настрадани – Вистина.мк

На ФМУ: Хуманитарен концерт за настраданите од земјотресите во Турција и Сирија

Антонио Димитриевски — Mon, 20 Feb 2023 10:04:04 +0000

Денеска со почеток во 19 часот на Факултетот за музичка уметност, студентите и професорите ќе одржат хуманитарен концерт за настраданите од земјотресите во Турција и Сирија.

Кога човештвото се соочува со вакви трагедии и искушенија секој започнувајќи од себе треба да даде нешто свое за нов почеток. Болката за изгубен живот е огромна и отвора рани, но солидарноста е таа која ќе започне една нова етапа.

Ние како музичари, студенти и професори на Факултетот за музичка уметност ве повикуваме преку музика да дадеме нешто свое, за нас малку, за нив цело богатство. Ве покануваме да бидете дел од еден поразличен концерт на кој заеднички ќе укажеме почит и солидарност кон настраданите од земјотресите во Турција и Сирија. Концертот ќе се одржи на 20.2.2023 год.(понеделник) почнувајќи од 19 часот во големата сала на Факултетот за музичка уметност-Скопје. Влезот ќе биде слободен. Дополнително ќе бидат поставени кутии од Црвен крст и секој кој сака ќе може да донира според своите можности.

Програмата ќе биде исполнета од различни инструменти и изведувачи. Како специјални гости ќе настапат и Женскиот младински хор при МКЦ, велат организаторите.

Џани Алиоски лично купуваше облека за настраданите во Турција: „Секоја чест, ти голем човеку“! (ВИДЕО)

Антонио Димитриевски — Thu, 09 Feb 2023 11:50:35 +0000

Македонскиот фудбалски репрезентативец Езгијан Алиоски, кој во моментов игра за турскиот фудбалски гигант „Фенербахче“, покажа дека не е само голем мајстор на фудбалската игра, туку и човек со големо срце. Алиоски за настраданите во земјотресот во Турција тргна лично да купува јакни, шапки, шалчиња, џемпери и други работи кои им се потребни на преживеаните кои останаа без своите домови и живеалишта на минусните температури, по големата катастрофа што ги задеси. Истите популарниот Џани ги испрати во местата погодени од страотниот земјотрес кој засега однесе речиси 18.000 жртви, а се стравува дека бројката за жал, ќе биде и многу поголема. Алиоски со овој гест покажа дека и големите ѕвезди знаат да бидат хумани луѓе, со широка душа и големо срце, зашто на крајот на денот сите сме само обични луѓе, кои може да ги задеси ваква или слична катастрофа! Затоа, браво Џани мајсторе... Секоја чест, ти голем човеку!

View this post on Instagram

A post shared by Football Federation-Macedonia (@ffmacedonia)

Фото/Видео: Инстаграм/ffmacedonia

Рита Ора им помага на жртвите од земјотресот

Христина Ѓоргиевска — Mon, 02 Dec 2019 10:07:19 +0000

По силниот земјотрес во Албанија има жртви, неколку настрадни, а некои и луѓе го изгубија својот дом. Албанската пејачка Рита Оро замина во Албанија каде што ќе помага на настраданите од земјотресот, а на едно семејство ќе помогне да ја обнови куќата. „Јас предлагам на оние кои можат да пронајдат некое семејство, хуманитарна организација или некој друг начин за да помогнат во обновувањето на куќите на жртвите од катастрофата. Прво семејество кое го одбрав е Сала“ откри пејачката. Рита најави дека ќе работи на проект со албански дизјанер, а приходите од истиот ќе бидат доделени на настрадните од земјотресот.