наследник – Вистина.мк

Прослава во домот на Дара Бубамара: Пејачката се огласи на социјалните мрежи и откри зошто денес е посебен ден (фото)

Слаѓана Атанасова — Wed, 03 Jan 2024 09:05:36 +0000

Дара Бубамара не крие колку е горда на својот син Коста, кој го доби во бракот со Милан Кесиќ, а денес имаат голема причина за славење. Имено, денес пејачката слави роденден на својот наследник за кого е многу приврзана. Таа на Инстаграм објави фотографија со Коста заедно со емотивна порака. -Среќен роденден синко. Мајка ти те сака повеќе од се на светот – напиша таа. Фото: Printskrin/Instagram/darabubamara_official

Вук тргна по стапките на татко му, па нагло смени правец: Синот на Тијана требаше да стане несуден кошаркар, а сега плива во водите во кои е целото семејство на неговата мајка – светот на музиката! (ФОТО)

Антонио Димитриевски — Thu, 05 Oct 2023 09:03:11 +0000

Вук, синот единец на македонската пејачка и од пред некое време актерка Тијана Дапчевиќ неодамна наполни 14 години. Откако заврши основно училиште и славеше полуматура, „малиот двометраш“ на општо изненадување на јавноста се запиша во средното музичко училиште иако до пред три години Вук тргана по стапките на татко му -0 во светот на спортот. Строен на татко му Милан, а Бога ми и на мајка му Тијана кога е височината во прашање, Вук реши своите природни предиспозиции да ги искористи. Така, малиот Дапчевиќ почна да тренира кошарка, спорт по кој Србија е светски прочуена велесила, а и Македонија дала неколку големи европски, па и светски ѕвезди… Од Буштур, преку Наумовски до Антиќ… Така Вук тогаш стана член на кошаркарската школа на едена исто така голема некогашна кошаркарска ѕвезда на КК Партизан и тогашната ЈУ репрезентација, бившиот центар Жељко Ребрача кој сега има своја кошаркарска академија во Белград. „Вук тргна во нова кошаркарска авантура во @akademijarebraca, која е дел од @star_wellness_sport . Среќно сине, затоа што ќе научиш многу од чичко Жељко (и сите тренери што се на академијата)“ – напиша пејачката во пораката покрај заедничката фотографија со синот и кошаркарската легенда. Арно ама, само три години подоцна очигледно ништо од кошарката, па синот на Тијана наместо несудена идна кошаркарска ѕвезда, сега плива во водите во кои цел живот успешно плива семејство на неговата мајка - светот на музиката! Но ова не е само нов почеток во едукацијата, зашто Вук последниве години, како што ќе изјави неодамна неговата мајка, е опседнат со музиката: „Сè што го интересира во моментов е музиката и нејзиното создавање, дури се пронајде во сосема нов жанр, а тоа е „фонк“ музиката, некоја електроника е во прашање. Во главно целата негова генерација најмногу се занимава со тоа и Вук доби многу фанови. Заврши нижо музичко школо, иако до сега навистина не бил љубител на клавирот, тоа не значи дека тоа нема да се промени кога ќе се запише во средното музичко училиште“. Наследникот на пејачката решил неговиот повик во животот да биде музиката, но во сосема поинаков правец од она што го изведува Тијана. „Тој е заинтересиран за музика, за што сум многу среќна и од клучно значење ми е да знае што сака и што сака да прави на млада возраст. Тој е заинтересиран за продукција, има свој профил на „Спотифај“, каде ја презентира својата музика и има свои обожаватели, поточно над милион слушатели“ – ијави гордата мама за Гранд. Тијана признава дека Вук веќе има постигнато забележителни резултати и гордо истакнува дека наскоро ќе се појави на меѓународен фестивал. „Сега оди на некој фестивал, а бидејќи е малолетен, мама и тато одат во Амстердам со него на фестивалот за фонк музика што ја прави. Тој е исклучително популарен во круговите на таа музика. Јас сум горда мајка“ – ќе додаде таа. Тијана и Тамара, покрај Тања и Лидија Кочовски се двете веројатно најпознати сестри во македонскиот естраден шоубизнис. Обете јавни личности, поп пејачки, естрадни ѕвезди со несомнени вокални квалитети за кои нема кој не слушнал. Потекнуваат од музичко семејство продолжувајќи го патот на нивните родители, мама Бранка-некогаш позната македонска пејачка и тато Велко-професор по музика во пензија на Музичката Академија во Скопје. Тогаш нема причина зошто Вук не би ја продолжил семејната лоза? Само што тој по се изгледа повеќе би сакал да биде како Дарко Димитров, отколку како баба, дедо, мама или тета?! Фото: Инстаграм/tijana.dapcevic

Поранешниот сопруг на Северина по петти пат ќе стане татко: Милан Поповиќ со втората сопруга чека принова (фото)

Слаѓана Атанасова — Tue, 12 Sep 2023 06:22:41 +0000

Милан Поповиќ го чека своето петто дете, а според информациите, неговата сопруга Бојана носи момче. Кралот на бакарот ќе добие петто дете. Тој со пејачката Северина Вучковиќ доби син, а Бојана ги роди синовите Милан и Ѓорѓе, како и ќерката Софија. Според се, во љубовта му цветаат рози на српскиот бизнисмен Милан Поповиќ, па наскоро ќе се роди уште еден наследник. Поубавата половина на Поповиќ е бремена во четвртиот месец, а на парот ова ќе им биде четврто дете. За потсетување, Милан Поповиќ е во брак со убавата Бојана, атрактивна русокоса, која како и успешниот бизнисмен не сака премногу да се експонира во јавноста. Таа потекнува од угледно белградско семејство и има високо образование, а кралот на бакарот секогаш со восхит зборувал за својата сопруга и нагласувал дека таа е жена за пример. Фото: Принтскрин/Ата Имаџес/Антоио Ахел

Даниел Кајмаковски гол до појас во празен ресторан: Вака пејачот синчето го заспива или го учи да танцува? (ВИДЕО)

Слаѓана Атанасова — Mon, 17 Jul 2023 10:33:52 +0000

Летните горештините секој ден сѐ се посилни, а за спас од нив сите бегаат каде ќе најдат слободно место покрај вода или дебела ладовина. Македонскиот победник на Икс-Фактор и поранешен евровизиски претставник, Даниел Кајмакоски, го направи токму тоа и викендов замина заедно со семејството во еден ресорт за одмор покрај Крагуевац. Неговата тазе сопруга Марина пред три месеци се породи и на свет го донесе наследикот Стефан поради кој тие двајцата сега се во облаци од среќа, а пејачот во секоја прилика гордо го покажува. Па така, овој пат заедно со синчето во топла прегратка, Кајмакоски објави подолго видео со кое го привлече вниманието на јавноста. Гол до појас во празниот ресторан во ресортот каде што престојуваа се снимил како танцува, а во рацете нежно го држи наследникот. Дека Кајмаковски е во облаци од среќа и со неописливо чувство од убавина покажа и сега, како вистински уметник со искувството во танцувањето. Синчето Стефан беше тој кој сега го натера и да заигра под ладовина за да го оттргне малечкиот од неподносливата горештина. Единствена дилема е која беше неговата цел, дали само го заспива или го учи да танцува?! Фото: Принтскрин/Инстаграм/Даниел Кајмаковски

Ферчо Мустафов: „Ферус ги направи она што се денес, а тие не го испочитуваа и не го ни испратија на вечното почивалиште“ (ВИДЕО)

Антонио Димитриевски — Mon, 26 Jun 2023 10:16:44 +0000

Најпознатиот македонски кларинетист, саксофонист и крал на ромската музика, Ферус Мустафов, почина на 72-годишна возраст. Роден на 20 декември 1950 година во Штип во ромско семејство на музичари и е син на Илми Јашаров, професионалната кариера започнал на седумнаесетгодишна возраст, додека студирал виолина и кларинет на локална музичка академија. Во тоа време, тој бил поканет да оди на турнеја со бенд предводен од Тома Чрчев, а успехот на турнејата го натерал да се откаже од академското учење и да стане естраден музичар. По една година воена служба, за време на која тој ја воспоставил својата репутација свирејќи на вечерните забави, тој се преселил во Сараево, Босна и Херцеговина, каде ја презел водечката улога во експлозијата на популарноста на народната музика што се случила таму во тоа време. Музиката и музичкото умеење ќе го носат насекаде, од најблиското соседство па се во многу земји низ Европа и светот, каде ќе биде ценет, почитуван, познат и признат, а заработувачката од музиката на моменти ќе достигнува дури и вртоглави бројки. Ферус Мустафов не беше само врвен музичар туку тој им бил идол и учител на некои од денес многу познатите музичари. За негов наследник се смета неговиот внук Ферчо Мустафов кој во ексклузивно интервју за естрадниот ТВ магазин “Бекстејџ” за прв пат зборуваше за неговиот дедо, се присети на некои анегдоти но и искажа разочарвање за тоа дека речи си никој од неговите колеги, оние со кои соработувал, им помогнал, а некои и ги направил познати и славни, не се појавиле ниту на комеморацијата, ниту на погребот. Што се кажа внукот на Ферус погледнете во интервјуто во продолжение:

Ана Кораќ цел месец го криеше името на наследникот, а сега конечно е откриено како се вика (фото)

Слаѓана Атанасова — Fri, 24 Mar 2023 08:50:58 +0000

Старлетата Ана Кориќ се породи пред еден месец, а името на синот го криеше од јавноста. Имено, Ана, која редовно споделува фотографии со својот наследник на Инстаграм, беше многу таинствена кога станува збор за името на нејзиното бебе. Според локалните медиуми, миленикот на старлетата се вика Матео. Матео е име од хебрејско потекло кое има силно значење „дар од Бога“. Да потсетиме, Ана Кориќ се породи пред еден месец и роди син. Ана од јавноста го крие идентитетот на својот партнер, но во неколку наврати на социјалните мрежи покажа дел од своето секојдневие. Сепак, покрај семејната идила, сите го забележаа и луксузниот ентериер, а неизбежно е Ана да се потруди секој детаљ во домот да биде украсен со стил. Фото: Принтскрин/Инстаграм/Приватна Архива

Парис Хилтон му даде необично име на синот со моќна симболика (фото)

Слободанка Илиева — Fri, 24 Feb 2023 12:28:53 +0000

На Парис Хилтон и недостигаше само една „ситница“ пред да може да каже дека има сè што некогаш сакала. Конечно во нејзиниот животен мозаик беше интегриран делот кој толку многу недостасуваше. Едно од најбогатите семејства во светот имаше принова на крајот на јануари. Бидејќи не била во друга состојба, наследничката на синџир ексклузивни хотели веројатно ја остварила својата најголема желба со помош на сурогат мајка.

View this post on Instagram

A post shared by Paris Hilton (@parishilton)

„Бебе Феникс. Целиот наш свет“, официјално го претставила новиот член на семејството, а потоа објаснила зошто момчето го добило тоа име. - За ова име се одлучив пред многу години. Кога барав градови, земји и држави на мапата, барав што би одело со Париз и Лондон. Феникс (град во Америка) има неколку добри референтни точки на поп-културата, но уште поважно, тоа е птица која се запали и потоа се крева од пепелта за повторно да лета. Сакам мојот син да порасне знаејќи дека триумфот и катастрофата минуваат низ нашите животи, а тоа треба да ни даде голема надеж за иднината. Во ноември 2021 година, Парис Хилтон му го кажа судбоносното „да“ на бизнисменот Картер Реум на спектакуларна свадба во Лос Анџелес. фото:инстаграм/parishilton

Новинарите повторно ја „чепнаа“ Mарија Шерифовиќ на тема мајчинство – еве што им одговори…

Слободанка Илиева — Mon, 20 Feb 2023 10:46:31 +0000

Марија Шерифовиќ откри кога ќе стане мајка. Поминаа речиси десет години од документарниот филм на Марија Шерифовиќ во кој таа отворено зборуваше за нејзиниот возбудлив, често и интригантен приватен живот. И покрај тоа, јавноста беше лишена од некои одговори, па интимниот живот на пејачката и денес „копа“ многу луѓе. Марија неодамна во една емисија реши да проговори за своето потомство, односно за желбата еден ден да стане мајка. ‒ Ми недостига љубовта, го сакам семејството, пријателите, миленичињата, ве сакам и вас новинарите бидејќи на некој чуден начин станавте дел од мојот живот, иако понекогаш ме нервирате - изјави Марија откривајќи кога една од нејзините најголеми желби ќе се оствари.

View this post on Instagram

A post shared by Marija Serifovic (@serifovic)

‒ Наследникот на Шерифовиќ долго се чека. Бебето ќе биде кога виша сила, космосот, Бог ќе го испланира - заклучила пејачката. фото:Intagram/Serifovivc

Дара Бубамара гордо го покажа синот: Коста зборува три јазици и сака да биде славен (фото)

Слободанка Илиева — Tue, 17 Jan 2023 09:57:51 +0000

Синот на Дара Бубамара, Константин Кесиќ успешно го заврши првото полугодие, па неговата горда мајка реши да го почести со убаво патување за празниците. Моментално уживаат во шармот на Дубаи, а во исто време ја искористија можноста да ги посетат знаменитостите во пустинската област која го опкружува градот. Егзотично патување, секако, бара и егзотичен костим, па пејачката ја заштитила главата од сонцето со турбан, додека момчето ставило карирана марама. Синот на Дара Бубамара минатата година наполни 13 години и веќе е забележително повисок од неговата мајка, која не сака претерано да го експонира во медиумите, иако сака да зборува за него. - Коста е мојот најголем успех во животот. Тој оди во англиско училиште во Белград, зборува англиски, француски и шпански. Сакам што има српски и француски пасош - вели Дара Бубамара, која и по разводот остана во пријателски односи со таткото на Коста, Милан. - Порасна во убаво, добро и воспитно момче, кое не е арогантно, туку скромно. Нема кој да се разгалува. Добар ученик е, тренира - оди на ватерполо и атлетика. Има спортски дух и често ми вели: „Мамо, сакам да успеам поради тебе и тато“. Тој сака да стане познат фудбалер.

View this post on Instagram

A post shared by Dara Bubamara (@darabubamara_official)

Многумина забележаа дека пејачката од Нови Сад во последните години изгледа значително поинаку отколку на почетокот на кариерата, а сака да нагласи дека најмногу работи на позитивна енергија. - Имам ужасна самодоверба. Луѓето ја сакаат мојата добра луда енергија. Коста ми вели: „Мамо, знаеш ли зошто те сакаат? Затоа што вие си една душа“. фото:Инстаграм/Дара Бубамара

Синот на Аца Лукас го покажа наследникот кој наполни точно еден месец (фото)

Слаѓана Атанасова — Tue, 17 Jan 2023 08:43:09 +0000

Синот на Аца Лукас, Лазар Вуксановиќ и неговата сопруга Ана пред еден месец станаа родители за прв пат. Парот доби момче, а синот го крстиле по дедото на Лазар - Вуксан. Лазар сега на својот Инстаграм ја објави првата фотографија од својот наследник кој наполни еден месец. Гордите родители на бебето ставиле Црвена звезда, додека и позадината исто така беше во црвено-бела боја.

View this post on Instagram

A post shared by Лазар Вуксановић (@vuk.lazar)

- Ова е најсреќниот ден во нашиот живот. Мојата сопруга е одлична, се помина добро. Таа е исцрпена, но полека сè се стабилизира. Синот го добил името по неговиот дедо и добил највисоки оценки од докторот. Еве ние славиме во кругот на семејството, а баба по цел ден плаче - изјавил Лазар за „Курир.рс“ кога стана татко. Фото: Принтскрин/Ч.Вукојичиќ