насмевка – Вистина.мк

Витамини и минереали за повеќе насмевки и забава во зима

Дејан Донев — Tue, 19 Dec 2023 12:02:42 +0000

Здравата исхрана и редовната физичка активност треба да бидат дел од сечие секојдневие, тие помагаат да се одржи способноста на телото да одговори на секоја закана соодветно. Но дали е тоа доволно? Недостатокот на витамини и минерали може да доведе до намалување на перформансите на одбранбениот систем, а како да бидеме сигурни дека телото ги добива сите потребни хранливи состојки за оптимална функција на имунитетот? Не постои универзално решение кое ќе даде резултат кај секој. Некому му се потребни комплексни комбинации од витамини и минерали, а некому му е доволно во дневната рутина да додаде комплекс од витамини B. Во која група спаѓате вие?

Детето пребира храна, преземете контрола

Секој понекогаш пребира некоја храна, но кај децата и тинејџерите тоа е ритуал кој може да зависи од вкусот на јадењето или едноставно од бојата на состојките во чинијата. Многу од нив имаат листа на намирници за кои не сакаат да направат компромис и воопшто не ги внесуваат во исхраната. Повеќето витамински производи имаат примамлив вкус и мирис, па генерално сите ги прифаќаат. Витаминските сирупи им помагаат на родителите да имаат подобра контрола врз нутритивната вредност на храната која децата ја јадат. Здрави деца значи и насмеано семејство. Oligovit витаминскиот сируп за деца на Галеника е комбинација од повеќе витамини и тоа: витамин А, витамин D3, витамин Е, витамин B1, витамин B2, витамин B6, витамин C, ниацин и пантоненска киселина. Генерално, комбинацијата на витамини и на минерали, кога е наменета за возрасни можат да го спасат денот и да не ве напушти чувството на благосостојба. Микронутриентите во витамините и минералите се одговорни за реакцијата на нашиот имунолошки одговор. Односно, ги спречуваат патогените да се размножуваат. Всушност можат да влијаат на намалување и олеснување на симптомите преку поддршката која ја дава на имунолошкиот систем. Ако ви е потребен добар мултивитамин, Олиговит е достапен и за возрасни, а во портфолиото на овој бренд има голем избор на комбинации од витамини и минерали наменети за жени, трудници, мажи и лица кои интензивно вежбаат. За возрасни Олиговит е комбинација од 10 витамини А, D3, Е, B1, B2, B6, B12, C, ниацин, пантоненска киселина и 10 најпотребни минерали – калциум, железо, јод, цинк, флуорид, молибден, бакар, манган, магнезиум и хром. Галеника е еден од најголемите фармацевтски производители во регионот кој со децении се вложува за подигање на нивото на грижата за здравјето, како и на превентивата. Компанијата ја согледува важноста од подигање на свесноста кај луѓето за влијанието на здравата исхрана и редовното движење врз здравјето, но ја препознава и потребата од висококвалитетни производи со микронутриенти кои може да помогнат во зголемување на севкупното ниво на енергија на поединецот.

Не можете без кафе, а сепак ви недостига енергија

Комбинацијата на витамини B може значајно да влијае на енергетската состојба на секој човек, особено ако има навики кои ја намалуваат можноста телото да ги апсорбира витамините B. Не мора да станува збор за лоши навики, едноставно и утринското кафе или чаша алкохол може да влијае на нивото на витамин B или на витамин C во телото. Овие витамини се растворливи во вода, а кафето е диуретик кој го забрзува исфрлањето на течности од организмот а со тоа и на витамините кои се неопходни за метаболички процеси во телото. Една од комбинациите на витамини B, која е препознатлива на пазарот затоа што се произведува од 1955 година, е производот на Галеника кој во македонските аптеки може да се набави без рецепт. Спојот на повеќе витамини B, кои се неопходни за телото и може да се внесат и во форма на таблетки, обезбедува поддршка на нервниот систем, но и на имунитетот, како и на општата енергетска состојба на поединецот. Недостаток на B комплекс може да доведе и до анемија, мускулна слабост, интестинални проблеми, оштетување на нервите, нарушување на видот и други состојби. Секој од витамините B има различна улога во телото. B1 или тиамин му помага на телото да создаде енергија, а влијае и врз работата на нервниот систем, срцето и другите мускули. B3 или ниацин е добар за нервниот систем, циркулацијата на крвта и го намалува нивото на лош холестерол. B5 или пантотенска киселина е значаен за одржување на здрава кожа. B6 или пиридоксин помага при разградувањето на протеините и го одржува здравјето на нервниот систем. B12 или кобаламин влијае на апетитот и помага во превенцијата од анемија.

Не кратете на сонот, ниту на прошетките

Имунитетот е мошне комплексна појава за која секојдневно се дознаваат нови работи. Но, она што е добро познато и докажано е дека за јак имунитет потребни се сон и физичка активност. Не мора да одите во фитнес центри или да трчате. Секојдневната прошетка или рекреативно искачување ќе донесат подеднакво бенефити за телото како и здравата исхрана. За крај, може да се каже дека добриот избор на суплемент со правилна и здрава исхрана заедно ќе работат да се зајакне имунитетот и подобри нивото на енергија и благосостојба на поединецот. Физичката активност, пак, има бенефити, но е и нераскинливо поврзана со потребата од минерали и витамини да обезбедат енергија за телото. Затоа погрижете се да обезбедите минерали и витамини со кои ќе го затворите кругот и украсите со насмевки од целото семејство.

Се појави досега невидена фотографија на Лепа Брена со Оливер Мандиќ (фото)

Слаѓана Атанасова — Thu, 28 Sep 2023 06:43:19 +0000

Лепа Брена со децении е дел од јавната сцена, а за сите тие години стекна слава со која не може да се пофали ниту една пејачка. Најголема популарност имаше во осумдесетите кога настапуваше со „Слатки греха“, но таа слава до ден денес не е намалена. На една страница на Инстаграм се појави фотографија на Брена на која таа е во друштво на познатиот музичар Оливер Мандиќ. Можеме да заклучиме дека колегите биле расположени ако се суди по насмевката на Брена. Веруваме дека оваа објава многумина ги врати во некои дамнешни времиња, кога овие двајца луѓе беа во зенитот на својата популарност. Фото: Принтскрин/Естрадни Архив

Весна Змијанац за прв пат во јавноста по операцијата на срцето: Тешко оди, но не ја трга насмевка од лицето (фото)

Слаѓана Атанасова — Wed, 20 Sep 2023 06:51:37 +0000

Пејачката Весна Змијанац имаше операција на срцето во март, кога и беше поставен бајпас. Таа сега за прв пат се појави во јавноста на роденденот на нејзиниот фризер. Цело време се држела за пријателот, со мака одела, а на прашањето како е таа само накратко рекла дека е добро. Весна била облечена во зелен костум и јакна, а и покрај се што и се случи, таа не ја загубила насмевката и била видно расположена. Инаку, Весна Змијанац пет месеци по интервенцијата имаше голем настап во Бугарија, кој маестрално го изведе, а многумина забележаа дека многу ослабела. Весна по овој настап наводно почнала да закажува што повеќе настапи, што не и се допаднало на нејзината ќерка Николија. - Николија строго и забрани да работи секој викенд и и кажа дека може да настапува еднаш месечно, не повеќе од тоа бидејќи штотуку била оперирана. Лекарите и рекле дека мора строго да се грижи и да одмора една година, но пејачката нема мир. Штом застана на нозе и почувствува дека е добро, веднаш им порача на менаџерите да и ги закажат тезгите – изјавил изворот за „Стар“. Фото: Принтскрин/Рингиер/Ата Имаџес

„Потврдено, супер сум!“ – Ден по интервенцијата Снеже Велков веќе се чувствува одлично (фото)

Слаѓана Атанасова — Thu, 06 Jul 2023 06:21:07 +0000

Сведоци сме дека во нашата средина секојдневно гледаме луѓе кои се срамат од својата насмевка, без разлика дали се работи за целосно губење на природните заби или само за еден заб на видно место. Една од најголемите несигурности на човекот доаѓа токму од забите, а забните импланти се решението кои го компензираат тој недостаток. Македонската ТВ водителка и пилатес инструкторка Снеже Велков на социјалната мрежа Инстаграм се пофали токму со такво искувство за кое сега се одлучи, а со интервенцијата која ја направила и од која навистина е позитивно задоволна, слободно може да си ја задржи насмевката на лицето, иако долго време се плашеше да се осмели на таков чекор, а сега го надмина стравот и реши да тргне во акција. Откако Снеже ја направи интервенцијата за ставање на импланти, после серија стоматолошки анализи, ренгенски снимки, 3Д анализи и сл... вгради импланти кои можат да траат дури и доживотно доколку телото ги прифати. - Потврдено, супер сум и јас и ставените импланти - напиша таа на објавата заедно со нејзиниот хирург. Снеже сега со искрен одговор се обрати на јавноста за нејзината интервенција. - Втор ден по интервенцијата на ставање забни импланти. Супер сум немам болка пијам антибиотик да превенирам инфекција - надополнувајќи дека ќе одговара и на сите прашања поврзани со имплантите. 41- годишната водителка објави и видео од ординацијата со кое на своите фанови им овозможи одблизу да ја проследат нејзината интервенција со која се гордее. Снеже храбро издржала на стоматолошкото столче половина час колку што траел процесот, но затоа сега ќе нема мака. На социјалната мрежа Инстаграм изјави дека не почувствувала никаква болка по анестезијата освен што го слушала само зуењето на машината. Никаков допир, како ништо да не се случува дека и прават, а исто така и по завршувањето на интервенцијата и по престанокот на анестезијата таа повторно не почувствувала болка но, сепак за превенција против отокот направила се што е потребно за да не се случи инфекција. Таа е задоволна како сега изгледа и поради тоа изјави дека се чувствува фантастично! Фото: Принтскрин/Инстаграм/Снеже Велков

Сите погледи вперени во актерката: Јелисавета Орашанин блесна во елегантно издание (фото)

Слаѓана Атанасова — Wed, 29 Mar 2023 11:22:36 +0000

Убавата актерка Јелисавета Орашанин заедно со своите колеги се појави на прес-конференцијата по повод претставата „Лага“ каде ќе ја толкува главната улога, па веднаш ги освои сите симпатии. Јелисавета избра сина кожна јакна, која ја врза за оваа пригода, како и панталони со висок стук, а сè заокружи со дискретен накит. Коментарите за нејзиниот изглед само пристигнуваа, а таа не ја тргаше насмевката од нејзиното лице. Фото: Принтскрин/Антонио Ахел

Емина Јаховиќ славеше роденден – пејачката влезе во петтата деценија со широка насмевка (фото)

Слаѓана Атанасова — Mon, 16 Jan 2023 11:56:58 +0000

Поп-кантавторката Емина Јаховиќ вчера го прослави својот 41 роденден и на тој начин зачекори во петтата деценија од животот. Атрактивната и талентирана пејачка се пофали со интимната прослава на Инстаграм, но сите ги заинтригира огромниот букет црвени рози со кои Јаховиќ позираше пред огледалото. Широката насмевка на нејзиното лице јасно укажува дека тоа е изненадување од драга личност, а дали пејачката е повторно заљубена или само некој и се додворува, сигурно наскоро ќе дознаеме. Инаку, пејачката не криеше дека изминатите години минуваше низ тежок период во животот откако се разведе од долгогодишниот партнер Мустафа Сандал. Да потсетиме, Емина правдата мораше да ја бара на суд бидејќи нејзиниот поранешен сопружник не им плаќал алиментација на нивните синови, а поради тешкиот период Емина целосно им се посветила на децата. Фото: Принтскрин/Инстаграм/Емина Јаховиќ

Илина Арсова го покажа нејзиното спортско тело и челичен дух: Гола во вода на минус 20 степени! (ФОТО)

Слаѓана Атанасова — Tue, 20 Dec 2022 09:45:27 +0000

Алпинистката и сликарка Илина Арсова која замина во Америка и започна да работи како професорка на Универзитетот Тенеси од каде доби и стипендија за докторски студии, повторно им се врати на старите навики или како што вели таа на нејзиното природно живеалиште. Таа е активна на социјалните мрежи, и редовно објавува фотографии од нејзините активности, каде будно ја следат повеќе од 24.000 следбеници. Па така, дамата од Македонија која ги искачи највисоките врвови на седумте континенти покажа што прави во моментов. Таа на почетокот беше облечена во зимска јакна со капа, качулка и широка насмевка на лицето .... Но, подоцна се соблече и го покажа нејзиното мускулесто тело и тоа не било каде, туку влезена во топол извор со вода до половина, на смрзнувачка температура од минус (- 20) степени. Топло уживање на неподносливата ладнотија, во кое Илина не ја тргна насмевката и покрај тоа што студениото и го обзема лицето. Под објавата следеа пофалби за чудесната Илина која претходно во својот пост напиша: „Насмевката кажува сѐ - што да кажам, само зборвит сличево“.

View this post on Instagram

A post shared by Ilina Arsova (@ilina_arsova)

Илина уште еднаш покажа и докажа колку е издржливо нејзиното спортско тело на минусни температури, во планината на снегот. Особено кога ќе мораш да излезеш од топлиот термален извор, а потоа немаш каде да се скриеш на топло, едноставно немаш избор, освен да се соочиш со студенилото на планината... Но токму во тоа за Илине е и убавината, а и не и е прв пат. Откако еднаш во 2019 на Антарктикот , како дел од јубилејната изложба по повод 75 години од основањето на Друштвото на Ликовните уметници на Македонија, го прикажа нејзиното голо тело со ликовниот перформанс како соединување и навраќање на човекот кон природата. За потсетување Илина е авторка на 2 книги, „Седумте“ и „Планинарење“ и на еден краток документарен филм “This is Herstory” (2018) за инспиративни атлетичарки од Балканот кој е прикажан на 20-ина меѓунардни филмски фестивали и има освоено четири меѓународни награди. Меѓу сето останато и жена со „надчовечки способности“ кога се во прашање, храброста, издржливоста, менталната сила и останатите особини кои не секој маж, а камоли жена ги поседува за да се фати во костец со ваквите предизвици. Зашто ваква моќ и силина има само Илина! Фото: Принтскрин/Инстаграм/Илина Арсова

Две состојки ве делат од убава насмевка: Еве како природно да си ги направите забите побели

Слободанка Илиева — Thu, 01 Dec 2022 13:20:03 +0000

Белите заби без избелување кај стоматолог, не се веќе недостижна цел. Веќе нема да мората да чекате резултати неколку дена или неколку месеци. Можете да ги избелите своите заби за неколку минути. Како да направите природно средство за да ги избелите забите? Сигурно сте слушнале за благодетите од кокосовото масло, кое може да се нарече чудо за нега на лицето и за целокупното здравје. Но дали сте знаеле дека со него можете да ги избелите забите? Кокосовто масло ќе ви помогно да ги избелите забите за помалку од две минути. За да направите сопствено средство за избелување на забите потребни ви се само две состојки: кокосово масло и сода бикарбона. Земете во еднаква количина сода бикарбона и кокосово масло, добро промешајте и ставете ја смесата во помала тегла. Се што е потребно е да ја замените својата паста за заби со ова природно и ефикасно средство. Ефектот е навистина очигледен по првата употреба. извор:курир.мк

Тотално различна: Протече досега не видена фотографија од младите години на Драгана Мирковиќ

Слаѓана Атанасова — Wed, 05 Oct 2022 06:32:33 +0000

Фолк ѕвездата Драгана Мирковиќ важи за една од најголемите музички ѕвезди на овие простори, но малкумина се сеќаваат како настапувала во осумдесетите. Имено, неодамна на социјалната мрежа Инстаграм се појави фотографија од Драгана Мирковиќ од помладите години на која можеме да ја видиме со кратка коса, а она што е исто како денес е нејзината насмевка и погледот. Оваа фотографија на социјалната мрежа Инстаграм привлече огромно внимание, а коментарите под неа не престануваат да се нижат.

View this post on Instagram

A post shared by @estradni.arhiv

Да потсетиме, Драгана Мирковиќ со децении е една од најпопуларните пејачки на Балканот, која има имиџ на семејна жена и ужива во хармоничен брак со бизнисменот Тони Бијелиќ, со кој има син и ќерка. Фото:Принтскрин/Инстаграм/Драгана Мирковиќ/Кадиќ

Петар Грашо проговори за родителството: Откри на што најмногу му замерува Тончи Хуљиќ (фото)

Слаѓана Атанасова — Mon, 19 Sep 2022 07:17:30 +0000

Пејачот Петар Грашо и неговата 14 години помлада сопруга Хана Хуљиќ на 17 јули годинава станаа родители, со што нивната љубов ја крунисаа со најубав подарок. Пејачот и ќерката на неговиот долгогодишен колега Тончи Хуљиќ се венчаа неколку месеци претходно, но не сакаат да зборуваат за семејната приватност. Петар Грашо сега за прв пат призна како се снаоѓа во улогата на татко. - Во текот на мојот живот, семејството отсекогаш било јадро и почетна точка на сè, како и пристаништето во кое се враќам. Се трудам да бидам добар родител и партнер. Кога те води љубовта, убавите работи сами по себе се случуваат - низ насмевка изјавил Петар. Таткото на неговата сопруга, Тончи ,во еден момент му замерил што цело лето работи, речиси без слободен ден, а тој вели дека во иднина ќе поминува повеќе време со семејството бидејќи сега таква е ситуацијата. - Со оглед на тоа што нон-стоп сум на пат, немав премногу задачи или можности да се изразам. Но, верувам дека сум грижлив и посветен. Се надевам дека ќе напредувам и во тоа прашање, со насмевка вели новопечениот татко, чие лице блеска, а очите му светкаат кога зборува за својата ќерка. Многу генерации пораснаа со песните на Грашо, па денес дури и некои од помладите ги знаат хитовите од пред две децении. На прашањето како ќерката Алба реагира на неговиот глас и дали и пее приспивни песни тој вели дека и потпевнува додека ја заспива и тоа и се допаѓа. Петар живее во градот со Хана и неговата ќерка, но се труди да помине многу време во природа за да ги наполни батериите и да се одмори од градската гужва. Тој вели дека не е од оние градски момци кои се отуѓиле од природата. - За мене пресудни се патувањата во природата за собирање енергија меѓу концертите, кои се доста исцрпувачки заедно со патувањето - открива пејачот, кој се обидува со својот пример да укаже на важноста од зачувување на природата: - Најпрво се трудам да не ја загадам на никаков начин. Фото:принтскрин/Инстаграм/Петар Грашо