наука – Вистина.мк

Науката потврди: Пладневната дремка придонесува за поздрав мозок и побистар ум

Слаѓана Атанасова — Wed, 12 Jul 2023 12:00:48 +0000

Истражувачи од Универзитетскиот колеџ во Лондон, Велика Британија, и Универзитетот на Републиката во Уругвај ја испитуваа врската меѓу редовниот пладневен сон и умствените способности. Овие два фактора беа поврзани и споредени со набљудувачки испитувања во минатото. Така, овој научен труд потврдува дека куса дремка од 15 минути се чини корисна за извршување одредени когнитивни задачи веднаш по спиењето дење. Сепак, авторите на студијата сакаа да дознаат и повеќе – дали пладневната дремка е директна причина за здрав и бистар ум и поголем волумен на мозокот кај поединци кои имаат редовна дремка, во споредба со оние кои немаат таква навика? Тимот го користеше методот наречен „Менделова рандомизација“ заради анализа на генетските податоци на повеќе од 375.000 учесници, преземени од британската „Биобанк“. Набљудувајќи неколку делови од ДНК-та за коишто се смета дека се поврзани со вообичаеното спиење преку ден, тие го споредија когнитивното здравје и структурата на мозокот на луѓето кои практикуваат редовна дремка со оние кои не го прават тоа. Заклучокот е потврден: Луѓето кои спијат редовно во текот на денот обично имаат поздрав мозок. Извор: Курир.мк

Која е совршената возраст за брак? Еве што вели науката

Слободанка Илиева — Mon, 20 Mar 2023 14:00:15 +0000

За да ви биде успешен бракот, влијаат многу работи. Повеќето парови се одлучуваат да му дадат шанса во првите пет години од заедничкиот живот, пред да одлучат дека не е како што треба и дека е потребен развод. Истражувањата покажаа дека луѓето на возраст од 28 до 32 години поретко се разведуваат во првите години од бракот. Овие години се сметаат за идеални за стапување во брачна заедница и даваат поголеми шанси дека бракот ќе биде поуспешен. Претходните истражувања покажаа колку подоцна стапите во брак толку се помали шансите дека ќе се разведете. Новите податоци покажуваат дека е голема шансата за развод кај оние кои се венчаат како тинејџери или во раните дваесетти, како и кај оние кои ќе се одлучат на овој чекор околу 45 години. Како причина за зголемен степен на развод кај луѓето над 30 години се наведуваат предиспозициите кои овие луѓе ги имаат. извор:попара.мк

Науката потврди: Оревите го продолжуваат животот

Слаѓана Атанасова — Mon, 26 Sep 2022 12:25:49 +0000

За долг, здрав и активен живот, во кујната или при рака, секогаш треба да се има – ореви. Ново истражување на Факултетот за јавно здравје при американскиот Универзитет на Минесота, коешто опфаќа повеќегодишни испитувања, посочува дека луѓето кои редовно јадат јаткасти плодови, имаат поголема веројатност да бидат физички поактивни, како и помала опасност од срцеви заболувања во подоцнежната возраст. – Изгледа дека оние што јадат јаткасти плодови имаат уникатен телесен фенотип што носи со себе други позитивни здравствено делотворни влијанија, како што е подобар квалитет на исхраната. Особено ако јадат јаткасти плодови уште од детството до средина на зрелоста, вели проф. д-р Лин М. Стивен. Научниците веруваат дека тоа е поради хранливите состојки во јаткастите плодови и нивното влијание врз целокупното здравје. Тие следеле 3.023 мажи и жени, во распон од 20 години и го споредувале нивното здравје со начинот на исхрана. Оревите се единствениот растителен извор на омега-3 алфа-линоленска киселина, за којашто е докажано дека го поддржува здравјето на срцето и мозокот, како и здравите процеси на стареење. Само една порција ореви (околу грст), има доволна низа хранливи материи корисни за целокупното човеково здравје. Тука, имено, се содржат четири грама протеини, два грама влакна и 45 милиграми магнезиум. Оревите исто така обезбедуваат бројни антиоксиданси, како што се и полифенолите. Јадењето ореви е исто така поврзано и со губење на тежината – луѓето кои јадат ореви покажале значително пониски концентрации на гликоза во крвта од оние коишто не јадат такви јаткасти плодови.

Дали сексот навистина може да го стимулира породувањето? Еве што вели науката …

Слободанка Илиева — Wed, 04 Nov 2020 14:30:18 +0000

По 40 недели од бременоста, не е изненадување што многу жени очајно сакаат да го родат своето бебе. Предложени се секакви решенија, лесни вежби, зачинета храна, стимулација на брадавиците, па дури и пиење чај од лисја од црвена малина. Друг вообичаен предлог е сексот, но дали тој навистина делува? Тим научници предводен од Универзитетот во Неапол Фредерико Втори презедоа иницијатива да го откријат ова со спроведување на првата мета-анализа до денес. Само трите експерименти со кои се соочиле се сметаат за доволен квалитет за анализа и заедно вклучуваат податоци за 1483 жени бремени со едно дете. Постојат различни предлози зошто сексот може да го потенцира почетокот на породувањето. Имено, оргазмот може да стимулира контракции на матката, како и ослободување на окситоцин, наречен „љубовен хормон“. Дури се смета дека семето може да помогне во отворање на грлото на матката. Сепак, и покрај теориите, истражувачите кои стојат зад новата студија откриле нула докази дека сексот може да доведе до породување. Сепак, тие истакнуваат дека и сексуалниот однос за време на бременоста не е лош, се додека бременоста е со низок ризик и без компликации како што е плацентата што лежи. Нивните откритија се објавени во „Џурнал за сексуална медицина“. Тимот забележува дека се потребни повеќе истражувања за да се потврдат нивните наоди и да се утврди дека одредени карактеристики ќе го поттикнат породувањето, бидејќи тие не биле во можност да го проценат ова за време на нивната анализа. На пример, треба да се разгледа и длабочината на пенетрација, употребата на кондом и дали жената доживеала оргазам. Овие можат да бидат клучни фактори. извор:попара.мк

Ве привлекува бившиот, но не сакате врска повторно: Науката има одговор за оваа дилема

Моника Манасиевска — Thu, 08 Nov 2018 13:01:00 +0000

Во првата студија, која ја спроведоа истражувачи на три престижни универзитети, 113 парови кои скоро се разделиле, одговарале на прашања во однос на бившите. Дали би требало да ви испразнувате сексуалните односи со бившите партнери? За доброто на вашето емоционално здравје здравиот разум вели не. Но, судејќи според две студии направени во наиучниот магазин, Archives od Sexual Behavior, сексот со бившиот партнер воопшто не е лоша работа и нема да го успори процесот на преболување, дури и ако раскинувањето е болно, пишува Максим. ВВо првата студија, која ја спроведоа истражувачи на три престижни универзитети, 113 парови кои скоро се разделиле, одговарале на прашања во однос на бившите. Некои од прашањата биле дали имале физички контакт, колку приврзано со нив сте се чувствувале и како сте се чувствувале емотивно на крајот од денот. Во второто истражување, кое го спроведоа истите експерти, 372 луѓе биле запрашанои како се чувствувале по сексот со бившиот односно дали и натаму биле емоционално врзани за нив. Обете истражувања утврдија дека сексот со бившиот не предизвикува дополнително „кршење на срцето“, дури и ако тоа го направите повеќе пати, како што е случај со повеќето вклучени во истражувањето. Натаму, оние кои рекле дека се чувствуваат повеќе емотивно врзани за своите бивши љубовници, најмногу барале секс, веројатно затоа што се обидуваат да ја пополнат болната емотивна дупка која настанала со разделбата. Но, можеби и најважно , експертите открија дека сексуалниот однос со бившите не предизвикал поедицни да се чувствуваат лошо поради раскинувањето. Напротив, се чувствувале попозитвно поради целата ситуација. Предовдничката на истражувањето, Стефани Спилман, вели дека наместо да се осудуваме со задоволство треба да се посветиме за критичките мисли за мотивацијата зад желбата за сексот со бившиот.