Наум петрески – Вистина.мк

Наум Петрески по мноштвото безвременски македонски хитови запеа и на српски јазик – „Не могу ја без тебе“ (ВИДЕО)

Антонио Димитриевски — Fri, 01 Dec 2023 13:38:49 +0000

Деновиве Наум Петрески, еден од најпознатите и најпопуларни македонски фолк ѕвезди и пејач кој отпеал многу антологиски хитови ја изненади јавноста со нова песна. И не би било ништо неочекувано и необично, доколку новата песна Наум не ја пее не на македонски како досега, тукуи на српски јазик, а истата е насловена „Не могу ја без тебе“. Имено, пејачот важи за голем патриот и родољуб, Македониц кој си ја сака татковината што многу пати и го докажал. И со своите песни, изјави, настапи во медиумите, патриотските проекти... „Без влакна на јазикот“ Наум знае да ги критикува неправилностите и неправдите на музичката сцена, но и оние во целокупното опшество. Токму затоа многумина се најдоа затечени со потегот на Петрески кога деновиве ја објави својата нова песна, на српски јазик. Но за да нема недоумици, недорабирања, шпекулации и нагаѓања, дали тоа пејачот тргнал да прави регионална кариера па толку е со патриотизмот, Наум веднаш се огласи на својот Фекјсбук профил и напиша: „И еве после доста работење на оваа песна која ја направивме првично како една заедничка историја помеѓу Каоничка млекара и мојата маленкост, но се разбира дека е и за секој што сака убава песна“. Музиката и текстот се на македонскиот автор Томислав Которчевиќ, додека аранжманот го направил Бане Васиќ, а песната е во духот на старите кафеански севдалинки, отпеана со многу душа и емоции налик на незборавните фолк евергрини од регионот од старите фолк легенди од 70-ите и 80-ите години на минатиот век. За песната која енаменски направена за рекламни цели, е снимено и видео во кое разбирливо преовладуваат кадрите од кафеанската атмосфера, но и доплнителни модерни сексвенци со една убавица на јахта, по која се коппнее во стиховите на „Не могу ја без тебе“. Новата песна на Наум петрески можете да ја проследите во продолжение:

Наум Петрески ја даде раката на втората ќерка: Ја однесе до зетот како на филмовите, а потоа му кажа два-три збора… (фото)

Слободанка Илиева — Tue, 26 Sep 2023 07:00:24 +0000

За фолк пејачот Наум Петрески песната е секојдневие, а периодов и свадбените прослави. Но, овој пат една свадба имаше најголемо значење со многу емоции, свадбата на неговата средна ќерка Сања. Венчавката била модерна, па според она што го објави на својот Инстаграм, тато Наум му ја дал раката на ќерката Сања на зетот Алекс, движејќи се со неа кон олтарот пред големиот чин и судбоносното „да“. Токму кога му ја предаде невестата на зетот, тато Наум не остави без да му каже некој збор на зетко и тоа да му шепне на уво, така дискретно меѓу нив двајцата. Што имал да му каже, знаат само тие двајцата, а веројатно меѓу зборови стоело и потсртување да му ја чува миленичката. Како и секој татко, поврзаноста меѓу таткото и ќерката е силна, така што иако веќе искусен и претходно со мажачка на ќерка, за Наум ова сигурно беше силно емотивен момент со акцент дека треба да ја даде ќерката. Ова е биде втор зет на Наум, Сања и Алекс се свршија кон крајот на месец мај, а во 2018 година пејачот ја деде раката на ќерката Анастасија на пејачот Владимир Поповски со кого денес имаат две дечиња. За мажачка остана уште најмалата Македонка, а за Стефан кој сега средношколец, има време за да донесе снаа. фото:Инстаграм принтскрин/Наум Петрески

„Послушајте патриоти“ – овој пат словото го кажуваат ДНК и Наум Петрески (АУДИО)

Антонио Димитриевски — Thu, 31 Aug 2023 10:50:12 +0000

„Послушајте патриоти да ви кажам словото, на Ѓурѓовден бев затворен, в црни темни зандани. Во зандани бев предаден од проклети шпиони, од проклетите шпиони неразбрани трговци...“, токму вака почнува последната дванаесетта нумера од проектот „Македонијо во срце те носиме“, овој пат во изведба на Панчо и Андреј од ДНК и Наум Петрески. Со „Послушајте патриоти“ се затвора кругот - 12 песни, 12 изведувачи, но стартува новото поглавје – концертниот караван во чии рамки ќе се одржат концерти во осум македонски града. „Послушајте патриоти“ е песна испеана за македонскиот деец Александар Караѓуле-Охридски, инаку и самиот автор на стиховите – сведоштво за неговите измачувања во софискиот затвор во 1892 година. Прв пат е снимена од бардот на македонската народна музика Никола Бадев, и тоа за дискографската куќа Југотон во Белград. Во своите музички биографии ја имаат запишано и Јонче Христовски, Гоце Арнаудов... Оваа композиција во македонското музичко богатство зачувана како револуционерна, овој пат спакувана од маестро Николче Мицевски, сега ја снимија и ДНК и Наум. „’Послушајте патриоти’ за нас е една несекојдневна соработка со нашиот добар пријател Наум Петрески, кој според нас е најдобриот машки вокал. За аранжманот беше задолжен маестралниот Николче Мицевски, а поканата дојде од проектот „Македонијо во срце те носиме“ на што не можевме да останеме рамнодушни, особено кога станува збор за Македонија и нешто што треба да остане како наследство за идните генерации. Со оглед на летната турнеја и многубројните ангажмани не успеавме да ја визуализираме песната, но не значи дека тоа нема да се случи во блиска иднина“, велат Панчо и Андреј. „Македонијо во срце те носиме“ е проект со потписот на Скендеровски продукција, а во чии рамки во изминатиов период слушнавте 12 македонски родољубиви песни отпеани од исто толку изведувачи, и од светот на забавната и од светот на народната музика, а сите спакувани во ново руво од Николче Мицевски. Она што ќе следува во склоп на целиот проект е концертниот караван кој стартува на 6 септември од плоштадот „Слобода“ во Штип. Освен штипјани во сите дванаесет нумери ќе има можност да ужива и публиката во Битола, Велес, Прилеп, Кочани, Тетово, Кавадарци и Скопје. Бидете дел од караванот „Македонијо во срце те носиме“, дојдете заедно да ги отпееме најубавите македонски патриотски песни, да ја обоиме Македонија со најубавите звуци и да го зачуваме највредното – музичкиот аманет кој ни го оставиле генерациите пред нас. Распоред на концертите: Штип – 6 септември Битола – 13 септември Велес – 20 септември Прилеп – 27 септември Кочани – 1 октомври Тетово – 4 октомври Кавадарци – 8 октомври Скопје – 11 октомври Почетокот на концертите е во 20 часот! Уживајте во „Послушајте патриоти“ и изведбата на ДНК и Наум:

Наум Петрески ја препеа „Болен ми лежи Миле Поп Јорданов“, па порача: „Чувајте ја македонската песна бидејќи нема кој друг да ја чува“ (ВИДЕО)

Антонио Димитриевски — Tue, 11 Jul 2023 12:06:19 +0000

„Болен ми лежи Миле Поп Јорданов“ не звучела никогаш помоќно од сега – отпеана од златното грло на Наум Петрески, а спакувана со мерак од маестро Николче Мицевски. „Оваа песна е легендарна за нас Македонците и треба да се негува, впрочем, како и сите патриотски песни кои оставиле трага во нашата историја. Чест ми е што ја пеам во рамки на проектот „Македонијо во срце те носиме“, а уште посреќен сум што можам да испратам една убава порака, особено до младите – да продолжат да ја чуваат македонската песна бидејќи нема кој друг да ја чува, особено во ова време кога секојдневно и од сите страни сме напаѓани“, вели Наум. „Болен ми лежи Миле Поп Јорданов“ е отпеана во чест на македонскиот револуционер и просветен деец, а, според историчарот Коста Црнушанов, истата е создадена брзо по смртта на Миле. Според други извори, пак, била отпеана уште на неговиот погреб. Во 2006 година оваа песна е прогласена за официјална химна на градот Велес. Инаку, ова е петтата по ред нумера од проектот „Македонијо во срце те носиме“, составен од 12 композиции во изведба на 12 изведувачи. Зад видеото, како и комплетната реализација на проектот во чии рамки јавноста уште ќе ги чуе и види и: Сузана Спасовска, Бојана Скендеровски, ДНК, Андријана Јаневска, Александар Тарабунов, Марија Спасовска и Зуица Лазова; се потпишува Скендеровски продукција. Кон крајот на летото публиката ќе има можност сите 12 песни да ги слушне и во живо, бидејќи во план е и концертен караван кој под истото име ќе гостува во неколку македонски градови - да ја обоиме Македонија со најубавите звуци и да го зачуваме највредното – музичкиот аманет кои ни го оставиле генерациите пред нас. Уживајте во неверојатиот глас на Наум Петрески и моќната изведба на „Болен ми лежи Миле Поп Јорданов“:

„Најмалата, најубавата“: Ова е третата ќерка на Наум Петрески која иако пее растура, ретко се експонира јавно (фото)

Слободанка Илиева — Sat, 08 Jul 2023 08:00:35 +0000

За фолк пејачот Наум Петрески и неговата најстара ќерка, пејачката Анастасија Петреска, редовно може да прочитаме, видиме, слушнеме нешто во медиумите. Додека за останатите две ќерки, средната Сања и најмалата Македонка, многу ретко може да осамне нешто во јавност. Додуша, неодамна, Сања беше на насловите во домашните медиум ипоради тоа што се сврши со нејзиното момче кое ја побара нејзината рака. За најмалата Македонка најмалку се знае, но и за неа можеби се почесто ќе почнат да се менуваат нештата во поглед на јавното експинирање бидејќи и таа го наследила талентот од татка си и мајкаси Зуица Лазова. Македонка или како што милува да ја викат, Дона, исто така пее растура, но нејзината определба е оперското пеење, а за тоа се образува и на музичката академија во Скопје. Моќен и продорен глас кој не ја одминал од гените на родителите. Дона физички наликува на своите сестри, но и на својата убава мајка, активен кприсник е на социјалните мрежи, па неретко знае да сподели моменти од своите настапи, а и такви од секојдневието. Убава и талентирана, Дона е гордоста на тато Наум и мама Зуица кои се богати со големо семејство. фото:Инстаграм принтскрин/Анастасија Петреска/Дона Петреска

Наум Петрески има нов зет: Помалата ќерка Сања кажа „да“ (фото)

Слободанка Илиева — Fri, 26 May 2023 10:00:25 +0000

Во домот на фолк пејачот Наум Петрески доаѓаат денови за песна, оро и здравица. Неговата средна ќерка Сања Петреска му кажа „да“ на своето момче, а сега веќе и иден сопруг Алекс Антевски. Убавата вест на социјалните мрежи ја сподели нејзината сестра, пејачката Анастасија Петреска која ги објави младите додека Сања го држи кутивчето со прстенот во рака. За разлика од Анастасија, другите две ќерки на Наум, Македонка и Сања не многу се експонираат јавно, така што за нив многу малку се знае, бидејќи и самите не така често се активни на социјалните мрежи. Но кога има убав повод за славење, тогаш заедничките фотографии не изостануваат, па Анастасија и тато Наум како ултра познати ќе покажат нешто од приватноста и за останатите членови од семејството. Кај Наум и Зуица ќе се пее и пие, а овој пат за Сања и Алекс. Ова ќе биде втор зет на Наум откако во 2018 година ја деде раката на ќерката Анастасија на пејачот Владимир Поповски со кого денес имаат две дечиња. За мажачка остана уште најмалата Македонка, а за Стефан кој сега е полуматурант, има време за да донесе снаа.

Го нарекуваат пејачот со „златно грло“: Погодувате ли кој македонски пејач е ова малечко детенце? (фото)

Слободанка Илиева — Mon, 14 Nov 2022 09:34:51 +0000

Живееме во дигитално време кога фотографиите во електронска форма ни станаа секојдневие, додека оние „хард копи“ веријанта останаа само како сеќавање или реткост од некоја специјална фотосесија за посебна прилика. Сепек, старите фотографии кога ги разгледуваме фото- албумите будат посебни емоции и спомени од некое време. Една таква ретро црно –бела фотографија од архива извади нашиот познат фолк пејач. Споменот од своето семејство во далечната 1967 година го објави на Фејсбук профилот пишувајќи го описот: -1967 година. Јас и сестра ми малечки, а нашите родители млади. Можеби веќе погодувате дека станува збор за фолк легендата Наум Петрески кој на фотографијата е едногодишно детенце во рацете на мајка си, додека кај неговиот татко е неговата сестра Билјана. Детството и дел од возрасните години Наум живеел во село Лабуништа, од каде што и потекнува неговото семејство. Со музика се занимавал од самото детство. Првиот јавен настап го имал на седумгодишна возраст, како претставник од Македонија на деветтата меѓународна смотра на фолклорни друштва во Загреб. Тој по Манчески, Сариески и Бадев е златното македонско грло. Од 1990 „Има ли песна“кариерата му фаќа нагорна линија, со многу албуми и хитови, а до ден денес тој ја освоено многу фестивалски награди и бројни признанија за своите музички достигнувања. Наум Петрески денес е горд татко и богат дедо на наследници кои можеби освен ќерката Анастасија го наследиле талентот на својот дедо со златно грло. фото:Фејсбук/Наум Петрески

Анастасија неодамна стана мајка по вторпат, а гордиот дедо Наум Петрески за прпат и го покажа внукот на јавноста (фото)

Слободанка Илиева — Fri, 29 Jul 2022 05:45:57 +0000

Пејачката и ќерка на фолк пејачот Наум Петрески, Анастасија Петреска и нејзиниот колега и сопруг, пејачот на „Биоритам“, Владимир Поповски, пред три недели станаа родители по вторпат. Овој пат по првата ќерка, Бог ги даруваше со машко кое го направи семејството уште посреќнно и побогато. Младите родители не сакаа да откриваат повеќе детали за новиот член, засега не е познато името на бебенцето, а резервирани беа објавите на Анастасија и за време на нејзината бременост. Таков беше случајот и со таткото кој веројатно во договор со мама Анастасија решија нивната голема семејна радост да ја држат подалеку од очите на јавноста. Но, за познатиот дедо Наум Петрески ова правило не важи. Тој ја имаше привилегијта за првпат да го покаже внукот. Горд, насмеан и пресреќен, Наум го држи наследнкот во рацете, а за објавата собра лавнина од коментари и честитки за малиот наследник. Инаку, ова е второ внуче за Наум Петрески, кој преходно од ќерката Анастасија ја доби и внуката Андреа која има три години. фото:Фејсбук Наум Петрески/Инстаграм принтскрин Анастасија Петреска

По повод 35 години кариера: „Најдоброто од Наум“ со концертна промоција во Битола, Охрид и Скопје

Антонио Димитриевски — Mon, 04 Jul 2022 12:52:41 +0000

По повод 35. годишната кариера на македонската и балканска естрада, Наум Петрески и продуцентската куќа АВАРД Промотион, во август ќе го промовираат новото издание „Најдоброто од Наум“ кое ќе содржи дел од неговите најпознати хитови, со концертна промоција во Битола, Охрид и Скопје.

Ова е фантастична можност илјадниците фанови на Наум заедно со него на сцена, во живо да ги запеат сега веќе легендарните хитови: „Има ли песна”, „Жал за Деспина”, „Оди Ѕвездо”…, а на славеникот како гости ќе му оддадат признание за неговиот јубилеј многу пријатели од естрадата, пејачи, актери… Квалитетот на внимателно одбрани песни во изведба на еден од најдобрите македонски пејачи Наум Петрески со долгогодишно музичко искуство е одличен пат кон успешноста на новиот редок, но многу значаен музички проект. Концертите се закажани во Битола 04.08 Хераклеа, и во Охрид 11.08 Долни Сарај, а организаторот најави дека дополнително ќе информира за деталите за концертот во Скопје.

Ова е синот македонската брачна фолк двојка Наум Петрески и Зуица Лазова: Стефан е „плукнат“ татко му? (ФОТО)

Антонио Димитриевски — Wed, 25 May 2022 08:53:24 +0000

Животот на познатите, особено личностите од естрадата отсекогаш бил во фокусот на вниманието на јавноста. Познатата естрадна фолк двојка, пејачката Зуица Лазова и пејачот Наум Петрески, по многуте животни и брачни премрежја што своевремено ги имаа, како плод на нивната љубов ги добија ќерката Македонка и синот Стефан. Македонка очигледно ги наследила гените од родителите и е студент на Факултетот за музичка уметност, каде студира соло пеење, додека Стефан е уште во основно училиште. Во една прилика, Зуица откри дека и нивниот син Стефан тргнал по нивните стапки и дека веќе свири на гитара, но дека уште ниту таа ниту Наум не знаат дали ќе ја избере музиката како идна професија или таа ќе остане само негово хобии можност за дополнителна заработка. Познатата брачна фолк двојка со семејството присуствуваше на неодамна одржаната јубилејната 25-та „Златна Бубамара на популарноста“, каде Наум ја доби наградата за „Трајни вредности“, а Зуица и јавно му ја честиташе посакувајќи му уште вакви признанија. Од фотографиите убаво се гледа дека Стефан повеќе не е мало детенце, туку пораснал во вистинско момче кое се' повеќе наликува на својот татко наум. Дури и фризурата му е слична на онаа која во последно време ја носи фолк пејачот. Дали го наследил и гласот, слухот и талентот за музика на родителите, останува допрва да видиме. Инаку, ова е втор брак на Наум Петрески, кој од првиот ја има ќерката Анастасија која исто така со текот на годините стана позната фолк пејачка, но и се омажи. Таа се реализираше и како мајка во 2019 година и со својот сопруг Владимир ја имаат ќеркичката Андреа која сега наполни три години. Во меѓувреме Анастасија гордо го покажа и трудничкиот стомак, наговестувајќуи дека и по втор пат ќе стане мајка, а Наум Петрески одново дедо, како што се шушка, овој пат на внук! Фото: Фејсбук и Инстаграм принтскрин/Zuica Lazova/Naum Petreski/anastasija.petreska