Мијата имаше безброј трансформации, од килограмите до фризурата, но сега е со најдрастичната промена на себе (фото)

Слободанка Илиева — Thu, 06 Jun 2019 07:09:21 +0000

Македонската пејачка Мијата повторно се активира на забавната музичка сцена, а за таа прилика реши да направи драстична трансформација на својот изглед. Имено, поводот за промените кај ресенското чупе со скопска адреса, е снимањето на спотот за новата песна насловена „Полетај“, за која Мијата деновиве работеше со Мелем продукција. Во приказната од спотот таа има изглед на жена амазонка, а уникатниот костим кој го носеше, вели дека самата го креирала.

Од приложеното може да се види дека Мијата со текот на годините, постојано има нов изглед и промена на себе.

Досега сме ја виделе со повеќе или помалку килограми, како црнокоса, бринета, црвенокоса, а сега се реши да стане и росокоса, а згора на тоа и да носи јамајкански раста суканици кои ги искористи за новиот спот, ама продолжи да си ги носи и во секојдневието.

За потсетување, примарната професија на Мијата е контролор на летање, а нејзиниот главен фокус во животот е семејството – сопругот и дечињата Калин и Никита.

Македонската пејачка по повод 10 годишнината од бракот објави досега невидени фотографии од венчавката: Ваков фустан за невеста не очекувате!

Слободанка Илиева — Fri, 27 Oct 2017 07:58:25 +0000

Македонските јавни личности не често практикуваат својата приватност да ја сервираат на социјалните мрежи, но и од таквите има исклучоци, а една од нив е и пејачката Наташа Мијата Крстевска. Дамата која работи на аеродром како контрола на лет, никогаш не ја запостави музиката и остана перманентна на музичката сцена.

Во 2015 година пред да ја роди својата ќеркичка Никита, Мијата го промовираше својот албум „Небеска“, а за секој убав повод во својот живот, гордно го објавува пред јавноста. Па така, не се штедеше да открие и дека деновиве има посебен повод за славење, односно причината е јубилејот од 10 години брак со сопругот Златко.

Мијата секоја година на истиот датум посветува статус за љубовта на нејзиниот живот за која вели:

Уште 40 години да ме сакаш како до сега и ништо повеќе не барам... Честит јубилеј друшко моја, напиша Мијата за една од нивните заеднички фотографии.

Годинава пак, објави фотографија стара една деценија на која покажа како изгледала како невеста.

Мијата отсекогаш имала уникатен моден стил, а истото толку впечатлива и со сопствен моден печат била и на денот на венчавката. Наместо невестински фустан Мијата се одлучила за комбинација со етно мотиви, кои на некој начин се нејзиниот заштитен знак. За потсетување, како плод на љубовта во бракот, Мијата и Златко го имаат синчето Калин.

наташа мијата крстевска – Вистина.мк

Мијата имаше безброј трансформации, од килограмите до фризурата, но сега е со најдрастичната промена на себе (фото)

Македонската пејачка по повод 10 годишнината од бракот објави досега невидени фотографии од венчавката: Ваков фустан за невеста не очекувате!