Наталија Славева и нејзиното момче се – „Непобедливи“ (ВИДЕО)

Антонио Димитриевски — Thu, 15 Aug 2019 12:33:48 +0000

Наталија Славева има нова песна. Балада, насловена „Непобедливи“. Нејзино ново враќање откако по петгодишната пауза лани се врати на „Макфест“, а сега еве ја одново во македонскиот етер.

Автор на песната е Иле Спасев, а самата Наталија го потпишува своето коавторство во стиховите на истата. Баладата „Непобедливи“ е визуелизирана со видеоспот кој го изработила скопската видеопродукција „Фабрика“ под режисерската палка на нејзиниот сопственик Маријан Огненовски.

Во него пејачката се појавува заедно со своето момче Александар при крајот на видеото!

Истото е снимено во ексклузивниот простор на „Гарденија спа ресортот“ во Велес, а како сето тоа звучи и изгледа проследете во продолжение. https://www.youtube.com/watch?time_continue=1&v=t55nZX0psRs

Наталија Славева го опеа чувството како е… „Штом љубовта исчезне“ (ВИДЕО)

Антонио Димитриевски — Tue, 13 Nov 2018 09:15:41 +0000

По пауза од 5 години, Наталија Славева повторно се враќа на музичката сцена со нова песна и видео. Се работи за баладата "Штом љубовта исчезне" со која настапи на годинешниот Макфест 2018, за која музиката е дело на Томислав Коцевски, текстот е на Огнен Неделковски, а додека аранжманот е на Дејан Миленковски.

За видеото се погрижија Фабрика продукција која кадрите за видеото ги снимаше во скопската винарија Камник.

„По подолг период со задоволство се враќам на музиката, мојата прва љубов со една убава балада. Голема благодарност до целиот тим кој придонесе за да се направи еден прекрасен производ, кој што се надеваме дека ќе и се допадне на публиката“ - порачува пејачката препорачувајќи го видеото за својата макфестовска балада.

Во продолжение проследете го видеото:

наталија славева – Вистина.мк

Наталија Славева и нејзиното момче се – „Непобедливи“ (ВИДЕО)

Наталија Славева го опеа чувството како е… „Штом љубовта исчезне“ (ВИДЕО)