наташа малинкова – Вистина.мк

Наташа Малинкова откри како се слави Божиќ во нејзиниот дом: „Секогаш се радувам на деновите кои за мене имаат посебна магија“

Христина Ѓоргиевска — Sat, 06 Jan 2024 07:51:33 +0000

Новогодишните и Божиќните празници се период кога целото семејство се собира во домот и уживаат во празничните денови. Некои уште почетокот на годината заминаа некаде на зимување, некои празниците ги дочекаа дома во кругот на најмилите и најблиските. Македонските јавни личности преку социјалните мрежи упатија искрени честитки со желба за мир, здравје и спокојство. Некои од нив го покажаа новогодишниот амбиент во домот, а за Бадник се пофалија со бадниковата трпеза која ја подготвиле. Македонската пејачка Наташа Малинкова за време за празниците влезе во кујна, се фати за работа и покажа каква е домаќинка. Имено, таа на социјалните мрежи се пофали како подготвува пита за Бадник кој традиционално се наоѓа на бадниковата трпеза. Малинкова разбирливо Божиќ го поминуваа дома во кругот на семејството, кое воедно и е нејзината најголема поддршка. Таа открива како се прославува Божиќ и Бадник во нејзиниот дом. „Отсекогаш периодот од Нова Година, па до Божиќ ми бил еден од омилените во годината. Секогаш се радувам на деновиве и за мене имаат некоја посебна магија. Како малечка палевме оган во дворот пред нашата куќа. Игравме, се радувавме и пеевме песни за Коледе. Сега овие денови имам прилика многу да патувам низ Македонија со настапите и да гледам како се слави Коледе и Божиќ низ градовите. Навистина е магично. Во мојот град, во Кавадарци многу се слави Коледе. Се палат големи огнови, се пее, се собираат многу луѓе“ - вели пејачката. Малинкова откри дека сама ја подготвува посната бадникова вечера. Пејачката откри како ги прославуваат празниците во нејзиниот дом. - Најчесто имам настапи за Бадник и Божиќ. Меѓутоа во текот на денот со семејството сме сите собрани дома и сите по нешто помагаат околу подготовките. Вечерта наздравуваме и откако ќе вечераме се собираме во дневната соба и си прераскажуваме како било претходната година. Најчесто малата Емилија има многу прашања па одговараме на нив“ - кажа во една прилика Малинкова. ФОТО: Инстаграм/natasamalinkova

Нејзините ќерки сме ги виделе, а вака изгледаат мајката и сестрата на пејачката Наташа Малинкова (фото)

Слободанка Илиева — Sat, 08 Jan 2022 08:17:31 +0000

Неодамна од содржините на Вистина.ком.мк можевте да погледнете и прочитате детали од приватноста на пејачката Наташа Малинкова, поточно од роденденот на нејзината поголема ќерка Султана која стана полнолетна девојка. https://arhiva.vistina.com.mk/radio-mileva/rodendenska-zabava-za-polnoletstvo-kjerkata-na-natasha-malinkova-izrasna-vo-vistinska-ubavica-fotografiite-gi-objavi-so-zadocnuvanje-ama-na-niv-e-zenska-ipol-foto/ Кај Малинкови се почесто има повод за убави нешта и прослава, а овој пат повод беше именденот на нејзината мајка која за првпат ја покажа на социјалните мрежи. На заедничката семејна фотографија, Наташа позираше заедно со мајка си и помалата сестра која по професија е фризерка и години наназад се грижи за косата на својата позната дада. Инаку, Малинкова во време на пандемија не ја остави своја музичка кариера во мурување, туку заедно со својот колега Столе Аврамов ја објавија песната „Се што ми зема“ заедно со видео спот.

„Време за акција“: Наташа Малинкова е вистинска “ѕверка“ кога удира во боксерска вреќа (фото)

Христина Ѓоргиевска — Fri, 10 Dec 2021 07:50:27 +0000

Пејачката Наташа Малинкова како и сите нејзини колеги, колешки од музичката сцена изминатата година ипол беше на принудена „пауза“ поради пандемијата со коронавирусот која се уште трае и никако да заврши. Познатите овој период го искористија за да се посветат на себеси и работите кои не можеа да ги прават поради полната агенда со настапи, концерти, ангажмани. Дамите повеќе се посветија на себе и на доведување на својата линија до совршенство, започнаа со здрав начин на исхрана, редовно вежбање..Меѓу нив се Тамара Тодевска, Бубе Јаневска, Антониа Гиговска кои изгледаат подобро од кога и да било. Малинкова е активна на социјалните мрежи, но не е од оние кои постојано „висат“ и нон стоп да објавуваат фотографии од секојдневието. Таа има витка линија која ја истакнува во разни модни комбинации. Меѓутоа, физичката активност е важна не само за добра линија и добар изглед, туку и за добро здравје или како што вели народната поговорка – „Во здраво тело, здрав дух“. Овој пат, пејачката во кусите приказни на „Инстаграм“ објави видео на кое удира во боксерска вреќа и е вистинска ѕверка. „Ова е време за акција и денот може да започне“, напиша како објаснување во објавата. Потоа, Малинкова објави фотографија во спортска комбинација во салата каде тренира и откри дека и овојпат може да го заврши тренингот. Само напред за овој неуморен дух полн со мотивација! фото: Инстаграм/наташа малинкова

Елена Стефановска и Наташа Малинкова позираат во несекојдневни пози со провокативни дози: Двете дами во бикини се „поопасни“ од летните горештини

Христина Ѓоргиевска — Thu, 29 Jul 2021 07:19:20 +0000

Претходното лето, лето 2020 ќе се памти. Поради пандемијата со коронавирусот која се уште трае и никако да заврши, претходното лето беше ограничувачко со патувања, со одредени мерки за заштита од коронавирусот. Меѓутоа, сега откако барем малку попуштија мерките за заштита од Ковид 19, граѓаните ги спакуваа куферите да заминат некаде на одмор, да се опуштат на плажа... Познатите уште во мај ја отворија летната сезона, па уживаа некаде покрај море. Некои сега одмараат во Охрид, други во Грција, Турција, Албанија, Хрватска. Како и да е, познатите дами се расоблекоа на +40 степени, го покажаа своето тело со помалку облека на себе, уживаат на сонце, фаќајки боја позирајќи во различни пози. Водителката на „Живот со стил“, Елена Стефaновска живее и таков живот – со стил. Таа секоја прилика ја користи за да оди некаде на патување, без разлика дали е нашата Македонија, некаде надвор од држвата, таа ужива кога станува збор за патувањата. Поради пандемијата Стефановска подолго време не можеше да оди во Хрватска, да ја види нејзината сестра и внуките. Сепак, водителката сега кончено успеа да замине на својот годишен одмор, да ужива во друштво на нејзините блиски и нејзиниот партнер Бојан Најдоски. Стефановска дека ужива – ужива, а на социјалните мрежи знае да сподели како го поминува времето. Така, на својот „Инстаграм“, таа сподели фотографија на која позира во бикини испружена покрај морето, во несекојдневна поза и со провокативна доза. Водителката буквално „му се испружи“ на сонцето фаќајки тен, но со заземаната положба ја разбуди машката фантазија, нејзините следбеници не престанаа да и коментираат дека изгледа презгодно, но и дека ќе има пожар во Опатија поради нејзината жешка поза. Сигурни сме дека Стефановска ги полни батериите и наскоро ќе се врати полна со енергија, подготвена за новите работни ангажмани. Пејачката Наташа Малинкова исто така спас од горештините бара покрај плажа, уживајќи ем во преубавиот поглед, ем фаќајки боја под сонце. Малинковка во кусите приказни на „Инстаграм“ сподели неколку фотографии на кои позира во едноделно црно бикини додека ужива на плажа. Таа позираше испружена под сонце, но она што е во фокусот на вниманието е нејзиното згодно, витко тело на кое може да и позавидат многу млади девојки. Малинкова ужива и полни батерии додека повторно да одржи некој настап пред публиката и љубителите на нејзината музика. Како и да е, двете дами уживаат и бараат спас од горештините и топлотниот бран, а во костими за капење изгледаат позгодно од кога и да било. фото: Инстаграм/елена стефановска/наташа малинкова

За дамите од македонската естрада, животински принт е во мода: „Змија да те апне или зебра да те бапне?“ (ФОТО)

Антонио Димитриевски — Sat, 24 Jul 2021 07:15:51 +0000

Лето е, па да не се соблечеш по костим за капење, исто како летото да не дошло или да те одминало. Затоа дамите од домашната естрада решија да го покажат она што наголемо го подготвиле уште од претходно - новите модели на костими за капење. Или можеби по некој стар, кој совршено се вклопува во трендот. А, трендот вели дека во мода кај нас се бикини со животински принт! Леопард, змија, зебра... или некоја друга дива ѕверка, важно е костимот да ти е по мерка. Добро да ти прилега, секси да ти стои, да ти ги истакнува природно-вештачките облини и што битно, твоите бикини да се во склад со она што е модерно. Останатото е сеедно... Него и онака ќе го впијат илјадниците машки погледи и она што во твојот костим за капење удобно сместено лежи, а кој не те видел во живо, ќе те види на социјалните мрежи! Леопардот по се изгледа е најбарана ѕверка ова лето? Или можеби е јагуар, во чиј принт со полн жар својот телесен дар го сместија најзгодните македонски дами. Марјана Станојковска, скопската лото убавица прва ги покажа шарите на дивата ѕверка на својот костим за капење, па предизвика куп причини за муабети и лафење... Висока, згодна, стројна и бујна, оваа убавица е вистинска дива мачка, па затоа и ваквиот принт на нејзините бикини совршено и прилега за покривање на нејзините облини. На Александра Накова истиот принт совршено добро и лежи, па костимот за капење и таа го изрекламира на социјалните мрежи. И на неа како и на лото девојката, леопардовата шара совршено и прилега, особено што истата со секој нов ден се' повеќе се претопува со нејзиниот исончан темен тен. Затоа погледот на силиконската гевгелиска дива мачка на многумина ќе им го разубави денот, без оглед дали Накова е соблечена на песочна плажа или крај базенот. Но, изгледа дека само дивите мачки не се во мода, туку за одморот покрај вода, подеднакво атрактивна е и уше некоја животинска шара. Да се вратиме на Марјана Станојковска која како што змијата ја менува кожата и таа го смени бикинито со шарите на дивата мачка, со она во вид на змијска кожа. Испружена на работ од базенот, на социјалните мрежи одново предизвика „пожар“ каде паѓаа облози дали е принтот на бикините во кои Марјана изгледа подеднакво добра, е од боа, питон или кобра? Но, не ја избра само Марјана змиската кожа на својот костим за капење крај отворениот базен, туку со ваквиот дезен се пофали уште една македонска позната мачка, овој пат фолк пејачка. Ирена Спасовска очигледно исто така добро знае што е во мода, па за оваа пригода се фотографирала во костимот со истиот змијски дезен. Можеби не е некој бренд од типот на „Луј Витон“, ама затоа со гаранција во прашање е питон... Кога се работи за принтот, секако! Кога сме кај пејачките и кавадарчанката Наташа Малинкова за капењето во Охрид облече костим каков што доликува - со животински принт! Од страна гледано најмногу наликува на шара на зебра, иако, гаранцијата не ни е 100% цврста, зашто можеби припаѓа и на некоја друга животинска врста. Затоа пак она што на себе го носи Сузана Турунџиева 100% е мини бикини со принт на зебра, на кое не може да му се најде маана, иако битолчанката не е соблечена на плажа, туку во теретана! Или во некаква спортска сала, во која се поти среде летните горештини, демонстрирајќи ги своите боксерски вештини. И балканската мисица, македонска убавица, топ модел, пејачка во обид... Кристина Димитриевска покажа дека удобно се чувствува во сопствената кожа, прекриена со принт на дива мачка. До душа не е костим за капење во прашање, ама сеедно... И под тенкото проѕирно секси боди и под свилениот раскопчан пењоар со леопардова шара, има и што да се види и што да се бара! И кога се' ќе соберете, од она што нашите убавици од јавниот живот го прикажаа со своите бикини во оваа пригода, излегува дека животински принт е во мода! Патем, повеќето од нив се слободни, па ако случајно или намерно налетате некаде на нив, внимавајте што правите... „Леопард да те гризне, змија да те апне или зебра да те бапне?“... Изборот е ваш! Фото: Инстаграм принтскрин

Наташа Малинкова има нова песна, па откако ќе ја слушнете, на вас останува дали ќе кажете – „Немам зборови“ (ФОТО)

Антонио Димитриевски — Thu, 24 Jun 2021 10:55:47 +0000

Сведоци сме дека корона-пандемијата полека се смирува што беше доволна причина за повеќето протагонисти на македонската музичка естрада да ги засукаат ракавите и да почнат со создавање нова музика за својата публика. Една од нив е познатата пејачка Наташа Малинкова, една од најбараните кога станува збор за „тезгите“, односно живите настапи. Таа пред само еден ден ја објави својата најнова песна „Немам зборови“, за која сними и прекрасен видеоспот. Се разбира, Малинкова и овојпат му остана верна на својот соработник Столе Аврамов, кој стои потпишан и зад оваа нејзина најнова песна. „Со Столе се познаваме долги години и досега се потпишува на скоро сит мои песни. Ми верува, јас му верувам и воопшто немаме проблем да соработуваме. Ова е една модерна песна со певлив рефрен и заедно со Столе се согласивме дека сега е идеално време за нејзина промоција“ - ни изјави Малинкова. Инаку Наташа и режисерската палка му ја довери на познатиот Даниел Јовески и „Дигитал Бокс Продукција“, кои се погрижиле да направат одлично видео. Покрај Малинкова во спотот се појавуваат и девојките од „Брејк а Лег“, како и Мина Здравкоска и Стефан Николиќ. „Задоволна сум од тоа како излезе и песната и видеото. Коментарите барем засега се позитивни и верувам дека ќе си го најде патот до публиката. Сакам посебно да се заблагодарам на луѓето и целиот тим што мене и го реализиравме проектов во овие тешки времиња“ - вели Наташа. Но, да не должиме многу, погледнете, слушнете, „лајкнете“, споделете и уживајте:

Eве како нашите познати личности го прославија Велигден (фото)

Христина Ѓоргиевска — Tue, 04 May 2021 07:08:45 +0000

Православните верници изминатиот викенд го славеа најголемиот христијански празник Велигден- Христовото Воскресение, ден кога Исус Христос воскреснал од мртвите. Велигден се одбележува точно на полноќ кога се слави христовото воскресение, а овој празник се поздравува со Христос воскресе - Навистина воскресе. По традиција, за Велигден се вапцаат јајца како симбол на Христовото Воскресение. Додека минатата година Велигден го поминавме во четиридневен карантин поради пандемијата со коронавирусот, оваа година имавме помалку рестриктивни мерки, а верниците можеа да појдат до црква и да го дочекат Христовото воскресение. Нашите познати личности, некои празникот го поминаа дома, други во природа, во кругот на блиските членови на семејството и пријателите. Некои од нив се пофалија со вапцаните велигденски јајца и испратија празнични пораки со желба за мир, здравје и поубави денови. Во продолжение погледнете како нашите јавни личности го поминаат изминатиот продолжен викенд. Калиопи -Со надеж за подобри денови,за повеќе љубов и сочувствување, со верба дека можеме да бидеме почовечни ...ЧЕСТИТ ВЕЛИГДЕН!“, напиша македонската дива покрај фотографиите на кои ги покажа вапцаните јајца

View this post on Instagram

A post shared by Kaliopi (@kaliopi_official)

Tатјана Лазаравеска Македонската фолкерка која повеќе од пет години живее во Австралија таму и го славеше Велигден. Таа позираше заедно со своето семејство, а во описот напиша: „Христос воскресна, навистина воскресна“. Aндријана Јаневска -Со смрт смртта ја победи и живот ни подари! Христос Воскресе!“, напиша пејачката покрај Велигденската трпеза. Лила Филиповска Лила празникот го помина од дома, односно во Турција каде што беше на одмор неколку дена. Но, и отаму се огласи и го честиташе празникот на верниците. „Среќен празник драги пријатели, за многу години Велигден“.

View this post on Instagram

A post shared by Lila (@lilafilipovska)

Елена Стефановска Водителката на „Живот со стил“, Елена Стефановска продолжениот викенд и Велигденскиот празник го помина во Маврово, а отаму ја покажа Велигденската трпеза и го честиташе празникот. „Христос Воскресе. Да се радуваме и да Му благодариме!За многу години!“, напиша водителката.

View this post on Instagram

A post shared by Elena Stefanovska 🌸 (@elena_zivotsostil)

Некои од познатите само ги покажаа вапцаните јајца и велигденската трпеза. Ирена Спировска Ноне Неделковска Александра Илиевска Сузана Турунџиева Ристе Ристески Наташа Малинкова Сања Николиќ Филип Божиновски Елена Велевска Аделина Тахири

Роденденска забава за полнолетство: Ќерката на Наташа Малинкова израсна во вистинска убавица – фотографиите ги објави со задоцнување, ама на нив е женска ипол (фото)

Слободанка Илиева — Mon, 12 Apr 2021 07:22:40 +0000

Поп-пејачката Наташа Малинкова е горда мајка на две ќерки, постарата Султана и помалата Емилија. Наташа со првата наследничка доста млада се има реализирано во улогата на мајка, па денес за некои е чудно кога ќе каже дека има ќерка која деновиве прослави полнолетство. Имено, Султана кон крајот на месец март наполни 18 години, а мама тоа го сподели јавно на својот Инстаграм профил за што пишувавме и претходно. https://arhiva.vistina.com.mk/radio-mileva/sultana-na-natasha-malinkova-napolni-18-godini-od-denes-zapochnuva-novo-poglavje-vo-tvojot-zivot/ Сепак, роденденските фотографии од полнолетството се појавија нешто подоцна. Темата на роденденот била во црно-бела боја, впечатлива торта, но и стајлинг на славеничката која блескаше со својтата атрактивна појава во црно издание со длабоко деколте. За големиот ден на убавата Султана се пофали мама Наташа, ама и тетката по татко, фолк пејачката Ани Малинкова која гордо ја објави внуката на социјалните мрежи. Инаку, во една прилика Наташа за својата прва наследничка изјави: -Да бидам искрена, Султана ми е како другарка и таа секогаш ми е поддршка во кариерата, а ѝ јас учам за трендовите во мзсиката од неа. Но, колку и да сме блиски, сепак јас сум прилично строга,мајка иако можеби не изгледам така“, откри Малинкова- кажа Наташа во една прилика. Мама и тета се пејачки, а дали Султана или Емилија ќе покажат афинитети кон музиката, останува времето да покаже.

Султана на Наташа Малинкова наполни 18 години: „Од денес започнува ново поглавје во твојот живот“

Христина Ѓоргиевска — Wed, 31 Mar 2021 06:51:28 +0000

Пејачката Наташа Малинкова како и нејзините колеги и колешки од музичката бранша моментално е на пауза од концерти, настапи, снимање нови музичка парчиња поради коронавирусот. Иако повеќето од музичарите се активни на социјалните мрежи објавувајќи секојдневие од својот живот, тоа не е случајот и со Милинкова. Сепак, пејачката деновиве имаше убав повод за славење односно полнолество на нејзината постара ќерка Султана. По тој повод, Наташа на својот „Фејсбук“ објави фотографија со својата наследничка и славеничка, а во описот напиша: „Вака те држвев точно пред 18 години кога те родив. Му благодарам на Бог што те имам моја паметна и убава....Летај птицо моја. Од денес започнува ново поглавје во твојот живот. Те сакам мама“, пишува до објавата на која е прегрната наследничката. Под објавата се нижеа честитки и убави желби за славеничката. Инаку, освен Султана, Малинкова ја има и помалата ќерка Емилија. Честитки!

Наташа Малинкова се „фрли“ на третман за разубавување и подмладување, а еве го крајниот ефект (фото)

Христина Ѓоргиевска — Fri, 20 Nov 2020 08:27:11 +0000

Пејачката Наташа Малинкова не е од оние познати кои постојано „висат“ на социјалните мрежи и нон стоп да известува за своите активности пред и зад камерите. Така нејзини последни фотографии на социјалната мрежа „Инстаграм“ се од летото кое е зад нас. Малинкова деновиве одлучи да си посвети време за себе и нега на нејзиното лице, па замина на третман за разубавување. Имено, во кусите приказни на „Инстаграм“ таа откри дека е на третман за подмладување, обновување и заздравување на кожата. Пејачката се фотографираше додека беше во салонот за убавина и објасни како оди целиот процес. Чистење и припрема на лицето за третман. Нанесување пред и после третман на серуми и коктели кои во зависност од кожата се нанесуваат во различен состав.

Боцкање со дерма пенот со соодветни иглички на него.

По завршувањето на третманот, пејачката задоволно го покажа крајниот ефект и го препорача на нејзините следбеници.