 проценти од нив се оние кои исклучиво ги користат неговата смрт и неговата несреќа. Сите што ја знаат и оваа наша таканаречена сиромашна естрада знаат за што зборувам“ - истакна Лукас. Лукас потоа удри по луѓето кои се појавија на премиерата, велејќи дека дошле да ја оживеат својата кариера на сметка на неговото име. „Во последните, па, можеби десет години од неговиот живот сите го плукаа, му се потсмеваа, па дури и го газеа, никој од нив не беше тука за него кога беше најтешко, а сега дојдоа да се прошетаат на црвениот тепих и пуштат лажни солзи, мислејќи дека тоа што му го направиле во текот на животот никој не го забележал или заборавил. Гледаш, јас не сум од нив. Дојдоа да ги вратат своите кариери кои долго време се во сериозен пад, во името на починатиот, дојдоа да зборуваат колку го сакаат, но никој не му помогна и не сакаше да му помогне кога беше најтешко. Освен неколку луѓе, чии имиња нема ни да ги спомнам, а ни тие не би сакале, затоа што вие помагате за да помогнете, а не за да знаат другите. Па, затоа не дојдов на премиерата, бидејќи навистина го сакав, почитував и ценев, бев со него до крај“. Потоа Аца Лукас му се обрати на Џеј со емотивни зборови: „Од сите лицемери, сечикеси и ѓубриња, без разлика дали се од забавна музика или од други сфери, можам да ги исклучам само неговите деца, неговата Андријана, неговиот Руле, јас и еден наш заеднички пријател, се вика Влада, а добро... познат бизнисмен кој секогаш беше тука кога требаше. Ова е тажната вистина на нашата мизерна средина и луѓето кои ве тапкаат по рамо и наводно ве сакаат. Драг мој Џони, ќе разбереш зошто не бев на таа премиера. Кон крајот ти реков да се вратиш, да снимиме нешто, ти дадов песна, се сеќавам, малку грубо ти кажав Џеки, нема да дојдам на твојот погреб, туку ќе дојдам на твојот нов концерт. За жал, тоа беше погреб. И секако дојдов, морав да те испратам за последен пат. Но, не можев да присуствувам на оваа парада на лицемерие и лажна љубов. И знам дека ќе ми простиш. Твојот Бушав те сака засекогаш“ - завршува пејачот. Фото: Инстаграм/aleksandar_vuksanovic_official

Објавената заедничка топлес фотографија ги скара Нада Топчагиќ и Сузана Манчиќ: „Како стара ги сликаше ци*ките, а сега божем нешто и пречи?!“ (ФОТО)

Антонио Димитриевски — Thu, 19 Nov 2020 08:37:41 +0000

Пред повеќе од 30 години, Нада Топчагиќ се сликаше топлес заедно со Сузана Манчиќ, кога летувале на Црногорското приморје. Фотографијата таа деновиве ја објави на својот Инстаграм профил, а како што вели, немала поим дека таа ќе предизвика толку голем интерес во јавноста. Пејачката гостуваше во „Ами Џи“ шоуто кај Огњен Амиџиќ, каде Сузана Манчиќ исто така требаше да биде со неа во студиото. Сепак, таа во последен момент се јавила дека не може да пристигне, бидејќи наводно била заглавена некаде во Босна, зашто нејзиниот автомобил божем и се расипал. „Многу ме разочара. Ако не дојде само заради мене и ако ме обвинува што ја објавив фотографијата, тогаш требаше да ми каже. Иако, не знам зошто би и пречело, кога на таа фотографија е убава и убави сме на неа, а таа буквално изгледа како Барби. Па Сузана се фотографираше гола за „Плејбој“ кога веќе беше стара и тоа е ОК за неа, а ова, демек не е?! Не разбирам“ - се прашува Нада и додава: „Мојата кума Драгана почина тој ден, од коронавирусот. Бевме многу приврзани и другиот ден беше нејзиниот погреб. Плачев цел ден, но не му се јавив и не го одбив Огњен, за да го откажам своето гостување“ - рече гневната Нада.

Зошто Брена не дојде на свадбата кај Цеца?

Антонио Димитриевски — Wed, 27 Nov 2019 10:03:27 +0000

Не поминаа ниту два-три дена од венчавката на деценијата откако српската фолк дива Светлана Цеца Ражнатовиќ го женеше својот син Вељко, а чаршијата веќе наголемо (оз)зборува како и зошто балканската фолк кралица Лепа Брена не дошла на свадбата кај Цеца. Иако тие двете интензивно не се дружат, сепак комуницираат и обете зборуваа за нивното меѓусебно децениско пријателство. Сепак, Брена не дојде на свадбата на синот на Цеца, туку замина во Монако само неколку часа пред свадбата. Така, Брена умешно избегна да се појави на свадбената прослава организирана од Цеца за нејзиниот син, но затоа Аца Лукас, кој со Брена е во војна, се веселел како како ова да му е не дај Боже, последната свадба на која присуствува во неговиот живот. Една од теорите вели дека Брена не била ни поканета на свадбата, додекаа други коментираат дека не дошла, затоа што ниту Цеца не била на свадбата на Филип и Пријовиќ.

Јелена Томашевиќ наместо да пее на концертот за Тоше ужива на Занзибар (ФОТО)

Антонио Димитриевски — Mon, 05 Nov 2018 09:18:39 +0000

Српската поп пејачка и членка на жирито на „Пинковите ѕвездички“, Јелена Томашевиќ беше една од најавуваните гостинки од регионот на скопскиот концерт во чест на Тоше. Во првичните најави на организаторот дури нејзиното име беше споменувано како сигурно, а таа како една од оние кои го потврдиле својот настап. Таа информација во првичните најави за концертот ја пренесоа и дел од македонските портали, но кога дојде денот, односно кога беше објавен конечниот список на учесници на ден-два пред концертот и прес конференцијата за него, името на атрактивната српска пејачка повеќе го немаше на списокот.

Веројатно како нејзина алтернација беше договорена Александра Радовиќ која настапи и одлично си ја заврши работата, а сите помислија дека Томашевиќ е зафатена со обврски, концертни настапи кои не може да ги откаже, студиски или ТВ снимања... и сл.

Но, денес на нејзиниот Инстаграм профил се појавија фотографии од една далечна и егзотична дестинација, кои српските портали веднаш ги пренесоа појаснувајќи дека Јелена Томашевиќ одмара во Танзанија, односно, ужива во убавините и егзотиката на Занзибар!

Заради оваа причина ли не успеа да се договори со организаторот на скопскиот концерт за Тоше,односно толку ли не можеше да биде откажан, односно поместен нејзиниот одмор или постои нешто трето заради кое беше најавено, па откажано нејзиното учество во Скопје...?! И едните и другите и должат одговор на публиката!