наташа мерсовска – Вистина.мк

Наташа Мерсовска имаше нов повод за честење: „Лесни чекорчиња, мило мое“! (ФОТО)

Антонио Димитриевски — Wed, 05 Feb 2020 07:44:42 +0000

Новинарката на ТВ Сител, Наташа Мерсовска објави најнови фотографии од својата ќеркичка Каја. И тоа не случајно, зашто имаше нов, голем повод за честење. Имено, малата убавица прооде, ги направи првите чекорчиња, а по тој повод среќната мајка беше и вредна домаќинка, па подготви преубави колачиња кои го симболизираат првиот чекор на нејзината мала принцеза. „Лесни чекорчиња мило мое“- и посака Мерсовска на својата ќеркичка во емотивната објава покрај споделените фотографии. Прва која ги вкуси слатките колачиња на мама во вид на детски стапалчиња, беше самата Каја. Ем шарени, ем вкусни, им се радуваше исто како што нејзините родители и најблиски им се радуваа на нејзините први чекори. https://arhiva.vistina.com.mk/radio-mileva/novinarkata-na-sitel-pokaza-kolku-lichat-so-novorodenata-kjerkichka-kaja-e-kopija-na-mama-foto/

Свадба и крштевка во едно: Новинарката на Сител беше невста во уникатна венчаница, но најубавиот цвет во нејзините раце беше ќерката Каја (фото)

Слободанка Илиева — Wed, 21 Aug 2019 07:06:52 +0000

Убавата и шармантна уредничка на бизнис вестите на ТВ Сител, Наташа Мерсовска пред речиси една година за првпат стана мајка. Таа и нејзиниот избраник Александар се потпишаа во матично, но изостана црковната венчавка која сега ја споија заедно со крштевката на нината ќеркичка Каја. Мама и тато има повод за дупла среќа во еден ден. Славеа заедно со најблиските, а невестата го имаше најубавиот цвет во рацете, малата наследничка Каја.

„Заврши свадбата, а ние два дена се опоравуваме. Мислам дека беше одлична журка, музиката и коктелите ептен завршија работа. Гостите си поминале добро, а ние уште подобро. На почетокок сакавме да биде само крштевка, но бидејќи и ние не бевме венчани, решивме бракот да го озваничиме и пред Бога па потоа да се собереме со најблиските и да прославиме“, раскажа Наташа за Женски магазин.

Иако со задоцнување, Мерсовка сепак облече бело, но избра алтернативна венчаница сочинета од топ со цветни детали, комбиниран со широки макси бели панталони кои изгледаат како здолниште, но создаваат одлична стилска целина.

Тато Александар пак, избрал костум со елек, а пак кај него најубавиот аксесоар беше насмевката која е неминовна покрај своите две убавици. Честитки!

Новинарката на Сител покажа колку личат со новородената ќеркичка: Каја е копија на мама (ФОТО)

Антонио Димитриевски — Tue, 05 Feb 2019 08:12:19 +0000

Убавата и шармантна уредничка на бизнис вестите на ТВ Сител, Наташа Мерсовска кон крајот на минатата година за прв пат стана мајка. Таа на свет донесе здраво женско дете, а малечката доби необично, но убаво и модерно име – Каја!

Првите фотографии на среќната мајка, новородената ќерка и воопшто семејството, можевме да ги видиме уште веднаш по породувањето. Нормално, тогаш Каја се' уште беше многу мала за да може да се каже дали повеќе наликува на мама или на нејзиниот татко. Впрочем, бебињата многу бргу ги менуваат цртите на лицето, заради брзиот развој.

Сепак, иако малата принцеза е се' уште бебе, таа веќе почнува да ги покажува убавините на својот физикус. Мама Наташа деновиве направи неколку најнови фотографии, па истите ги постираше на својот Инстаграм профил.

На една од нив, тие се фотографирани во крупен план, како лежат една до друга...Мама без шминка, за Каја се подразбира. А, сличноста е повеќе од евидентна: убаво лице, бел тен, крупни светли очи и насмевка која плени... Со еден збор, Каја е копија на мама Наташа! Барем сега за сега... а, веројатно и во иднина!

За карактерните особини на малечката убавица нема да зборуваме. Ќе оставиме родителите сами да си препознаат, во кој сегмент на карактерот, која карактерна црта од кого, нивната ќеркичка ја има превземено!

Едно сепак е сигурно: малата Каја ќе биде убавица... на мама!

Се породи Наташа Мерсовска: Првото – девојче, второто во најава! (ФОТО)

Антонио Димитриевски — Sat, 01 Dec 2018 08:57:11 +0000

Убавата и шармантна уредничка на бизнис вестите на ТВ Сител, Наташа Мерсовска за прв пат стана мајка. Таа својата врска најпрвин ја круниса со брак со својот избраник Александар, а деновиве се породи во една приватна скопска клиника донесувајќи на свет живо и здраво девојче.

Малечката доби необично, но убаво и модерно име - Каја! Откако ги минаа стандардните породилни процедури, мама Нате и малата Каја си дојдоа дома. А пред да стапне во својот дом, малата убавица ја направи и првата заедничка семејна фотографија со мама и тато на излегување од породилиштето.

Новинарката на економската редакција на ТВ Сител пак, групниот семеен портрет го постираше на социјалните мрежи, поточно на својот Фејсбук профил. Покрај фотографијата постиран и текст со благодарност до лекарската екипа која како што самата Мерсовска вели, „се погрижила на свет да ја донесе малата убавица и покрај ризичната бременост“.

Она што следи во продолжение е најинтересно. Поздрав и најава за повторна средба: „Се гледаме за две години“! Дали тоа значи дека Наташа и сопругот веќе го испланирале и второто дете?

Како и да е, две нешта се сигурни: Како прво, нека им е жива и здрава малата Каја и цел живот да ги прави горди и среќни родители, а како второ... Уште отсега е очигледно дека кај Мерсовска, штркот бргу ќе се врати!

Уредничката на Сител го најде својот Џејмс Дин: Само тој може да ја гледа и од другата страна на стаклото! (ФОТО)

Антонио Димитриевски — Tue, 27 Mar 2018 10:23:42 +0000

Убавата и шармантна уредничка на бизнис вестите на ТВ Сител очигледно има својот омилен ТВ лик. Го покажа и на фотографија - најголемиот мангуп и фраер во 50-ите, единствениот Џејмс Дин!

По теркот и урнекот на американската филмска икона, новинарката ја бараше и својата. И тоа неколку години наназад, за конечно аморовите љубовни стрели одново да го погодат, претходно несреќно скршеното срце на убавата битолчанка, Наташа Мерсовска... Давајќи и шанса за втора среќа!

И како што обично бидува, сите вистински љубови започнуваат случајно, па така и оваа, нејзината... Од почетокот тајна и скришна, но како минуваше времето таа очигледно растеше како бруто домашен производ по глава на жител (БДП), што би рекла самата таа со нејзиниот економски речник во бизнис вестите кои ги води на најгледаната телевизија во Македонија во последниве години.

А кога растот на БДП е евидентен, вообичаено министерот излегува јавно да се пофали...

Така и Мерсовска, реши повеќе да не ја крие својата „посилна половина“, па постираните фотографии на нејзините профили на социјалните мрежи се се' почести, а на нив... „Love is in the Air“!

Само што нејзиниот Џејмс Дин, според приложеното се вика Александар и нема врска ниту со новинарството ниту со медиумите, иако има врска со бизнисот... со стакло и стакларија!

Блазеси му... Зашто тој е единствениот среќник што може да ја гледа убавата уредничка и од онаа, ама и од оваа, другата страна... на стаклото!